晴空日本料理

營業中

休息中

這間餐廳近排時常見到他的蹤影，於是約了朋友lunch時間來試試！餐廳天花板上有多盞白雲燈，好靚呀！Lunch時段他們有提供lunch set，款式都幾多！每個set都附有沙律、茶碗蒸、味噌湯和甜品！炙燒魚生丼，這個魚生丼用上三文魚、吞拿魚腩、左口魚邊、帆立貝、鰻魚和銀鱈魚製成，全部魚塊都有稍稍燒過，更能迫出魚的鮮味，而且塊塊都好厚切，十分美味！飯還拌入了蛋絲、蟹柳、紫菜、冬菇等材料，不用下豉油都已經很好吃！晴空特選刺身丼，這個刺身丼用上牡丹蝦、海膽、三文魚、拖羅、左口魚邊、鰻魚、油甘魚、吞拿魚腩等13款刺身製成，魚肉刺身款款新鮮，海膽味道鮮甜，牡丹蝦爽甜，還有稍稍燒過的鰻魚和左口魚邊，非常惹味！

《晴空日本料理》無錯又係omakase😂 今次就同朋友去左尖沙咀既呢間日本餐廳🤤 餐廳環境好舒適！有bar 枱位～ 佢地既晚市omakase 分別有「晴」$880 / 「空」$1180～ 另外仲有丼飯、壽司拼盤、小食等～ 🍭「晴，HARE」$880前菜：-磯燒鮑魚配鮑魚乾醬開初以為係蟹膏！真係好似～ 聽店員介紹先知係鮑魚乾醬！唔太鹹，同磯燒鮑魚好夾！-間八魚/北海道白象拔蚌間八魚即係油甘魚，切到好薄身，中間包住新鮮既紫菜，再配上酸汁，點蔥一齊食真係好正！白象拔蚌好鮮甜有咬口，同樣好食～-煙燻鯖魚/拖羅上面鋪上咗啲炸蔥絲，食落好香口鮮甜！拖羅真係超正😂 佢外面燒到熟熟地，用紫菜包住食～ 啲油脂🤤 上面有wasabi漬物，仲有啲岩鹽，就咁食唔駛點豉油都好夠味！-汁煮吞拿魚面頰咁樣既食法係第一次食，而且好少可食吞拿魚面頰～ 有少少似壽喜燒咁😂 啲醬汁甜甜地，幾特別～ 壽司：包括有拖羅，深海池魚，真鯛， 梭子魚 ，牡丹蝦，海膽～ 最愛當然係拖羅，超級肥美！深海池魚同海膽都好鮮甜！另外梭子魚幾特別！蜆清湯/蔥拖羅手卷/哈密瓜/士多啤梨卷蛋最後再上埋湯類手卷同甜品，蜆湯清甜，手卷同甜品屬正常發揮😍

一直冇發現原來韓國街入面，有咁高質嘅日本料理店，除咗單點，仲有omakase，可以一試。店內座位不多，omakase會坐吧台，我哋食單點就坐旁邊嘅4人枱，openrice book定位唔怕冇位。除咗刺身、壽司，亦有小食、熱嘅主食。單點三文魚腩刺身、帶子刺身三文魚腩不算厚身，口感比較單薄，不過好重油香，都夠肥美鮮甜帶子亦非常鮮甜晴空海之寶石特卷即係海膽三文魚子呑拿魚蓉壽司4舊大大件，賣相幾靚，一食落口非常香，海膽非常鮮甜，有口感不是淋晒一pat，三文魚子鮮，有d咸，呑拿魚蓉幾香炙燒三文魚、右口魚邊燒得好香，第一次食右口魚，好香魚油，塊紫菜唔會淋燒三文魚都好香，仍然食到魚嘅鮮味脆炸原條鰈魚比想像中更好食，好脆，骨都可以食埋，不過兩側魚鰭位就硬d，d魚肉仲好好味，唔會乾晒硬晒壽司12件每一件都唔錯，海膽好鮮甜口感亦好正三文魚子好鮮唔腥其他刺身都好有鮮味飯少酸，唔會太凍太硬牡丹蝦刺身比想像中細，以為係成隻蝦連埋頭同殼個種不過幾鮮甜海膽炒飯估唔到係直接裝落蟹蓋度海膽唔錯，幾鮮，不過少咗d炒飯有少許蟹肉，唔太多，不過飯炒得好香總結唔算太貴，食物質素算中上，服務亦好，下次可以試omakase

成日上網見到人食Omakase, 有彈有讚，都想試下，就襯年尾對自己好啲試下衣個入門版先，作為一個lunch 398 係貴 但作為omakase 就唔貴。打電話去book 態度好好，驚我地趕都會講聲早少少去，我地12:15去到，都坐左一半人。我地坐Bar 枱，首先：1. 沙律+蒸蛋沙律無咩特別，蒸蛋好滑清甜 2. 刺身5點盛（上網見到有蠔，好奇待）有油甘魚（1件無炙燒+1件炙燒）、赤貝同鯛魚新鮮，炙燒果件香之後再上生蠔（上網有睇過，好開心），上面金箔點綴，感覺一點也不馬虎。日本蠔多數我覺得淡味啲，以個比我想像中味度重少少，加三文魚子，有種鮮甜最後上係Toro,有點筋，都肥美（不過我覺得一陣上嘅壽司比較好食）（裝飾很漂亮，秋冬感覺）3. 壽司6件抱歉忘記了第1件是什麼🙇🏻‍♀️帶子新鮮，感受到個紋理，鮮甜Toro 比刺身更有味，同無筋👍🏻金目鯛，竟然有金目鯛😋海膽，佢好似有2隻海膽分上下層，濃濃嘅海膽喺口入面散開☺️最後鰻魚，我其實唔好鰻魚，但係感覺都唔錯4. 手卷佢唔係平時見開嘅圓錐形，係吞拿魚蓉，唔錯5. 面鼔湯無咩特別就唔upload 張相，不過佢咸度啱啱好（平時有啲好咸，都唔係好鐘意

又和阿媽出動搵食，見到之前Yahoo 廣告介紹店主做Omakase 起家幾吸引，加上價錢親民，決定聖誕假期去試吓佢個午餐定食。價錢中價親民，我揀咗火炙魚生定食，阿媽揀咗壽司10件手卷呢個炸小池魚唔夠脆同乾身，要吐骨，大打折扣，失敗之作媽叫了杯日本生啤，佢話好飲日式沙律➕茶碗蒸，不錯10 壽司先上6件，屬中上水準火炙魚生好新鮮加上火炙的魚油香味甜品係蕨餅，味甘小苦口感不佳總括以呢個價錢，性價比仍然係幾高。但個小食炸魚影響晒成餐飯，有啲可惜

今日同朋友lunch time 嚟食呢間日本料理，餐廳環境好舒適，中間有張bar枱，可以俾客人食omakase 時坐👍 我哋今日三個人只係叫咗一份omakase, 其他兩份係午市套餐，所以我哋就冇坐bar 枱啦😆食物好高質，午市套餐壽司set非常新鮮，丼飯亦都非常高質，全部新鮮肥美😋😋Omakase 嘅刺身好正，最正係有令和之怪物生蠔，超大隻又飽滿，上面仲有魚子，超級滿足🥰🥰成餐飯都食得好開心，店員服務有禮，仲好主動加茶，下次一定會再嚟👍

晴空日本料理 尖沙咀金巴利街8號地下1號舖/⛄️Omakase 晴 $880/磯煮鮑魚伴肝醬鮑魚煮得好好，肉質緊致得來又唔會韌，好鮮甜好入味，配上濃郁嘅肝醬，更加提鮮蝶魚薄切清新鮮甜嘅白身魚包住紫菜，口感層次豐富吞拿魚腩紫蘇海苔卷厚切拖羅用岩鹽炙燒過，油脂更加豐富，完全入口即溶汁煮吞拿魚面珠燈第一次試，同牛肉非常相似，但係就更加鮮味蔥吞拿魚手卷入面包有櫻花蝦，軟熟得來又有卜卜脆嘅口感，當然相當香口/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

🔻 晴空日本料理 尖沙咀金巴利街8號地下1號舖/新開嘅日本餐廳，收工一於去試一試，有omakase, 叫咗$880嘅hare試試，有前菜、刺身三點、和食、握壽司六貫、手卷、吸物、甜品/🧃前菜磯煮鮑魚伴肝醬，肉質彈牙得來好嫩，非常鮮甜，加埋鹹香十足嘅干肝醬，非常醒胃/🧃刺身水八爪魚刺身非常特別，好新鮮，由於係薄切，所以有爽脆口感。煙燻鯖魚味道就比較濃郁，除咗有淡淡的櫻花木香，仲有洋蔥豉油調味/🧃和食吞拿魚面珠燈真係第一次試，煮熟咗嘅吞拿魚原來係有牛肉嘅樣、口感同埋味道，唯一唔同係仍然帶有少少魚嘅腥味，但係又不失鮮甜，好特別/🧃握壽司有我最鍾意嘅拖羅同埋海膽，拖羅真係好高質，入口即溶，充滿油香，海膽亦都非常鮮甜。/🧃鯛魚湯師傅用真材實料烹煮而成嘅濃郁鯛魚湯，非常之鮮甜，有啲薑味吊味，冬天飲暖笠笠///

以往節日Be多數都唔會選擇留港🙈但而家喺冇得揀嘅情況之下…只好喺度發掘新鮮感自我陶醉😆😆襯住假期同fd子孖住去歎Omakase食番餐好嘅開心吓！！. ✨Omakase : 空 $1180前菜：磯煮鮑魚沾上鮑魚肝醬一齊食！令整件事鮮上加鮮💕. ✨右口魚 刺身中間夾咗紫菜…底下有酸汁…令刺身增添不平凡！！. ✨白象拔蚌刺身配松露油夠哂矜貴啦❤️蚌肉仲好彈牙！. ✨令和の怪物面頭仲要好邪惡咁加咗海膽同三文魚籽做topping🤤🤤引死人咩！大大一隻生蠔鮮甜到痺！🦪一滑入囗！正！. ✨煙燻鯖魚煙燻煮法令鯖魚呈現另一口感＆味道！特別!! . ✨拖羅魚油豐富！入口即溶！包住脆紫菜食一流！. ✨汁煮吞拿魚面珠墩擺盤好有懷石料理feel😊魚肉軟嫩！幾好食！. ✨牛油炒大蝦睇落成件藝術品咁🍤濃厚牛油味令富有彈性嘅蝦肉鮮味更出！. ✨壽司 + 手卷吞拿魚腩、金目鯛、海鰻、牡丹蝦、右口魚邊、海膽、葱吞拿魚腩手卷😍😍件件都新鮮又引到人流哂口水！當中Be最愛件完全唔腥又豐潤口感嘅海膽壽司！！. ✨蜆湯大大隻蜆肉鮮嫩無比😚令清湯味道更上一層樓！. ✨抹茶奶凍 ＆ 抹茶卷蛋卷蛋中間有滿滿抹茶忌廉！掂！不過Be更欣賞個滑

網上見到幾多好評，節日試一下。顯然不是傳統omakase，是夾雜住散叫菜單的日本料理店。雖然是吧枱位，但師傅們都忙於出餐。食物，火雞沙律:應節但較普通。鮑魚肝醬+磯煮鮑魚:這個不錯，只是味道不太濃烈。刺身六點，碟魚薄片，象拔蚌，真蠔，鰹魚，獅魚，拖羅，十分適合打卡，味道也鮮甜。燒牛粒反而較普通，又等得耐。壽司七點，鯛魚，深海池魚，帶子，北寄貝，牡丹蝦，海膽，拖羅，調味正常，飯的份量可減少，入面也沒有加wasabi。魚湯味道較淡，甜品蜜瓜和朱古力蛋糕正常但沒什麼特色。整體服務周到，環境舒適衛生。

提早約咗咗朋友食聖誕大餐😍.📍尖沙咀|晴空🍽🍽🍽🍽🍽🍽🍽🍽🍽🍽🍽空sora煙燻鯖魚汁燒魷魚吞拿魚面珠燈牛油炒大蝦🍽🍽🍽🍽🍽🍽🍽🍽🍽🍽🍽前菜：分別有磯煮鮑魚、右口魚。鮑魚煮得好軟腍☺️撈埋鮑魚肝醬一齊食，鮮味upupup，右口魚中間包紫菜再淋上酸汁，酸mimi 幾開胃刺身：分別有白象拔蚌配松露油同令和之怪物。前者爽口彈牙，後者係生蠔一種，size大過隻手掌，好滑好甜。壽司6貫+手卷：分別有吞拿魚腩、金目鯛、海鰻、牡丹蝦、右口魚邊、海膽、拖羅手卷。最鐘意食吞拿魚腩、海膽，拖羅手卷手卷，油脂豐富，味道好rich湯+甜品： 湯係蜆肉湯，食完咁多涷野暖暖胃啱晒。甜品係抺茶roll cake 同抺茶布甸，我特別鐘意個布甸，震騰騰質感好治癒🤤.除咗omakase, 都可以散叫。。我地叫咗天婦羅稻庭烏冬、鱈魚乾、汁燒魷魚筒、富士灣小白蝦 share 食💁‍♀️ 烏冬熱辣辣滑dodo, 鱈魚乾好脆口，佐酒一流。小白蝦就爽口彈牙，口感比較清新埋單千六蚊， 幾抵食

今日朋友搵到呢間開係韓國街嘅日本嘢😆Lunch時間嚟到，竟然座無虛席，小小嘅舖頭入面裝飾擺設都好靚，和式嘅屏風好似去咗日本啲溫泉旅館咁樣😍突然好掛住日本🇯🇵，哈哈午飯時間除咗有lunch set之外，都有Omakase，我地叫咗兩個餐開心share所有lunch set都附送沙律、茶碗蒸、味增湯及甜品，全部都好精緻，茶碗蒸好嫩滑，上面仲有少少蟹肉*炙燒魚生丼 $158*我自己食日本嘢其實鍾意食炙燒魚生多啲，無咁生冷😆燒完之後油脂嘅香味出啲，食落口肥美好多，今次呢個魚生丼有三文魚、左口魚邊、帆立貝、鰻魚、銀雪魚&拖羅！每塊都唔細，仲要厚切，呢個價錢食到咁多款其實都幾抵！*Lunch Omakase $398*刺身5款師傅擺盤好靚，刺身個樣非常不錯，當日嘅有拖羅、碟魚、赤貝、油甘魚。整體嘅質素都幾好，又新鮮，我就最鍾意油甘魚壽司6件🍣而家睇返啲相都覺得好吸引，6件壽司包括深海池魚、牡丹蝦、北寄貝、燒海鰻、海膽、拖羅。我好好彩被分配到拖羅😍真係超肥美，係一食入口就幸福到爆嘅感覺令和之怪物隻生蠔🦪益咗朋友，望落去超大隻，仲有幾粒魚子同金箔喺面最後甜品有哈密瓜配日式蕨餅，蕨餅軟綿綿又少少moch

姐妹飯局, 去支持下新店,上次食完,鐘意師傅們的熱誠, 雖然晴空沒有華麗裝潢,但非常有小店的人情味, 大家好似朋友般傾計,是非常親民的小店. 見openrice有人分餐2人餐,我地都叫左一個,再單點其他野食,呢排秋刀魚當造,我地都叫左一條來試試,配上薑蓉細蔥,非常鮮味,沒有半點鯹味,仲有深海池魚薄切, 上面已經添上調味,加了了芥辣已經食得, 但個人認為,秋刀魚好食好多.一個沙律唔夠,我地加多個, 燒三文魚皮沙律, 三文魚燒得香脆,魚油滲落沙律,有魚油香,好好味. 見佢地有野生拖羅,所以叫左個吞拿魚拼盤, $390, 超抵食, 有6件壽司及6粒蔥花小卷, 原來野生拖羅魚味會濃dd姐妹們太耐無見, 有好多食物都無影相,加上手機影相唔太靚, 所以唔洗手機食先

今日係結婚8週年紀念晏晝食咗buffet所以其實係幾飽，而且之前中午已經唔試過OMAKASE，所以今次試下散點揀啲自己特別鍾意食嘅嘢。今晚揀選了一支清酒以提升氣氛🎉🎉，另外重點算了秋刀魚刺身原條燒喜之次及沙甸魚刺身，因為沙甸魚刺身未試過亦都好少見其他舖頭有供應，所以唔試下絕對係對唔住自己個肚皮😂，但可惜由於魚市場今晚沒有供應所以就緣慳一面😬，全晚整體好味唔在話下連平時唔多鍾意食魚刺身的老婆也食多好幾片，期待下次光顧可以一嚐沙甸魚刺身。另外再一提之前午市試過OMAKASE性價比極高而且價錢平，中午想食餐好啲這個是必然的選擇。有心的日本料理店用心做食材新鮮菜式特別，價格中位服務優良會keep住長期光顧幫襯。

【隱身韓國街💮日本料理】本身係TST 打算找韓國嘢食下，行行下見到哩間日本料理餐廳幾多人好熱鬧，唔執輸既我地緊係入去試下啦~!!!😎 同D staff 傾左幾句，知道佢地最出色係Omakase，師傅都係有料之人❤️所以我地點左　✨晴Hare Omakase Set ($880) ✨　試下質素如何～！🥢🥢【前菜】💮💮磯煮鮑魚，下面係鮑魚肝醬鮑魚爽口彈牙，下面係配既係鮑魚肝醬，有蟹膏嘅質地而特別濃郁，好食！🥢🥢【刺身3點】💮💮📍蝶魚蝶魚魚肉冧身🐟 配搭淡淡的酸醋同埋紫菜，將魚嘅鮮味提升📍煙燻鯖魚上枱已經聞到陣陣煙燻味道，配以炸洋蔥絲、生洋蔥粒、七彩芝麻，口感豐盛！鯖魚表面火炙微微處理過，逼出油香☺️📍火炙拖羅上面係帶有超微嘅Wasabi味既漬物，下邊係脆脆嘅紫菜+紫蘇葉☘️ 估唔到呢個組合減低油膩感，又同拖羅嘅油份非常之夾的！🤤 🥢🥢【和食】💮💮📍汁煮吞拿魚面頰 🐟細個食魚成日同家姐細妹搶面珠燈食😎 識食一定係呢個位最柔嫩既位🤣 拎來做omakase啱晒🥢🥢【手握壽司6貫】💮💮壽司有黃色小花裝飾，上枱嘅時候已經覺得好精美~📍秋刀魚壽司上面配左姜蓉，鮮美📍北寄貝壽司 肉質微微火炙處理過，出邊比較少