座銀

營業中

休息中

個fd之前已經係咁叫我一定要食呢間，今日試完，真係👍👍👍！無得頂呀！🍜雞白湯拉麵好好味！好濃郁嘅湯底，基本上我好少會飲哂啲湯，但呢個真係不得了，我差唔多飲晒咁制。麵嘅軟硬度適中。仲有佢旁邊的牛蒡絲，嘩！我一食就愛上咗仲想問有冇得添加🤣🤣另外仲叫咗碟炸雞🍗雞塊多汁唔乾身，啲肉又唔會好老，又唔油膩，炸得剛剛好。可以望住師傅煮野食，都係另一番風味！好似置身於日本咁。朋友真係冇介紹錯，呢間值得一試再試。

香港的雞白湯拉麵不多，有的也不過做配角，好多都做不好。灣仔的鳥華亭曾經有聲有色，開到屯門也有分店。質素卻越來越參差，屯門店後來收了，灣仔店不知現況如何？幾年前一吃還是不錯的。後來出現座銀，Cappuccino般的雞白湯實在驚艷，雖然差不多百五一碗略有小貴，但還是間中拜訪。今次女友出聲，自然又去一次。由於太愛拉麵，通常都唔敢點拉麵店非主打產品，怕自己失望。但今次見到係煮干！煮干！煮干！中文寫海鮮，但日文寫煮干！即係魚干吧，香港唔知仲有無其他煮干拉麵，令我諗起大阪既「烈志笑魚油」...應該唔係期間限定？奇怪之前黎自己無特別留意。即刻諗起個種海味...即刻就點！一上桌最吸睛當然係炸牛蒡，當然焦香可口，但我就是衝着湯底而來。濃郁魚干香，雞湯甘願當一回配角，襯托出濃厚柔和。麵質爽滑，據說來自南天製麵？半熟蛋當然流心，只係感覺略鹹，叉燒有豬有雞各一，慢煮自然柔軟香嫰，但亦令豬肉突顯肥膩，肉味濃郁的雞叉燒更得我心。大概「慢煮」必定如此，尖沙咀一燈亦然，喜好問題，有人愛肥膩，我就麻麻地。但湯底救全家！全部盡飲，仲略嫌湯太少。最後見到有魚乾碎，不其然又夾來吃了幾口，味道早以入湯，但還是覺得過癮。同場加映

沾麵口感幾彈牙有咬口，麵都唔會黏埋一齊。另外，沾麵湯底～濃郁又吾膩，而且仲有少少湯底配料可以咬下。小食方面 有炸雞件，外皮酥脆 內裏有汁吾乾～而且雞件的大細都好有滿足感

拉麵 沾麵之冠今次點左 海鮮 雞 拉麵個湯十分十分 濃郁 湯底 仲有甜甜既海鮮味一啖拉麵 一啖湯 引唔住 飲哂碗湯😍拉麵 質地又彈牙 👍👍👍大家值得一試搞到想去日本 試下個本店 😍😍😍😍

香港最IMPRESSED我既拉麵店就係跑馬地座銀。記得2年前第一次食到座銀既雞白湯拉麵，亦係我人生第一次試雞白湯依樣野，瞬間開啟左新既大門。發現原來要做到鮮味既湯底（dashi），並唔只限於魚介豚骨，雞都做到！但跑馬地果間既位置實在太偏僻，所以無乜機會再去，到後來聽聞佢地喺中環開左分店。今次黎試下中環分店，比唔比到我同樣驚喜既感覺。依間分店位於山上面，其實都要行一大段路。（果日隻腳仲係拗住柴既狀態，包住繃帶咁行上山…）上到黎，排隊既人唔算太多。不過店內已經full曬，我單機食都要等一段時間。依度既店員都好有禮貌，服務非常好，無任何令人不適既感覺。一場黎到決定all in，乜都嗌曬！嗌左一碗雞白湯拉麵($148) + 蛋 ($15)再學日本人食法，加多一碗飯。依度既飯係牛蒡雞肉飯($48)喺雞白湯拉麵同沾麵之間猶豫左好耐，最後都係選擇拉麵，因為我想飲多啲湯XD但估唔到黎到，啲湯都係好少…單係湯既份量，已經同跑馬地店有明顯既分別雖然係一碗唔錯既拉麵，但只能說真係比唔上跑馬地分店咁神級。慢煮叉燒太肥、雞白湯無咁濃稠濃郁、泡沫感低、炸牛蒡焦香味無咁濃。同總店對比，依個質素老實講係有啲失望既。溏

今天與朋友吃拉麵做晚餐,其實已不是第一次吃這一間。但是上一次的海鮮湯底拉麵，實在是太咸，但同行朋友的雞白湯拉麵很好吃。因此今天再戰。與朋友每人叫了一碗雞白湯拉麵再加一碟炸雞 很好吃｡湯上的泡沫很新奇，亦是細滑的泡沫。味道很好，而且第一次吃到有泡沫的拉麵。雖然炸牛蒡不是每個人的菜，但是味道不太重，仲可以接受。另外拉面的雞肉煮得恰到好處，不老。但雞肉的份量可以增加，只有兩塊，而收138的價錢，稍有不值。不得不提是炸雞很有誠意。火候控制得很好，雞肉很嫰滑。因吃的時候還是很熱，應該是剛炸起的。值得一提的是，服務很好。服務員一直有為我們加水，而且有熱茶和凍茶提供。

超濃濃濃雞白湯拉麵 🍜😍 呢碗拉麵精髓一定係個湯底! 雞湯長時間熬製用左cappuccino 打泡法做到極香極濃郁 面頭真係見到有一層層好creamy嘅泡沫! 飲第一啖已經停唔到 有一刻以為自己飲緊cap 係會令人不自覺飲哂😍 拉麵旁邊嘅炸牛蒡絲絕對係另一加分位 係香港真係少見 多數都係配溏心蛋 令碗麵嘅賣相更精緻美觀! 麵質彈牙 雞肉同叉燒肥瘦比例👌🏻 對比其他ramen係貴啲(HK$138)但絕對值😌 朋友叫左雞沾麵都讚好食!

終於有機會一試傳說中嘅座銀近乎零負評兼好多人大推碗麵睇落好似一碗藝術品，幾好食， 雞白湯湯頭係唔錯，打成泡沫狀，濃而不膩，似飲緊高質忌廉雞湯，重點係炸牛蒡，超級好食，同比五星級酒店更加好嘅廁所麵睇落細，但其實食咗一半已經好飽

裝橫高級別緻，內裡富有日本色彩，店舖乾淨整齊，坐位位置舒適唔逼夾，唯一嘅缺點就係離地鐵站太遠，要行一段路上山先至可以到達🤣。雞白湯拉麵（$138）湯底係極濃郁嘅雞味，口感又滑又creamy，完全冇覺得飲緊味精湯，但食耐咗個覺得有少少偏咸😅。拉麵質地係軟身曲麵，沒有彈牙的感覺。雞肉有2塊、叉燒有1大塊，雞好嫩滑，叉燒大塊又香口。雞沾麵（$148）湯底比起雞白湯底更濃郁！！！感覺就好似用左幾十隻雞去淆製而成😋，麵條同碗都係凍的，而沾麵湯同碗都是燙手的，裡面有少少碎既雞肉。沾麵質地係我中意既煙煙韌韌😍非常彈牙，口感豐富。麵上面有一大塊叉燒，另外有薑蓉和炸牛篣另上。座銀炸雞（$48）炸雞皮薄，炸到外皮好脆好乾身，但雞肉依然keep到嫩滑juicy😋👍🏼！！座銀價錢是比其他拉麵店貴了點，加上所有麵都沒有味蛋附送🤔，要另外加$15，但係佢貴得都物有所值，可以一試！

是日由朝食到晚，晚市決定試座銀，上次食大班柚經過時見到好多人，好似好吸引咁入門口右手面見到兩位日本師傅，信心大增。轉頭望向左手邊，GULU部攞飛機？食拉麵都要電話攞飛咁誇張？？坐好睇menu，選擇簡單。湯底有兩種雞白湯同加咗蝦既。麵都係兩種，拉麵或沾麵。兩個人，當然一人試一個湯底啦。雞白湯比蝦既好味好多。蝦嗰隻覺得個味怪怪的，唔多夾。可能蝦味太濃，完全食唔到雞湯既味道啡色嘅係炸牛蒡，好脆口。另外叫咗炸雞，都唔錯。感覺會再嚟食既一間餐廳

本身係抽起條筋想食勝香園番茄麵，千辛萬苦行上半山，見到條隊排到出銀河系，唯有放棄啦。咁又無理由去九記喎，見到有間座銀拉麵，我記得之前有朋友推介過佢地嘅雞白湯拉麵，所以就入去試吓。呢度呢淨係賣兩款拉麵（雞白湯同海 鮮雞白湯）,沾麵同埋炸雞。我點左海鮮湯底的拉麵。佢個湯我覺得好濃口，濃到好沉重，唔夠鮮，有點失望。佢有塊雞肉，都嫩滑嘅，同埋有塊豬嘅叉燒，好滑但平平無奇啦冇乜特別淡淡地咁樣。我個人就會比較鍾意梅光軒或健康拉麵嗰種燒得香香地嘅肥肥哋嘅五花腩叉燒。碗邊的炸牛蒡絲係幾特別嘅，麵質同荀乾都唔差。但就係冇一種令我要再返嚟食第二次嘅衝動。見到Openrice好評如潮，一個劣評都無，講到只應天上有，香港最佳拉麵乜乜乜，真心唔太明白魔力在哪。不過朋友話我應該食雞白湯，話所有榮耀頌讚全歸雞白湯。我笑笑，仲有下次？算了吧，我都碌番落山食健康拉麵算了，人地價錢只係座銀的一半咋。

本身想食另一間拉麵店，個原來7點已經關門，所以經過見到呢間座銀就入去啦，估唔到有驚喜🤣首先佢地最岀名係雞白湯拉麵，望到個湯底都知個味道一定好濃郁🥰，唔係好多間拉麵店可以整到個湯有白色泡泡🤔湯底真係一個拉麵既靈魂，呢個湯底真係好香，稠身得黎唔會好咸。叉燒放左係碗邊唔會浸得太耐而被湯味掩蓋，不過就稍為凍左d。麵底都唔錯，夠韌👏🏻👏🏻上面舊野唔記得左咩名，但幾好食，不過要襯未淋之前食男朋友就叫左海鮮雞湯拉麵，湯底會比雞白湯濃同埋咸少少，不過都係好惹味，配料方面都係相同。中意清淡少少既朋友可以揀翻雞白湯湯底❤️❤️👏🏻

同事推介食呢間, 日本店而且好好味既雞雞麵午餐時間12:30左右到, 以為即刻有位但原來要入店小等一陣*呢度剩係做雞白湯, menu都係得幾樣野㨂, 我呢d選擇困難症好快就㨂完🤣.🍜雞白湯拉麵個湯好特別, 同平時食既豬骨湯唔同, 師傅煮果時會用支攪拌器打湯。 Coffee Latte☕️既觀念? 下層湯味濃郁, 上面有一層綿滑既泡泡. 炸牛蒡好脆, 不過放係湯又會變淋, 好特別不過我唔識欣賞🙈豚肉好好味😋 煮得軟身但唔係爛果種, 味道都唔錯.🍜雞白湯沾麵呢個同事點既, 個湯唔知係咪一樣，好似幾掛湯下次我都試下呢個🤭 睇落幾正.🍗炸雞一碟三件, 好入味, 有d咸, 炸得好好-外脆內滑, 食落唔覺得油, 咬落有雞汁😋 小碟係檸檬鹽, 雖然佢本身好夠咸不過我都鐘意沾埋鹽.🥚半熟蛋食拉麵時總係會好想配蛋, 好似咁樣先完整😊 剩係睇個樣都知好好味😋 perfect 💯 .呢篇好似有d詞彙貧乏係咁話好好味，呢d味覺既野係要親自試先明😂有能力對自己有信心，專注賣一種就足夠👏🏻 All the best r, 多謝同事既呢一餐🥰 食得好飽 x======================

【雞白湯拉麵🍜】HKD138睇落平平無奇，食左第一啖就超驚喜🤩 一定會再encore😈所謂重質不重量，份量少唔緊要，最緊要好味！講到麵質🍜只係不過不失，唔太淋亦唔會太硬。不過講到湯底，只可以用不得了！黎形容，濃郁得黎，面頭層泡沫飲落去寧舍滑，我夠膽講，論湯底，依度係香港🇭🇰係數一數二👍🏻而肉方面，雞肉叉燒🐣比較鞋身，但係鞋得黎又未至於好似雞胸肉咁鞋咁乾同冇味。不過豬肉叉燒🐷就吸引啲，肥瘦適中，雖然好薄但係咬落好香好juicy😋

一看到有萬聖節限定南瓜雞白湯拉麵，就興奮得馬上沖過來吃，南瓜可是我的摯愛呢！十月限定 南瓜雞白湯拉麵 HKD$198一上枱就看到濃稠起泡的南瓜雞白湯，感覺超級治癒的説。先輕嚐一下湯頭，濃郁香甜的北海道南瓜味道充斥在口腔，雞白湯的微鹹和南瓜的甜很配。繞繚在唇齒之間的濃醇味兒是味蕾的極致享受。問了店員一下，跟著拉麵上的那碟白色的醬汁是用來提升湯頭的甜度，可以按照個人需要下到拉麵配搭着吃。我先下了一小勺，攪拌好再嚐一下，果然湯頭變得更加甜了，不是令人膩口的甜，而是幽幽帶出更多南瓜甜味的感覺，很棒。拉麵質感軟硬適中，略帶彈性，沾滿濃稠、口感卻細滑的南瓜雞白湯，一口吃下去「嗖」的一聲就是享受。主角——北海道南瓜，用兩款不同烹煮方式製成，分別是炸還有蒸焗。炸物南瓜片表面酥脆可口，微甜的南瓜香在細細品嚐後調皮地在口腔跳動一番，使人不得不貪心地一片接一片地吃，奈何只有四片，只能慢慢逐片細味。另一南瓜切成大大的、連皮的南瓜丁，也是三四顆左右，入口軟腍至極！南瓜甜香也極為濃烈，放到舌頭上壓爛細品，新鮮的南瓜味真的騙不了人，比起南瓜雞白湯，是更純粹的南瓜甜味，可看得出座銀採用的原材料十分有質素，充滿誠意。配