新斗記 (已結業)

聽講平時新斗記飲茶都好多人，估唔到夜晚一樣爆曬棚，7點半上到去已經滿座，全部一家大細係到食晚飯，明明果棟大廈大堂靜鷹鷹咁，入去仲好懷疑有無去錯地方，完全想像唔到上面坐到爆曬棚。用了舊時代既雞公碗筷，食落都滋味d。燒汁爆牛仔柳 - 牛仔柳肉質好嫩滑，非常入味，而萵筍既份量都幾多，口感清爽宜人，中和了肉味。翡翠炒帶子 - 帶子size都幾大粒，食落好鮮甜且嫩滑，西蘭花亦夠入味，爽脆清甜。火山石燒乳豬 - 新斗記既乳豬都好出名，乳豬塊切到正正方方，睇落企企理理，食起上黎都方便d, 豬皮好香脆，脂肪同肉既比例岩岩好，但系有少少乾唔夠juicy香辣龍蝦煲 - 呢個煲真係爆香，一上枱就已經香氣四瀉，雖然叫辣龍蝦煲，但其實都唔太辣，配料豐富，龍蝦肉彈牙惹味，整體都幾香口。