影片
更多
2021-07-11
143 瀏覽
次次黎親楚撚記都多人到食唔到，所以今日決定推前晚飯時間去避開最多人嘅時段，為求一試楚撚記，做好安心出行同埋量體溫就安排入座，餐廳環境有着一貫大排檔嘅風味，播住懷舊嘅歌曲，彷彿返返去七八十年代。一睇菜單有味餸叫黃金椒鹽粟米，真係聽都未聽過，見幾新穎所以想試下。粟米嘅鹹蛋黃味好濃郁，有些少遮蓋左椒鹽嘅香味，但亦不減呢味菜嘅風味，因為粟米嘅清甜中和左鹹蛋黃味嘅濃郁，令到成道菜唔會太過膩，做前菜小食一流！之後叫左個菠蘿拔絲咕嚕肉（梅頭），成道菜嘅賣相好靚，一上枱就忍唔住先試咗個拔絲，口感有啲似食焦糖，但呢個唔係重點，重點係啲咕嚕肉，首先佢哋寫明係用梅頭肉，所以啲咕嚕肉冇咁多肉筋，咬落口會比較爽口，而且外層炸得好香脆，口感層次豐富，再加上芡汁濃郁，緊緊咁痴住每一舊咕嚕肉，呢碟應該係我食過最好食嘅菠蘿咕嚕肉！仲有不得不叫既餸就係楚撚記小炒王，呢個小炒王嘅材料真係十分充足，主角韭菜花唔老爽口唔會超渣，仲有好多其他配料，例如炸白飯魚、腰果、蝦、蝦干、叉燒等等，成道菜鑊氣十足唔會起水，真係超級好食！！！舊時成日聽阿爸講以前剩係得豬油撈飯就當晚飯，所以我都想試下🤣。首先佢嘅豬油同埋豉油會另上，食客可以自行
一睇菜單有味餸叫黃金椒鹽粟米，真係聽都未聽過，見幾新穎所以想試下。粟米嘅鹹蛋黃味好濃郁，有些少遮蓋左椒鹽嘅香味，但亦不減呢味菜嘅風味，因為粟米嘅清甜中和左鹹蛋黃味嘅濃郁，令到成道菜唔會太過膩，做前菜小食一流！
之後叫左個菠蘿拔絲咕嚕肉（梅頭），成道菜嘅賣相好靚，一上枱就忍唔住先試咗個拔絲，口感有啲似食焦糖，但呢個唔係重點，重點係啲咕嚕肉，首先佢哋寫明係用梅頭肉，所以啲咕嚕肉冇咁多肉筋，咬落口會比較爽口，而且外層炸得好香脆，口感層次豐富，再加上芡汁濃郁，緊緊咁痴住每一舊咕嚕肉，呢碟應該係我食過最好食嘅菠蘿咕嚕肉！
仲有不得不叫既餸就係楚撚記小炒王，呢個小炒王嘅材料真係十分充足，主角韭菜花唔老爽口唔會超渣，仲有好多其他配料，例如炸白飯魚、腰果、蝦、蝦干、叉燒等等，成道菜鑊氣十足唔會起水，真係超級好食！！！
舊時成日聽阿爸講以前剩係得豬油撈飯就當晚飯，所以我都想試下🤣。首先佢嘅豬油同埋豉油會另上，食客可以自行調配適合自己嘅味道，再者佢仲會跟埋香蔥芫荽，豬油撈飯食落真係好邪惡，但味道真係好吸引，加咗香蔥芫荽可以令豬油撈飯無咁膩，就咁空口食飯食飽應該都唔成問題！
張貼
