幸屋

營業中

休息中

上次黎食好似已經係第一波疫情嗰陣，嗰時間間餐廳如臨大敵咁個個轉晒外賣。今次疫情緩和左少少，立即多番好多人黎呢間食。今次encore左上次都有食嘅蠔味沾麵，水準保持得到。今次又唔記得沾麵要走芝麻，雖然覺得食沾麵有芝麻好似有少少奇怪，但其實係十分香口。其實呢本身口痕想加塊叉燒，但又比佢個牛脷小食吸引左。個牛脷小食煮法有少少好似日本嘅味噌煮込み咁樣，用日式醬汁炆冧食材，除左牛肉仲有蘿蔔等等嘅材料，十分入味好食！

-幸屋🍽-位於灣仔橫街兩邊有好多舊式小鋪賣唔同種類商品🤣要穿過d小攤檔先搵到呢間拉麵店係有D難搵🤣-松葉蟹腳沾麵 $138平時成日食魚介沾麵通常都比較重口味會咸D食完完會好口渴🤣今次呢個松葉蟹腳個沾湯比較清有陣陣蟹鮮味😋蟹腳亦啖啖肉😍叉燒亦都軟韌適中唔會過老👍-蝦武士 $98 幼麵呢間拉麵全部用武士黎命名好搞笑😂蝦武士用左大量櫻花蝦而湯底亦好濃蝦味😋平時好少見有得揀粗幼麵個人覺得都係粗拉麵最有口感😂肉可以自由選擇要叉燒/角豚肉/Mix非常貼心😉角豚肉肥瘦均勻燒得幾入味唔錯！-煎餃子 4隻 $30餃子就正常味道🤣店員話個醬汁係秘制就係醋味加左一齊係幾好食-炸雞 $38炸雞大大件幾似KFC陣味🤣加埋沙律醬正👍-🌟評分:🏅🏅🏅🏅📍地址: 灣仔機利臣街5-9A號維昌大廈地舖

港島區嘅平民價日式餐廳黎講，位於灣仔嘅幸屋永遠係on the top of my list！全因為佢嘅Donburi、拉麵同小食都好出色，而且價錢唔貴，絕對係性價比之選！🤤👍🏻日式冷豆腐($32) 豆腐又嫩又滑，配上日式昆布汁、木魚絲同青蔥，成為一款美味又清新嘅開胃小菜。🥰💖和風餃子🥟($38) 係我食過最好食嘅日式餃子！冰花皮入口香脆，份量剛剛好嘅沙律醬、木魚絲同青蔥巧秒地昇華左整碟餃子嘅味道。餃子隻隻飽滿咬落有肉汁，正！😍🎉期間限定-松葉蟹柳沾麵 ($135) 客人可以自由選擇麵條嘅軟硬度。麵條偏向粗身同埋帶些許煙韌，兩隻蟹鉗味道非常鮮甜，佢個汁嘅蟹味都十分香濃！日式燒牛肉飯($93) 薄燒牛肉燒至輕微焦香，肉質嫩而牛味香濃！而且牛嘅份量超級多...一切開隻溫泉蛋香濃嘅蛋汁配埋牛肉一齊食真係好食到停唔到口！下次有機會一定會再黎😋💖

係機利臣街兩排街檔販中捐窿捐罅。發現到間拉麵店。見門口甚有特色。便推門而進。第一感覺。樓底好高。裝飾佈置有日本居酒屋味道。而且重播放住日文歌。黎到拉麵店。緊係要試一試拉麵啦。揀左個赤武士辣度1濃湯底配豚角煮。豚角煮。肥瘦比例剛剛好。入口咬落去有瘦肉口感得黎又有肥肉既油香走出黎。濃湯配搭細麵時。很容易蓋過其風味。但粗麵唔同。粗麵容易吸附湯汁。而且粗麵Ｑ彈有嚼口。所以我揀左粗麵。同埋佢哋既濃湯好Creamy。唔覺唔覺會飲多兩啖。赤武士辣到1唔太辣。但又有辣既香味。加埋流心蛋。芽菜。蒜蓉。7味粉。簡直一流。如果我係住係附近。我一定會成日幫襯。

蟹肉沾麵🍜有2隻大蟹鉗，肉質爽口，味道鮮甜，係意料之外，因為出面食開個d都係梅曬既d肉。另外，佢仲有小量蟹膏，加分。而配料方面，佢有一隻糖心蛋，粟米🌽、蔥、荀同紫菜，再有一塊半肥瘦既叉燒，非常足料不過店員話尼個係每月限定，所以想食既話10月內就要食la而麵質方面，我就揀左粗麵，非常煙韌，好啱我口味佢既拉麵優勝之處係有得揀麵條類別、軟硬度、湯濃度、叉燒既選擇，非常之好燒牛丼🍱 $93牛肉份量多，而且佢既牛係偏厚身，但係唔會韌，加分，而蛋可以揀溫泉蛋或者糖心蛋🍳和風餃子🥟 $38尼個個外形好特別，而味道都好好食，大推芝麻手羽🍗 $36夠juicy，而且佢係全翼黎，經典日式雞翼

2020年10月4日星期日，疫情稍為緩和終於有機會出去同老婆拍下拖食下飯。今日揀咗同老婆去灣仔一間拉麵店食晏晝。呢間餐廳有得揀拉麵或者沾麵，如果唔想食拉麵仲可以食日式丼飯。小食都有唔少選擇。我揀咗黑武士拉麵，湯底有好濃嘅黑蒜味道。麵條嘅質地都唔錯。老婆就叫咗魚介醬油沾麵。沾麵嘅面質地非常爽口，味道唔錯。配上叉燒同埋其他配料非常好食。小食就叫咗一份芝士年糕同埋芝麻雞翼，芝麻雞翼最好食非常香脆。兩個人食完夾埋200左古，都幾抵食

行街行到攰攰地，過咗去灣仔搵呢間餐廳一入去店員呢好熱情咁推介佢嘅拉麵有咩特色，為我地奉上茶包同熱水呢度嘅食物呢包括左唔同嘅拉麵，沾麵，丼飯同小食，甜品等我哋今次嗌咗兩個沾麵味增廣島蠔沾麵 啲蠔非常大粒一個係魚介醬油沾麵配上嘅叉燒肥瘦適中 而且香口糖心蛋係半熟狀態，好滑，好好味！每款麵都可以揀麵嘅軟硬度，湯嘅濃度等等，非常人性化另外我哋仲點了兩款小食包括炸雞🍗炸雞嘅炸粉唔算好多，入口鬆脆而且肉汁鮮嫩至於最令我驚喜嘅就係汁煮牛舌雖然佢嘅份量唔多，但係牛舌入到口 非常之有驚喜！成件舌索晒所有汁 異常鮮甜！

喺灣仔返工，覺得呢度味道幾好，獨食時坐面壁位又唔錯，所以如果無伴食飯，呢度都係我其中一個選擇，快靚正。因為疫情關係，好耐無出去堂食，拉麵外賣又好似唔多好食，所以都好一排無幫襯。最近去食，味道仍然幾好。埋單時，阿姐找多咗錢，咪講聲佢知，阿姐答哦跟著找番啱。我出咗門口，先發現有個優惠牌12:45前埋單有折。我即刻覺得阿姐唔老實。十蚊八蚊其實好少事，你找多我話你知你唔該都無聲，原來仲係你明知收多我，因為我唔知道優惠？點解唔搞個有優惠問答遊戲？我即刻入去問佢攞番，佢竟然答我：我都奇怪，不過你俾正價我咪收囉..........然後俾番嗰嗰幾蚊我。That's all, 無補充，無下次。灣仔有咁多拉麵店啦！

冇得飛日本，忽然拉麵心癮起，一於走入拉麵店食拉麵！海老蝦味噌拉麵（$88）：濃厚蝦味噌湯底加左大量櫻花蝦，蝦味濃而突出，自己選配拉麵粗幼度，軟硬度，濃淡度等等，肉類可以叉燒加豚角煮各一，滿足兩種不同口味。鰻魚丼（$93）配糖心蛋：鰻魚燒得好香，鰻魚汁好好撈飯！唐揚魷魚鬚（$48）：大大份好抵食，而且炸得好香口酥脆，要杯啤酒一流！蟹籽沙律（$42）：同樣好大份，而且青瓜絲好新鮮，即使係前菜都好用心做。

今日黎到灣仔食拉麵，店舖空間好足夠，坐落完全唔覺得逼夾，最值得一讚係員工服務態度，食既時候係紅色暴雨，員工態度非常好，遞上紙巾，問有冇濕身，之後仲逐樣推介食物，態度親切，值得一讚🥰－－－－－－1. 赤武士 $83聞落去真係好香BBQ味道🥰食落去又唔會覺得肥膩，感覺非常特別，辣度有分1-4級別，我揀左2，不過辣味稍嫌不足，如果食得辣可以選擇4🤣2. 味噌廣島蠔沾麵 $108賣相已經非常吸引🤤足足有3隻廣島蠔同埋一大埋配料，食落去好重蠔味，感覺好新鮮，又足料，配合熱辣辣嘅魚介湯底，非常好食，最後再加埋湯，飲完真係捧住個肚走👍🏻

近來中意發掘一D好食既小店, 慢慢發現好多小店比起連鎖店更有誠意, 更用心去做食物, 今日又搵到一間 - 幸屋。幸屋係機利臣街一條巷仔入面,咁岩街道有D暗, 依個位置真係可以話係毫不起眼, 吸引到我既係佢門前既紅燈籠同木招牌, 一睇就知係日本餐廳, 行近D望下門前餐牌, 原來係拉麵店! 店員走出黎招呼我地, 就係咁今晚既晚餐就係佢啦。餐廳一邊係BAR枱, 另一邊係2-4人座, 裝潢簡單帶點日本家庭式小店既味道。 和風餃子餃子連同底部既薄脆煎成一個大圓型, 餃子皮煙UN唔會一夾就穿, 加上薄脆食增加口感, 味道除左餃子餡既肉香外仲係面頭加上沙律醬同木魚絲, 食落有D似大阪燒添!唐揚炸雞炸粉薄又鬆脆, 輕輕一咬開, 煙同肉汁同時標出黎, 新鮮炸起小心辣到咀!  加埋沙律醬已經係PERFECT。燒牛丼另加左溏心蛋, 蛋香濃郁, 溏心狀剛好。丼飯表面鋪滿燒牛肉, 夾起一片牛肉連飯放入口, 味道有驚喜! 燒牛肉厚薄適中有口感, 而且燒得表面有焦香入面又不失JUICY, 伴隨住牛肉燒出既油脂香, 撈飯真係一流! 估佢唔到咁高質。特濃魚介醬油沾麵滾熱辣既湯底用砂鍋上, KEEP住高溫, 湯底鮮味咸香

繼續灣仔搵嘢食🤤，平時行大街，今日行小行，行吓行吓就見到間拉麵小店，望入去幾特別🤓，所以就試一試😊🔻黑武士叉燒拉麵$83🔻香濃黑蒜油湯底，係勁蒜味，一夾起的麵，麵與麵之間掛滿蒜泥🤤，濃而不咸👍🏻，加上叉燒肥瘦均勻，仲有溫泉蛋，整體感覺好滿足🤤🔻赤武士豚角煮拉麵$83🔻紅卜卜的，當然係辣辣地啦，不過辣度就有得選擇嘅😁，🔻和風餃子$38🔻椰菜豬肉餃，通常食到嘅都係配餃子汁，依個幾特別，配左大阪燒醬汁同沙律，仲有木魚絲☺️，好有大阪燒味道，成件事好有日本風味👍🏻🔻芝麻雞翼$36🔻即叫即整，新鮮熱辣，香脆可口，配上沙律醬冇得頂👍🏻。旁邊配上沙律菜，食完雞翼之後可以食返兩條菜🥬，減少油膩感🤤。

政府又放寬左晚市堂食時間⏱今日黎到灣仔就決定同朋友試一試呢間拉麵店😋✨特濃味噌廣島蠔沾麵 $108 🦪🍜呢個沾麵一見到個名就覺得幾新奇有趣就決定試一試好少見會用蠔做沾麵🍜估唔到又真係幾正😝唔會太鹹又幾鮮味 好特別🥳✨✨魚介豚骨沾麵 $98 🐟🍜呢個沾麵嘅湯底夠曬濃郁🥣而且麵質都好彈牙🍜再配埋塊好肥美嘅叉燒 十分滿足🐷❤️✨✨芝麻雞翼 $ 36 🐔雞翼嘅皮好夠脆同好香真係有皮脆肉嫩嘅效果🤤✨✨日式餃子 $30 🥟呢度嘅餃子絕對係我食過嘅其中一個最好食🥇無論係外皮定裡面嘅餡料都好夠惹味👍🏻絕對要試一試💕✨✨

今日和妹妹在湾仔購物，之後一起吃晚餐。妹妹愛吃日本拉麵，在機利臣街剛巧見到一間叫幸屋的拉麵小店，環境不錯，便入去試下。我叫了九月限定的特濃豚骨松茸沾麵。麵一拿來大大碗舖滿新鮮的食材已叫人食欲大振。松茸又香又鮮味。露芛和菜苖幼嫩翠綠很可口。木耳爽口清淡。粟米粒鮮甜。紫菜香脆。拉麵好彈牙有嚼勁。䐁肉半肥瘦有肉香。糖心蛋也很美味。拉麵點特濃豚骨湯很可口夾味。新鲜的配菜尤其是松茸令拉麵吃來更有層次。吃完碗拉麵覺得很幸福。妹妹點的魚介酱油义燒拉麵也很美味。她大讚此店的拉麵有水準，比美大店的水準，而且价錢實惠。麵的份量很多，吃一碗一定飽。我們也試了兩款小食。汁煑牛舌又香軟又可口，配菜的蘿蔔也很入味。炸雞調味適中不油腻，肉質佳。小店的服務很貼心。我們吃得很滿意，下次會才來。

今日收工同朋友去灣仔買野, 順便食埋晚飯醫肚仔😊, 朋友話想食拉麵但又唔想去連鎖店所以就去左E間幸屋試下😁, 餐廳除左有拉麵同飯之外亦有提供一d特色小食! 小妹同朋友都有d肚餓所以就叫左一飯🍚一麵🍜兩個小食一齊開心share😆前菜小食:微辣芽菜🌶前菜擺左係枱面可以任添, 芽菜味道酸酸辣辣, 非常醒胃😆!和風餃子🥟第一眼見到牆上嘅食物相覺得幾得意所以點的🤔, 賣相有d似廣島燒, 但其實係餃子嚟🤭, 外層薄脆, 上面淋上秘製醬料, 取代傳統嘅餃子醋汁, 令整體味道幾特別😊, 餃子煎得幾香口, 咬落去幾多汁, 一口size岩岩好😉!炸雞🐔炸雞外皮香脆可口, 雞肉同樣鮮嫩夠juicy!黑武士拉麵🍜黑蒜豬骨湯底味道濃郁, 拉麵爽口彈牙掛到湯, 入面嘅配菜都不少, 有叉燒, 原隻半熟蛋, 紫菜, 椰菜, 黑木耳, 肉碎, 每樣份量都幾足, 味道唔錯!燒牛丼🐂🍚薄薄嘅燒牛肉肉汁多, 口感嫩, 加埋微甜燒汁同熱辣辣嘅白飯, 已經非常好味, 推介😋!