極尚大瀛喜日本料理

營業中

休息中

由於住係元朗，突然想食放題首選都係呢間。但今次再幫襯發覺質素好似冇以前咁好食lu。特別係吞拿魚叫左幾轉都有筋，雖然上菜速度都係好快，但熱食方面好似相對失色左，希望之後佢會有改善啦。繼續期待

平日與朋友去元朗shopping，中午係呢一間食店享受放題，因為有三個小時任食，真係可以慢慢嘆！刺身非常新鮮，食過咁多間放題，呢間算幾好！蟹棒天婦羅好正，呢個必食！芝麻炸雞翼味道OK；黃金蝦十分惹味！整體來說食物質素不俗！

平日去食 刺身夠新鮮(4/5)👍👍👍👍壽司方面 感覺比較乾（3/5）👍👍👍大部份職員服務態度良好(4/5)👍👍👍👍炸物(大部份好，除咗部份太窿4/5 👍👍👍👍熱食部份 真係夠熱（5/5）👍👍👍👍👍飲品選擇方面（3/5）👍👍👍總評分但睇返價錢 感覺性價比係好高了（4/5）期待下次再去😍😍😍🤤

壽星公想食Buffet，阿仔想食日本菜，惟有食放題滿足大家要求。極尚大瀛喜响疫情前食過一次，今次再食當然感覺唔同哂，可能限聚令關係，雖然人多但係都有足夠空間走動，飲品多選擇。壽司同手捲夠精緻，係正常嘅⅔，食多兩件都唔怕濟。刺身盤夠仙氣，刺身盤加上乾冰營造氣氛影相一流，刺身新鮮，吞拿魚差少少(可能咁啱切到我嗰份有筋)。炸物都唔錯，乾身唔會油淋淋。鍋物牛肉鍋同雞粥都好食，粥有驚喜，好夠綿，可惜食到尾聲已經好飽，想encore都唔得。

早前身體關係要介口一陣子，近日終於放監，緊係要去食放題食返夠本啦！今日就去左元朗極尚大瀛喜嘆下我最鐘意嘅蝦刺身..對上一次來應該兩年前了，好期待食佢嘅蟹粥，點知蟹粥改左雞粥，沒有興趣所以無叫，有點失望，感覺上刺身同其他食物款式好似少了選擇，味道都保持水準，刺身新鮮嘅，熟食個人最喜歡雞翼，翻單左一次，甜品普普通通啦，驚喜位係有沖繩海鹽雪糕，好奇試一試，一打開原來係藍色，食落一啲都唔甜，帶有啲啲咸味，臨走想再食多一杯點知已經清晒，無緣再食，唯有下一次啦

會員生日午餐放題半價，所以每年一定最少去食一次。🤪星期六都幾多人，冇訂位嗰邊都有人等位，最鍾意呢度落單用Apps，方便又唔多會漏單，食物水準保持，自助飲品選擇多，甜品雪糕都好多款，自助咖啡都多款。食物久不及都有少少唔同，今次麻辣牛𦟌（好似新加）好好食，花膠一定要叫，大大件又好味，今次個燒牛脷好有水準，出邊好多都會韌，佢呢個冇呢個問題好好食，整體全部都幾好食，比較差嘅係燒菠蘿，冇乜味道。服務員態度都好好，執枱好快。😊

很久之前食過一次，印象中是好味的，於是再試～這次覺得食物質素好像差了。。肉類整體都偏咸🥺🥺有些咸到食少少。。已經唔係好想食🥺但唯一一樣讚的，食物種類都多，蠻多選擇的😂😂 .食物未到。。在出面拎蝦，醉雞翼，同炸雞粒食～反而出面拎呢幾款，味道好味～ 由其炸雞粒～蝦都好新鮮🦐🦐👍🏻👍🏻👍🏻.之後叫燒雞翼。。鰻魚。。都偏咸😂😂.牛柳粒唔得🥲🥲🥲 好咸整到🥺.雞軟骨串不錯.終於來了的炸椰汁球😂😂😂.甜品。。。只有綠色葉的好味。。其他都麻麻地😂😂.最後只是簡單的裝了幾粒軟糖。。哈哈。。。不錯，感覺蠻歡樂🤣🤣

本身10月6號book左1730-1930食日式放題，去開元朗，唸住去YOHO試下呢間啦！甘當日我地早做到，大概1705,就問門口個哥仔可吾可以早d開始，我就跟手話如果未得，我地就行過圈1730先返黎啦，跟住佢就睇下本appointment book話OK，但係就話只係可以食到1900，我就話依家只係1710度，又話食兩個鐘，跟住個哥仔就話係呀，到1900喳，甘我就話是但啦，橫掂我地都食吾倒甘耐，就照入啦，一坐底當然就即刻點野食啦，由魚生壽司開始點，跟住唸住叫d熟野例如飯同烏冬甘比老人家食，一路睇落，竟然無，甘算啦！跟住就照樣落單，就去自助吧攞d熟食同湯比老人家啦！魚生壽司都好快到，呢樣係值得讚既，但係一食落去，d質數真係差到無人有，d魚生超細件同勁乾，仲要無魚味，無鮮味，都要照食啦！食完d吉蝶未收又有新野到喇，已經無位擺，就示意個一路唱住歌戴耳環傳菜既哥仔放落d吉蝶度啦！跟住佢好型甘企系度望住我繼續唱歌，繼續揸住蝶野企系度，跟住我話算喇，你比我啦，甘跟住就比我然後就繼續唱住歌甘走啦！甘算啦！食度大概1800度就有條女擺低張單話要埋單就行左去，我當然無理佢啦，跟住2分鐘後返黎就收左張單

元朗冇乜日式放題，自從大瀛喜殺入Yoho mall,成日路過都見好多人等位，響元朗開左成三年等我試吓有無變差左。我最鍾意食串燒同炸南瓜同埋蕃薯仔，其他壽司、剌身、甜品、小食都可以接受。飲品好多選擇，可樂、維他、道茶解茶，仲有我至愛涼粉爽添☺️連啤酒都嘉仕伯同獅威，唔係哈爾濱都算佢有誠意！120分鐘放題，第一轉一窩蜂叫曬所有野食是常識🤣，之後第二轉開始減速，第三轉開始漏單，然後叫你埋單，到你追單，最後已經要截單😂放題要講食力，我冇年青人甘有食力，唔可以再食N轉，呢度嘢食都叫夠多款，實際得90分鐘落單，食埋時間啱啱好。

疫情下已差不多兩年沒有跟同事聚餐暢飲聊天吹水。難得近日清零數字，限聚令放寬到6人，再加上慶祝有同事轉馬房，值得慶祝，咁就齊齊放題吃到飽。日色放題吃得多，對這間店不存太大希望，總之能吃到飽已滿足。驚喜倒有少少的。場地座位算濶落，起初侍應安排一張擺明是4人扮6人的卡位比我地，食碟頭飯就可能夠坐！少少詐型就換返張散座拼埋的座位，當堂夠位，起碼兩邊都出入到嘛！招呼合格啦！清枱速度算快，少少甩單難勉。食物方面，刺身都夠新鮮的，擺盤賣相合格。熱盤推介羊架，嫩肉少少騷味，這才是羊架應有味道；我們每人吃了三件，連同三大盤刺身，算回本啦！炸物表現都吾差。總結論品質，會再幫襯的。在此，順祝一位高大威猛的同事過檔馬房，開心迎接新挑戰。另一位榮休老馬，亦祝願順利轉抄散永不言休。而我？願無風無險，做到夠鐘閃。

首次由市區入元朗食放題，(因聽說友人介紹，說不錯地方 ，還要食3個小時， 可慢慢進食 ，非常難得，現時下還有。當日11點45分到，已見兩條人龍，(好在事前至電訂位)，可優先排短龍，還安排優先進入 ，無訂位排條長龍(等之前電話訂入坐先)。坐位舒適+地方大， 食物尚可， 最難得忙碌下還有好服務員， 很收收碟，還主動換碟子， 服務員已做到無停手 ，食物是用手機網上下單， 入單後很快到， 難得足本3個小時(時下放題已絕無僅有)，食到最後 ，服務員還會主動問 ，有無留單(自已也忘記了)還幫助問廚房跟進， 所以這餐非常滿意👍

由於前一晚先確定去食呢間放題，見好多like應該都唔錯，係冇預早訂位情況下，我地係星期六兩大一小11:45am到達門口排隊，未有職員係門口，我地排係未訂位條隊，跟住見12點左右門口已訂位條隊愈黎愈多人，排隊入座，我地就擔心會唔會冇位比未預訂既人呢？我到12:15走去問前台個女仔有冇未訂位名額，見佢好忙，連停一停回應我一句時間都冇，我心入邊有點嬲，走返去排隊過多十分鐘，我再去問，見訂位人都入晒去，前台女仔終於識答我有好大機會有位，有人取消枱。最後12:30終於到未訂位客人，安排我地坐最入，果然係靚位，裡面好似雪櫃咁凍我聽到有隔離枱人都話好鬼凍！大家一路都凍住食，對於食物質素係感到失望，除左個雞粥、鰻魚同刺身ok外，其他野係冇興趣再叫多轉，食物相都冇乜影到，唔夠兩個鐘我地就想走。真係冇下次，連我朋友食過都話食物質素、員工態度都唔掂囉認真晒錢！不推介！

如果食日式放題就一定要推薦呢一間大灜喜放題啦！開咗咁多年都仍然可以keep住高質嘅水準呢樣嘢真係好難得👍餐廳地點方面10分方便，再落喺yoho 元朗,啱啱喺元朗西鐵站一落車行5分鐘就會到價錢方面二百幾蚊食咁樣嘅質素日本放題簡直係性價比超高刺身拼盤就一定係極力推介嘅👍因為佢哋嘅刺身真係10分高質素同埋新鮮👍呢樣野值得讚嘅因為咁多年來都keep住個水準好啦到佢哋啲壽司啦，雖然係任食放題但係壽司嘅質素一定唔會比好多日本料理嘅質素差，同埋種類都好多選擇最緊要係每樣壽司都細細件唔使擔心會浪費你哋嘅胃熟食方便啦我個人就好鍾意食呢度嘅鹽燒牛舌，每次我一個人都起碼可以食到六串仲有呢度都有燉花膠大家可以補補啲骨膠原❤️

難得放假，特登帶屋企人試吓食極尚大瀛喜～極尚大瀛喜嘅放題選擇相對都比較多除咗有一啲熱食例如花膠、雞粥之外，唔少得無限魚生刺身同埋炸既天婦羅同埋榴連炸彈等等。最欣賞既係佢既特色卷物，例如係黑松露炙燒帶子壽司，都真係encore左幾件。原本以為佢熱食冇咩特別，點知佢既雞粥又真係夠熱得尼幾香，雖然都重味精，但真係惹味到可以食兩大碗。放題尼講，服務都算唔錯，佢refill 食物既速度算係唔錯，同埋喺過程中佢都係咁收野，服務ok!如果有慶祝，都可以帶屋企人一試～

極尚大瀛喜應該好多人都食過，觀塘、銅鑼灣、元朗都有分店，同一集團下仲有幾間做放題既餐廳，lunch time去加埋一都唔洗220蚊一個人，可以任食三個鐘，真係幾抵食👍出面有自助吧，另外刺身壽司等等大部分既野食都係手機落單。不過個人覺得自助吧啲嘢食就唔係好啱食，有啲泡菜、沙律菜、雞翼、薯條、葡撻咁，望落去唔係太吸引，所以我都淨係攞左好少野，主要都係食翻手機落單啲嘢事。不過呢度既飲品就有好多款，除左唔同既紙包飲品、罐裝飲品之外，仲有熱飲櫃、咖啡機同埋果汁！甜品都多選擇，例如有木糠布丁、抹茶奶凍、泡芙、牛奶布丁等等。不過最吸引我既都係佢既雪糕櫃😍啲雪糕雪條好正！特別係有隻ekselence既雪條超好食！佢隻brownies味朱古力味極濃，而且唔會太甜，超推薦！  黎到既時候都好多人。平日12點，好快就坐滿曬人，所以黎食我諗真係點都book定位好啲。  午市放題（$198）（另有加一收費）  有幾樣嘢係特別推薦食既👍  1⃣️各類刺身 夠曬新鮮同埋種類算多！而且上菜速度都算快，冇漏單既情況。  2⃣️椰汁流心球 未見過呢款嘢事所以叫黎試下，一咬落去即刻有啲椰汁流出流🤤  3⃣️鹽燒牛舌 基本上食親放題我都