影片
更多
2021-07-03
2699 瀏覽
荃灣開左楚撚記, 一直都聽到好多朋友講好好味, 但每次經過都好多人排隊無奈放棄.為左同朋友慶祝生日, 所以預早訂位頭場入坐.個場好大, 可以坐到好多人, 不過而家係4人一枱, 所以感覺寬闊D.小菜款式花多眼亂, 樣樣都想食, 仲有荃灣限定菜式.先要個香煎黑松露手打蓮藕墨魚餅, 餅面煎到金黃色, 唔會過燶, 又唔會太油, 帶點脆香. 入面有一粒粒既墨魚粒, 蓮藕粒, 食落特別爽口. 仲有淡淡既黑松露香味, 齒頰留香. 係一個好野味既頭盤.仲有係朋友必點既金沙黃金白飯魚, 每條白飯魚都充滿咸蛋黃既金沙, 咸蛋黃味夠晒濃, 外面微脆唔油膩, 愛好咸蛋黃必選.最後要多個菠蘿拔絲咕嚕肉, 雖然呢個餸係好普通既野, 但就唔係度度整得好食. 呢度既咕嚕肉唔會炸得太硬, 帶點脆口. 個汁唔酸帶甜, 所以好易入口. 因為係用梅頭肉, 所以無骨啖啖都係肉感, 大人細路都啱食.甜品要左荃灣限定既黑金流沙奶黃壽桃, 係即蒸出爐, 所以個皮好鬆軟, 入面既奶黃非常流沙, 唔會太甜, 好滿足.
為左同朋友慶祝生日, 所以預早訂位頭場入坐.
個場好大, 可以坐到好多人, 不過而家係4人一枱, 所以感覺寬闊D.
小菜款式花多眼亂, 樣樣都想食, 仲有荃灣限定菜式.
先要個香煎黑松露手打蓮藕墨魚餅, 餅面煎到金黃色, 唔會過燶, 又唔會太油, 帶點脆香. 入面有一粒粒既墨魚粒, 蓮藕粒, 食落特別爽口.
仲有淡淡既黑松露香味, 齒頰留香. 係一個好野味既頭盤.
仲有係朋友必點既金沙黃金白飯魚, 每條白飯魚都充滿咸蛋黃既金沙, 咸蛋黃味夠晒濃, 外面微脆唔油膩, 愛好咸蛋黃必選.
最後要多個菠蘿拔絲咕嚕肉, 雖然呢個餸係好普通既野, 但就唔係度度整得好食. 呢度既咕嚕肉唔會炸得太硬, 帶點脆口. 個汁唔酸帶甜, 所以好易入口.
因為係用梅頭肉, 所以無骨啖啖都係肉感, 大人細路都啱食.
甜品要左荃灣限定既黑金流沙奶黃壽桃, 係即蒸出爐, 所以個皮好鬆軟, 入面既奶黃非常流沙, 唔會太甜, 好滿足.
張貼
