幸屋

營業中

休息中

出面凍冰冰想食熱湯麵，行行下見到灣仔內街有間貌似居酒居的餐廳。見佢有拉麵、串燒，又有啤酒，十足日本居酒屋。入面裝修又有特色。叫左碗蝦武士，第一啖試試個湯底，非常濃郁，係心目中既蝦湯味，感覺叮一聲。拉麵盡吸湯底，配一口豬肉好滿足。叉燒有一層簿肥肉，但不油膩。另叫左碗黑武士，湯底都非常香濃。呢度有趣地方係每碗麵都可以跟個人喜好調整，滿足到大家。跟住黎個汁煮牛舌，牛舌煮得非常淋，以為自己食緊牛腩。蘿蔔又甜又入味。仲有個冷豆腐。蝦武士同汁煮牛舌係必試！

今日食晏嘅時候，路過街市，見到隱藏左一間日式小店,驟眼望落去都幾日式風情，就入去試吓，一入到去已經見到牆壁滿佈日式掛畫，同埋唔同款式嘅拉麵，仲播住日式嘅音樂加上高樓底，感覺好舒服。點餐前，親切既店員，已經好細心俾咗一人一杯煎茶我哋，又介紹枱面嘅前菜，上麵時是又會提醒我們碗邊很熱，店員的態度真是100分每次食拉麵，都會揀當日有冇一啲限定或者特色嘅拉麵款式，所以就揀咗最新期間限定嘅限定喎，原來係大蝦番茄濃湯沾麵 $93，一上拉麵嘅時候，沾面嘅汁是剛煮滾的，即是食完成碗面，湯汁都沒有變凍，拉麵湯底既熱度，對一碗好食嘅拉麵來講好緊要，淡淡的蕃茄香加上豚骨湯底，令沾麵冇咁膩另外點左黑武士$83，即黑蒜油濃厚湯拉麵，湯底不只是有濃濃的蒜香味，而是帶少少甜的濃厚豚骨味，因為我選擇了既有叉燒又有豚角煮的款式，厚厚的豚角煮一點也不韌，而且有入口即溶的感覺👍小食點左汁煮牛舌$32 ，汁是用帶甜味的湯汁煮成，配上蘿蔔及蔥花，加上入味而又燜至腍身的牛舌。還有炸雞$38 ，店內的雞是由鹿兒島赤雞農業協會所提取的，不知是否原材料質素好還是廚師功夫了得，炸出來的雞很嫩滑多汁，很好吃。

呢間鋪頭嘅位置處於一條唔係好多人嘅街入到去嘅第一印象係扣左分因為佢Menu上面嘅拉麵嘅設計好似喺759買嘅一包包10幾蚊嘅拉麵嘅包裝，黃色黑色紅色嗰種即刻感覺down grade 左但係一場黎到唔食拉麵好似唔係好對得住自己，最後叫咗一個面一個飯面就叫咗麻醬拉麵，飯叫咗牛肉飯拉麵有一張紙上面圈，要豬腩肉定係叉燒或者係Mix,要唔要椰菜/葱，麵嘅軟硬度等等整體來講湯底味道唔錯，叉燒既話，個人都好鍾意食豬腩肉多d,同埋仲有個流心蛋都唔錯飯我地叫左牛正常水平，甜甜地，最好食係佢隻糖心蛋俾我揀嘅話我會揀麵多過飯

同事介紹下來左呢間日式小店～ 好彩我早到，食飯時間都幾多人，如果人數多記得要打電話去訂枱呀想食飯多過食拉麵，見到黑豚丼係小店推介，就揀呢個配糖心蛋可以揀蔥同埋野菜嘅份量，我就揀左走蔥同多野菜白飯份量好多，豚肉就大概有五、六大片咁，肥膏比例比較多～ 所以第一啖咬落去已經好香口，個豚肉片旁邊燒到焦焦地，配埋個類似甜燒汁嘅醬汁，好好食，好易送飯呀不過啲汁就少左啲，去到後尾得返白飯就太齋。另外仲有一個膠罐仔，裝咗自家製酸辣芽菜～ 味道夠酸但不太辣，不過係好食嘅～ 同埋店員會不斷refill 等待嘅過程都可以一試呀～

很久沒吃拉麵了，在灣仔放工之後，走到一條小街，附近都是排檔，前面有一間掛著紅燈籠的拉麵小店，就入去試下！小店除了拉麵，也有丼飯！我們分別點了黑武士和蝦武士，麵可以選粗幼和硬度，我們都選了幼麵和硬口感！另外點了2個小食，蟹籽沙律和煎餃子，想不到蟹籽沙律份量那麼大，青瓜絲好爽口好清新，滿滿都是卜卜脆又鮮味的蟹籽！這個煎餃子很特別，用了粉漿煎，會有一層脆皮，好香口，餃子皮薄，裡面有肉汁，不錯！2碗拉麵到了，叉燒可以選普通一片片的或者豚角煮。原來湯底都真的幾濃厚，蝦武士怖滿櫻花蝦，湯底有點膠質，好鮮味，溏心蛋好好食，超級流心，拉麵質地彈牙有質感！黑武士湯底主要是黑蒜油，叉燒和豚角煮都好稔身，油脂甘香！小店的姐姐親切，都真的不妨一試！

幸屋 可以話係我最鍾意嘅拉麵店基本上每個月都會食～ 平時lunch Time自己一個黎，要一碗拉麵已經夠晒滿足🤤🤤今次晚上同朋友一齊食，咁梗係要把握機會試吓佢哋嘅小食啦！多個人可以一齊share呀麻😈😈坐低之後飲杯茶，慢慢睇下想食啲乜蟹籽沙律🥗幼幼嘅青瓜絲、蟹柳絲、蟹籽 + 美味沙律醬，好清新，而且口感爽脆，沙律醬份量啱啱好！唔會太多或太少，係健康又好味嘅選擇✨✨份量都幾多，每人食咗兩碗😛😛炸雞🍗無骨，啖啖肉！雞炸得好香脆，外面乾身，不會油琳琳。而且味道腌得幾好👍🏼點沙律醬一齊食，super match ! 此情此景，叫埋杯啤酒，夠晒爽啦！黑武士拉麵🍜濃厚嘅豬骨湯底，配上黑蒜油，傾情於黑色食物嘅我，好鍾意🤤🤤🤤🤤湯底唔會太濃或者太油膩，最重要係飲晒都唔會覺得口渴✨✨如果想重口味啲，我會加少少新鮮蒜蓉😈😈都好正架～～我每次介紹朋友黎幸屋，都一定會叫佢哋畫拉麵嘅時候要揀豚角煮！ 厚切嘅豚骨，脂肪同肉嘅比例分明，咬落去口感結實得黎，又柔軟 🤔🤔🤔你試下就知我講咩餐廳環境都幾舒適晚上七點左右，唔需要等位同朋友輕鬆食個晚餐，係唔錯嘅選擇☺️☺️

今晚約了朋友飯聚，她是一位拉麵迷，於是便相約到她指定的幸屋吃拉麵呀坐下後，朋友便向我介紹餐牌，我們叫了兩款拉麵及兩款小食，拉麵叫了金武士及限定王，小食叫了日式芝士年糕，及唐揚魷魚鬚。我們坐下來，店員便遞上煎茶包唐揚魷魚鬚真的沒有介紹錯，廚師手藝掌握得很好，外表卜卜脆，而魷魚鬚亦很易咀嚼日本芝士年糕吃時煙煙靭靱，口感不錯金武士的湯底是原味豬骨，喝一口已知火候十足，配料很多，麵條彈牙今期的限定王是大蝦濃湯沾麵，一定要比個like 給這個濃湯，果然蝦味十足，大蝦亦啖啖肉，非常誠意推介給大家試試啤酒都不錯吖

這天放工與朋友約去灣仔這家拉麪店，不是太好找，因為是橫街而且前面有攤檔阻擋視線。因為去到的時間尚早，大概6點半，所以人不多，只有另外一台客人。 我們叫了2個拉麪，還有2份小食。我叫了黑武士（黑蒜），朋友叫了金武士（豚骨）。我的湯底黑蒜味很適中，不會過濃，而肉的話我選了mix（排骨肉和豚肉各一）。 2種肉也都很好吃。說說小食，叫了一份日式煎餃和炸雞。 煎餃份量其實挺多，每一隻都滿滿的料。 炸雞意外地出色！ 即場炸的，所以非常的脆，裏面的肉熱乎乎，非常嫩 而且配上醬汁也是很好吃。店裏也有the premium的啤酒可以叫，不過這次我和朋友沒叫，下次有機會要試試！ 總的來說，這家值得推薦

係公司做野做到肚餓，同同事落街食個快飯。幸屋一定係我地醫肚既選擇！佢地成日都有好多人，lunchtime排隊好難排。好在8點左右既時間唔算多人，去到岩岩有位佢地既黑蒜油拉麵真係好正，湯底香濃，拉麵硬身，又可以多蔥，溫泉蛋岩岩好，豚肉角又厚身肉味濃！我地每人都叫左一碗😋😋然後再多加兩款小食，包括煎餃子同炸魷魚！餃子有6隻，每人3隻！加上外皮香脆，每次黎都會叫。可惜炸魷魚比較濃，乾左少少。不過都好滿足👍🏼👍🏼

晚餐飽肚不二之選 同區比較算係好抵食 質素亦不錯 套餐的拉麵是正價的份量有4種選擇 如果唔食拉麵黑豚丼是值得一試 足量沙律 和風餃子出色 串燒可以 位於內街 環境清靜 適合二人或三五知己聚腳仲有得儲印花

通常寫食評都期待有好嘢食，但係呢一次真係讚唔落手。朋友介紹下嚟到呢一間位於灣仔既幸屋，午飯時間都算多人食嘅要排大概15分鐘，多得好朋友一早幫我排定隊個先唔使等咁耐🥰～入到去，感覺好逼夾，店主仲開多幾張木枱做多幾台生意，茶餐廳味好濃🤔🤔講返玩嘢食先，叫咗胡麻王一試。配料都算多嘅，有齊紫菜、有啲硬硬嘅菜、溏心蛋、叉燒、等等。湯底呢就味精味好濃，重有小小咸，有啲港式湯底嘅感覺🤔🤔配料方面雖然份量唔算多但係味道不過不失，唔值得特別欣賞。麵條方面，係中等size，浸左一陣就好容易膨脹，結果個湯底又concentrate左、麵條又冧。我仲食唔晒一半🤦🏻‍♀️🤦🏻‍♀️唔明白點解咁多人比正評🤦🏻‍♀️我覺得好一般，真係好一般。🤔-幸屋 (灣仔)灣仔機利臣街5-9A號維昌大廈地舖

今日有朋友過嚟搵我食晏, 叫我搵地方🤔 知道朋友都係鍾意食日本野, 搵搵下OpenRice, 𥄫到呢間野喺太古廣場第三期附近嘅灣仔一帶, 街尾有郵局, 呢條街仔賣生果盆栽, 有幾間茶餐廳每日食晏都好多人排隊。呢間日本餐廳喺正條街中間, 佢嘅前身係一間韓國餐廳, 印象中生意麻麻, 唔知幾時已經易左手今日好想好想食個鰻魚丼, 加隻糖心蛋影相俾鰻魚癡男朋友等佢葡萄下唔好誤會點解有一隻半糖心蛋, 係朋友唔食俾我嘅!食物相當唔錯, 餐廳亦都好大量, 比客人慢慢食慢慢傾, 絕不趕客走出嚟見出邊其實都幾多人排緊隊

今天去藝術中心看演出，就在附近找吃的。很久沒有吃拉麵了，心血來潮就去找拉麵店。在鬧市中發現這小店，就在機利臣街的小攤販後面，不算起眼位置，認著日式的大紅燈籠會較易找到。我點了一碗拉麵及一個小食。蝦武士拉麵 - 我點的是正常濃度湯底，也是正常硬度粗麵。熱湯加強了櫻花蝦的咸香氣味，拉麵送至，隨即很快地聞到陣陣蝦香。雞蛋採用了日本蛋，咬開有點流心，蛋味濃郁。湯頭很順口，不會過咸。汁煮牛舌 - 有點清湯牛腩的味道，牛舌鬆軟味濃，還有吸收了肉汁精華的紅、白蘿蔔粒，可以細味品嚐。另外，雖然是小小拉麵店，但店家也有供應啤酒， 有著名品牌麒麟啤、Premium Malt's﹐亦有生啤，清酒也有幾款選擇呢。串燒套餐可以加$20轉一枝麒麟啤酒。

蝦武士 - 湯底足料，比較有口感，umami 的味道很重，加上櫻花蝦的鮮味，讓整碗麵很香很濃。拉麵麵條彈牙。一整隻糖心蛋（不用自加），一切開裡蛋黃會從裡面爆出來，太吸引了。肉不多 但有切成一條一條的海苔，又爽口又能中和一下濃湯。金武士 - 這是這間店的原味。湯較滑，有濃厚的豬肉味。有配上糖心蛋和肉，拉麵和配料的份量很足夠。還有爽口的芽菜可以任意添加。雞翅膀 - 外脆內嫩，肉多，有芝麻的香味，味道很好，很吸引。服務很好，食物CP值高，怪不得人氣這麼旺

與朋友到灣仔演藝學院看舞台劇，先來灣仔吃晚飯再步行過去！朋友找來一間小小的拉麵店一嘗！這間幸屋位於灣仔的一條小街入面, 處於一些鐵皮屋身後!癮世小店哦!店鋪入面樓底很高, 貼/掛滿帶點日本風的畫。坐位也舒適!主打拉麵有多款可選擇, 我們分別選擇了胡麻王及黑武士!如很多的日本拉麵店一樣, 配料, 麵的粗幼硬度, 甚至湯底的濃淡度及香油的濃淡都可以隨食客喜好自己選擇!胡麻王一上枱已嗅到濃濃的芝麻味, 好香好香! 义燒肥瘦適中，幼麵滑身有咬口, 選擇正常濃度湯底下，味道不會過咸，剛好!另一款黑武士拉面, 有著香濃的黑蒜油香氣, 這款我們挑選了特濃湯底, 湯底濃厚但不會肥膩, 配幼麵頗夾!同時我們也添加了和風餃子及汁煮牛舌和風餃子賣相好像一個PIZZA, 咪道卻很像八爪魚燒! 好特別好好吃呀! 汁煮牛舌, 切成一粒一粒的, 牛舌厚切香濃牛味, 好適合佐酒哦!我們發現餐廳有個生啤套餐$88, 好適合放工來HAPPY HOUR 再吃拉麵晚餐!這個套餐包括了700ML 生啤及小食! 下次要跟同事來再食哦!