極尚大瀛喜日本料理

營業中

休息中

壽星公想食Buffet，阿仔想食日本菜，惟有食放題滿足大家要求。極尚大瀛喜响疫情前食過一次，今次再食當然感覺唔同哂，可能限聚令關係，雖然人多但係都有足夠空間走動，飲品多選擇。壽司同手捲夠精緻，係正常嘅⅔，食多兩件都唔怕濟。刺身盤夠仙氣，刺身盤加上乾冰營造氣氛影相一流，刺身新鮮，吞拿魚差少少(可能咁啱切到我嗰份有筋)。炸物都唔錯，乾身唔會油淋淋。鍋物牛肉鍋同雞粥都好食，粥有驚喜，好夠綿，可惜食到尾聲已經好飽，想encore都唔得。