座銀

營業中

休息中

雞沾麵🍜($148)+糖心蛋($15)沾麵汁比雞湯底更濃郁，但唔膩🤤可惜上菜時，湯唔算太熱，而拉麵太凍，所以食左一陣就已經凍晒😢雞肉同埋豚肉到只係普通。不過拉麵口感好煙韌，仲有小菜炸牛蒡食落都幾香口既！之前食過一次雞白湯拉麵，覺得味道偏咸既。但係拉麵食落無咁快凍仲有好多炸牛蒡。所以個人會比較推介拉麵既🤫不過整體只有炸牛蒡比較吸引到我，其他都無太大驚喜。餐廳細細間，有吧枱小同幾張細枱。平日lunch time都需要等一等先有位，不過附近上班族都可以用app拎定飛😙

大阪過江龍👉🏻座銀，主打雞白湯拉麵同沾麵，另外有一款每月限定嘅麵食～雞沾麵⭐️⭐️⭐️⭐️雞白湯打成泡沫，超濃稠又Creamy，非常掛湯，仲有好多雞肉碎喺湯入面，增加口感🤪沾麵偏粗，食落煙韌彈牙，配上湯食好好食。有2-3塊雞肉，煮得恰到好處，好嫩～仲配有即叫即炸嘅牛蒡條，甘甘地好香脆～

好正嘅日本過江龍人氣雞湯拉麵🍜 賣相好吸引 ‪*ˊᵕˋ*♡ 先講下個湯麵 面層有一層層泡沫😳 感覺好creamy🥢 湯底係好濃厚嘅雞味🤤 掛麵力十足 食落濃而不膩👅 配菜有炸得好脆同香口嘅牛篣條✧ 肉質鮮嫩嘅豚肉✧ 洋蔥✧ 香葱🎋 而沾麵都相當出色😻 麵條口感彈牙 沾麵汁入面有雞肉碎粒🥩 值得一試哦❣️ 我地仲試咗個炸雞 炸得恰到好處🙈 外脆內軟･ᴗ･肉質好滑仲有新鮮嘅雞味🐔 呢間日式拉麵店真係幾高質 每個個位都做得好出色✨ 絕對不會令你失望！

聽我個friend講原來呢間拉麵係同附近有間鰹魚湯拉麵同group架，由於我十分鍾意魚湯果間，所以就黎試埋呢間睇下係米一樣咁正！首先一上枱就見到有炸牛蒡，要趁快食，唔係好快淋。不過係米逢係雞湯就一定配呢個架呢？我之前食過有另外一間都係咁。味道方面都唔錯既，個湯唔會太稠，但就無印象深刻既感覺，因為雞個味道唔會好特別，所以好難令人一試難忘。個雞肉就幾嫩既。但我真係食完第二日已經唔記得左個味道😂但當然每個人都有唔同口味，我朋友佢地又幾鍾意wor.

話說哩間店係香港最好食的拉麵店之一，睇相見到佢有炸牛蒡已經覺得好吸引😍星期六去，仲要撞正lunch hour就緊係要等位啦，多人到條行人路都企滿左。4個人大概等左30分鐘左右就有位啦。餐牌唔算多野揀，所以都好快決定到叫咩。朋友食雞白湯拉麵，我食海鮮雞湯拉麵加一隻燻蛋share.碗偏高身，湯打成泡沫，一塊豚肉一塊雞肉掛碗邊，加埋炸牛蒡成碗藝術品，賣相一流。第一啖當然係試個湯，飲落口感好滑，味道清清地。炸牛蒡有少部分雖然俾湯浸淋左，但竟然吸收晒白湯的精華，簡直絕配！湯同麵比例剛好，一啖湯配一啖麵，清晒成碗。海鮮雞湯拉麵雖然白雞湯好味，但本人比較鐘意海鮮雞湯多d，因為濃d香d！———已經好快就食第二次———今次試埋沾麵同炸雞個人認為沾麵雞白湯冇普通雞白湯咁好食，而且炸牛蒡仲會少左，雖然話凍左可以加熱個湯，但其實店內冷氣太大，食左幾啖就凍左🙈炸雞有驚喜，外皮香脆，入面仲係嫩滑有汁！應該好快會食第三次😂

唔好笑我，今次係我咁大個女第一次黎食😹係沾麵同湯麵之間揀左濃雞白湯拉麵(原味)，個新鮮熬製既雞白湯底濃到起白泡泡，D湯掛哂上d麵到，每啖麵都食到雞白湯，食到最後一啖都仲係好有味，兩款的雞肉都好嫩滑👍🏻 追加多左兩隻蛋同朋友share，唯一美中不足係器皿唔夠保溫，我又食得慢食到最後涼左🥲覺得係呢方面可以做得再到位啲，因為我知道有啲拉麵店會配熱石去維持溫度！順帶一提，呢度嘅面係冇得揀軟硬度，如果有特定偏好建議交單嘅時候同店員講聲～

又揾好野食，中環拉麵店林立， 集團式果d流於公式， 加入太多香港特色同味道。 今日試呢間， 有返去日本旅行拉麵feel. 餐廳位於中環歌賦街，睇門口裝修就感覺到高級餐廳。座銀同之前介紹既拉麵店一樣，都係得三款麵揀， 分別係雞白湯拉麵， 雞沾麵同海鮮雞拉麵， 我就點左沾麵食， 因為上次果間食唔到， 今次就另一間試返。 雞沾麵黎到後， 最給睛一定係個沾麵湯底， 湯王又黎試啖頭啖湯。沾麵湯底一定比正常雞白湯較濃同重味。 因為個湯唔係用黎飲架。 不過，我都唔理啦， 一於試下啦， 果然，味道較濃， 不過真係好香好滑好膠， 正到暈之後正常沾麵方法食， 夾一住麵，沾一沾湯， 湯可以掛上d麵到，個樣都夠殺啦， 放入口就不得了， 真係好好味麵夠爽滑彈牙，麵身較湯麵粗，岩哂我鍾意食粗麵既人。 塊雞肉夠大塊， 雞肉又林又滑又彈牙， 又係無得輸。

已經係第三次食，今次假期嘅夜晚去，要排隊，大約等30分鐘就有得食啦。之前食過覺得湯麵好食過沾麵，所以今次都係叫湯麵，都知佢個份量唔算多，所以小食就叫咗炸雞。最出名嘅雞白湯，名副其實，夠濃，亦都有雞嘅香味，好creamy，最畫龍點睛係佢打嘅泡，令到成碗湯一食嘅時候唔會好膩。另外佢嘅配料有雞肉同叉燒，慢煮嘅所以好夠嫩。同出邊嘅拉麵唔同，佢有炸牛蒡，脆卜卜好好食，亦都帶嚟另一種嘅口感。佢嘅拉麵係好食㗎啦，亦都睇得出同出邊嘅做法係有唔同嘅，加咗好多心思嘢，亦都喺佢嘅價錢度反映。炸雞好一般，可以不吃。今次我哋坐房，一張大檯2檯客（各二），個冷氣好唔夠，係疫情期間都有啲擔心，一食完就走。

雞 白 湯 拉 麵 • 座 銀湯底超濃郁係用咗日本嚟嘅雞長時間烹調同埋餐廳起上菜前佢地會張湯打成泡超級creamy同滑口感係超級豐富😋食哂碗麵之後都忍唔住飲多幾啖湯真係好鬼正另外有2塊慢煮肉一塊係雞肉一塊就係叉燒雞肉🐔食落好鮮嫩叉燒就會肥dd拉麵咧就正正常常啦但就好chewy同埋拉麵上面有一堆炸乾嘅牛蒡令到個賣相真係靚咗不少不過講真咧佢價錢係不便宜咖要138蚊一碗值5值就睇你有幾中意咧碗拉麵🍜我自己就覺得值嘅

朋友介紹呢間拉麵，就專程去食。入到去，坐位舒服，店員服務良好。洗手間都好正，女廁有齊用品，似酒店。凍麥茶相對其他日本餐廳濃郁。⭐️雞白湯拉麵⭐️湯上面有一層泡，好特別，用左打泡沫咖啡既方法去做，打卡一流。飲落濃厚而且唔會太咸。溫度夠曬熱，而食落唔會燙口。拉麵比較彈牙，就算花左啲時間影相先再食，都唔會淋曬。配上一片雞胸、一片豚肉及炸牛蒡。雞胸食落好滑，滑到差啲食唔出係雞胸。豚肉煮到好淋，表面粉紅色，遺食落較啖味。炸牛蒡好特別，浸淋左再配拉麵一齊食好正。⭐️雞沾麵⭐️湯汁比湯麵更厚實，飲落冇其他沾麵咁咸。溫度食落唔夠熱。而雞肉已經係湯汁入面。麵底同湯麵麵底唔同、食落更彈牙，有驚喜。沾麵同樣有一片豚肉，同湯麵一樣⭐️炸雞⭐️$48三件略貴、但食落就覺得抵！擺上台面既時候，表面既油仲跳緊，岩岩炸起。食落好多肉汁，外皮夠脆，配上蔥會冇咁油膩。

前排收工經過上環上堂,順便探索附近嘅拉麵店,所九如坊附近嘅拉麵店👍🏻早前其實都係附近食過到呢加我都好鍾意嘅鯛白湯拉麵,然後今次嚟到呢間 座銀,原來同鯛白湯同屬同一集團,一樣都係大阪過江龍拉麵,亦係專注做一款湯底,就係 雞白湯！.($138)另加溏心蛋$15,亦係屬於中上拉麵價位,但認真令人一試難忘,對得住個價錢. 先講一講個湯底,師傅以cappuccino為靈感,將湯底打到起哂泡,奶白色嘅湯底,入口係相當綿滑,忌廉同雞湯嘅味道條配得恰到好處,而拉麵旁嘅一撮炸牛蒡,非常香脆而不油膩,浸一浸湯再食👍🏻,而配料個兩塊叉燒薄切,正常發揮,但另外一塊慢煮雞胸就相當出色,加了少量黑椒吊味,肉質細嫩,佐以雞白湯食更添嫩滑,至於麵身係粗麵,爽滑彈牙🤟🏻.暫時食過最好食嘅雞白湯拉麵,同鯛白湯一樣並列係我香港暫時食過最好食嘅拉麵😍

今日臨時約左個朋友食飯，跟住講起拉麵，就有朋友介紹呢間雞白湯拉麵，然後就過左黎食因為時間尚早，一黎到就有位，位置都舒適咁呢到總共有3款麵咁我就揀左雞白湯拉麵，個人口味就偏向食軟身既麵，但呢間就偏硬少少，然後湯唔算多，飲多幾啖湯就好似無哂湯咁🥲朋友叫左沾麵，朋友就表示沾麵唔錯，然後仲叫左個炸雞，炸雞就真係幾好食，不過得3舊，兩個人分唔均！不過整體上都唔錯，下次再黎試下沾麵！價錢方麵就偏貴，平均都140$碗麵！平時食開既100$樓下

•雞白湯拉麵🍜賣相好吸引雞湯面打出一層層泡沫利用泡沫咖啡打泡法整成雞湯底好濃厚 而且炸至金黃嘅牛蒡將佢浸落湯一齊食 又幾好味配埋雞肉豚肉如果可以份量多啲就好喇🤎•海鮮。雞拉麵用雞拉麵湯底做底加入蝦乾魚乾令到成個湯好香濃更鮮甜而且呢個會比較濃味一啲如果鍾意濃味道湯底一定要揀呢個🤎

朋友之前推薦話呢間個湯好正 叫我快啲去試上星期某日經過 見到唔駛排隊就入去食個Late lunch啦又到去會比口罩套你同問你要熱茶同凍茶 姐姐都好有禮貌其實menu入面好簡單 就係三款麵 兩款湯既 一款沾麵 小食就係炸雞 同埋牛蒡雞肉飯叫左沾麵加蛋加炸雞 第一時間試下個湯先好濃好濃 但係唔膩 沾麵汁入面有荀有2洋蔥有少少雞胸肉 個感覺好似係食左好多隻雞咁 不過個沾麵汁上枱個陣係暖暖地食左一陣就已經凍唒。炸雞係48蚊3件 大細都適中 外皮係脆既裡面嫩得黎又juicy

友人介紹呢間拉麵雞湯好正，想試好耐，終於食到果然冇介紹錯，一啲都冇失望，好好味呀！！！點了兩款，想試唔同味。。。首先最多人食嘅雞湯泡泡拉麵雞湯濃厚，唔太鹹，麵夠煙韌，脆脆浸咗湯仲好食，配葱和洋蔥，一齊吃，夾呀我向來不喜歡吃雞胸只愛雞髀，但佢呢個雞胸好嫩滑，仲好食過雞俾肉。塊薄切叉燒望落好似好唔吸引，但係亦都好滑好食過肥腩肉另外，就點了海鮮味拉麵，基本上都一樣好食，配料一樣，但個湯就比較濃味，鹹咗少少，個人喜歡原味雞湯總括而言，呢個拉麵質素非常好，服務也很好，但整個份量比較少，麵條不多，肉也只有兩塊，我要吃兩碗先夠