得龍大飯店 (已搬遷) 新店位置

事原上個星期到附近做野, 個客帶我到此食了一餐勁正既午飯, 久久不忘佢個外脆肉嫩o既得獎作砵油焗桶蠔, 脆皮炭燒燒鵝, 山渣咕嚕肉等.終於忍唔住昨晚約埋2個為食同事一共3個女仔柴娃娃走去得龍食飯, 當然唔會錯過佢o個個砵酒焗桶蠔($17x有6件), 仲叫了太爺雞半隻, 金錢雞2件 同 o者o者芥蘭. 好彩午飯時預先睇定'開飯喇'得知佢個太爺雞及金錢雞要預早book定, 只可惜佢那個鴨腳包因無人手最近無做, (諗起真係好想食番呢個兒時懷舊菜, 無得食都無辦法, 只好隨緣啦), 埋單計數約$500, 雖然地方舊點, 但服務好好, 唔似其他老店耍大牌, 值得一讚, 味道超正勁正, (包括佢個茶芥花生粒都特別好味過人), 我地3個淨食餸都食到勁飽仲要棒住個肚走, 加上呢d 係功夫菜, 認真超值, 只怪在我地個肚已容不下炭燒燒鵝及其他正餸.......惟有下次再黎過.

昨日去和母親預祝母親節。見到呢度食評唔錯兼看到李純恩的書中有推介, 就過來試一試, 結果真的食完今次, 即刻諗定下次~ ^^是日叫了以下七種食品︰佛跳牆(小) (4-6人用)太爺雞 (半隻)金錢雞 (3 件) (1開2)鴨腳包 (2個) (1開4)山渣咕嚕肉炸大腸蒜蝦蒸糯米飯除了佛跳牆、太爺雞、金錢雞同鴨腳包是要預訂之外, 其餘三樣都是去到先叫。一開始打開序幕就是佛跳牆, 一上枱, 果真香得引佛跳過牆~ 原本看到裝修簡陋、門面不好、坐位不舒服(因為雖然而訂位, 仍安排坐在放雜物的位旁﹗)而滿肚怨言的母親大人, 看到佛跳牆酙出來的湯和倒出來的湯料, 即時笑顏大開。該盅佛跳牆內有金華火腿、田雞、烏雞、少量翅、螺頭、豬肉…渴的顏色清澈, 飲下去的味道鮮甜, 有濃濃的金華火腿味, 但又不至於遮了其他的味道。令一向挑剔的阿哥和家姐都一致好評。然後是太爺雞, 上枱時從外表看不出有什麼特別, 之前一直以為會和煙鴨一樣深色, 因此吃的時候也沒太大期望, 不過一放進口便知自己錯了, 吃了一口, 便發覺濃濃的煙薰香味, 一咀皆香。緊接到來的就是鴨腳包同金錢雞。金錢雞一見個賣相, 便知肥膩, 尤其看到低層那

20/4 (星期日) 晚7:00 去，9人(2個老人加1小孩)送極細碟，食唔飽，冷氣大，30分鐘上哂菜，好似好趕，客個。1. 菜心牛肉，竟然只有7大絛菜心，一人都唔夠一條，麵檔油菜一樣size！2. 腐竹魚湯，比手掌大小小的六角形碗，大家可想像有幾多，數過有5粒白果！3. 鱔併义燒，鱔唔夠分，义燒剛夠一人一塊，但好薄，兩樣都薄，超市壽司的鱔都厚過佢！亦唔見好食，淡某某！4. 炸鮮奶，得5件，雖然大件，但得啲粉，仲外內都好多油，炸得唔干！5. 炒菜，唔記得乜菜，種之碟就大，菜就少，菜啫！好貴咩!? 咁孤寒！6.7.8.9.... 無心機寫！請左我細佬個未來岳母集嚟，真係鬼咁失禮，佢未埋單走先，找數$1170，極唔值。見到啲食評，滿懷冀望，但極失望。又唔值又唔係好食，環境又窄，無下次！！！見佢8:00巳經無客再入，相信佢已經唔係咁被人棒場。*問我呀嫂取相，再post

每年辦一局得龍懷舊宴已是指定動作，是次充當街坊損友的嚮導，負責作跑腿點菜。首次在星期天來，七點左右，樓面、廚房忙到爆廠，幸然靚姐已留了位置，未幾已能入席。要辦一次入門級之作，不難，挑了幾味招牌菜，金錢雞、太爺雞及咕嚕肉，時令菜方面點了紫蘿牛肉同清明鵝，臨場點了台山蟹砵、椒鹽鮮魷、魚湯蝦乾浸津白幾味街坊菜，首次來的損友應該唔難理解。已好少機會見到食物同一時間上，金錢雞、太爺雞、咕嚕肉、椒鹽鮮魷同紫蘿牛肉等四五味菜前後腳上，食物擺滿一檯，混亂非常，幸好損友都是後生仔女，五分鐘狂風掃落葉後，連紫蘿牛肉都未有機會吃多件，又要準備第二輪。首輪的招牌作金錢雞同太爺雞亦保持水準，前者吃得到濃郁鳳肝、肥味冰肉同蜜味叉燒組合，對損友們說是新體驗；後者鮮嫩，恰到好處的茶燻味道絕對是每次來例必一吃之作。咕嚕肉依舊出色，薄漿包著五花腩，炸得香脆，山楂汁甜酸適中，漿掛得不錯，很少地方敢用腩肉，這裡做得很不錯。正值四月天，紫蘿牛肉也要試試，子薑的清香及微辛配上甜酸汁，牛肉無被化學過，子薑味蘸上薄牛肉，嫩口開胃，剩下的子薑正好替之後的濃膩菜作中和，要彈的，是油下得太重手，在座吃不慣子薑的，要多喝幾杯茶消滯。至於椒鹽

今日再試其他菜式...可惜今天叫的都不滿意!1.鮮腐竹雲腿浸魚肚, $69 - 魚肚係炸既, 又怪味, 唔好食, 個仲打獻汁, 真難食!2.燒鱔併京都骨, $69 - 燒鱔個皮都唔脆, 鱔又唔係太肥美, 京都骨仲衰, 好硬!唉...之前食過一次, 分量都幾多, 我地平時都唔食好多, 都覺得今日既分量好少, 白飯又硬, 最後既糖水...好稀, 糯米少得很, 好甜, 似飲糖水, 如果第一次食係咁既...唔會幫襯第二次! 今日都唔知仲咩??

拜讀多名食家的食評後，主人與奴隸獸已經蠢蠢欲動，訂下了心目中的菜單，今天終於行動啦！！首先是訂及預訂『鴨腳包』和『蜜餞金錢雞』，可惜『鴨腳包』已經無Quota，唯有下次再試。最初我們點了：1. 蜜餞金錢雞（2件，HK$30）：食落甘香，而不肥膩。2. 蝦子扒柚皮（HK$65）：柚皮綿而不爛，並吸收上湯的清甜，所以非常好味，奴隸獸讚不絕口。3. 山楂咕嚕肉（HK$69）：咕嚕肉香脆可口，山楂汁調得甜酸適中，但是主人仍然覺得脆漿厚了一些。4. 砵酒焗生蠔（HK$88）：端上桌時香氣撲鼻，但味道普通，無驚喜。（因為是得獎名菜，可能期望過高。）感覺還是不太足夠，所以再追加：5. 大良野雞卷（HK$68）：第一件，香酥。第二件，感到有些膩口。第三件，飽到上心頭。感覺好…..膩……呀……P.S. 除了以上菜餚，我們亦點了啤酒白飯，結賬前，飯店還送糖水糕點。

期待很久的一餐，係好耐之前已經聽聞好味，但係由於所有食物都比教肥膩，不是太多人願意一試。上星期拜完山，行左一陣街，黎呢到一試，感覺上比預期還要好。古法太爺雞、大良野雞卷、芥蘭煲、燒鵝王、炸鮮奶拼燒鱔、蝦子柚皮、咕嚕肉。味道真係幾好，好鍾意食燻雞，好入味。不過野雞卷就都幾肥膩。值得一試

今晚終於都一試這間老舖！ 金錢雞、太爺雞、焗蟹砵、砵仔焗蠔、芥蘭、炸大腸拚燒鱔、冬瓜盅、山楂咕嚕肉及通菜煲。 食得出佢真係落左功夫，唔同一般食肆咁無咩水準，值得一試。

呢間野想試左好耐，最近終於食左太爺雞：幾香煙燻味，幾有特色，不過肉就有ｄ鞋，而且係凍的野雞卷：新鮮熱辣，但本身無乜味，要靠個酸汁,同之前既食評講既一樣，可試可不試金錢雞：有雞肝，肥豬肉，叉燒和酸薑，再配以蜜汁，幾特別，不過真係半件就夠，有點滯山楂咕嚕肉：炸得夠透，放耐左食都重脆，但個汁就唔得，酸甜度都不足，失望砵酒焗蠔：最好的一碟，邊位焗得脆，中間鮮嫩，味道亦較得好，但＄１６８得六隻（四大二小）有ｄ貴．．蝦子柚皮：過鹹，完全食唔到蝦子既鲜味，失敗廈門炒米：非常一般好似星期一至五９：３０ｐｍ後入座有八五折，未食過可以試下，但我覺得試一次就夠，ｄ野雖然係幾有特色，但都係中等水準，而且膽固醇好高...''

"你個多月前咪去過得龍?又去?又話過唔會短期內再去?"又來自打咀巴,今次前來的原因,非亞Sir請食飯,又非自己吹雞.就是與S重聚,即是小弟之前,在Red bar食評題目中的女主角.斷線好幾年,突然再連線,都說Facebook偉大.她匆匆回港數天,受夠彼邦的中菜.同我說我想食燒味同點心.)橫顧黃大仙蒲崗村一帶,最穩陣都係得龍.我說環境幾麻甩下.)她說麻甩岩我,我最鍾意.)第一次來午市,這個咀巴,也打得輕力一點.兩點過後,避過人潮,吃得自在.午市未有金錢雞,鴨腳包要訂先有.唯有來碟燒鵝搭叉燒.兩者之前皆吃過,也有水準.這一次的燒鵝幾肥,外面的鵝皮香脆,下面的脂肪更是美味,鵝肉當然沒有鏞記的香,但也不俗.叉燒也能保持水準.S小姐見我連肥膏都吃,真是佩服,大家斷線多年.彼此不甚了解也屬正常事.見到有懷舊點心如豬潤同豬肚燒賣,恨不得一起來吧.S說我好鐘意食豬潤燒賣的.)所有點心也是即叫即蒸,豬潤爽口,生熟剛好不過老.豬肚亦爽沒有異味,下面的豬肉燒買,肉質滿到瀉,我們就吃得高興.其他如蝦餃皮薄餡靚,蝦肉甜爽,荀亦很甜.山竹牛肉非偷工減料之發水麵包劣貨.每一口也充滿牛肉的味道.沒有淮山火鴨紮,也來個

昨晚慕名而去，真的沒有失望。六點九去到，本想坐卡位，可惜一早已滿坐，所以被安排了一小小圓桌。兩個人，不能叫太多食物，叫了例湯：花生雞腳湯，沒有落味精，夠料，好味。金錢雞：兩個人只叫了一件，$15，可能飯未來，空口食覺得較咸同肥膩，如果送飯應該唔錯。不過一人半件已足夠，除非很喜歡吃肥肉，如果唔係都係健康點，食半件便可。太爺雞：$99半隻。煙燻味好夠，真係食到骨都覺有燻味，半點也沒有媽夫。有碟大蔥油可點，其實真的不需要，其實碟油無什麼味，得個肥字，而且隻雞真係燻得好香，用其他調味蓋過雞味反而浪費。蝦子柚皮：第一次食，之前只吃過蒜蓉蒸，沒想過用蝦子做原來都唔錯。炸蛋白、燒鱔：炸蛋白一般，燒鱔就有點失望。本以為鱔會切到圖形一片片燒，但佢做法似日本鰻魚，加叉燒醬，味道不太差，但感覺有點不倫不類。送紅豆沙做甜品，但較甜。食物方面完全滿意，至於環境都可以，之前有評論話有“米奇”在天花跑步，我就覺得有點誇張，始終中式酒樓較嘈，人跑步都未必聽到，點會咁好耳，連“米奇”都聽到呀！服務都可以，服務員都是叔叔同嬸嬸，總之叫飯有飯、叫茶有茶，而且我分了三次落單，都無落漏或者錯，都算唔錯了。最可惜是只有兩個人，唔

一行六人. 點了「三雞兩缽」及例湯, 後加大腸併風鱔及蝦子柚皮. 雖不能說對其出品驚為天人, 但整體相當滿意, 它所獲得的好(食)評確實有理.金錢雞: 醬汁較濃, 而且那塊冰肉不及我在元朗吃過的"冰", 但加了小許子薑辟減肥膩感, 所以仍算很好. 怕膽固醇者可能敬而遠之, 但間中一試享受那豐潤的口味還是值得的. 店家還把每"塊"一開二, 顯示為只想輕嚐者設想. 每塊盛惠$10 -- 嘩, 抵到爛啦!野雞卷: 和金錢雞一樣是膽固醇化身. 但和前者比較,少了那份馥郁複雜的口味, 而且入口比較肥膩, 點了那酸汁會好些但作用不大. 未吃過的可以一試, 否則不點也罷.太爺雞: 咪即係燻雞. 今次隻雞皮唔係好脆, 但係燻香味剛好. 應該是急凍雞, 但吃不出雪味, 所以還可接受. 附上薑蓉, 但你點的話就真係o徙料, 因為會蓋過燻雞味. 同樣道理, 你剛吃完金錢雞如果不用茶漱口的話, 便吃不出那淡淡幽香. 本來我已認為有中上水準, 但後來雞攤凍了再吃, 吃落仍可感到那幽香環繞口中, 可見燻得十分有火喉. 比起那些什麼X苑,老X的出品不遑多讓, 價錢卻平一大截. 必試!!砵酒焗桶蠔: 蠔焗到乾身用一塊

在新蒲崗區工作, 走完整條大有街也沒什麼好吃, 唯有多花腳骨力向老區進發.得龍成為我們久不久要到的午飯地點(尤其是冬天)一行7人, 第一次來得龍叫了一個餐, 有N個小菜, 一碟燒味, 一堆點心, 一碟菜, 一個湯, 幾個飯. 勁飽. 而得龍的梅菜扣肉亦令我自此打破多年不沾肥肉的習慣. 以後來得龍, 沒有再叫幾人餐, 因為叫碟頭飯各取所好反而更抵更夠喉. 我每次來得龍也必叫梅菜扣肉飯, $26+ $5茶錢, 抵!推介:-梅菜扣肉-生炒菠蘿骨至於服務呢...還是FOCUS在食物上罷. 個人認為老店"不是服務"的服務也是其特色之一p.s. 廈門炒米也是得龍的"招牌菜"(有剪報介紹), 但不見出眾. 在得龍, 還是吃懷舊菜比較有驚喜

不知第幾次來，但肯定會繼續再來，因為出色的店子如這裡，實在多試無妨。得食友劉公子的安排，一行十八人，被安排坐在隔壁的大房內，風涼水冷又有電視，相當舒適。來這裡，手本名曲如金錢雞、太爺雞、咕嚕肉是必吃，另外也要了鴨腳包、砵酒焗蠔、蟹缽、鵪鶉鬆、大腸併風鱔、鮑汁扣柚皮鵝掌、金銀蛋魚湯浸勝瓜，加上冬瓜盅及荷葉飯，大小菜色總共十多味，豐富非常。人齊上菜，打頭陣的是冬瓜盅。比較起上次，今次的湯底明顯較清鮮，味精有但可以接受，最好的還是那美味的冬瓜，前後吃了三大碗；現在有做金錢雞的店子不多，做得最好最正宗的，仍然是得龍。這裡的金錢雞，裁得塊塊圓圓的，子薑、炆肉、鳳肝、冰肉，疊得齊齊整整的，賣相絕佳。金錢雞燒得甜甜的，鳳肝甘香，配上吃起來爽口，而口感豐腴的冰肉，再襯以子薑的香辣，也是地上最強的食物組合之一。一口吃下，人間美味就盡在此，作為老饕，這一味經典名菜，還是要吃完再吃，而做得最好的，只有得龍，我說的！除了金錢雞，這裡還有一味菜是全城最好的，就是其太爺雞，即薰雞是也。這裡的薰雞，煙薰味香濃，但吃起來點到即止，廚房火侯掌握得很到家。雞隻肉質嫩滑，不會過乾，還帶微甜，一口氣吃了幾件，也是絕品；談起廣

這間飯店, 我經常光顧, 食物水準確是一流, 可惜, 服務態度差劣, 令人婉惜。今年新年, 本人於該店訂了盤菜, 要求年三十晚下午五時送貨, 當天, 一家老少高高興興等待品嚐盤菜……惟到了六時半, 盤菜還未有送來, 本人致電查詢, 但那個接線阿姑態度異常惡劣, 不停以煩厭的語氣說：「送貨的車出了, 出了, 一早和你說了」(但本人是首次查詢)阿姑敷衍塞責地自說自話, 卻原全沒有提及盤菜何時送來, 及未有答應替本人跟進。希望該店教導員工改善服務態度, 特別是那位態度惡劣的接線阿姑。無論如何, 我不會再幫襯這間店舖。不知所謂﹗