幸屋

營業中

休息中

禁堂食前去食餐好，揀咗間拉麵店面唔大，成晚都滿場，呢間小店都幾受歡迎。小食揀咗個芝麻雞翼，其實想食明太子雞翼多啲，不過呢度無。但呢個雞翼都有驚喜，入面係無餡，普通雞翼，但一咬落去係有汁，調味剛好，有少少辣味其實仲叫咗個炸雞，但唔記得影相都好好食，又係好多汁，配上mayonnaise，熱辣辣，無得輸。拉麵方面質素中上，蝦湯嘅蝦味唔算好濃，主要靠蝦乾調味，麵同叉燒都係正正常常，配料好多，可以話係性價比高，味道唔算好出彩。朋友叫咗個胡麻王，但佢話無乜芝麻味，當係普通豚骨拉麵咁，味道都係正正常常。整體來講都滿意嘅，平時晚飯都係個唔錯嘅選擇。

之前試過一次幸屋的拉麵覺得好正，近排天氣開始轉涼，又系食拉麵的好日子，所以去左幸屋encore 望下menu 原來除左拉麵之外，仲有四款丼飯簡，見到隔離枱叫左賣相幾唔錯，同朋友都轉軑食丼飯<鰻魚飯$93>條鰻魚真心有邊誠意，size 同平時系日上超市買個D有得fight鰻魚似入口即溶，質素唔錯，略嫌燒汁唔夠多<豚肉飯$83>豚肉一半脂肪一半肉，對對地炭燒過再淋埋甜醬上，超惹味<汁燒廣島蠔$42>廣島蠔雖然唔系話大大粒，不過蠔味一D都唔輸蝕，四十零數唔叫走寶<蟹子沙律$42>食完咁多重口味野叫番個沙律清下口氣岩岩好

//食物 🌕🌕🌕🌕🌑1️⃣魚介醬油沾麵一上枱嘅時侯就俾佢豐富嘅配料surprise 到😍舊肉上面仲見到啲油脂，未食都知一定好腍，結果真係又香又嫩，夠哂入味😍但麵汁好濃，用個石鍋裝住，熱到仲會bulubulu 🙈而且非常掛汁，加埋彈牙嘅粗麵真係好幸福！不過食到一半都無就開始覺得咸了😭2️⃣炸雞炸雞望落唔多吸引，但食落係幾嫩幾juicy，有驚喜！//價錢 🌕🌕🌕🌕🌑拉麵最平80蚊有找，我個沾麵就90，加廿蚊仲可以有埋小食同嘢飲，喺港島嚟講算幾抵食👍🏻-//位置 🌕🌕🌕🌗🌑灣仔站行7分鐘先到，唔算好方便🙈-//環境 🌕🌕🌕🌗🌑餐廳細細地，大約坐到十幾人，衛生都唔錯，係坐得逼左少少😣-//總分 🌕🌕🌕🌗🌑整體嚟講無乜標青嘅地方，無伏嘅，不過去一次就夠🙈

今日廿四孝男朋友接收工，諗住去利東街睇燈飾，所以就喺附加搵嘢食。呢間拉麵舖仔細細，但係職員超級親切，又有禮貌，最重要係啲嘢食麵唔錯。我自己揀左個蝦武士，係櫻花蝦湯底，佢個湯她濃郁好重蝦味。拉麵可以揀叉燒或者厚切腩肉，而佢仲有第三個選擇就係Mix，岩晒選擇困難嘅我。佢啲腩肉真係好林，而且都幾入味。另外佢麵入邊都會跟左粒溏心蛋，蛋黃有微甜之餘仲做到小小流心效果。而佢呢店用嘅幼麵係曲麵，個樣似公仔麵，但係就有晒拉麵嘅爽彈口感。而男朋友就揀左個黑武士，姐係黑蒜湯底。佢個樣睇落似芝麻糊，但係飲落個湯好重豬骨湯嘅味道，好唔錯，但係黑蒜味就弱左小小。小食叫左個和風餃子，姐係出面食到嘅冰花餃子咁，多左一層脆脆。而正當我奇怪點解冇餃子醋時，就發現原來佢地已經將個醋擺左係底，每一隻餃子都沾得到。另一個係唐揚炸雞，外表平平。但係一咬開就不得了，佢係冇炸粉果種炸雞，咬開仲有超多肉汁，醃得夠入味，真係好好味。

今日要突然要OT 同事提議食餐好少少先再做佢帶我去左一間係公司附近但我從來無發現的小店食拉麵 原來平時比d 排檔擋住睇唔到真係有驚喜bor!特濃味噌廣島蠔沾麵我叫左沾麵食 因為太耐無食 平時好少見有廣島蠔的沾麵我選左熱的麵底 麵質唔錯 配料都好多下廣島蠔都有3隻 幾鮮味加上特濃味噌掛係d麵條到 係冬天真係感受到陣陣溫暖蒲燒鰻魚丼同事點了鰻魚丼睇落都好肥美加埋溏心蛋食 真係唔錯不過份量比較大 d汁有點唔夠和風餃子我見好似好多人都點呢個原來真係幾唔錯個底煎成一塊薄薄脆脆的面加上mayo同木魚 幾得意不過餃子的另一端如果再煎得再香脆d 會再加分汁煮牛舌一向都好鍾意食牛舌不過多數食烤 呢個用汁煮都好入味好淋身 少少甜甜地 應該是味啉細細碗 好快就食哂啦整體食物都唔錯 除左食物之外 店員的服務都好溫暖好介紹 解釋食物 服務很好!!

呢間之前食過好多次 我諗應該都有10幾次 真係整得好好食 好高質👍我同媽媽叫咗二人前套餐 有二選一嘅沙津 二選一嘅小食 選四串串燒拼盤 自選拉麵/丼兩碗 同埋甜品/汽水 價錢都係$288 仲要免加一 而且店員好nice 服務態度超級好軟殼蟹沙津 次次嚟到都係叫呢個沙津 軟殼蟹大大隻 整得又脆卜卜 食落有鮮甜嘅味道 而旁邊會俾沙律汁 自己鍾意倒幾多就幾多 好多菜 洋葱 粟米 仲有蕃茄仔 好fresh好健康🙈和風餃子呢個必食 超正超好食 食過一次再食其他餃子 完全返唔到轉頭 呢間嘅餃子係世界級好味🤯🤤餃子熱辣辣 仲要裏面嘅肉餡好鮮甜入味 而且餃子上面嘅米漿超級香脆可口 真係勁好食 暫時仲未食到比呢間更加好味嘅餃子 所以嚟到呢度都係叫呢個 下次有機會再出灣仔 會試下芝麻手羽串燒拼盤 今次叫咗鹽燒牛舌 燒鯖魚 燒冬菇 同埋燒茄子 款款各有特色 燒得都好入味 不過我覺得以前整得好食啲 可能今次整得唔夠熱 令到落差有一段距離黑武士媽媽揀咗呢碗拉麵 我之前食過係好濃嘅山藥湯麵亦都整得唔錯 而叉燒方面揀咗御屋 可以試到兩款唔同嘅口味道 仲有一大粒糖心蛋 好好味吖🤤🥰金武士第一次試呢個湯底 湯嘅味道偏淡

係朋友介紹我嚟嘅 話呢度啲拉麵好好食 但係食落有啲失望 可能排咗好耐隊 起碼半個鐘 但係食落好似同平時嘅差唔多 冇話特別好食 環境方面有啲古色古香 都叫特別嘅 或者唔應該叫拉麵 可能小食會好食啲

拉麵一向不是我的美食首選，但朋友今晚指定想吃，所以就選了一間既有拉麵、又有定食的日式餐廳。😌👉🏻食物：4.3/5▪️海老蝦味噌拉麵超級tailor made 的拉麵👍🏻可自選拉麵的粗幼、軟硬、湯的濃度、叉燒肥瘦種類，以及各款配料的份量，保證能點到一碗合口味的拉麵🥰蝦味湯鮮味而不膩，咸度適中👍🏻喝湯底時忍不住一口接一口🤩▪️醬燒牛肉丼流心蛋😍拌飯一流！牛肉一點都不馬虎，不是普通肥牛，是像牛小排片，肉嫩帶油香👍🏻份量多，味道是日式帶甜味，整碗像在日本吃得到的口味🤤▪️和風餃子店內招牌菜👍🏻餃子底煎得香脆，配上沙律醬、木魚碎等。

住灣仔朋友帶我去試吓隱世拉麵店！我哋柯打咗一個拉麵加一個飯同兩個小食，估唔到最有驚喜喺小食海老蝦味噌拉麵雖然係小店.但對拉麵製作好一絲不苟，可以選粗或幼麵，麵的軟硬度，香油，蔥及椰菜的多少，最特別係可以揀叉燒或／及豚角燒！貪吃嘅我緊係兩款都揀，可試吓不同的口感加味道蝦味噌好濃郁蝦蝦味，湯底中有大量的櫻花蝦！我較喜歡叉燒的口感同埋較簿更易掛湯！仲有係有一整隻糖心蛋蒲燒鰻魚丼有2大條鰻魚，魚帶有炭燒味，溫泉蛋的蛋汁配上甜甜嘅鰻魚汁，食到齒頰留香芝麻手羽炸得香脆，醃得入味，必食之選！和風餃子一個黃金脆卜卜的底配上木魚絲，沙律醬，原來都有成6隻餃子，好特別惹味，令每隻餃子都香脆可口，有章魚小丸子的味道！係好美味又性價比高嘅一餐！

今次黎到呢間幸屋食拉麵，但原來都唔止有拉麵食，仲有唔少小食，麵質都幾唔錯，係門口已經見到店舖一箱箱入貨放左係椅上，全部都係日本字，可見店頭用料都唔差，真係幾真材實料，整體黎講性價比都幾高，值得一試。環境方面，一黎就比佢個極高樓第吸引，入到黎空間感好足夠，唔會一人一枱咁逼住，唔似得d傳統日本拉麵店咁，每個人既位好逼咁，呢度係比到個空間大家安安樂樂咁食個拉麵。食物方面，先講講個好多人都必點既火辣湯底先喇，湯底色水就夠曬紅，但食落其實唔算太辣，與其話辣，不如話佢係偏向香而不麻，同大陸果種辣就完全唔同。另外一個就係傳統白湯底，食得出有豬骨既香味，湯底白而不濁，算係唔錯。最後，講下拉麵最重要既麵質先，呢度d 拉麵由日本進口，口感一流，煮軟硬程度都唔錯，比較細條，容易掛到湯。

自己就住呢頭，冇幾何會行入呢條街，今日突然行入去，睇到有呢間野就入去食， 佢拉麵款式幾多，有沾面又有拉面。 咁我就揀呢個黑蒜油拉麵，而朋友都揀咗一個蝦拉麵 。Kachun油拉麵個湯底望落去竟然似芝麻湯雖然覺得幾搞笑但係係好食嘅。 Cp:我個人覺得黑蒜油拉麵好食過下拉麵，因為係拉麵個湯底比較有鮮味，但又不是我喜愛的鮮味，所以我中意黑蒜油多一些Cp: 我最最最想介紹，就是這個餃子！必食 太太太好食了， 食唔停口，面頭d醬就好似食大阪燒既醬。 好正Cp

-唔知有冇人同我一樣，好中意D拉麵鋪有客製化選擇，可以揀湯底、麵條、軟硬度、湯濃度、香油濃度等等，而呢間就連叉燒都有得揀呀，填既時候都特別開心，哈哈！-1⃣蝦武士拉麵 💰88（👅: 7.4/10）中意清甜蝦香既我點左蝦武士。蝦湯濃郁不膩，幼麵食起上黎軟度適中，掛湯能力亦很不錯！叉燒方面可以揀BBQ，豚角煮或者御屋，我就揀左御屋，試哂兩款。BBQ係厚身d，口感會香淋軟嫩，而豚角煮就會爽身少少，肉質鮮甜D。-2⃣魚介醬油沾麵 💰98（👅: 7.3/10）中意重口味或惹味既人，魚介醬湯底就岩哂喇！沾麵可以揀凍或者熱，我地揀左熱。粗麵相對有嚼勁，熱食亦很暖胃。不過個人覺得個湯底過咸，食完要瘋狂飲水。但食個陣又確係幾享受個惹味。另外仲有溏心蛋，竹筍等配料，竹筍都幾爽口架！-3⃣炸雞 💰38（👅: 6.8/10）香脆炸雞，有肉汁，亦都幾嫩！-4⃣蟹籽沙律 💰42（👅: 7/10）滿滿的蟹籽、蟹柳和新鮮沙律菜，清新又開胃。-整體來說，幾中意呢度有多方面既客製化選擇，湯底都好濃郁！

黎到灣仔搵食，搵到呢間日本餐廳，點左沾麵同埋鰻魚飯都好有驚喜！小食都無令人失望！特濃味噌廣島蠔沾麵（$108）：廣島蠔好大粒，好鮮甜肥美，唔會腥，抵讚！麵底唔會好稔，係彈牙爽口嘅。呢到沾麵湯都值得讚，出面嘅沾麵湯一般都係鹹到抽筋，呢到嘅湯底係正常可接受嘅，不過如果想食完麵加上湯撈飯食，可能就會偏淡，我食完個麵就飽到捧住個肚，所以唔洗再加飯。呢個鹹度我好中意，食完唔會好口喝。鰻魚丼（$93）：鰻魚整得好香，好鮮甜，鰻魚汁都好惹味，送飯一流！炸雞：跟餐會有小食送，炸雞炸得好香脆，但唔會炸到干晒，重係Juicy嘅，一咬落去嘅啲汁就標晒出黎，好正啊！和風餃子：賣相好吸引，煎得好香脆，餃子裡面啲肉汁一咬就流出黎，皮唔會好厚，亦都唔會好油，勁好味！蒜香雞軟骨：蒜香真係好惹味好邪惡啊，炸到粒粒都係咁脆，唔會好難咬，係份量唔多夠喉，要同朋友鬥快搶啊！麒麟生啤（跟餐+$25）：分別有青瓜同菠蘿味，我就覺得青瓜味係出啲嘅，菠蘿味就比啤酒陣味搶走左，但飲落去味道就唔大分別，都係啤酒嘅味道。我就唔好酒嘅，酒鬼朋友們就話好正。呢個價錢有飯有麵有小食又有嘢飲，都算抵食，下次再去灣仔又有一間可以再幫襯嘅小店啦！

第一次來吃，剛巧下午茶時段有九折，點了特濃味噌廣島蠔沾麵+湯餃子最先上的是湯餃子，皮有點厚，但都幾好食然後是廣島蠔沾麵，蠔粒粒飽滿，有4-5粒，還有半隻流心蛋，醃筍和蔬菜，材料很豐富雖然是特濃味噌湯，但不會過鹹，幾鮮味，熱度亦足夠麵不會太粗，口感十足，夠煙韌，很掛汁，開始了吃便停不了口，到後期有點滯就加點檸檬汁，又有番食慾，很快便吃完整碗，大滿足，非常飽這裡的芽菜都是任添的，好像灣仔所有拉麵店都是這樣？雖然味道沒有很好，但可以增加進食麵食時的口感，算是不錯的了整體而言，價錢算抵食，大家不防一試

店內樓底幾高，裝修有居酒屋感覺。Menu 有好多選擇，由拉麵、沾麵到飯都有呢。和風餃子呢個餃子有驚喜，一上枱就見到佢好靚，佢有六隻餃子咁多，佢個底煎到脆卜卜，而家好似都幾多肉汁，加埋沙律醬木魚等等好好食，個人推介呢個餃子。炸雞炸雞一共有四舊咁多，佢炸得啱啱好，肉質都幾嫩滑。黑蒜濃厚山藥豚骨拉麵呢個係豬骨湯底，佢配料餸菜都唔少，有一大塊叉燒，同埋一大舊豚角，食到佢有燒香過，食落香口好多， 呢個湯底都唔會話好油膩，值得一讚。拉麵份量唔少，而拉麵煮嘅時間啱啱好，食落幾彈牙。特濃魚介醬油沾麵沾麵嘅湯底魚味都幾濃郁，而沾麵嘅面底可以揀涷食或者熱食，沾麵嘅面係比較粗身，食落較有口感。上枱嘅時候服務員都幾細心，提醒我哋小心個湯比較熱。