得龍大飯店 (已搬遷) 新店位置

二十個月來五度得龍晚飯,以小弟光顧同一間飯店的頻率,已經是非常之高.今次什麼都不講,只講個鴨掌包.正所謂古老當時興,集體回憶成為近月的熱門話題,連孫耀威也在回憶之列,更何妨一些昔日的味道?連得龍也追上這個大氣候,將鴨掌包這味近乎失傳的懷舊燒味重現.用鵝腸包著雞潤,鴨掌,叉燒,芋頭.再用叉燒醬醃後再燒,工序煩複,兼且賣不到好價錢,再加上現代人口味偏向吃得清淡,所以近乎失傳,亦不無道理.鵝腸脆,雞潤甘香,叉燒夠肥,芋頭夠粉,叉燒汁味濃,咬一口,好像吃了骨膠原,開不了口.怕肥不敢吃?一件起兩件止,吃不出問題的.反而終日"就住就住"來吃,這些人出事的機會,比我輩不肥不吃,豬油撈飯當上品的人更高.再補充,太爺雞仍是很高水準,煙燻得入味,雞皮嫩雞肉滑,不敢說是否全港最佳燻雞,但頭三一定走不了.

又在巴士睡過籠之故,順水推舟去得龍飲早茶.名叫飲早茶,實際上是吃叉燒飯.(阿姐,半肥瘦叉飯扣底!)阿姐仲要扣底?得番好少飯乍.)叉燒同飯分開上,扣底後的白飯份量仍不少,可見如果正常份量的話,真是給"苦力"去吃了.半肥瘦的蜜汁叉,肥肉位甘香,但質感有點齦.瘦肉位鬆化,外層夠香,其蜜汁外層已將本身的肉味鎖實,所以肉味濃郁.賣相比之前吃過的又一城"皇府"為差,沒有浮誇,矯揉造作的外型,才能吃出原始的味道.可能我不是連吃叉飯,也要有隻可愛太陽蛋的港女.

今日我晏就book左位8.00食飯, 但係去到超勁多人, 都要等左成半個鐘先有位, 等左四張大台先到.我地一入座, 叫waiter點餸, 無人理我地, 又話轉頭, 個頭太大, 轉到無左影, 於是叫另一個女waitress, 嘩, 呢條友勁呀, 都頗串, 我哥點餸啦, er...er...er....講左三下, 個waitress就話"er即係食乜野", 呢D唔係古式酒樓既服務態度呢?? 即時成家人都話洗唔洗咁串呀.我來講番D野食先.1) 古法太爺雞半隻: 呢個D味道係唔錯家, 幾特別, 但係我覺得YIP得唔夠入味囉.2) 雀巢九味大蝦球: 呢個真係幾好味, 值得推介, 個雀巢一D油味都無, 佢用芋頭來做個雀巢, 個餸就有炸南瓜做配菜, D蝦好爽好新鮮, 炒出來個味道都好正3) 鮮腐竹雲腿浸魚肚: 呢個餸就普通左小小, 唔係太特別, 不過不失吧.4) 金菇瑤柱西蘭花: 呢個一上台先搞笑, 佢地好似家常便飯咁, 個碟啦, 炒出來個賣相啦, 好似我媽炒出來咁. 無樣可言, 味道都無咩問題.5) 金蒜蝦蒸糯米飯: 呢個超正, 值得推介, 因為好多酒樓D糯米飯都唔好食, 但係佢整得好香, 我

正所謂:原先飯局要取消,無無聊聊四圍逛,心血來潮打電話,傻下傻下食餐飯!從來未想過由上車到落車,原先三四'量'友飯局,由越華會講到港大校友會,由益新講到落鎚得龍,都係一程車中傾拈,真係要唔該denny兄!話晒得龍主打懷舊菜,第一眼見到一味母親注重健康後從未再煮既豬潤枸杞,一定要叫,至於要照顧一眾瘦身女士,什麼金錢雞,野雞卷通通唔要.........T_T杏汁豬肺湯始終以港大校友會最芳香濃郁,杏味算是足夠,但豬肺能多給一點更好(因為本人喜好,湯渣中的豬肺全給小弟消化)叉燒忘記order半肥瘦,低打,肉質偏實,唔太得.豬潤枸杞最令人有驚喜,枸杞鮮嫩可口,豬潤部份帶點生,偶有血水滲出,但整體水準極高,有機會要再試.焗蟹砵亦有驚喜表現,以焗魚腸方法處理,蛋味濃郁,與肉蟹出奇地配合,正如P.J所言,蟹汁滲入蛋中將甜味提升,非常討好!蝦子柚皮又一次令人失望,質感單薄,茨汁如果用金華火腿燴過會否更好呢?砵酒焗蠔是選上桶蠔,肉質比較結實但件頭大,比起本地貨,一過火便縮龍成寸真的不同,但略為煮過火了點過於乾身.廈門炒米是某靚女要求而ordr,米粉夠乾身唔會一舊舊,有水準,但酸味輕清,好此道者一定唔夠喉!

叉燒, 多士明蝦夾very good!Only bad thing is that I had waited for 35 minutes outside the restaurant which is a Saturday evening!

錯過了在此搞的OR聚，之後一直都沒機會去，沒想到在一個平凡的週未，因爐兄的興之所致而速成一臨時局，了咗我地一個心願。一如以往坐定等吃，先來一客馳名叉燒，上桌時仍微暖，肉質有點硬，偏瘦，蜜味不足，個人認為叉燒最好仍是利苑。杏汁豬肺湯，味不夠濃，豬肺湯料不夠滑身，水準一般。京都骨和燒脆鱔(雙併)亦不討好，京都骨味太酸，燒脆鱔不夠新鮮熱辣。招牌太爺雞是另一失望位，肉不滑，皮輕微苦澀，煙燻味並不突出，比我之前在樂意居吃的差很多，當然價錢仍相對平宜很多。全晚較出色的是韮紀豬潤和焗蟹砵。豬潤厚身，至剛熟，韮紀和上湯均鮮甜美味，個人認為比生記還出色。焗蟹砵做法和焗魚腸相若，焗蛋滲有蟹肉的清甜，面層微焦，內裡保持濕潤，變得份外惹味，；蟹雖然細隻，尚算有肉食，味道亦鮮甜。整體上失望，我倆應該不會再來，除非再有大局。

不經不覺四度得龍了,即慶到極點之黑色星期五飯局.八人迅速召集新蒲崗.得龍一向以懷舊菜式為主,而且最出名好幾味,統統為On diet者之大敵,為照顧是夜不吃肥膩的靚女們,金錢雞,野雞卷,一律忍痛割愛.蜜汁叉燒還是要吃,不要肥叉,一樣出色.蝦子柚皮入口無渣,不過質感略嫌單薄,蝦子茨汁亦不夠濃厚.一直很想去灣仔生記,吃個豬潤枸杞,見到得龍也有此味,當然不放過.豬肝剛熟,枸杞同炸過的蒜子亦香甜,名正言順湯甜菜滑,身邊的P.J加把口生記的豬潤枸杞,並不是太好而已.)很多地方也有窩貼小棠菜,這處的炸得比較硬,不夠鬆化.杏汁豬肺湯味道清甜,可是質感沒有港大校友會的細致香滑.山渣咕魯肉亦是得龍的主力之一.個人一向對此味不感興趣,沒有意見.砵酒焗蠔很香口,用上的桶蠔新鮮程度亦佳.圖中的金蒜蝦蒸糯米飯,粒粒充滿蒜香,蝦反而成為配角,蝦肉的確麻麻.本來的豬大腸拼燒鱔,上到來變成京都骨拼燒鱔.既來之,則安之.脆鱔燒得過乾,水準之下.在得龍可以不要金錢雞,不要野雞卷,但不能沒有太爺雞.差不多吃清光才施施然進場.是夜的太爺雞,仍然很有水準.一入口,煙燻味直插大腦的中樞神經,差點不由自主地F_____g great

見到咁多人試呢間飯店, 而且自己住將軍澳, 往來方便, 搭一程車門口落,所以今個星期日去左食晚飯。兩個人試了幾道菜1) 野雞卷2) 金錢雞3件3) 多士明蝦夾4)帶子兩隻5) 山楂咕嚕肉。野雞卷不是太合本人口味, 就連平時好食得肥野的bf 都食唔到... 因為真係非常之肥!!! 佢\係一舊好肥既豬肉卷埋再炸, 所以係非常之油膩!! 食左3件已經好滯。強烈推介多人先至好叫呢味菜。金錢雞就真係唔錯! 薑片+雞肝+叉燒+一片肥膏, 再加以好蜜的汁真係絕配。多士明蝦夾都唔錯, 蝦好爽口, 但都係偏油, 因為係炸既。相比起鳳城, 呢度當然冇咁好味啦!! 但係都算唔錯, 不以一試。帶子粉絲蒸, 冇咩特別。咕嚕肉都ok, 用山楂炒埋,味道幾特別。但係d 肉又係肥得滯。overall 黎講都算ok, 只係d 肉好肥, (可能自己唔識叫呱??) 有機會都會再試下佢\其他既特色菜。

狗年的團年飯在得龍吃，大家十分滿意。今天再來一次，與上次一樣點了蝦子柚皮及太爺雞，水準仍然保持。芥蘭很有點吃「鐵板燒」的趣味，味道也很不錯。蓮耦餅很香，內夾的豬肉夾有蝦米，味道很好。還有一道菜：陳皮紙包骨是全晚最遜色的，首先，用的是豬排，其次用鬆肉粉太多，最後就是太肥了。有兩件的完全找不出一件可以吃的瘦肉!

赤口同大班朋友去o左德龍開年,叫o左成十個餸--太爺雞, 金錢雞, 砵酒焗桶蠔, 啫啫生菜煲, 山楂咕嚕肉, 鵲巢九味蝦球, 煎蓮藕餅, 炸大腸拼京都骨, 咖哩牛尾煲(跟法包), 蝦子柚皮!!各樣都好好食,尢其:太爺雞, 金錢雞, 砵酒焗桶蠔都保持到水準,鵲巢九味蝦球就好特別,幾惹味;不過山楂咕嚕肉就麻麻地,d肉太肥; 炸大腸拼京都骨就冇咩特別,下次可以唔叫;咖哩牛尾煲就好有牛肉味,送飯一流;蝦子柚皮得我一個鍾意食,個個都覺得有d苦澀味,不過我覺得好正,最後仲有紅荳沙送,伙計服務都幾好,好有人情味,不過地方就依舊唔太乾淨,地下濕漉漉,老人家要小心!!!

從小在彩虹住了10多年, 之後搬去鑽石山又住了7,8年. 對鄰近的新蒲崗纏上了不少情意結. 得龍從未有"網民"公開評論時至今的轉變...其實不大! 最大的分別係, 以前只係一般的舊區"伯父茶樓", 一經評論後賺刀開了巷, 哈哈!相隔了大半年, 上星期六約了家人去吃一餐"彿跳牆"+"金錢雞", 這兩度菜需要訂位時預訂的. 準時7.30到了, 竟然要等20分鐘先有位;都唔緊要...最重要係派了在正門旁邊的另一地舖位給我們. 一入去就聞到"up" 味...難頂, 仲要入座後我叫先起預訂的菜, 都要等左20分鐘先來了6件金錢雞, 仲要係每件都少了叉燒. 之後, 其他點了的菜平均每度菜食完了等20分鍾, 另一味先到....還有, 品質和味道都已經"行"晒唔在講, 因此, 相對地就覺得不及去年底食啦. 哎, 又一間出名後現晒形既食店了!!

過去十多年,都有到德龍食午餐晚飯,但年,自從裝修了以後,已不想去了,只是家人仍然在就近上班才間中食一次,但是一次比一次差,從前都喜歡食的燒味,又香又好肉,現在......肥,好肥,又少,又貴......這般令人心痛......

　記得上次一心諗住嚟試下,但失望而回,之後檢討可能無叫呢度最得手既懷舊菜,所以今次再來一次,果然好好多喎...　訂位時已經落咗：金錢雞X2：果然好得,我地兩兜友企係出面等位時,透過玻璃見到,嘩,視覺上好蜜汁,好潤吓,見舊冰肉厚厚身,係咪真係好肥既呢?但一上枱,見面層有片薄薑,跟住雞膶,叉燒,冰肉,得伙記問問,一件開兩,一口咬落去,呵呵呵,雖然我夾個件雞膶得DD,但係都好食到個陣香滑濃郁味道,同埋一定.....係一定要一啖有晒四款野,你會覺得好神奇真係4in1,分到四種口感,但味道同質感又會咁夾.小妹及肥Dee第一次食,先明白點解各食友都話要食幾件先夠,真真回味!!!!($13/件)蝦子柚皮：又係好野,試過出面食肆,印象中都係得苦澀同埋唔明點解成日都話呢味係好野,原來只係未遇到做得好既食肆.柚皮鬆化,夾開唔係話會爛晒覺得霉烚烚個隻,feel到有纖維個型仲係晒度,再浸浸個鯪魚骨湯芡,即刻索晒味,食落唔會得死鹹,好鬼得,好好味,好鐘意!!!($42)太爺雞：等咗成半粒鐘,好彩係真係好值得等,一嚟當然揀舊有皮有肉有筋好咬口既雞腿骨後截,唔,個陣煙熏味確係惹味,層皮勁香一定要食埋,難得雞肉入味又

早排去咗新蒲崗\"得龍大飯店\"食飯慶祝同事既牛一. 我地點咗下列菜色古法秘制太爺雞: 陣皮有陣好特別0既煙燻味. 雞肉食落唔un都幾滑,係幾掂架!!不過我個人認為唔可以食多過3件, 因為會好咸架!!冬瓜盅(要預訂): 個湯水都叫幾夠味, 冬瓜都好清甜. 但oh no, 點解d蓮子會臭0既(酸\"叔\"味)????? 唔止一粒半粒, 係所有蓮子呀!!! 食落已經有d酸酸地, 再咬多幾嘢我就可以肯定. 所有蓮子已經變壞0左. 好地地一個冬瓜盅比d酸蓮子破壞晒, 可惜~可惜~未算, 點解預訂既嘢會比d臭既蓮子我呢??? 有冇搞錯(＞O＜!!!)雞蛋焗魚腸: 呢個我唔食, 冇意見. 不過佢\地個個都話好味幾正喎!!!砵酒焗桐蠔: 我唔食蠔, 所以淨係食佢\d配料(蔥頭), d料同汁係幾野味. 但佢\地話d蠔唔新鮮囉, 陣味怪怪地喎!!!蒜香蟹蒸糯米飯: 隻蟹細左d囉, 蟹肉又唔夠鮮(一咬個殼就知佢\鮮唔鮮，你睇我幾勁．哈哈～～) 糯米飯咪又係嗰d普通配料: 腊味,糯米,小蝦米,不過不失!鮑魚小唐菜: 鮑魚片較為小ｕｎ(但都仲0趙到). 小唐菜就冇興趣, 唔係咁掂囉!!!山渣咕嚕肉: 唓~係多

說的是這裡的「三雞」：金錢雞、野雞卷及太爺雞。已不是第一次在這裡搞聚會，但有幸幫忙寫菜單的，卻是第一次，於是便將自己想吃的，都一股腦兒寫進去。除了「三雞」，還要了一尾龍躉要做個「兩吃」、燒味併盤、冬瓜盅、山渣咕嚕肉、三豉蒸銀鱈魚、牛柳粒炒爽藕及最後來的荷葉飯。十五人的一圍，相信也可以應付吧。打頭陣的是金錢雞，每次吃這裡的金錢雞，都有點點不同，但以這次的最認真最講究~除了冰肉、蜜汁叉燒及潤，還每件也有薑片及併了燒鱔。包上軟熟的芝麻餅皮，肥美、豐腴，絕對是人間美味，也是個人而言，百吃不厭的一味菜。坊間有做金錢雞的食肆，兩隻手可以數晒，但論水準，以這裡的最高。故是晚解除禁制令，跟大王一樣，連吃三件，也是值得的；一味重量級的菜色之後，來兩味輕一點的。要了一尾龍躉，三圍分吃，例牌魚腩炒球，尾翅則拿去炆。龍躉肉質爽口，比其他大魚口感又勝一籌，清炒當然出色。尾翅原份拿去炆，件頭大，難度高，當然比其他酒家斬件炆煮是難得多。這裡的整體感覺不及蓮香樓，尤幸有墊底的龍躉魚皮搭救，吃起上來又比海斑的又要高一班。這味一魚兩吃，都出色，當然人少的話，來一尾大海斑已然足夠；野雞卷及薰雞，也仍有水準。前者是一等一功夫