永華麵家 (已結業)

本來去富城,不過見到又入黎試下...bf叫左雲吞撈麵,我就叫左水餃麵,再加碟油菜.bf個雲吞撈麵都算大碟,佢話個湯同雲吞都好好味,不過個麵就爭d...我個水餃麵又細碗,d水餃係幾大粒,不過得個3粒,成$25碗就唔多值.油菜係蝦子蠔油芥蘭,得個幾條要$28碟,好貴姐!有蝦子都係甘話,又唔覺特別好食!!我就覺得唔值,食3樣野成$91!!不過bf就話用料靚過好多其他舖頭.

星期六下午打算試下永華的雲吞麵, 今次是第一次去,入到去覺得環境麻麻. 同女侍應講兩位,但由於無位,佢便叫我地搭,我就話唔駛了.點知其中一位女侍應竟然用粗口鬧我,是否唔撘就要用粗口鬧人?? 極之劣的服務態度!!!!!! 唔想比人用粗口鬧就千萬唔好去了!!!!!

中午經過永華，又想食牛筋撈麵，幸好未到一點鐘，尚有大把位，先上的是湯，可能是肚子餓，覺得很好味，有虾子和虾殼的腥香，很清，味精當然有，郤可接受．麵的份量相當多，與湯麵的份量剛好双倍，牛筋十分淋，又入味，上佳之作，可惜的是麵雖然爽，但真係有梘水味，這是吃廣式麵常見的，不過在永華郤令人失望，標榜竹升麵，好質素，價錢貴，出品要維護傳統，未免自打咀巴，想吃好麵，那裡找？味道本來值五分，要扣兩分？

﹝豬手撈麵系列之六﹞食左早餐至上機，坐左幾個鐘頭機，就只係食左兩杯雪糕，落機後當然第一件事去搵野醫肚。著太座打點行李回家，我在灣仔落車去食麵。話我老土都係咁話，在鬼佬國就算日日大魚大肉，都唔係咁對口味，我記掛的，就只係一碟豬手撈麵。三點來到，人客不少。未坐低已經叫了一碟豬手撈麵，吃著醃蘿蔔，等開餐。這裡的醃蘿蔔太甜，亦不夠爽，也沒有辣椒，如要吃真正好的，請過海去劉森記。先來的「上湯」雖然有蝦子在底，但一渴已知是味精貨，少渴為妙；碟麵有兩個麵餅，夠晒碟頭，餓左成個星期，要食晒佢當然無問題。吩咐阿姐要「多色」，又真係夠晒多。豬手是貨真價實的，三大件，炆得夠腍，皮豐腴肉又夠入味，相當不錯。吃了成個星期不知所謂的鬼佬菜，我是連吃兩件才開始吃麵。這裡的麵是自家打製，人所共知，當然彈牙。但問題在鹼水味非常之濃重，就算撈多點南乳汁也蓋不了，再吃一埋醃蘿蔔也頂不住，越吃越涸喉，吃不到一半，也都放棄了。向收銀的反映，佢話「麵底新打，鹼水未散得切嘛。」，車！鬼唔知咩，我係想知點解咁樣的麵都俾得人食呀！埋單38蚊，貴價錢，就當只吃三件南乳豬手，下次都係要叫清楚才叫麵。個笑面係俾南乳豬手的，個「鹼水」麵，喊到

之前行過,俾門口貼0既介紹吸引,就0係度試0左碗雲吞麵.碗麵係雲吞放底麵放面.雲吞都有几多粒,但唔算大粒,味道唔算特別好食.只屬ok.麵都几爽口彈牙,我浸0左一陣慢慢咁食,都唔會好快淋哂.但係咪非常好食佢又唔算,而用支竹咁壓d麵,麵會唔會好食d我又唔知,因為我覺得羅富記0個d好似仲好食d~哈哈不過,23蚊碗就唔算平囉,比番價錢,我會覺得唔抵食.

見好似係老字號,一日lunch入去試下,叫左個雲吞牛腩撈,加個蠔油芥蘭.叫完先知原黎佢地只有一味蝦子芥蘭,承惠28蚊,老實講,我吾想食蝦子,碟芥蘭夠粗,但吾覺特別好食,覺得吾係好值.碟撈面個汁好淡,幾乎係無咩味,唯有落豉油,牛腩炆得好諗同入味,雲吞細細粒,有好多粒,都幾爽口.最吾掂係面,雖然面身幼細,但鹼水味重到痺,好難入口.埋單73蚊,咁價錢,咁質素,我吾會黎第二次.

一心來呢度試下D雲吞麵，可惜令人失望，湯D味精好重手下，麵又唔夠爽。唯一係雲吞都幾好，而且有齊五粒。不過我覺得都係何洪記好食D，雖然何洪記少一粒雲吞。反而呢度D牛丸好彈牙，真係值得一試。

My friend highly recommended this place to me so I went by and tried it. Very disappointing. I ordered plain egg noodle soup. The noodles are not 彈牙or 爽口at all. It's also flavorless. So unfortunately I have nothing good to say about it and totally think it's overrated, except I do agree with the other review about the free 酸辣蘿蔔. They marinated it really well.

昨日出開灣仔，又唔太餓，唔知食乜好，突然諗起呢度！我叫左碗雲吞麵，唔係好大碗（名副其實細佣），不過都有五粒雲吞。出名麵的永華，麵條果然不俗，口感好之餘又沒有重鹼水味，唔錯！不過雲吞同湯底，個人覺得只是一般貨色，殊不突出，若不是麵條搭夠，$23真要回水啦！

7-6-2005 2115吃罷越華會後，急不及待食甜品，今次去的是賣竹昇麵出曬名的永華麵家，試下該舖另一樣好出名的食品：桑寄生蓮子糖水。差唔多所有食家都係點呢味，我就加隻蛋落去，這樣有助減去桑寄生的苦澀味，不過該日的味稍為淡左一些，我個人來說比較喜歡濃味，或者係屋企飲慣左掛！蓮子就好大粒，浸係糖水一陣都唔會淋，兼鬆化，雖稍貴，都值得一試。

OT again on Wednesday, and we went to 永華for a quick dinner.1.雲吞麵:8分, I am not a 雲吞麵lover, but this is indeed quite delicious, 不重鹼水味的竹昇麵, worth a try.2.桑寄生旦茶:7分, nice traditional-styled dessert.

我同我男友叫左一個蝦子雲吞撈麵($45), 一個雲吞撈麵($38), 唔知咩解究d麵好苦, 充滿梘水味, 蝦子遠比麥文記差... 好失望, 唔知係我地叫撈麵出問題呀, 定間野真係咁差... 仲要咁貴...

今日去開灣仔,聽講呢間d竹升麵好得走去試下.我四個人叫雲吞麵,冬菇伊麵和雞蛋茶.雲吞麵d水唔係好重,麵好彈牙爽口,雲吞就一般;冬菇伊麵亦只係一般;雞蛋茶就幾好幾夠味,不過加蓮子要多8蚊就唔多抵.面酸辣蘿蔔就真係好好食.整體ok,不過價錢一d都唔平,試過一次就夠啦!

試左碗雲吞麵,我女朋友食牛筋麵,雲吞麵唔錯有五粒,幾好食餡十分鮮味,牛筋麵就一般,可能佢地唔係重點sell牛,麵就好正,無鹼水味,彈牙,唔同一般咁難咬....

中午不太餓,來這老店整碗細蓉.$23一碗,份量很少,胃口稍大的男士打孖上都食不飽.最好是,很彈牙;湯也不重鹼水味,不知怎的其中一只雲吞還破了,大打節扣...還是麥奀記好一點...桌上的酸蘿白很夠味,又酸又辣,在炎夏好醒胃.$14 一碗的陳皮豆沙其實很好味,有香豆味而沒有人工的甜味.只是實在太稀,有水無沙,更加無豆,有些失望.