極尚大瀛喜日本料理

營業中

休息中

好一段時間無食過放題。但因為母親節未慶祝，而阿爸阿媽原來未食過放題，所以今晚就去左Yoho mall的極尚大瀛喜。雖然有限聚令，但五人被安排坐一起，在卡位隔塊板，其實有啲窄，不過親密一點好溝通。極尚大瀛喜有以下優點：1. 性價比高：5:30-7:30pm 加埋一都只係$220/位。如果比較大食,平時在元氣、壽司郎單點都差不多價錢。2. 地理位置好：西鐵直達，大商場入面。老人家也很容易到達。3. 食物好味新鮮，出得快。最愛吃甜蝦，鮮甜大隻。壽司卷物熟食湯甜品水果應有盡有。4. 乾淨衛生：在大商場入面比地鋪樓上鋪乾淨企理。極力推介比住大西北的朋友，記得提早1-2星期訂座。適合老人、小朋友、一家大小歡聚。不適合減肥人士。

呢間都算係數一數二地方,環境好,唔會手臂撞到手臂既放題之一裝修華麗,入面仲要係勁多位,基本上係FULL晒. 出餐食物快 熱 新鮮 成日都會執台 幫你倒垃圾多人食 食物去得快 自然好. 熱食係中等質素 選擇唔算好多 味道唔係話好出色刺身係中等偏高  好食 夠凍 新鮮壽司係高分既~好食甜品好差飲品滿分 好多選擇***但留意番呀唔該,出餐執台都係同一對手套......***8點前埋單238+1一品料理惹味小炒魷魚翼 呢個幾好食 陣味係好大排檔FEEL黃金蝦 無咸蛋味呀 但蝦好爽口 唔會痴殼 但朋友食第二轉時話好新鮮 岩先炸起好重咸蛋味馬拉盞炒京椰菜 無影到呀 但係好好食 好濃味 朋友好鍾意 我自己鍾意清炒 就一般般 但汁係幾好串燒鹽燒牛舌 厚肉又爽口 唔會好UN 都幾淋身 唔會咬唔開燒帶子 NONONO 唔洗叫呀 唔好食 咬落好實的的 煮過頭啦 燒菠蘿  > 好食 多汁 呢個item係不死既醬汁炒牛柳粒 又係好好食 個汁惹味 但牛就切太碎啦 碎濕濕煮物雪花牛肉鍋 個煲好滾 所以上面生肥牛可以按自己喜歡整番熟 而家呢個時勢 就建議熟先好食啦個底係壽喜燒汁 偏甜既 入面娃娃菜好食 索晒D

小朋友生日想食buffet,但放學都成12點幾。甘就近近地簡左極尚大瀛喜放題。放題時間12點至3點，我1點去到，2個鐘都夠，真係食得5多，但小朋友想去，無計。環境大致上同其他差不多，野食方面，刺身種類5多，得個幾樣，之前睇其他人食評見有劍魚腩，但無，而且三文魚，吞拿魚都麻麻地，無口感。寿司🍣，熟食的種類還可以，特別係榴連芝士波，椰汁芝士波我都覺得幾好食。野飲方面都算可以，特別係有apple cider 。甜品方面我就無掂過，因為真係5吸引，雪糕都係普通嘅。總括然而，以甘的價錢又就腳算係甘，但可一不可再。

同男朋友講好左邀請我嘅閨蜜＆佢男友食飯閨蜜話想食日本嘢，所以我哋就揀咗大瀛喜食晚市放題，好彩一早book定位如果唔係唔方有位坐因為一去到見到勁多人等緊位……唔係講笑真係超誇張，呢家嘢長期迫爆人再加上係星期日，所以特別多人我哋都等咗成十幾分鐘先有位坐餓咗咁耐就係為咗等呢一餐所以留定個肚準備狂食刺身，哈哈燒蠔 就好有驚喜，因為我不嬲唔食蠔嘅我唔鍾意嗰種滑潺潺嘅口感不過唔同煮法嘅蠔，有唔同嘅感覺呢隻燒蠔就好啱我啦，又香又爽口上面鋪滿曬燒香咗嘅蒜蓉，好多汁好正天婦羅炸物、炸紫薯都一流，啱啱炸出嚟 勁香口勁脆卜卜，食落口仲係熱辣辣㗎搞到我辣到條脷囉呢啲餐前開胃小食，出去夾返黎的 就不過不失，普普通通咁不過味道都唔錯嘅，啲青口好大件賣相一流 中華沙律＆螺肉，酸味味咁好開胃花膠就好大件嘅，不過食落去好腍好滑潺潺用筷子夾都夾唔到，可能因為煮得太腍嘅關係口感上冇咁爽口，味道我覺得就麻麻地呢個就有啲失望喇，至於碗燒和牛粒 就好有驚喜，細細粒，望落去好普通咁不過真係好好食，用黎送啤酒一流可惜我地唔飲啤酒啦～壽司我哋嗌咗一人一件所以每種壽司都有四件雖然唔算得上好新鮮，不過勝在夠細件易入口，細細粒咁食完唔會話好

午市放題3小時好正，食物質素高，放題黎講環境好好，算鬆動。雖然唔係住果頭，都一定會再去。唯美中不足係防疫意識不足，雖然欣賞佢地勤換碟，但同我地換碟時見佢捧住個tray入面有人地用過既碟同乾淨碟擺埋一齊，都唔知換俾我隻碟有冇掂到人地用過果隻，所以後來叫佢唔駛換。不過都係避無可避，送餐果時都一樣，擺放我地order既食物個tray同時擺放左人地用過既碟，一邊上菜一邊幫我地收碟。我明白，冇疫情既情況下，呢個安排係efficient 既，唔係實有客投訴收碟慢，成枱都係等等。但同一個人，同一隻手，同時處理乾淨污糟碟，呢個時勢冇爆疫真係好彩。

在形點交通很方便，和朋友聚餐也是個不錯的選擇，刺身類比較抵食，點了超多三文魚和甜蝦，都幾新鮮好食😋，金槍魚個人就麻麻地啦，雞翅都OK，還有甜品湯可以自己去自取，也比較多選擇

放寛限聚，約左朋友元朗食飯,想食放題,但元朗放題選擇不多，所以去左yoho極上大瀛喜.首先，讚既係服務同環境，冇漏過單，上菜都快，地方寬敞，坐得舒服,店舖裝修都好新;但食物方面，其實味道唔係差， 但唔喺尖沙咀中環嗰啲優質放題水平，但只係好過旺角嗰啲劣食放題，而且重点選擇不多，如果你中意食粉麵飯,唔好意思，佢只係得一個清湯烏東，冇拉面冇炒飯,雪糕選擇又得幾種，而且喺未見過嘅雪糕品牌，寫中文字一定唔喺外國黎，但不太吸引。平心而論，呢家野係元朗算ok,但一定唔喺為左食佢專登入元朗。

呢日即興食放題 竟然都有位 中午其實好抵食 仲好多野食添 太耐無食 原來而家放題係用電話order 好方便總括嚟講 上菜速度快&準 乾淨 食物水準都一直保持咁好 講下今日食左乜先開頭當然食刺身啦 每樣一兩片 唔食得多 但樣樣都好新鮮👍🏼 壽司都叫唔少 最正係舊飯暖暖地 個飯係好食架！而且唔會好大舊飯 可以試多好多唔同款 天婦羅都係必叫 但唔可以叫得多 因為真係會好飽 全部熱辣辣 燒物都係 我地一致認為最好食既係芝麻雞翼 我地有encore! 以上既野重複一round 最後叫多個瑤柱雞粥 劃上完美句號👍🏼 其實個粥都好好味 本身仲想叫個牛鍋 但食唔到了 飽飽 中午呢個價錢 絕對唔失望 正👏🏼

上社交平台睇，知道元朗店既放題款式係上年十月有update，間唔中轉下菜式都唔錯。價錢同之前一樣，星期六、日每位$208加一，12點至3點。雖然有得walk in，都係事先訂枱最穩陣。(最近六點後無堂食，所以餐廳好似加左六點前既放題時段，可以打去問下)刺身、壽司、鰻魚、芝麻雞翼等等都保持水準。侍應收碟速度仍然好迅速。食放題好鐘意將刺身疊上壽司一齊食，更加滿足。芝士蒜蓉包：好脆，要趁熱食。不過都係建議留肚食其他椰汁流心球：無左紫心香芋丸，換左椰汁流心球，口感煙韌，中間有流心椰汁，唔錯墨魚餅：蘸泰式辣醬食唔錯炸雞軟骨粒：趁熱食，好脆好香口，凍左唔好食花雕醉雞翼：凍食，帶有少少酒味，喜好：芝麻雞翼>花雕醉雞翼>土匪雞翼黃金蝦：鹹蛋黃味好味，比燒海蝦好食清酒煮蜆：麻麻地惹味小炒魷魚翼：魷魚厚實，有趙口，唔會好韌，好食土匪雞翼：比較乾身，鐘意三X既調味多d燒貝柱帶子：味道比較寡，麻麻，無芝士焗帶子咁吸引比目魚：甜甜地，口感唔錯，幾好食蒜蓉焗蠔：我地都麻麻地尼款口味，覺得唔係好夾，都係鐘意芝士沙律醬焗蠔多d飲品＆甜品價錢與質素相符，放題不錯的選擇。

我經常來這間元朗店，平均一星期一次，每次都會提早訂位因為真係比較多人排隊，我比較中意中午時間來食，由12:00食到15:003個鐘頭飽到行唔郁😬價錢又抵食乾淨衛生，只係飲品選擇比較少，終於有新款食物了，起碼有十種新口味，味道方面唔錯，服務員態度非常好，食物來得好快，👍繼續支持😬

全日忘記食野，應該都肚餓，所以揀左放題，6:00pm Walk in都有位$220/位，7:30pm還枱。大部分食物都okay, 刺身都算新鮮，墨魚刺身幾好，但三文魚腩壽司，唔係好似腩位。。 牛油果軟殼蟹卷d炸粉落得太多，而且生既，係咬唔到要吐出，有d失望，其他食物例如人參雞湯都幾濃人參味，椰汁燕窩好水好甜，可以唔洗試，西京燒魚唔錯，鰻魚都幾好，牛油粟米好香甜幾好味，燒菠蘿好香甜好味，青口麻麻地，清酒煮蜆都okay, 天婦羅炸得有d油，而且冇跟天婦羅汁同白蘿蔔蓉，差左d野咁，炸蝦餅麻麻地，炸椰汁同榴槤波波可以唔洗試，甜品，葡撻都可以唔洗試，有椰青水自己斟，都唔錯，如果有清酒梅酒會更好。當日比較忙，刺身同後加都要等多陣先有。埋單後，拎埋袋去拎甜品，返黎已執好枱，哈哈，好快手好有效率。整體用餐體驗都唔錯，但一如既往，元朗店比起旺角店係差d.

放題店鋪選擇很多從唔知幾多年前開始其實每間放題質素都差不多加上餐廳名字前面有極尚兩個字的話通常質素都有一定的保證因為慶祝朋友生日 特登遠到去到元朗值得讚賞的是無漏單你點的數量通常都會比足值得一讚炸物都新鮮滾熱辣

呢間長期都full booking，如果要book weekend黎食，起碼早一兩星期book先有位個人極欣賞佢嘅刺身同壽司刺身款式多而且好新鮮！啲蝦大大隻！而海膽手卷都出色，海膽色澤金黃食落係鮮甜唔會苦，入口即溶而且飯嘅比例唔多，細細細件食多啲都唔會頂胃！壽司款式亦都多選擇，賣相唔會hea你送黎果陣除左有舊壽司瞓低左之外個賣相絕對唔似食緊放題，似去左單點場咁個人仲幾欣賞佢嘅饅魚玉子😍唔記得影相，但真係好好食

7點半入座，付的是268/位任選2小時，點知8點半已經last order，9點仲要交台，明明是應該到9點半，居然提前半個鐘，這樣做生意真的太唔誠實。當時都已經食飽，沒有理論，不會再有下次。刺身上得快，不會像其他放題那樣上少好多，這點值得肯定，but吞拿魚好似加咗橡筋咁，好難食。三文魚不過不失，如果為了刺身的話寧願去壽司店，新鮮好多。甜品吃了一個，好像是藍莓，味道還可以。雪糕是牛奶公司和雀巢。之前已經見到人地話差，都想試試，結論不再去。

Family day行完三個幾鐘頭街，4:30pm突然間覺得好肚餓...原來唔記得咗食lunch🤣！於是即刻諗起要食「大瀛喜」。諗住打電話去book位，點不知5:00同5:30嗰埸都full左！😭😭平時唔會等位食嘢嘅我哋，就去搏一搏Walk in，點不知又比我哋咁好彩有位，可惜用餐時間只得一個半鐘！不過因為太肚餓，所以就坐低咗！由於嚟過太多次嘅原故，所以已經識背晒成個Menu，點餐時間唔駛1分鐘就點晒平時想食嘅刺身同埋壽司！呢度嘅好處係上菜超快，啱晒超級肚餓嘅我哋！刺身同以往一樣都係新鮮，但係我最鍾意食嘅紅蝦同埋劍魚腩已經消失咗好多個世紀，好彩仲有海膽同埋三文魚籽迷你手卷補數。其他熱食不過不失，每次我同個女都要食返個蟹粥先走...點不知佢放上枱嘅居然係雞粥...😭原來因為疫情關係我已經四五個月冇黎食過，原來蟹粥又已經絕佐種啦！最慘嘅係連榴槤雪條都冇埋...好失望呀！