得龍大飯店 (已搬遷) 新店位置

已經不知第幾次到得龍,今次在此作個圍內團年,全因友人T兄,恨吃得龍已好幾年.雖然人少少,席上的全部是壯男,應該可吃多幾味,在得龍點菜根本沒有難度,叫回之前吃過的幾味就差不多.上次吃過叫好的鴨腳包,暫停供應,不知是否年近歲晚而暫停,抑或現今人不懂欣賞而不再做?希望是前者吧.幾個麻甩聚首,話題也不再是圍著波,女,馬之類.問下股票價格怎麼.又問下工作報告幾個,大家心裏的世界,其實沒變幾多.接下來芥菜幾棵,其實是芥蘭者者煲,熱騰騰沙沙聲,無論在官能上,或者是味覺上,同樣滿足.蝦子柚皮的柚皮,用的沙田柚應該size不算很大.賣相成個波.質感如海綿,索盡咸香的蝦子味.跟著的野雞卷,金錢雞已經吃過好幾次,水準保持,繼續脂肪超標.當大家為膽固醇歡呼時,友人W兄說有邊一次同你食飯,唔係膽固醇萬歲丫?)又再細想,這批圍內,陽盛陰衰,不知道是否我們的舉動,嚇怕了眾女子組?畢竟她們並不如Openrice的食友那麼為食.招牌菜太爺雞仍然重煙燻味,蟹缽焗得金黃,蟹味加蛋香實在惹味.雞蛋焗魚腸的魚腸最為甘香,蛋就反而幾淡口.燒鱔就很一般,好像上不到色似的.最後友人K兄推介的水晶包,吃罷之後大家終於叫飽了.其水晶飽比

凍凍地...又同老公出動搵野食, 呢度好耐已經想黎試- 懷舊菜!一. 山楂咕嚕肉, $58, 有粒粒山楂, 肉炸得微脆, 如果紫荊閣水準穩定, 就紫荊好食! 二. 蝦干魚湯煮津白, $69, 成個煲送黎...好熱, 蝦干好硬, 無緊要, 反正我唔食, 津白勁腍, 好好食, 魚湯無味精!三. 客家黃酒煮雞, $88, 用個爐仔熱住上, 一打開就好重酒味, 內有木耳, 幾硬, 雞件夠滑, 略油, 飲了半碗湯, 我唔太鍾意, 因為勁多薑, 酒味勁濃, 唔知點解老公咁鍾意飲! 我覺得食多少少...有可能會流鼻血! 如果換蝦子柚皮就好啦!最後送紅豆沙糖水, 又係好熱, 唔太甜, 唔錯! 加埋兩碗飯, 茶錢, 前菜小食, 老公話無收加一! 環境係一般舊式茶樓, 唔係好乾淨, 不過, 侍應服務一流, 又有禮貌!

七個人嘅晚飯，食咗以下菜式:金錢雞-得龍三雞之一，d肥肉同潤好香甜，加埋d姜味道剛好平衡鴨腳包-一件切開做四件份量剛好，除咗鴨腳，重有其他配料(但我唔知係乜)，但味道好砵酒焗桶蠔-d蠔夠大，焗得好香，外面香脆，但裡面好嫩滑，砵酒香味正好帶出蠔嘅鮮甜，一定要試嘅菜式太爺雞-雞肉夠嫩，有一陣好香嘅茶葉煙"分"味蝦子柚皮-香滑又冇渣，外面好難食到咁好水準，不過同枱嘅人話要做到咁滑要落好多豬油，不過有時食好味嘅嘢唔可以計咁多啫啫芥蘭-比較硬咗一d，有部份人覺得麻麻，但個汁好"野"味焗魚腸-水準算ok台山焗蟹-用一d肉碎、旦嚟焗蟹，蟹比較細隻，不過幾好羔整體嘅食品水準非常高，而且d懷舊菜亦好難係出面食到，非常值得嚟食。

今日夜晚7點鐘，黎左想試好耐既得龍食晚飯，2個人叫左古法太爺雞半隻($100)，山渣咕嚕肉($59)，荔蓉臘味扒豆苗($59)古法太爺雞:半隻份量唔算大，不過十分有水準，雞肉鮮嫩幼滑，煙燻的太爺雞滲出淡淡的燻香味，很突別，很好吃山渣咕嚕肉:真係極品，即叫即炸，外邊脆，入面鬆化，加入山渣來熬的醬汁既帶點點溫醇的果香，而且又可減低豬肉的肥膩感，吃過得龍的咕嚕肉後，便不敢再吃那些用大量醋做醬汁，未吃已嗆得猛咳的劣品咕嚕肉，得龍的咕嚕肉是我暫時吃過最好的荔蓉臘味扒豆苗:豆苗算新鮮，那個茨係用芋頭粒加臘味粒加椰汁煮成的，好開胃，又好送飯環境方面:因為早去，所以2個人坐卡位，好舒服，大約8點到門口已經有人等位喇本應想叫一舊金錢雞試下，點知已經比人訂哂....

店主話此菜色係在食神爭霸戰冠軍作品，咁就一試啦！又真係唔錯！皮炸得脆，味道唔會太咸！其他菜色仲叫左ｄ較大路如西蘭花帶子，咕嚕肉味道都算唔錯！但係又唔係話十分，不過都食得過啦！

夜晚九點先來到得龍，都係唔識路要搭的士來﹗好在有訂位，四十幾年的老鋪，估不到成九點門口仲有好鬼多人等，比個阿姐捉左去另外一個小鋪入面的一張二人廁所位﹗不過勝在唔洗等又自成一角，無咩所謂﹗阿姐埋黎招呼，我即話要佛跳牆啦，點知佢\問我有冇訂到，我根本都唔知要訂所以只有充話有啦﹗最後當然都無啦，哎呀！諗住黎食架嘛，點知最想食的就無了﹗不過今日同工友心情都極佳（最主要明天假期），所以都無野仲即時搵下有咩其他野食，點了缽酒蠔、咖哩牛尾仲有西蘭花雙脆。缽酒蠔一來十多件，用生菜托底吸油，入口熱辣辣的即叫即整，仲係脆脆的，必是先炸再用酒配上大蔥吊味，甜甜的一點蠔腥也沒有，同埋０個０的咩炸生蠔真係差天共地，怪不得呢個送羅左咩食物獎金獎啦﹗來呢度咩都可以唔食，不過呢個送真係要試下﹗工友同我本來不愛吃蠔的不過都一人ＳＨＡＲＥ五隻食鬼哂﹗真係好好味﹗咖哩牛尾入口香甜，牛尾炆得十分之淋，入口即溶，咖哩不辣，配上四件蒜蓉包，感覺滿足﹗全部清哂﹗西蘭花雙脆０的脆即係桂花蚌同唔記得咩蚌，係爽不過好韌，咬極都咬唔完，西蘭花亦只普通味道，不值成六十幾七十蚊﹗呢度０的阿姐好ＮＩＣＥ喎，可能我地得兩個人來，都比較少可，所以係

上次同家人去食飯因為係父親節掛等左好耐呀不過佢地d0野真係好好味份量一般但係食物真係好正招牌菜都真係一流最好食係九味大蝦球!我有詳細的記下大家可看看啊http://tw.myblog.yahoo.com/wingchi071117-wingchi071117/article?mid=851&prev=853&l=f&fid=24

我friend話新蒲崗有間「正」飯店,想帶我去吃。我心想新蒲崗「山卡拉」有甚麼好。點知一去到,已有人排隊,那時才是6:30, 幸等1-2張便可入座, 後來越來越多人,也有人駕駛名車到訪。大酒樓格局, 伙記都是做了多年的資深職員,不能要求甚麼好服務。但菜單琳瑯滿目,後悔只有兩個人來吃。點了梅菜扣肉, 砵酒焗生蠔, 招牌雞, 炒豆苗。雞很好吃, 要翻叮梅菜扣肉. 雖然肥,但冬天吃的話是很幸福的事, 何況此店梅菜味道控制合宜, 很好。最後因份量多吃不完,打了包。砵酒焗生蠔--蠔像蠔豉, 加上其他食物較好味, 此菜相對遜色炒豆苗- 新鮮、爽脆,不肥膩

老友推介到得龍食好野果然無介紹錯1.佛跳牆(足料清甜)2.金錢雞(太油膩了)3.太爺雞(無甚特別)4.咕嚕肉(皮脆肉香)5.炸藕餅(香脆可口)6.焗生蠔(不夠鮮味)7.梅菜扣肉(普普通通)8.蒜蝦糯米飯(太遲上了早咁上送飯一流)基本上菜式都是水準之作但常食有損健康

終於一試，卻有些少失望。其實幾味出名懷舊菜普遍都有水準：太爺雞做得煙燻味濃而肉質嫩滑；金錢雞加了薑片，令雞肝及冰肉不只有濃濃的蜜味。不過同樣功夫多多的鴨腳包，可能因用來綁紮的鴨腸頗硬實，又有金錢雞作比較，似乎稍為遜色。野雞卷則實在令人吃不消！未來之前已決定暫時拋開健康兩字，準備好迎戰肥膩菜式，可惜面對着極之油膩的野雞卷也要投降，咬落去只覺滿口肥油！真的要一件起，兩件止。山楂咕嚕肉則是出色之作，每件肉都炸得外面脆而內裏鬆軟，汁的甜酸味亦平衡得很好。名為鮮蝦蒸糯米飯，卻似蝦還蝦，飯還飯，吃不出飯有蝦味，兼且甜味過重，遮蓋了其他味道。另一此店名菜缽酒焗桶蠔就在賣相上失分。雖然蠔夠大隻，也頗鮮嫩，不過不是煲仔上，蠔與蔥蒜亂堆在一碟，食落又是很油，收$139似乎貴了些。肉太多，想點些蔬菜，卻似乎沒有幾多選擇，啫啫芥蘭似不過是鹹蝦醬炒菜，上桌時倒進燒熱了的瓦煲仔而已，$53又是有點不值。最尾還有一項扣分：$30半打的壽包，細小得可憐，一口可以放得落兩三個，而且頗濕，是最呻笨的一樣。

每年十月都係我社交生活比較繁忙嘅日子，因為有不少朋友都係响呢個月生日，安排飯局有時都令我頭痛不已。今年本身嘅時間表排得密麻麻，唯有折衷地將幾個飯局夾埋一齊攪。地點方面，我唔想食嚟食去都係嗰幾間，所以事前响網上做過一輪資料搜集，決定去呢間位於新蒲崗嘅食肆。呢間食肆以古法烹飪而聞名，其中嘅「古法太爺雞」更加係「食神爭霸戰」嘅得獎作品。除咗呢味菜之外，我地仲嚐試以下菜色，包括「金錢雞」、「咖哩牛尾煲」、「鮮蝦蒸糯米飯」、「梅菜扣肉」、「缽酒焗蠔」、「鮮腐竹雲腿浸魚肚」及「西米蓮蓉焗布丁」。首先講一講「古法太爺雞」，這道菜係需要預訂嘅。我地一到已經叫侍應起呢道菜，不過好奇怪，幾乎所有菜都上晒呢味菜都未上，結果三催四請之下終於等到。入口時，雞有微溫，已心知不妙，因熱葷食物唔夠熱係絕對係會影響食物質素，食落果然如此。撇開呢點，其實呢味雞嘅味道都幾特別，肉質嫩滑，皮及肉都有點甜嘅味道，相信如果熱食嘅話一定會更可口。我初時以為「金錢雞」真係用雞嚟做嘅，原來係一道「三高」嘅菜色，即係「脂肪」、「膽固醇」同埋「糖」。雖然係咁唔健康，但係小食都可以。金錢雞由四層分別係叉燒、豬潤、肥肉同埋咸蛋黃組成。我建議每

近期有同事離職, 必定有一餐farewell飯要吃, 本想到西貢燒野食, 但在難book位同眾多顧慮下最後不了了之. 後來有同事提議到得龍吃懷舊中菜, 一聽之下大家都支持, 所以昨晚就到新蒲崗尋舊去.乘車到新蒲崗乍看已和年前略有不同, 那裡開了間羽壽司, 和翠華已經再裝得美侖美奐. 轉入內街發覺得龍就在已往常到的康強街小巴站旁, 真是不走過去你不會發現那裡原來有這麼的好東西吃.八點到達門口, 原本已經訂好位, 在門口等待時發現近門的燒味部正為金錢雞淋上蜜汁, 心想待會兒就有得吃的真令人興奮. 怎料坐下來卻說今晚的金錢雞已經沽清, 我們昨晚訂位時已連太爺雞和彿跳牆一併訂好! 怎會沒有呢! 理論一輪之後最後他們肯送上半打綠茶凍糕已作賠償.點了的菜式如下:蝦乾魚湯浸時蔬太爺雞(半只)彿跳牆砵酒焗生蠔芝士焗石班梅菜扣肉蝦子柚皮脆鱔拼大腸綠茶凍糕(送)紅豆沙(送)太爺雞: 得龍三雞之一, 表面看與一般鼓油雞無異, 但咬下去一朕濃香的味道, 非常特別, 是別的地方吃不到的. 雞不是太肥, 胸肉也不難吃. (85分)彿跳牆: 用料豐富; 螺肉、金華火腿、魚翅、花膠、淮山、瘦肉、竹絲雞... 湯入口鮮

又係好耐冇嚟la...屈指一算都有成年多嘞...今夜跟太座一家飯聚，見好耐冇嚟，又好掛住個太爺雞，就返嚟跟"老友們"聚吓舊...其中一個"老友記"當然係太爺雞la...雞仍舊好滑，未食落口已嗅到嗰種獨有嘅煙燻味，醮上用蒜茸及葱頭製成嘅醬料，食到唔停得口。得獎名菜果然名不虛傳。外父外母讚口不絕...當然唔少得金錢雞。依舊甘香豐腴，蜜味濃厚；雞肝及冰肉以上加上一小片薑，減低油膩感，食多幾嚿，越食越精神另一"老友記" 砵酒桶蠔水準依舊--- 蠔經走油後再加酒燜焗，入哂味之餘表皮亦微脆，極出色；墊底嘅洋葱頭又係入晒味，跟蠔一樣可口....金蒜糯米蝦相對就較普通。糯米太濕，蝦亦不算好新鮮，不過勝在糯米食落口好鮮味，不知不覺嗶完一碗又一碗...鮑汁柚皮炆鵝掌亦不過不失，柚皮唔苦，不過唔夠淰...跟眾"老友記"重聚，不亦樂乎...下次再嚟要同黑豚义燒等"新朋友"認識吓先...

係Lee個網到,見咁多識食之人介紹Lee間大飯店,估計應該都唔差得去邊,一直都好想去,但好多網友話lee間德龍如何如何dirty,心裏一直十五十六,都唔知去好定唔去好,但真係抵受唔倒d網友介紹到d餸好似不到德龍非好漢,於是終於在上個拜尾拉大隊去擦一餐,果然不是浪得虛名。首先,都要為德龍平反一下,地方不是網友講得咁dirty。維生程度起碼好過大快活,大家樂和街市。但厠所就真係好dirty。各位最好去完厠所先去德龍。當晚點咗十個餸,最令我齒甲留香始終是網友一致推舉的太爺雞,燻的效果做得好出息,從來也沒有嘗過這種獨特的味道。其次,就是金錢雞,我也管不了膽固醇這東西了。金蒜蝦蒸糯米飯也做得不錯,蟹鮮飯帶濕潤而不太油,但不是網友說的蟹汁流入飯裹面。反而燒鵝無乜肉,吃到的是一担肥膏,總括嚟講,絕對直得去

得龍，何時起變為每年必到懷舊宴席？是晚，與一眾嗜食之友來捧「太爺雞」的場，也順道試試野雞卷、金錢雞及首試的懷舊鴨腳包。有點私務要辦來到時較預期的遲，預訂了太爺雞、野雞卷、金錢雞、鴨腳包、山楂咕嚕肉及炒鵪鶉鬆後，餘下的菜式麻煩了老頭子代為打點，分別為冬瓜盅、蒜子金銀蛋煮莧菜、蟹缽、荷葉飯、炸蠔（今年的得獎菜），一些是孖起菜式，也是大堆頭創作。粵式鴨腳包，是滷過的鴨掌加冰肉、珍肝、叉燒以鴨腸紮著燒，材料事前處理過後，燒是加添燒烤味道，是晚的鴨腳實為燒鴨，賣相猶幸對辦，綜合資料，該較某飲食雜誌介紹過某酒家的高幾班。之後的金錢雞，廿件，件件大小相均，是近幾次試過的最工整的，店方也真的下了不少心機，未嚐已嗅到「蜜」香，是次附有芝麻薄餅，用來包著吃更「user friendly」，冰肉、叉燒、珍肝的厚度與平衡度剛好，誰也不搶過誰的風頭，油甘豐盈。得龍的三雞獨漏了野雞卷（服務扣1分），太爺雞也是不錯過之物，燻味濃郁，肉質亦夠濕潤，較之坊間的乾身燻雞，得龍的又多添一分油潤而帶燻香的層次感，也是每次來到必點的「古法滋味」，吃過方才的金錢雞，再加上此品，人生無憾矣。胃納至此，也差不多到了極限，之後印象最深