新斗記 (已結業)

小妹第一次試新斗記，因為小妹母親大人生日，出到黎TST果間食飯。哩度環境好靜好靚！因為唔係地鋪，所以私隱度比較高！事實上，此地環境格局是高級食府，除左賣美食，更重視食客體驗。合適家庭聚會或者公司飯局。燒乳豬係必食推介，小妹一入門口就見到透明玻璃窗，裡面就係炭火燒乳豬。師傅坐係熱辣辣的爐頭前不停轉動隻BB豬。老實說，小妹去過唔少婚宴或者飯局，其他酒家的乳豬最靚都係整到皮脆肉嫩，多汁。而哩間酒家，多左份炭火燒烤味，哩個味道令乳豬食落唔會膩！而且，皮脆是當然的，肉質帶有煙燋味，比起其他地方的乳豬。的的確確，好味太多！讚！小妹亦點左龍躉，魚肉嫩滑，師傅掌握火候掌握得岩岩好！不過豉油太少，可以再多少少就好啦！然而，侍應的服務低得一讚！因為由分魚肉同埋斟茶遞水都做得好足。最後小妹一如以往，叫碗紅豆沙埋尾，紅豆沙甜度適中，口感純滑，總體感覺很好！會再來！

平時年輕人聚會、慶祝生日通常都去食西餐、食放題，今次同爸爸慶祝生日飯就要回去酒樓食中餐😝上網睇過新斗記的評價不錯，就決定去呢度開飯！出奇地在尖沙咀的食肆竟然不算多人，不似平時的酒樓吵吵鬧鬧，值得一讚👍🏻上網看過乳豬和燒鵝都評價不俗，先點了一個例牌乳豬試試！乳豬用傳統炭爐烤製，即叫即烤，皮脆肉嫩，果然是餐廳的招牌菜式！正😋😋😋再來就是燒鵝，雖然只叫了半隻，但份量絕不欺場！皮香肉厚，又唔會只有肥膏油淋淋！鵝脾留給爸爸享用，也讚不絕口，肥美靚正！😝😝蒜香美國桶蠔煲，一上枱已經勁香勁惹味，好似平時鐵板餐熱辣辣地上枱，讚！大隻肉厚，趁熱吃更加好味呢！👍👍

近日愛上港色小炒，但通常愈有鑊氣就跟衛生情況成反比，於是朋友帶我到新斗記，地方清潔而且有港色鑊氣小炒。 餐具都有公雞圖案，雖然不是傳統那種，但仍滲透著陣陣的香港情懷。 金牌即燒乳豬 來到當然必食招牌菜式-金牌即燒乳豬。燒乳豬是即叫即烤，皮薄肉嫩，沒有多餘的脂肪，豬皮香脆可口，如薯片般脆，推介。 豉椒炒花甲 豉椒味濃郁，花甲肥美，只是略嫌不夠鮮甜。 金牌拆肉泥孟粥 粥底綿軟，味道脅點鮮甜，只是泥孟份量略嫌不足。 地方寬敞整潔，服務周到，金牌即燒乳豬非常推介。

晚飯食中菜係家庭飯聚的傳統今日選來米芝蓮食府-新斗記，和家人飯聚餸菜款式都挺多，當日有幾道特別喜愛，為大家推介先來客頭盤，就係乳豬乳豬新鮮即場烤成，以保持其脆口，佢特別在係以炭爐即烤，乳豬皮脆，夠火候，入口還帶點炭燒的風味，好有特色每塊皮都可以夠薄夠脆，的確不易，令人更覺滋味燒鵝，雖然係半隻，但份量都唔少，採用獅頭鵝，大隻之外，肉多而脂肪不多，減少油膩感，食落皮香，肉嫩滑，食多幾件都未滿足到食慾再上多客蠔煲，美國桶蠔，不但大隻，蠔飽滿，用油輕泡，令肉質不易散，可以原隻入口之外，仍嚐到其甜美，加上煲仔做法，發揮醬汁香味，新鮮奉上，令人更覺惹味餐廳地方闊敞，人流也不俗，但服務依舊周到，適適度高

難得黎到新斗記食晚飯，當然唔少得叫呢到的招牌菜火山石燒乳豬啦！乳豬一上枱即飄來一陣陣肉香味，隻乳豬燒得又香又靚，而且外皮食落香口之餘仲勁脆，入口卜卜聲。而乳豬肉咬落好嫩又juice，唔會燒到乾晒，真係明乎其實的外脆內嫩，好食！除了叫乳豬食外，還叫了豉椒炒聖子皇、碧綠炒花枝及蛋白薑米蒜香蟹飯，今晚又有口福了！熱辣辣香噴噴黎到的豉椒炒聖子皇，好香鼓椒味，令人好有食慾！聖子肉質爽口又入味，份量又多。而青椒及洋蔥亦炒得好吃，夠鑊氣，真係飯都可以食多碗！而碧綠炒花枝其實係西蘭花炒魷魚，顏色好吸引。清甜翠綠的西蘭花配上爽滑的魷魚片，呢個配搭好夾，好吃。最後係蛋白薑米蒜香蟹飯，隻蟹用上大量蔥蒜蒸，未食都已經聞到濃濃的蒜香，同埋隻蟹都幾多蟹膏同蟹肉，食落味道清甜而且好香蒜味。而米飯除了吸收蟹的精華，我們亦將蟹膏撈埋入飯中，令味道更鮮甜美味。而且飯入面本身加入了薑及蛋白，口感變得更豐富。好食到令我不自覺地食了兩碗飯。

聽講平時新斗記飲茶都好多人，估唔到夜晚一樣爆曬棚，7點半上到去已經滿座，全部一家大細係到食晚飯，明明果棟大廈大堂靜鷹鷹咁，入去仲好懷疑有無去錯地方，完全想像唔到上面坐到爆曬棚。用了舊時代既雞公碗筷，食落都滋味d。燒汁爆牛仔柳 - 牛仔柳肉質好嫩滑，非常入味，而萵筍既份量都幾多，口感清爽宜人，中和了肉味。翡翠炒帶子 - 帶子size都幾大粒，食落好鮮甜且嫩滑，西蘭花亦夠入味，爽脆清甜。火山石燒乳豬 - 新斗記既乳豬都好出名，乳豬塊切到正正方方，睇落企企理理，食起上黎都方便d, 豬皮好香脆，脂肪同肉既比例岩岩好，但系有少少乾唔夠juicy香辣龍蝦煲 - 呢個煲真係爆香，一上枱就已經香氣四瀉，雖然叫辣龍蝦煲，但其實都唔太辣，配料豐富，龍蝦肉彈牙惹味，整體都幾香口。

Today me and my friend went to a Chinese restaurant for dinner because my friend really want to eat roasted pig. The place is big and spacious; there were quite a lot of people having family dinner. Roasted pig: The skin was so crispy and crunchy! There was a bit of fat underneath it which made it so yummy. I dipped it into the oyster sauce which lifted up the flavour. The meat was soft and meaty. Broccoli with squid:This dish was presented nicely. The broccoli was fresh and crunchy. The squid w

新斗記的大名早就聽過，今次終於有機會拜訪。那天亞士厘道只得小貓三幾隻，冇諗到上到酒樓竟然座無虛席。再看一看餐牌，發現價格也是走高檔的。斗記椒鹽鮮魷($118)上枱時熱辣辣，細細舊易入口，味道也調得不錯，如果大碟啲仲好。火山石燒乳豬($148)燒乳豬冇得輸，做法有別於傳統燒乳豬，利用火山石燒的做法果然另乳豬特別脆口，是這裏的招牌菜。我特別欣賞乳豬皮片得夠薄，食多多都唔漏。燒汁爆牛仔柳($118)燒汁好香，牛仔柳好淋，拌碟的蒿荀亦煮得恰度好處，送飯一流!香辣龍蝦煲($238)用傳統瓦煲盛載的龍蝦特別有鑊氣，香香辣辣的龍蝦好有新鮮感呀～肉質爽口彈牙，份量也不少喔！整體來說，新斗記的菜色確實有一定水準，但價格不夠大眾化，絕非星斗市民能負擔得起作家常便飯的選擇。

今晚老公想食乳豬，「新斗記」 的名字在腦海中浮現。每次都是去銅鑼灣分店，但每次都人頭湧湧一定要Book位。今晚去尖沙咀店分店，「新斗記」位於亞士厘道中的商業大廈內，地點不太容易被發現，幸好有霓虹燈的招牌很快就找得到。酒樓位於三樓，甫出電梯就見到熟悉的紅色招牌。今晚客人不太多，不用等位可以直接入座。酒樓內裝潢一般，沒有大驚喜。反而侍應們親切的笑容就令筆者感受到被尊重的感覺。貫徹其他分店的一點點老香港風情，所有餐具都燒上了摩登公雞圖案，雖然不是傳統公雞碗碟，但說實話，想找到50、60年代的舊款公雞碗碟應該已經沒有可能了。每次去「新斗記」必食招牌菜式：現場即烤燒味，尤其燒鵝及乳豬，今晚只有一家三口，只能二選一，當然揀無得輸的乳豬，二個人分享一碟金牌即燒乳豬（例牌）（$148）剛剛好。燒乳豬是現場即叫即烤，由於差不多是每枱客人也會落單的名物，所以也不需要等很長時間，師傳不停燒烤、不斷斬件上枱。乳豬大小只有幾斤，是真真正正的皮薄肉嫩兼沒有脂肪的乳豬仔，亦即是酒樓飲宴乳豬全體的標準。講真，上菜時候除了沒有一首振奮人心的「乳豬進行曲」之外，過程根本沒有什麼分別。當然，好味是否以及質素都卻可以有天淵之

其實真係唔係下下要上咗年紀先識應該識得欣賞呢啲傳統茶樓嘅優點嘅。Openrice話呢到嘅乳豬好好食，所以就一班朋友黎試下。 雖然今日係星期四，但佢都幾多人。我哋叫咗個例牌乳豬。因為真係差唔多見到枱枱都有叫咁濟！佢既乳豬的而且確非常之脆！咬落去真係有聲，仲好香既脆豬皮味！下面啲豬肉都唔會太肥，好香好綿，真心讚！因為有個friend唔係好舒服所以就叫咗個 莧菜浸豬潤。冇諗過佢啲豬潤咁大件，黎到真係少少驚嚇 其實見到啲豬潤咁大件就覺得好驚，因為好怕啲好騷或者煮得過熟嘅豬潤！ 好彩佢煮得啱啱好！又好爽甜！令我對厚豬潤少少改觀配埋莧菜食，成件事都係幾夾。辣酒煮東風螺係因為見天氣凍所以先叫嘅。佢個辣就真係幾辣，大家不知去到食唔食到。 因為辣味比較重，所以有少少藏住左啲酒味。啲螺都幾新鮮，唔會食到臭，而且呢個size都幾大隻！另外叫咗個波士頓龍蝦， 肉質好爽滑。 雖然是有少少貴 ，不過都算係咁啦。 我地再叫咗個扇貝， 好少可啲扇貝咁大粒！通常係睇好大，蒸完上嚟就已經見唔到㗎啦嘛。 呢度都幾鮮甜！不過就有少少韌，蒸少分半鐘應該會更perfect。 因為仲有friend話唔夠飽，所以我哋再叫咗個蟹煲。今

爸爸比較傳統，成日都鍾意食埋啲傳統中菜 。聽聞新斗記嘅乳豬好出名，所以今次特登帶爸爸嚟食。 佢個招牌大大個，好容易搵。用嘅餐具全部都好傳統風味，全部都有公雞架！好得意！前菜係雲耳&花生。呢個都係傳統中菜其中一個好重要部分，係食物未上之前，我哋基本上就已經清曬呢兩碟前菜啦！menu內容都幾多選擇，豐儉由人。 話說前晩先食完燒鵝所以今餐就叫番少少海鮮啦。乳豬係呢度既招牌菜！所以都冇辦法唔叫。叫咗個例牌有六塊。四個人食都真係有啲唔好夠喉。不過真係好脆呀！同埋好香唔會好多油！蒜蓉蒸帶子。上面啲帶子好大粒㗎！ 味道仲好鮮甜！又唔會整得太熟好韌！ 而且粉絲都好入味，最重要嘅就係蒜蓉用同埋蔥都落得夠多。好岩我口味！另外叫咗個辣蟹煲。媽媽話呢隻係肉蟹，因為就係真係好多肉！ 入冬開始食呢啲煲仔真係好暖胃！ 比較特別嘅係見到個蟹煲入面有蓮藕同埋薯仔， 冇諗過呢兩樣嘢同辣係夾㗎喎。 最後冇叫飯，因爲個煲入面D粉絲真係好多，咁當然，蟹都唔少！因為媽媽好痕話想食咕嚕肉，所以就叫咗個生炒骨。 媽媽成日都講出街要食就要食啲屋企整唔到嘅嘢， 炸嘢就係佢覺得佢自己整唔到嘢。但事實係佢唔煮咋嘛 呢個生炒骨啲醬甜酸度啱啱好

新斗記一向以乳豬馳名，今日我同朋友就黎到尖沙咀分店，一試究竟！乳豬 (例牌）$148豬皮十分香脆，皮下油不多不少，肉質鬆嫩香酥，果然名不虛傳！雖然份量少少便索價$148，但物有所值。豉椒炒花甲＄148份量挺多的，豉椒味濃郁，花甲新鮮肥美，我地都食到停唔到口。蛋白薑米蒜香蟹飯＄168蟹飯係我的是夜最愛！飯粒滲透出絲絲薑味和蒜味，還有蟹的鮮味，非常好吃！大力推介！粟米大魚塊＄158魚塊也令人喜出望外，口感扎實，不會太鬆散，而粟米汁是分開上的，不會令外皮提早變腍。甜品有紅豆沙和喳喳，各來一碗，肚子暖笠笠！今餐我同朋友都好滿意，食到好吃的中菜就是開心！加上侍應們的服務態度很好，覺得下次可以再光顧呢！

今日同事好比面，話見我生日要請我出來飲茶，我哋去咗之前嚟過呢幢大廈食過韓國嘢，發現原來都幾多餐廳隱藏着，今次過來呢邊試吓飲茶，入咗去一間好受歡迎嘅茶樓，好多人book位，爭啲無位。見餓餓哋食個蛋散先，係幾鬆化，最特別係個柚子糖漿，甜之中有少少柚子香，幾開胃。脆皮乳豬同事好識食喎，話一定要試吓呢度嘅脆皮乳豬，果然冇介紹錯，豬肉又夠嫩口，好香，乳豬皮勁香脆，好似食薯片咁。個人就鍾意食乳豬嘅時候點砂糖，豬皮香脆，再加甜甜的味道，更勝一籌。欖菜肉鬆四季豆見到精選小食一欄之中有呢味小菜，二話不說就點了，雖然係等得耐啲，但係都係值得嘅，肉碎同啲欖菜炒個豆角好香，好夠味，豆角爽口得來幾好咬口，不會太硬。新斗得意腸粉新斗得意腸粉唔係話佢呢款腸粉好得意（cute），我估應該係佢哋嘅得意之作！真係好有層次感，外面啲腸粉好軟滑，裏邊層脆卜卜，再加了不同的餡料，味道口感都更加豐富。黑椒蒸爽肚黑椒味夠香，好惹味，爽肚當然係好夠爽啦，而且係夠厚身，好好𡁻口。新斗水晶蝦餃蝦肉夠爽，打開個蒸籠仲有煙噴出來，餃子皮好軟身。豉汁蒸排骨排骨嘅肉質都幾彈牙。 芒果布甸滑溜溜，正！大大啖花奶加埋，一齊食，簡直係一種無比嘅享受，

前幾年的新斗記像是比現在有noise 近幾年好像少聽了這個品牌，也有好幾年沒吃新斗記的晚飯。有著米芝蓮的加冕，也不會有甚麼差池，但當然不是酒店級啦。食物選擇沒有太多花款，眼看只有這兩頁，另有數款優惠小菜。斗記燒鵝皇 ($268/半隻): 晚市食中菜，點燒鵝是常識吧。肉有肉味，鵝件皮脆多汁。但有點過油。火山石燒乳豬 ($148/例): 就連招牌也大字標明其乳豬來作招徠，當然要一睹它的盧山真面目。乳豬標明皮與肉會分開上，不知為何。乳豬皮極脆，香口脆卜卜，無多餘脂肪。另外，肉件的肉味okay。但要數特別? 卻又不是，有點被神化了。豉椒炒花甲 ($148): 很符合一貫豉椒炒花甲的風味，醬汁及處理方法等均沒有甚麼特別意見。唯花甲肉稍少。蛋白薑米蒜香蟹飯 ($168): 以蛋白、薑粒、蒜泥混入米飯，清得來又很夠«薑»，薑味突出，飯粒顆顆分明，但蒜泥不足，蒜香呢不夠出。另有一小隻花蟹，稍欠肉感，尺寸偏小，難有鮮香。雖難獨當一面，但配其他小菜食又剛剛好。

與「新斗記」結緣真的要倒帶回到幾年前那個重有「哈根大師」雪糕食的魚翅航空。還記得那次正在諗「Chicken or Fish」既時候竟然見到「新斗記」三個大字出現喺menu裹面，冇乜細諗之下決定博一博試下，點知真係冇令我失望。自此之後，每當我在飛機上見到新斗記設計的餐牌時，我幾乎都會毫不猶疑order。回想喺黎，今次算係我第一次真真正正喺「地上面」食新斗記！餐廳位於尖沙咀亞士厘道，交通十分方便，由地鐵站慢行過去都只係五分鐘左右。餐廳位於商業大廈內自成一角，即使係晚飯黃金時段人亦唔會太多，枱與枱之間唔會太迫，適合朋友飯聚或宴客之用。當晚所見附近幾圍都係來港參加展覧的商務旅客，唔駛擔心太嘈傾唔到偈！餐廳用上懷舊風味的「公雞碗」，型格十足之餘亦帶點獨特的個性！不得不提的係位於入口處附近的烤爐，令整個燒乳豬的過程可以一覧無遺！足料例湯（窩）4-6位 （$138)：是晚例湯係「西洋菜陳腎煲豬踭」。由於用上西洋菜，湯入口時非常清甜得黎又唔會過鹹或過油，非常適合喺忙碌工作的一天後慢慢細味！難得的係湯渣能夠完全吸收湯料的日月精華，不過餐廳如果可以俾多碟豉油去點豬踭會令口感更佳！火山石燒乳豬  (例) (