座銀

營業中

休息中

隔左幾個月再黎食，成日心掛掛，因為雞白湯拉麵真係好正冇得輸呀！🍜其實以前我完全唔中意食拉麵，但男朋友一直都中意，所以香港食過好幾間佢推介既，可惜佢最愛大坑既bb拉麵執左（佢既舊愛）依一年搵左2-3間香港出色既拉麵，依個係其中一間，更令我會想一食 再食既～～！拉麵一到已經香噴噴，雞湯又香又濃，邊食麵邊飲湯，最高享受～！白滑既雞肉片 同 炸過既淮山（我估係掛）係出面少有既。好彩食之前有用店員比我既圍裙，手腳不協調既我又彈到周圍都係😂😂食完好滿足🥳

今日去咗中環呢間日本過江龍座銀食雞白湯拉麵🍜我同友人一個叫咗雞白湯拉麵，一個叫咗海鮮雞湯拉麵。兩個都有啲炸到香脆嘅牛蒡，薄薄地一條條，好似薯片咁，好好味。兩個麵湯底麵好濃郁，食得清淡嘅人就未必啱啦。不過兩塊肉入口都好軟熟，好滑啊！

去完中環donki, 好想食拉麵，朋友帶左我去附近嘅座銀食雞白湯，講到我一定鍾意，即管去試試啦！平日夜晚去，唔洗點等，五分鐘就入座。啲staff個個麵好nice, 會講解下有咩限定麵食，有咩限定野飲，又介紹有邊啲手工啤值得試...不過第一次黎，就梗係要食鎮店主打嘅雞白湯拉麵啦！一上菜，望落好飲好細碗，但其實女仔食晒成碗，再飲埋啲湯就好～飽～冇誇張，湯一定要飲，濃而不漏，濃郁嘅雞湯再配上些少嘅忌廉味，真係未食完已經好期待下次再黎肉就有兩塊，一塊豬一塊雞，兩塊都岩岩好火喉，好滑而且keep到個肉味，好食！座銀喺我心目中已經係香港第一好食嘅拉麵我地叫左支手工啤pale ale, staff話因為個湯濃味，所以都建議我地飲少少酒先食個麵。個啤酒一飲落去係有果香，對於女仔黎講都好易入口，值得一試。

食得多豬骨湯底既拉麵都想試下其他湯底既✨座銀主打雞湯，店在選擇唔多，只有雞白湯拉麵及沾麵選擇～另外仲有一個雞湯海老湯底。.一場來到緊係揀返雞白湯試啦！雞湯好濃郁好滑！香而且啖啖雞既精華，無一間雞湯可以媲美到.肉方面只有一片豚肉及雞肉片，兩款肉都煮得好嫩滑，應該係用慢煮既方法來烹調坦白講價格都偏貴，但食材都對得上呢個價格既！

Zagin Soba has been on my to try list for quite some time. I have actually walked pass it a number of occasion, and I don’t know why I haven’t tried it until now.The seasonal special menu is changed every month. October is for Halloween, so pumpkin became the major ingredient. However, the pumpkin special ramen is a bit too pricey to me (HKD$198), so I opted for an ordinary one.The menu isn’t big, there are only 2 ramen options (chicken white broth or seafood broth) and a chicken tsukemen option

座銀呢間拉麵店係中環都數一數二出名，終於有機會經過，佢主打雞白湯拉麵/沾麵，menu係搵唔到豬骨湯～環境闊落舒適，坐得好舒服。店員服務都唔錯，加水無托手踭。🍜雞白湯拉麵$138(+1)✨好味指數：🌕🌕🌕🌕🌑最搶眼係碗上嘅一大堆嘅炸牛蒡，香口脆身，然後係拉麵上嘅白泡，原來係仿Cappuccino打泡方式打出嚟。湯底真係一試難忘，濃郁鮮甜又幼滑嘅雞湯，唔太膩，好暖胃，幾乎飲晒個湯底，後期我都加少少水去調淡，一樣好飲。🍳溏心蛋加$15就有兩半，整得好靚，配埋湯底食，掂！其他配菜嘅雞胸同叉燒就一般般，唔係重點。📣加分位🥰：🚽🚾非常乾淨，又有牙線、獨立包裝嘅玫瑰味漱口水😆，門隔離見到佢哋張清潔紀錄表，張checklist好多個tick位，對洗手間嘅清潔要求甚高，潔癖人士如我好滿意

今天第一次光顧"座銀"店內簡潔日式既裝潢感覺不錯店員會幫你拉一拉凳，仲會問你飲熱定凍茶，非常細心值得一提那個濕餐巾,因為顏色圖案漂亮而且很大張,實在是高成本既配套今日點左一個湯麵一個沾麵, 先講一下湯麵.湯非常濃但不是味精那種味道,是真材實料烹調出來的.所以我都喝了幾口湯之後那個牛蒡都很好吃 , 雖然叉燒不多但都已經很足夠不需要追加這個炸雞屬正常水平,沒有太大既驚喜這個沾麵,有雞湯泡沫,入口較重雞脂雞骨餚成既香味 湯入面係有慢煮整成既日本雞胸條粒 亦加入左筍乾食落爽而香

周末，中午過後，响附近買完花經過呢間麵店，職員熱情打招呼，反正都到午餐嘅時間，就即管一試。話曬係過江龍，應該唔會太差吧！一坐低，職員已問我哋想飲茶定水，好快就為我哋準備好。之後就介紹一下簡單嘅餐牌。我們點了雞白湯麵，雞沾麵同座銀炸雞。湯麵同拉麵上枱嘅presentation 都幾好，味道都唔錯，好濃厚嘅雞湯，味道一貫日本拉麵偏咸但未至於咸到欠缺味道層次。老實講味道未至於驚為天人，但餐廳無論環境同服務都令人感到舒適。座銀炸雞有驚喜，外脆內軟，雞有肉味。

唔排除又係個d過江龍餐廳一開始好多人排，又限量幾多碗，新假期亂吹個種啦到今日都未執，就可以一試喇，唔洗排隊但又滿座的喎，情況令人安心我叫左個沾麵呢個雞白湯，真係好好味除左比較快涼之外，成個沾麵冇得輸真係好好味lol媽個個拉麵係浮誇風其實上面個d係牛蒡炸出黎又幾好味炸雞粒~成間野得3種麵同少少其他野，我地叫的都7788 lol，可能串的餐廳就係中意賣好少款野

第一次食雞白湯係去金鶴到試，個陣一食就對佢念念不忘。跟住中環又開喱間座銀又出雞白湯，就諗住「會唔會比金鶴更好食」嘅心態黎食。今次就黎個比較。.雞白湯拉麵（$148）價錢比較高。淨睇表面上，雞肉同豬嘅量都比較少而且切得薄。炸牛蒡就顏色較靚，冇咁油身，喱個位做得好。一試佢湯頭，雞味更加濃而唔膩，係有驚喜。拉面彈牙，唔會過軟。雞肉就輸左少少，係真係冇金鶴做得咁滑，但如果冇食過金鶴，會覺佢已經好正。牛蒡食落脆，冇油膩味，仲食到佢本身牛蒡獨有嘅味，喱個部分真係好超多。可惜佢個麵唔包溏心蛋，要另比$15叫，但金鶴個碗本身就有。佢嘅溏心蛋都唔到位，因為個黃唔係中間，邊邊有啲過熟唔溏心，浸嘅醬油唔夠入味。.服務態度/質素一埋位，服務員會幫你拉一拉凳，仲會問你飲熱定凍茶，非常細心，比金鶴略嬴。金鶴只提供熱茶。喱間仲會定時幫你加茶，唔洗突登叫人。食野時候會提供埋圍巾同濕紙巾，防拉麵彈汁。仲提供透明袋比你放口罩，喱啲位好加分。喱啲係金鶴做唔到嘅。.總結：座銀 服務好湯底濃牛蒡正金鶴雞肉滑肉量多有溏蛋

夜晚去到中環 8點半都仲未食野😢咁就拿拿聲開openrice睇下有咩食啦 見到呢間座銀雞白湯拉麵 即刻醒起有朋友同我講過呢間日本過江龍質素比得上東京質素🥵好！咁耐冇返過鄉下 一於今晚就食下「家鄉菜」～店舖裝修採用木式和風既風格 店員態度親切 服務到位 一入來即刻問我想飲凍茶定熱茶🍵最後揀左杯凍解一解暑🥴 仲驚喜既係 望去廚房 發現原來係日本人作主廚 親自打理😍Menu上面貴精不貴多 主食主打都係雞白湯拉麵/沾面 我就重口味開既 唔洗問一定係食沾麵（$HKD 148)🍜 加多溏心蛋一隻（$15）首先沾湯方面面層有雞湯泡沫 擺入口好重雞脂雞骨整成既香味 湯入面係有慢煮整成既日本雞胸條粒 亦加入左筍乾食落爽而香湯旁邊配有油炸牛蒡 估唔到香脆得黎好好味 食落味道似炸薯仔片😋 至於麵身彈牙同粗 配埋沾湯有濃郁既雞香不在話下 一個字 鮮😎麵上既叉燒豚肉片亦都經過70度慢煮 肉身呈粉紅色 食落有肉既甜味 浸完湯更好食😋溏心蛋就一般左啲 時間水準中上 但係我厭未夠入味👻 平時好少係香港食日本菜 但總括嚟講「座銀雞白湯soba」係香港小見既高質既沾麵店 濃厚而不膩 回頭指數極高👍🏻

上網話座銀嘅雞白湯拉麵係全香港最好食當然嚟試一試啦🤔成間餐廳只得三款拉麵揀🐥雞白湯拉麵、雞白湯沾麵、海鮮雞白湯拉麵我哋叫咗雞白湯拉麵同沾麵比拼下雞白湯拉麵$138🍜呢度嘅特色係會將雞白湯打成泡沫雞湯入口帶有一種忌廉味 相當濃郁不過食得太多會有啲油膩感拉麵有蛋味有咬口配上嘅兩塊雞肉 有濃厚嘅肉味入口嫩滑白雞湯沾麵$148🍜配沾麵嘅白雞湯比較鹹 不適宜就咁飲所用嘅面比較彈牙而且掛湯能力都唔錯但相比之下會比較鍾意湯拉麵食完之後可以叫佢幫你加湯 等你飲埋碗雞白湯成間餐廳環境十分之唔錯好貼心會俾埋圍裙你而且廁所裝修得好靚

雞soba座銀 🐔 來自大版嘅雞湯拉麵 🇯🇵 雖然佢嘅價錢係日本嘅兩陪 不過味道係同日本非常接近 係冇得去日本嘅日子 唯有喺香港食住先 依間舖 小編都有翻食雞白湯沾麵 HKD148 🍜 濃郁嘅雞白湯除咗係泡沫打成，下面仲有70度低溫慢煮雞 絕對唔會un 而叉燒都係慢煮嘅而麵條都非常煙un 掛湯能力強Rating:9/10📍: 座銀 (中環) 中環歌賦街7號地舖📍: 座銀 (跑馬地) 跑馬地景光街13號地下A舖

好好食..之前都有聽過佢沾麵出名！不過我自己鍾意食拉麵多d..所以就叫左雞白湯拉麵..湯底好濃..肉質好嫩..麵彈牙 最鍾意佢個炸牛蒡好脆就算淋左都好食會再返去幫襯！

本身同朋友約好咗食平嘢， 忽然間諗起附近有一間拉麵啲人話好出色，就叫佢陪我🤣入到去環境唔錯有條圍裙唔使比啲湯彈到件衫污糟曬， 仲有個袋比我地裝起個口罩添😚呢度只有三款麵選擇😽我就食雞白湯拉麵 ($138)見到店家話將湯打成泡沫，不過我又唔覺得有咩特別，但個湯飲落去個質感真係好濃厚，味道夠濃郁🤤好似平時去食西餐飲嘅湯咁😹有啲炸牛蒡，一塊雞胸肉同一塊豚肉叉燒😚牛蒡記得唔好浸到淋晒先食😭兩種肉都係經過慢煮整成💁🏻‍♀️不過雞肉感覺就比想像中嚡小小，豚肉雖然比較薄，但食落都ok嘅🧐拉麵係比較粗身，彈牙同埋好掛湯😙.嗌咗一隻棵木煙燻溏心蛋($15)覺得冇乜特別，同埋唔係太流心🥺朋友就叫咗雞白湯海鮮拉麵，食落去比較咸小小，湯飲落去蝦味比較重，覺得遮咗雞嘅味道，所以都係鍾意就咁雞白湯拉麵多啲😚.2塊肉就正正常常，不過個湯就真係幾好味嘅，但有啲貴🤑偶然食下就夠了😭