影片
更多
2007-10-19
4 瀏覽
每年十月都係我社交生活比較繁忙嘅日子，因為有不少朋友都係响呢個月生日，安排飯局有時都令我頭痛不已。今年本身嘅時間表排得密麻麻，唯有折衷地將幾個飯局夾埋一齊攪。地點方面，我唔想食嚟食去都係嗰幾間，所以事前响網上做過一輪資料搜集，決定去呢間位於新蒲崗嘅食肆。呢間食肆以古法烹飪而聞名，其中嘅「古法太爺雞」更加係「食神爭霸戰」嘅得獎作品。除咗呢味菜之外，我地仲嚐試以下菜色，包括「金錢雞」、「咖哩牛尾煲」、「鮮蝦蒸糯米飯」、「梅菜扣肉」、「缽酒焗蠔」、「鮮腐竹雲腿浸魚肚」及「西米蓮蓉焗布丁」。首先講一講「古法太爺雞」，這道菜係需要預訂嘅。我地一到已經叫侍應起呢道菜，不過好奇怪，幾乎所有菜都上晒呢味菜都未上，結果三催四請之下終於等到。入口時，雞有微溫，已心知不妙，因熱葷食物唔夠熱係絕對係會影響食物質素，食落果然如此。撇開呢點，其實呢味雞嘅味道都幾特別，肉質嫩滑，皮及肉都有點甜嘅味道，相信如果熱食嘅話一定會更可口。我初時以為「金錢雞」真係用雞嚟做嘅，原來係一道「三高」嘅菜色，即係「脂肪」、「膽固醇」同埋「糖」。雖然係咁唔健康，但係小食都可以。金錢雞由四層分別係叉燒、豬潤、肥肉同埋咸蛋黃組成。我建議每
呢間食肆以古法烹飪而聞名，其中嘅「古法太爺雞」更加係「食神爭霸戰」嘅得獎作品。除咗呢味菜之外，我地仲嚐試以下菜色，包括「金錢雞」、「咖哩牛尾煲」、「鮮蝦蒸糯米飯」、「梅菜扣肉」、「缽酒焗蠔」、「鮮腐竹雲腿浸魚肚」及「西米蓮蓉焗布丁」。
首先講一講「古法太爺雞」，這道菜係需要預訂嘅。我地一到已經叫侍應起呢道菜，不過好奇怪，幾乎所有菜都上晒呢味菜都未上，結果三催四請之下終於等到。入口時，雞有微溫，已心知不妙，因熱葷食物唔夠熱係絕對係會影響食物質素，食落果然如此。撇開呢點，其實呢味雞嘅味道都幾特別，肉質嫩滑，皮及肉都有點甜嘅味道，相信如果熱食嘅話一定會更可口。
我初時以為「金錢雞」真係用雞嚟做嘅，原來係一道「三高」嘅菜色，即係「脂肪」、「膽固醇」同埋「糖」。雖然係咁唔健康，但係小食都可以。金錢雞由四層分別係叉燒、豬潤、肥肉同埋咸蛋黃組成。我建議每人最多都係食一件，如果唔係食滯咗唔好賴我。我食咗半件，想再添半件，但已感受到鄰座凌厲嘅視線，唯有將伸咗一半嘅手縮番轉頭。
「鮮蝦蒸糯米飯」係一道喜出望外嘅一道菜色，首先糯米飯炒得非常之香，充份吸收咗放响上面嘅蝦香同埋芫茜香。飯粒炒得很乾身，亦十分有口感，而且唔會好油膩，食過幾巡都冇話會滯肚；「缽酒焗蠔」亦十分出色，除咗蠔本身夠大件之外，用焗嘅方法去烹調，令蠔外表有點脆口及甜味，但咬入去裡面肉汁仍然豐盈，與食鮮蠔嘅感覺分別不大。「咖哩牛尾煲」、「梅菜扣肉」及「鮮腐竹雲腿浸魚肚」都能夠煮出應有嘅味道，沒有甚麼可投訴。
見大家食得差唔多，霎眼見到有「西米蓮蓉焗布丁」，响冇人反對嘅情況之下，我地再添呢道甜品。很可惜，此布丁西米十分多，但係蓮蓉就十分之少，我食咗兩啖之後就已經放棄，都幾浪費。要食呢款甜品，都係去番中環嘅「蓮香」最稱心滿意。
結賬共銀大約一千一百蚊，一行九人，每人大約百三蚊。
張貼
