幸屋

營業中

休息中

今日難得收早，就去試吓啲新嘢，醒起朋友之前提過灣仔有一間食拉麵好好食，就決定去試吓，好好彩嗰日係平日唔使點等位就有得入去食。入到去環境好歡堂，有足夠嘅侍應，之後就開始點菜，我嗌左一碗期間限定嘅拉麵，同埋一個小食，拉麵方面係一碗黑松露湯底配蜆肉同叉燒嘅拉麵，食落去面嘅質感非常好食，叉燒同蜆肉嘅份量都啱啱好，而小食方面就有我至愛嘅炸雞粒，炸得啱啱好唔會overall cook ,另外一款小食就係日式餃子大概有六粒到,食完都好飽。而且湯底亦都係非常之濃郁一啖湯一啖面啱啱好恰到好處。

上星期五晚在灣仔見完客，和朋友找到這間位於灣仔的隱世拉麵店。門面不算突出、頗低調有點似日本的隱細居酒屋。甫進餐廳，發覺座位不多，但樓底很高，感覺舒服。幸屋有七種主打拉麵和幾款丼飯選擇，但因為好像始終是拉麵店，所以最後還是揀選了拉麵。胡麻王我想吃最原味的，選了這種豚骨芝麻湯。每張枱上都有一小瓶到辣芽菜讓食客加到拉麵裏。湯頭不油膩，清清地。流心蛋幾好味，麵的份量不算少。黑武士黑蒜油味道突出，朋友選了豚角煮，好軟熟，加上辣肉碎，很開胃。炸雞 出奇地好吃，炸粉不會很厚，很香脆，而且端上桌時還是熱辣辣的！餃子🥟看見很多食評都説餃子好吃所以都點了，果然沒有失望。皮薄餡多，一碟有七隻餃子，好夠食！

經過附近突然肚餓，見到原條鰻魚飯吸引，同時主打日本拉麵，決定入去食晚餐。招乎用檸檬水，給人良好的印象，一人餐二人餐都有，亦可以選任何拉麵或飯，加$15可享沙律或餃子及罐裝飲品。我覺得呢間小店質素唔錯，點了芝麻手羽，炸至非常鬆脆，汁煮牛舌夠入味。主食一麵一飯，日本麵之黑武士，湯底用黑蒜油山藥做，並無想像中豬骨湯般濃郁，反而感到清及有蒜香，全無膩感。幼麵吸汁，軟熟，配料挑了燒叉燒，圓形大片，完全唔嚡，頗滑。鰻魚丼，原條鰻魚使用，份量唔少，味道好。

今晚不算十分肚餓，日式拉麵加小食是一個不錯的選擇，我同朋友每人各點一碗拉麵及各點一款小食共享。日本芝士年糕可配上煉奶一起吃使味道更香甜，但即使沒有點上煉奶，由於年糕的溫度使年糕內的芝士處於半溶的狀態，十分香滑，入囗煙韌，咸香。和風餃子跟平常餃子不一樣的是餃子是在薄薄的脆片下，共6件，脆片上是像是一般日式燒餅，加上燒汁、沙律醬、木魚及蔥等，餃子吃入囗有點像小籠包，有湯汁，連同脆片一起吃，外脆內嫩。蝦武士拉麵拉麵軟硬適中，香油很濃味，大量的櫻花蝦，名副其實，鮮味十足，味道濃厚的湯底，每口麵條吃來不禁「雪」「雪」聲，很好味。黑松露蜆沾麵這個名稱是限定王，即供應有限，沾麵的湯底夠熱，松露味香氣撲鼻，叉燒上的黑松露很大，如果能夠提供多幾隻蜆更佳，蜆肉肥大，糖心蛋糖心效果不俗，甘香。不得不說的是這𥚃除了除了餐單能點的食物外，還有生啤配小食套餐，下次跟朋友宵夜聊天可以是一項很好選擇。

約左朋友係灣仔食，又想食日式野，一於試試呢間係橫街的拉麵。黑武士拉麵係黑蒜油，濃厚山藥湯，蒜味好香濃，有叉燒，流心蛋，紫菜，椰菜，配料好豐富。拉麵夠硬，唔會太淋。流心蛋煮到岩岩好，好正。免治雞肉串燒有炭燒香味，雞肉串內混有雞軟骨，口感很好，燒汁香，味道非常惹味。炸雞，啱啱炸好非常熱，雞肉係好滑嘅雞脾肉， 唔錯唔錯。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

今日收早去灣仔接老婆放工, 逛左一陣街之後就帶佢去灣仔幸屋開餐。上次係幸屋食過呢度嘅黑武士拉麵, 非常美味, 今次專程過黎回味一下。😙餐廳樓底非常高, 裝修非常富有日式風格, 除左拉麵之外, 仲有丼飯選擇。我地點左黑武士拉麵同是日限定王, 另外加左兩款小食。餐廳而家做緊優惠, 拉麵加$20就可以換購麒麟一番搾啤酒, 非常吸引, 不過因為今晚仲有其他工作, 老婆唔俾飲, 唯有等下次啦。😌黑武士黑武士湯底係用豚骨煲製嘅山藥湯, 加入黑蒜油, 味道非常有層次, 配上掛湯幼麵同埋軟腍入味嘅豚角煮, 確認令人回味無窮。😍限定王今日嘅限定王係黑松露蜆沾麵, 濃濃嘅沾麵湯加入黑松露之後香味更濃, 蜆新鮮大隻, 幼麵非常掛汁。味道唔錯。👍小食雞翼同餃子味道都唔錯, 埋單每人百幾蚊, 性價比唔錯。👍

而家個個禮拜都約左朋友去行街，開始有攻略，都會早啲去到附近的食肆食啲野先，食住等夠鐘，補充定體力。今次隨意揀左呢間幸屋，在灣仔循道衛理後面嘅橫街，唔係好起眼，但原來有驚喜。其實佢嘅餐牌唔係好多野, 主要係4款麵同4款飯飯都好似幾吸引, 不過近排天氣熱, 食啲濕野易入口啲點菜之前要填唔同嘅要求, 如麵嘅硬度, 濃味定淡味, 多菜定少菜之類, 叉燒方面我揀左mix，即係角煮同傳統日式叉燒混合, 可以兩種口感都試哂，正！加$15, 可以有罐裝汽水同埋湯餃子兩隻餃子只屬一般貨色, 不過單叫汽水都$12，叫埋就多樣野食咁啦主角來到~ 呢個係朋友叫嘅胡麻王，即芝麻湯底朋友話芝麻味濃, 他點的是"濃"湯底, 想再濃啲做有"極濃"選項加追嘅粟米, 份量都好多我嘅黑武士, 係黑蒜味, 我揀嘅係"正常", 因為之前去過" x王" , 就試過因貪心叫濃味變太咸同某啲店嘅黑蒜湯底來講, 呢度唔係果種有層黑油在面的類型湯呈灰白色, 飲落冇咁肥膩, 蒜同豬骨湯嘅基調有充份嘅融合, 我覺得係做得好嘅而麵嘅軟硬度亦掌握得好, 我揀正常, 食落真係唔會過硬或過淋, 又保持到彈性。食左一陣, 望望錶已經3點, 本來滿的店

位於灣仔窄巷裡非常不錯既拉麵店，地理環境尚算不錯，店內環境舒適，適合同朋友小聚既一間店。呢度整既拉麵十分濃味，今次試左胡麻味同黑蒜油味拉麵，胡麻味應該係招牌口味，拉麵上面放滿哂芝麻，一入口就係滿滿既芝麻香，今次揀左幼麵，配合埋濃郁既湯，特別好味，要特別講既係佢呢度既肉，係半肥瘦既叉燒肉黎，入口即溶，而且有濃香，每食一啖都勁幸福。至於黑蒜油味拉麵就係同傳統得幾滴黑蒜油果種唔同，呢度係整個湯底都係黑蒜油味，十分濃郁。另外，呢度整既雞翼都係十分之出色，炸到十分香脆既雞翼，淋上一堆芝麻，熱辣辣，十分香脆。

係灣仔返工成日要諗lunch 食咩幸屋拉麵絕對係我Top3 最愛！一開始係食佢既拉麵，話哂都係人地招牌菜！ 但自從有次食左佢既燒鳥丼太好味啦！所以成為我以後必點之選。價錢同拉麵差唔多（$83) ，每次我都揀走蔥，多椰菜同糖心蛋（超好味！好流心，蛋黃香濃口感覺流！）珍珠飯煮得恰到好處，口感好好！ 要主角烤雞都係煎到岩岩好，雞皮有時會脆脆地另外每檯都會有樽腌製芽菜比人任食！酸酸地好開胃！超愛食 Lunch 時間冇加一，但呢度d 侍應都好Nice! 美中不足係座位比較少，有時會等得比較耐！

係openrice見到呢間咁多好評 一於黎試下首先所見呢間裝修並冇走其他拉麵店既日式裝修 只是一間普通小店的感覺點了胡麻王 $78 加$20有小食連飲品成個package $100有找呢度亦有免費芽菜供食用 配埋蒜粒 格外重口味🤪胡麻麵 $78 但有蛋有菜有紫菜同豚肉好豐富！湯底尚算濃郁 胡椒芝麻落不少 有味道整體感覺可以炸雞有配蛋黃醬 有三大件 食落香口 不過雞肉有d偏紅飲品係罐裝汽水 不過我見其他枱有煎茶 聽聞免費 雖然唔知點解我冇 但如果有免費供應煎茶既拉麵店亦算少有！總結來說 成個package cp值十分高 亦係唯一一間我食得飽肚既拉麵店😂值得推薦👍🏽

來到灣仔食拉麵，入到店內，裝修簡潔，店員好好客。見到墻上有張貼紙寫住有日本三啤，麒麟啤酒，suntory等，食住拉麵配啤酒係人生一大樂事。叫咗個黑武士拉麵，係黑蒜油，濃厚山藥湯，蒜味好香濃，有叉燒，流心蛋，紫菜，椰菜，配料好豐富。拉麵夠硬，唔會太淋。流心蛋煮到岩岩好，好正。朋友叫咗蝦武士，即係蝦湯底，湯底蝦味濃，超正。叉燒肥瘦適中。汁煮牛脷 - 蘿蔔牛脷超軟身，同埋入味。最後仲叫左個餃子，餃子賣相吸引，上面個層脆卜卜，餃子肉汁鮮嫩， 皮薄餡靚。值得再來，下次來要叫個蝦武士拉麵，湯底真係好正。

香港人去日本一定會食拉麵，所以香港有好多拉麵店，但好唔好食，最重要係個湯底、麵質地同材料，如果其中一項唔合格，就唔會有ENCORE呢個字出現。呢間拉麵係家姐介紹，但我就覺得好一般，其實好唔好食，真係見仁見智！因為二人前實在太豐富，所以家姐每次兩個人去食，都會抱住個肚出嚟，所以我哋四個人叫咗一個二人前，再加一客飯同餃子，結果細食嘅我哋，都係有食剩。二人前 $278＊軟殼蟹沙律 – 沙律普普通通，酸醋汁少咗dd，而軟殼蟹又超細隻＊和風餃子6隻 – 皮薄饀靚，肉菜份量恰到好處，個餃子漿又香又脆，加埋沙律醬同木魚，超超超好味，超級推介＊串燒盛 – 揀咗多春魚、冬菇、牛舌同鷄皮，樣樣都好味，尤其個鷄皮又薄又脆，一d都唔覺邪惡＊燒牛丼 (另加$10) – 呢個丼其實ok，肉有肉味，而飯又粒粒分明，不過係汁少咗dd，同肉又韌咗dd＊黑武士拉麵 – 湯底唔夠濃、黑蒜油又唔夠香，而拉麵又唔算爽彈，係個叉燒比較ok＊雪糕 – 揀咗綠茶同雲呢拿，前者綠茶唔夠濃，似茉莉味多d，後者就幾好，雲呢拿味香但就甜咗dd＊胡麻王 $78 (散叫) – 似豬骨湯加幾粒芝麻咁，芝麻味又係唔夠香濃，而麵都係唔夠爽彈，唔好味＊

Went there on a Wed night around 2100 and not so crowded. The menu was attractive with a few different ramen soup base and limited edition (black truffle + clams soups base!) Order two ramen, 1 x black garlic oil and one with pork soup + small dried shrimp, extra order if pork belly and seaweed, and a Jap style calamari. Soup base was great~ strong and rich taste! The pork belly has good texture and the fat melt in the mouth but could have had a richer taste. The soft boil 🥚 was awesome! Just ri

想搵間平既拉麵🍜試下，open rice 到這一間所以去試下叫了個二人餐，份量好足夠！食到捧住個肚🤣🤣❇️軟殼蟹沙律係上一整隻軟殻蟹。好趣而且入口唔會好油膩。好味！❇️煎餃同串燒都做得非常出色！！❇️唯獨拉麵我就覺得普通。選擇了湯底為濃。但係食落又未至於濃味。❇️綠茶雪糕就係普通嘅雪糕。沒有特別驚喜。但是綠茶味都夠。上菜速度快，唔需要等好耐就已經有第一道沙律。但又唔會擺到成張枱都係嘢食。店舖裝修簡約，都坐得舒服，唔會好迫迫夾夾。整體都好滿意呢間餐廳。下次會試吓佢嘅丼

呢間店既拉麵好開心地係即搓麵粉，即殺豬整叉燒，即煲湯底，因為由8點07分落單，8點43分先上菜。中途8點29分問過店員，佢話煎緊餃子，我嗰時諗，呢間店真係好新鮮，因為佢一定係即搓粉皮，即殺豬做餡！等左36分鐘先到既即製拉麵，我朋友嗰碗上錯左，要我朋友開聲話上錯左先即時換返⋯好明顯地真係用心煮過，連隻半熟蛋都係熟到流唔到心！仲好關心我健康，驚我想走蔥唔夠纖維，自動幫我加蔥終於講到啲麵，食落似公仔麵，湯底零蝦味，得好淡又唔香濃既豬骨湯味（本人一向唔重口味食得清淡），麵完全唔掛湯，唯一一讚係佢冇其他拉麵店例如x幻拉麵咁有鹼水味⋯叉燒又乾又鞋口，味道係煲過湯咁，好難食！等到9點03分，萬眾期待既餃子終於出場因為新鮮煎好，幾脆口，但咬落好油，好似成啖油咬落去咁，失敗！但佢係成餐中算最好食⋯總括來說，港式拉麵店，走前聽到隔離又係上錯菜式，漏左串燒⋯難食到伏伏伏伏伏伏，又成日漏單錯單⋯真係去隔離食雲吞麵好食過佢十倍