晴空日本料理

營業中

休息中

今日同朋友嚟到位於尖沙咀嘅哩間日式料理餐廳。餐廳行日式木系設計，有長形吧枱位置，亦有二人及四人座位。餐廳食材由日本空運到港，餐廳師傅有20年經驗，亦曾經去過日本學藝。餐牌～🍣Lunch Omakase Course $398 （全日供應）🥗沙律🥚茶碗蒸沙律醬汁微酸，非常開胃；茶碗蒸滑嫩，入面仲有帆立貝～🐟刺身5點五款刺身包括白象拔蚌、鰤魚、煙燻鰤魚、沙甸魚卷及北海道生蠔，因為我唔食生蠔嘅關係，餐廳好貼心咁將生蠔改左做活赤貝💕白象拔蚌新鮮爽彈，加上松露豉油提鮮；鰤魚有兩款，分別係無燒過既及用櫻花木煙燻過既，兩款肉質都鮮甜，煙燻過嘅魚油更加突出；沙甸魚卷一啲都唔腥，配埋蔥同醃蘿蔔勁夾～朋友既北海道生蠔上面加上土佐醋，再放上北海道馬糞海膽及三文魚籽；我既活赤貝上面加上柚子皮，入口帶有清香，旁邊仲有紫菜包裹住赤貝邊位，可以配埋青瓜一齊食，兩款都勁新鮮，非常推介👍🏻🍣壽司5貫帆立貝、深海池魚、活北寄貝、燒右口魚邊、北海道馬糞海膽紫菜包裹住超大粒炸帆立貝，勁彈牙香口，非常好食👍🏻深海池魚厚肉鮮甜，上面有少少鯊魚軟骨，帶有酸梅味，食落卜卜脆；新鮮活北寄貝燒過其中一邊，所以一啖食落去有兩種口感，非常爽

「晴空日本料理」位於尖沙咀金巴利道，主打Omakase 及日本料理，兩位老闆兼師傅擁有20年經驗，在日本札根學藝，善於將原食材昇華到另一層次👍🏻👍🏻這裡是我食過當中性價比最高嘅一間，而家仲推出 $ 398全日Omakase套餐，以這個價錢食到如此高質素，食材配搭又用心，真係其他地方都搵唔到，最近更加榮獲全港必食Omakase 日本料理店既其中之一家，仲唔訂位等幾時？🌟Lunch Omakase $ 398 📣📣（全日供應）優惠期有限📣📣▪️沙律Salad新鮮蔬菜沙律配上酸醋汁，清新可口，味蕾瞬間打開▪️茶碗蒸蟹肉茶碗蒸，蒸蛋非常香滑，配上滿滿材蟹肉絲，令整個茶碗蒸更加鮮味▪️刺身5点擺盤也花盡心思，將刺身配合點綴，精緻地呈現在客人眼前，未食先看也開心，刺身5点分別有🌟活赤貝新鮮又爽脆🌟瑩光魷魚充滿鹹香和魷魚的鮮味🌟日本生𧐢、三文魚籽、海膽，無敵組合，高質鮮味，尤其生蠔嘅味道在口腔歷久不散🌟煙燻鰤魚充滿煙熏香味，口感帶點煙靭好味道🌟鰤魚腩刺身魚油豐富好肥美▪️寿司6貫六款壽司的刺身，亦配上各種不同食材，更能突出刺身的味道👍🏻🍣 北海道磯燒帶子~被香紫菜包住嘅帶子，炸至外脆內𥚃仍保持刺身級的狀態

一直朋友都同我講呢間叫晴空嘅餐廳，性價比好高但我一直都冇機會試剛好今日要和好久不見嘅姊妹們食新年飯， 就選咗呢一間喺尖沙咀韓國街中間嘅日本舖頭來試一下門面嘅裝飾非常日本， 晚餐時份還可以容許我們叫午市omakase menu係一個好好嘅安排， 日本果實酒仲可以買一送一， 實在好正！ 始終唔喺大街上面, 這類型小店真係需要大家多啲光顧， 先可以能夠繼續提供高質嘅服務同食物畀客人!三個人叫咗三個午市omakase, 兩種果實酒及因為太好味而追加的右口魚(不是左口鱼)裙边卷物，每人才499，實在超值! 等我講下Omakase有咩食...* Salad* 茶碗蒸 < 都好多料喺裏面＞* 吞拿魚蓉手捲* 精彩的Sashimi plate, 包括鮮甜美味嘅 生蠔配金箔 三文魚子及海膽, 海蝦，好大隻又鲜嫩嘅白螺，及2種厚切如生* 大帶子配紫菜* 五款廚師發板壽司，包括拖羅同埋海膽， 仲有右口魚裙邊卷物，等* 味噌湯* 日本卷蛋 蛋糕枝豆是送的唔好遺漏咗嗰兩個果實酒都好精彩，唔係好甜酒味亦都唔係好濃但有好香嘅梅同埋桃味 （我哋叫咗梅酒同埋蜜桃酒）整體上的用餐感覺非常良好，服務態度亦佳，

食物質素十分高！我們購買的是十三品omakase前菜有新鮮沙律和茶碗蒸然後有3款刺身，分別是生蠔，煙燻鰹魚和鯛魚配柚子醬。生蠔好鮮甜，鰹魚口感同味道都好好，最鐘意鯛魚刺身，口感一流配埋柚子醬好夾！四點壽司分別有 馬糞海膽，日本拖羅，燒左口魚裙邊，牡丹蝦馬糞海膽好好食，一啲都唔腥燒左口魚裙邊，魚油好豐富，口感超正拖羅同牡丹蝦都唔錯天婦羅好脆口好香，燒魚都好香好惹味最後有蕎麥面同柚了大菜糕做甜品這個價錢是十分物超所值。即使是原價也十分合理，絕對值得一試再試👍🏻👍🏻👍🏻👍🏻👍🏻

最近發現了一家超值的日本料理餐廳，$398 就可以嘆到高質Omakase，全日同一價錢，實在太親民，唔去試下就笨🤤🔺全日Omakase｜$398只要把晴空美食到社交平，就可以免費升級生蠔，為海膽三文魚籽蠔✿ 沙律 ✿ 沙律酸酸甜，十分清爽✿ 茶碗蒸 ✿ ✿ 刺身 5 點 ✿ 🔸海膽三文魚籽蠔：鮮味爽口，味道濃郁🔸黑松露牡丹蝦：蝦肉鮮嫩彈牙，帶有濃郁的黑松露香氣🔸螢光魷魚🦑：彈牙有嚼勁，肉質鮮嫩多汁🔸炙燒鰹魚：表皮炙燒鎖住內裡魚肉鮮甜🔸天婦羅帶子：帶子彈牙鮮甜，配上紫菜更美味✿ 壽司 6 貫 ✿ 🍣 蜜柑鯛：入口時會散發出淡淡的蜜柑清香🍣 深海池魚：豐厚的油脂，魚肉味道甘甜🍣 右口魚邊卷： 魚油豐富肉質爽口🍣 拖羅：拖羅加上赤身一同吃軟滑而不會膩🍣 海膽： 海膽品質不錯😌✿ 手卷 1 貫 ✿ 吞拿魚蓉手卷：手卷包著滿滿的吞拿魚蓉，大滿足🔸味噌湯
✿ 甜品 ✿ 🔸黃豆粉黑糖蕨餅：軟糯軟糯的

見到餐廳全日餐$498做緊買一送一，今日試吓。沙律菜很清新，用少少沙律汁，口感清爽；茶碗蒸熱辣辣，口感軟滑。刺身有真鯛、螢光魷魚、鯛魚、烤白身魚同松露蝦。刺身每一款都很新鮮。螢光魷魚BB味道幾特別，鮮美爆汁；特別值得讚吓個醬油蝦，有陣陣松露香，口感爽滑，好吃！其他的就夠新鮮，沒有特別嘅印象。壽司五件，對板對位。中吞拿魚肥美，口感嫩滑，有魚油香，而且切得幾厚，口感唔錯；帆立貝大大件，味道鮮甜，同樣係厚切。火炙左口魚裙邊肥美而火灸白生魚口感爽彈；海膽唔係最甜嗰種，但係算鮮味帶甜味。燒明太子雞翼幾好食，啖啖肉雞翼裏面夾住明太子，少少辣，少少鹹香；燒帆立貝係香口嘅，但係有少少着感而燒Tim味道香。最後仲有麵豉湯同日式蕨餅。麵豉湯味道唔會好鹹，熱辣辣的，吃過壽司，喝一口熱湯，感覺唔錯，而且日式蕨餅味道輕甜，充滿和風味道。

結婚周年想食日本野，朋友介紹咗一間小店位置比較難搵，原來喺細街入面😅因為之前訂位講過慶祝周年紀念，竟然安排咗一間房俾我地🥹Staff 推介咗一款二人餐 由前菜到甜品都有 正呀！海鮮他他-粒粒刺身配左個開胃醬汁小食三款- 唔算特別但勝在熱辣辣 好香口刺身拼盤- 拖羅好肥美，帆立貝都好新鮮店員話原來某啲刺身會跟季節轉換，好似最近有螢光魷魚😋老公鍾意食蠔，所以加咗個海膽三文魚子生蠔刺身。呢個超級正呀！滿滿嘅海膽同三文魚子再加上生蠔，好似食左成個太平洋落口咁😂跟住有壽司同兩款熟食。其實壽司用料最緊要新鮮 一定唔會差得去邊正正食到熟食 其實已經開始飽..想提既係最令我印象深刻就係個甜品抹茶奶凍 超級creamy配上微苦既抹茶可以食多半打 真係一試難忘呢度既Service好好，個個staff都好nice，唔怪之得我朋友會推介呢間俾我我同老公都食得好開心☺️

這間位於尖沙咀的餐廳，打破大家對日本廚師發辦的奢華感，推動本地經濟，推介全日供應的親民價午市廚師發板，性價比高，吸引一眾食客。午市廚師發板 $398+10%套餐包括沙律前菜、茶碗蒸、刺身五點、壽司五貫、手卷一客、湯及甜品，凡惠顧並分享美食到指定社交平台，則可由生蠔升級至海膽三文魚籽蠔，震撼性貼地扺食。刺身✨赤貝及赤貝卷✨鮟鱇魚肝✨煙燻鰤魚及鰤魚腩✨海膽三文魚籽蠔✨燒帶子刺身擺盤精緻，配搭用心，赤身鮮甜爽口，煙燻鰤魚味道層次豐富，還有最喜歡的北海道真蠔，搭配海膽、三文魚籽及紫蘇葉，加上以金箔作點綴，掀起一番醉人的海洋風味。壽司✨深海池魚✨北寄貝 ✨左口魚裙邊 ✨拖羅 ✨海膽壽司食材新鮮，這個價錢能品嚐肥美的拖羅及鮮甜的海膽，真的難以找到拒絕的理由。手卷✨拖羅蓉手卷師傅將拖羅腩蓉上額外灑上大量芝麻，加上香蔥，口感綿密豐富，口腔散發郁油香。✨味噌湯✨甜品黃豆蕨餅

之前食過堂食好味今次屋企人生日就試下買d外賣店員們好貼心提供保溫袋同冰包，仲問我夠唔夠。仲送左個沙律俾我地。D壽司攞到返屋企都仲好靚仔拖羅好新鮮 勁正！壽星好滿意

之前聽過朋友介紹，有次食飯行過呢度覺得啲野食都幾吸引，好想入去食，今次終於搵到時間，即刻約埋💁‍♂️去試試！入到去見到好多日式擺設，好有feel 雖然係lunch omakase menu，不過原來晚市都可以叫，由前菜、刺身、壽司、茶碗蒸、湯到甜品都包晒，好抵食，而且食物質素都唔錯， 好抵食，只係$398/位，所以我地就叫左呢個，位置係坐係吧枱位，可以即刻欣賞到師傅製作既畫面，正！ 🟠 前菜：サラダ & 茶碗蒸し （沙律 & 菜碗蒸）酸酸地，好開胃。茶碗蒸啲蛋嫩滑，入面仲有大大粒帆立貝，好吸引！ 🟡 刺身 5点（刺身５款）入面有鮟鱇魚乾 、生蠔海膽、赤貝卷同埋油甘魚 等等，有齊唔同口感，而且夠晒新鮮！我最鍾意就係生蠔海膽，呢個配搭無得輸😋😍一啖放入口勁滿足😍🤩 🟢 寿司5貫 （壽司５件）全部都係師傅一整完就放係我地面前！深海池魚、金目鯛新鮮好味，特別係海膽，甜到呢😍😍😍 一啲腥味都無好好食呀，我直頭想即刻買一版返屋企食！ 🔵 手巻き1本 （手卷）滿滿既拖羅係個卷入面，加埋芝麻好惹味🔴 デザート（甜品） 食到最後點可以少左個甜品呢，蕨餅唔會過份死甜，煙煙韌韌咁，為呢個晚餐作一

第一年嘅情人節黑熊先生使出強勁攻勢，先送上18支玫瑰😳我都係今日先知花語代表真誠與坦白的愛🥰然後接放工帶我去食晴空🫶🏻認識呢間日本餐廳係因為佢哋搵咗Vladimir畫貓貓graffiti☺️今餐我好唔客氣，完全無問過黑熊先生意見，就叫咗龍蝦鮑魚二人餐+北海道海膽情人節禮盒🤭整體上壽司剌身都好出色，鮮甜、油甘、清爽都表現得到！前菜和甜品質素比想像中好，抹茶嘅甘配上奶凍嘅甜剛剛好，我鐘意🤗唯一美中不足係白蜆湯烏冬湯底零調味🤔無鮮味無咸味，烏冬質地係好軟好淋，有進步空間。龍蝦刺身、磯煮鮑魚、北海道帆立貝刺身花日本鮮野生油甘魚、挪威三文魚、北海道海膽情人節禮盒日本拖羅壽司、北海道海膽壽司、燒鰈魚魚邊壽司、九州縞鰺魚壽司、静岡鯛魚壽司美國安格斯肉眼牛扒

本身係KKday 諗住求其買間平平哋嘅日本餐去食，冇任何期望，所以我連相都冇影到。點知佢由頭盤嘅魚生生蠔、炸雞、八件壽司、炸魚、到抹茶布甸甜品，每一樣都好好食。而我本身係個唔食生嘢嘅人，但係落單嗰陣佢哋都可以幫我即刻安排返岩食既野比我，換走左拖羅同埋海膽，而且幫我將啲魚生炙燒埋，超級貼心好食抵食！食完壽司本身已飽飽地，跟住先醒起仲有個魚同埋甜品。我哋另外仲叫咗杯柚子梳打水，都幾大杯同幾好飲，食食吓我已經再睇緊KKday仲有冇個優惠🤣

晴空 $398lunch omakase十都食過幾次，今次朋友生日，見佢新出咗呢個餐只係$1680 ，一見到盤刺身已經嘩一聲，平時出去食龍蝦刺身冇$1000都落唔到樓，而家仲要有埋其他刺身和鮑魚，性價比極高前菜有海鮮沙律，粒粒新鮮刺身配上沙律醬非常開胃。安格斯肉眼牛扒，正正常常不過不失。白硯烏冬，湯底鮮甜，白硯無沙。最後，抹茶奶凍先係精彩，餐廳介紹，奶凍原創者Masaki Saito憑抹茶奶凍攞咗米芝蓮兩星，佢個徒弟就係晴空師傅。用咁嘅價錢食到新鮮刺身，又食到米芝蓮甜品，推介推介

銅鑼灣曾經有一間日式餐廳出過一款海膽龍蝦海鮮丼，疫情過後，個日式餐廳已經捱唔住結業了。緣份之下發覺原來該店師父已靜悄悄去咗尖沙咀一條比較偏正嘅街就係晴空啦！晴空嘅價格相對較為相宜，唔係行高檔，一線Omakase路線（其實行高檔路線嘅好多已經做唔住了）由於暫時唔係好多人知道有呢款丼飯，所以暫時都係要預約先有得食。原隻大大隻波士頓龍蝦，再配上三層嘅海膽，相片鋪咗薄薄嘅金箔，影相都已經夠晒震撼。由於龍蝦🦞要訂師傅先至會攞，所以絕對新鮮。呢個飯既精髓就係師父喺龍蝦頭榨返啲龍蝦膏整嘅醬汗出黎，個飯就係用呢d龍蝦膏Ko醬汁撈返嚟食，十分鮮甜滿足😌。可能你會覺得四百幾食一個龍蝦飯好貴，但係食過一次，你就知道原來龍蝦係可以整成一個咁美味可口嘅海鮮丼。（當然啦平啲就更加好啦哈哈。晴空嘅定價已經比舊舖$5xx更加平）

於聖誕前一兩星期友人喺ig見到廣告，聲稱性價比高嘅omakase，於是卜位，餐廳亦要求支付按金$500。本人在openrice睇完相感覺麻麻，並得知已卜位想取消亦無辦法，只好焗食。一點進入餐廳空無一人，只有三位職員，已感到伏味濃。前菜有一個火雞沙律，由於太嬲所以無影，沙律菜十分之"鞋口"，沙律汁亦麻麻。刺身共有幾款，雪藏味大過鮮味，而且並非每一道菜有特別加食材等等廚師發辦精髓，已是十分失望。炸雞粒聲稱是附送的，熟食比魚生正常。再來是壽司，味道一般，未到"omakase"級數，同樣不是每一道菜上菜，感覺比較像放題。牛扒為當日最出色之菜式，同時反映出其他食物質素名過於實。烏冬湯淡而無味，質地偏淋，我煮得好食過佢。抹茶牛奶布甸，奶味濃，抹茶粉不會太苦，合格。最後用餐後依然空無一人，絕對沒有下一次。