永華麵家 (已結業)

原本的地道小食就是這樣的,其實我在較早的食評已經提過,雲吞麵只是往日廣州的小食,流傳到香港時至今日,有些已經變質,以大哂士來招徠.以前的人都不喜歡吃雜糧來飽肚,要吃米飯,不似現時的人,可以多天不吃飯.雲吞麵只是一些遲睡的人，志在睡前吃點小食，不需太飽．所以份量很少．因此坊間的粉麵店極少．到入夜時十點後，便有流動小販上街叫賣．雲吞麵的基本條件之一是爽口，麵多的話，吃到尾，浸多了湯便不爽，為食家所不取．雲吞也要細，一啖一隻便剛好，散尾可以吸多些湯，更滑．傳統的雲吞麵便是這樣，請不要給坊間的大大大碗麵店先入為主．

叫左雲吞河﹐來到時一看碗野細到離普! 河粉幾條﹐幾啖已經食完。一個女仔都應該係緊緊夠飽。好彩還有時間去第二度食多小小野。千其唔好比佢們口D宣傳相吸引入去。又貴又唔值,無下次.物非所值

慕名永華面家已久，加上看到《香港味道》裏三番四次提起，趁某日到灣仔辦事的中午，跟老公一起去試。老公要云吞面，我要的是水餃面。面質好，條條如銀絲般，煙仞，咬斷後，口腔仍然回響住陣陣麵條的彈性，帶絲絲爽脆的口感，是水準之作，只能說名不虛傳。面是小碗，但老公說著名云吞面家如麥奀記都係甘，相信呢D就係食質唔係食量，對於我來講，好食就值得，大細唔係問題。至於云吞，都幾大粒，餡料中的蝦新鮮彈牙。至於我的水餃，結實香口，餡料豐富入味，頗爲不俗。

某日中午與友人慕名而來, 叫了雲吞麵($25), 從未食過那麼細碗的麵, 一向細食的我都覺得不夠, 而且雲吞太普通, 麵質尚好, 但不算好好食, 可能我碗麵已有上湯, 所以只覺有少許水味.雲吞撈麵($45), 友人叫的, 是碟上, 比我那碗多些麵, 但她食完一啖就說很重水味(因與湯分開上), 她最怕的, 見她很困難才能食完那碟麵.我結論就是太貴太不值, 兼不好食, 只能說無下次.

在下並非什麼大食家﹐也未曾嘗盡天下美食﹐聽過永華既大名多次﹐決定收工後走去一嘗。碗面細碗不提﹐抱住物以稀為貴的心理食正好﹐叫佐個南乳豬手面﹐急不可待地拿起筷子咬了一啖期待已經既面條。…………那股鹼水味十足似染髮水的味道﹐不知是我味蕾吾好﹐還是不懂欣賞﹐那碗面除了ammonina的味道之外我別無其他印象。我希望只是一時失準﹐我希望是我吾識食﹐否則我寧願在電視機中或書中了解永華既美味﹐也不願再親自一試

呢度黎過好多次啦水準好穩定.面又爽又彈牙湯底又香又甜.至於有d人話細碗份量ふ又貴.咁又係真但唔等於d嘢食唔得既有人話好多咪精但人地用瑤柱蝦殼大地魚做湯胆架試真d先啦呢d野無得厄既.唔明白點解將份量同質數掛勾.雲吞係要適中大細先叫正宗唔係好似占仔言十蚊碗好似兵乓波咁大粒叫好野.只份量同平周圍都見到十蚊碗乒乓波麵.

想食得light d, 所以睇左呢度兩個人叫左: 雲吞牛腩麵($35)--雲吞既味精太重,麻麻地,牛腩就夠棯,好入味,麵都好食牛筋腩麵($27)--d牛筋都好棯腩汁生菜($20)--比一般粥麵店既油菜大,d菜仲塊塊都好青綠,好甜口總括黎講,呢度既牛腩同埋麵都幾有水準,不過算細碗,而且價錢好貴0下, 偶然黎過0下口癮就好啦....

我黎係因為同事介紹,佢地講到好好味,即使25蚊一個雲吞麵都係抵,我見佢地講到咁好,梗係試下先!點知...可能希望愈大,失望愈大,真係無佢地講得咁好,無我想像中咁美味囉!粒雲吞又唔係特別大過人,碗麵都係普遍size,至於味道方面,可能係我對雲吞無研究,我又唔覺得特別好味喎,同我平日食開十幾蚊一碗果的都係雷同,但係呢度又鬼咁多人幫個喎!唔係唔好食,但係以呢個價錢,我覺得貴!

馳名雲吞麵係由人手大碌竹壓出, 可能係咁就被廣泛報導啦. 但試過幾次, 都係覺得普通!麵其實都算好食, 鹼水味重, 麵條幾煙, 唔錯. 不過份量就細d lor, 一個女仔都應該係緊緊夠飽. 比起之前食過2間有名雲吞麵講, 算係大碗, 但味道就無咁好, 價錢差唔多! 要好味定係夠飽就真係適隨尊便啦!

經朋友推薦第一次去試﹐已有較一般麵店貴心理準備在沒看餐牌下只點了云吞麵($24)和牛腩麵($26)水準和收費不成正比且不說要命的是店員隨口問要不要油菜我說也好﹐要一碟吧﹐店員阿叔問要蠔油還是要腩汁我選了腩汁﹐來的時見菜上有一點點東西﹐吃下去才知是蝦子﹐小小的一碟收費竟是$28還有收錢的那位大嬸﹐口黑面黑的﹐再也不會去~

$25 for a small portion of noddle and 3 won-tung. But still there're a lot of custmers visiting this shop. I'm one of them because the noodle is still good. I always miss the feeling of chewing it.

30/11/2006很久前和太座食過，但碗麵鹼水味太重，所以一致決定不在我們的雲吞麵名單內。今天太座一個人食午餐決定再比多次機會佢。要紅豆沙和雲吞麵，碗麵鹼水味依然太重，唉！紅豆沙真係幾好味。真是浪費了竹昇麵之名！

收工同同事去食消夜,一人叫左一碗雲吞麵, 廿幾蚊碗.得o個細細碗.聽聞d麵係用咩竹壓出o黎o既, 不過我真係唔覺得有幾好食囉. d麵同普通潮州粉麵檔差唔多.....可能我本身唔太好麵啦.

8 November 2006 (Wed) - 晩飯做完運動走黎食個晚飯，入到去見啲人啲麵咁細碗都知不妙，不過見自己做完運動都係唔好食咁多嘢，會易肥，我都算數啦，而且我個friend又話呢度幾出名，咪入黎試下囉！我同好友叫咗一個雲吞麵同一個醬爆丸麵同一碟菜心，真係好細碗，雲吞好細粒，不過有五粒，要$24，醬爆丸就較大粒，而且味道唔錯，雖然冇醬爆感覺，但係個’咸’好食，只有四大粒，要$23，碟菜心就超貴啦，要$20，但勁少勁細碟，唉．．．不過佢比既茶就好正，唔似得茶餐廳咁咁勁水，又淡色，而係好濃下既茶，係飲得嗰種，而且啲杯又勁乾淨，地方亦算乾淨，所以真係幾好，只係貴啲～～

我是灣仔三十多年老街坊, 以前常常幫襯"雲吞麵", 可惜近五年這間老鋪水準急劇下降, 又貴又細碗, 男士起碼要食兩碗以上. 最大問題是食緊已經口渴, 你話佢d"師傅"幾多呢!