幸屋

營業中

休息中

裝修充滿日式風味🎈幸屋/唔知點解令我諗起千與千尋入面街道嘅場景/🏮餐廳嘅樓底好高 入面姐姐既服務態度都好好呀而餐廳就主打拉麵 沾麵同埋丼飯 仲有唔同嘅小食和風餃子($38)Japanese Dumplings🥟好吸引嘅賣相呀 呈網狀形加上木魚 蔥同沙律醬 會令人不知不覺聯想起日本嘅大阪燒 餃子煎得十分之脆 咬落有肉汁流出黎添😋芝麻手羽($36)Fried Chicken Wings雞翼炸到脆卜卜 食落聽到酥脆嘅咯咯聲 雞肉嫰滑 肉汁鎖住系雞翼入面 咬落肉汁咇晒出嚟🥰黑蒜濃厚山藥豚骨拉麵($83) 🍜Black Garlic Yam Tonkotsu Ramen望落好似出前一丁黑蒜油湯底 揀左特濃食落蒜味重 而山藥已經同湯融為一體🫂得意嘅系山藥嘅味道系會慢慢滲透出黎覺得豚骨煮會比叉燒更值得推薦✨豚角煮厚度肥瘦適中 唔會太油膩 入口即溶仲有肉碎 椰菜 溏心蛋 木耳絲做配菜熱特濃魚介醬油沾麵($98)🐟Extra Thick Fish Sauce Tsukemen第一句講嘅說話就系 好濃呀❗️揀選嘅幼麵口感煙韌 都幾掛湯 呢個沾麵嘅魚味真系好出 湯底濃稠 好鮮🤓拉麵沾上沾麵湯底之後 每一啖都食

喺灣仔機利臣街嘅「幸屋」店外掛滿一個個日式燈籠，充滿日本風情。飯麵小食應有盡有。貪吃的我就各點了一些來吃。醬燒牛肉丼($93)有好多塊牛肉呀！多到遮住曬d飯！牛肉冇乜脂肪，質地實在，醬汁甜甜地，唔錯！特濃魚介醬油熱沾麵($98)魚介醬油上枱時重熱，重有泡泡不斷冒出，可想而知係幾咁熱啦！沾麵入面有溫泉蛋。蛋產自日本，蛋黃金黃色，呈流心狀。麵彈牙煙韌。魚介醬油味道濃郁，麵本身冇味，沾一沾魚介醬油食，味道剛好。豬肉厚身夠腍，肥膏夾喺肉同肉中間，同肉嘅比例恰到好處，好滋味～另外嗌左兩個小食。和風餃子($38)甜甜嘅木魚絲加上脆卜卜嘅底，搭配酸甜沙律醬同蔥花，簡單得黎帶點心思。反轉有6粒皮薄餡靚嘅餃子。炸雞($38)件件大大隻，肉嫩多汁。

🍲週末到灣仔買東西，經過這拉麵🍜館，見裝潢挺像日式小店，便給予一試，由於並不是一般有名氣的連鎖拉麵店，所以也不抱太大期望，誰知有驚喜噢 😍.🌶赤武士辛味拉麵$83，腩肉炆得好軟，好入味，湯底辣度適中，溏心蛋是一整隻，熟度剛剛好，簡直是我的菜！🥚.特濃魚介醬油沾麵$98，熱辣辣的濃湯湯底非常入味，色香俱合，百味融於一。把拉麵沾到熱湯🍲中，粗麵如落玉盤，慢慢吸收醬汁，把魚介醬油掛在麵身上，每口都好滋味👍🏿.🐔唐揚炸雞$38有驚喜！力推！吹波波的家庭，每一口咬下去都有卡擦卡擦聲音，一點都不油膩！😻裡面都雞肉做到鎖住肉汁，油潤細緻，豐潤渾厚，齒頰留香。遠高於一般日料餐廳水平，推薦必試！✅.蒜香雞軟骨$38也不錯，每顆都炸至酥脆，配以蒜粉及日式味粉，調味剛剛好，不會過鹹也足味。.服務來說也是挺好的，店員好親切。下次還是會再去的👍🏿👍🏿👍🏿⭐️性價比：4/5星💰人均：$100港元

同朋友約咗喺灣仔食嘢, 上嚟openrice睇下附近餐廳嘅食評, 就決定嚟呢間小巷拉麵度試下啦👯‍♀️ 落單方式都似日本嘅拉麵小店, 可以自己填紙仔定制自己想要嘅拉麵麵條類別、軟硬度、湯嘅濃度... 特別在連叉燒都有得揀：可以揀平時拉麵嘅叉燒, 或者豚角煮, 或者mix都得‼️▶️黑武士 (黑蒜油豬骨湯底) HK$83揀咗叉燒～▶️蝦武士 (櫻花蝦味噌湯底) HK$88揀咗豚角煮～拉麵全部都好大碗, 仲配埋成隻溏心蛋🍜🥚小食都有好多唔同種類揀‼️喜歡飲啤酒嘅朋友可以叫小食送下酒都應該幾正, 見到佢有麒麟Draught Beer🍻▶️吉列廣島蠔 HK$42Deep Fried Oyster炸蠔好好食呀‼️超級熱辣辣上枱, 係新鮮炸出嚟嘅～ 配上沙律醬同埋和風醬～仲有生生菜可以夾埋一齊食, 有啲似係食緊炸串嘅感覺添呀🤭▶️和風餃子 HK$38Japanese Dumplings 傳統日式煎餃子嘅做法👍🏼煎到一邊有脆底, 呢度仲喺上面加上咗沙律醬同埋蔥花～🔺🔺🔺🔺🔺🔺🔺🔺🔺🔺🔺

疫情令大部份人包括我成年冇得去旅行，之前見人們去香港不同地方當旅行，今日我都試試，一早到鶴咀保護區行山，之後到灣仔食日本拉麵當去日本旅行🤣。栗子餅外皮炸得很脆，外貌很吸引，內裡的栗子蓉不會太膩，咁凍嘅天氣食高熱量嘅嘢，感覺溫暖。炸雞本身以為是一件件上，原來是兩大隻雞全翼，炸得十分出色，外皮香脆，肉質嫩滑，帶一點香辣很加分。燒鳥丼（雞肉飯）所用的是日本雞肉，就是見海報這樣寫，所以點來試試，沒有失望，既然係當去旅行，當然要試吓日本美食，食起嚟嘅雞肉同一般係有啲唔同，燒得樣貌有點像鰻魚，有雞味，很香，而飯的汁帶點甜，配飯來食加上流心蛋蛋汁很美味。蝦武士（海蝦老味噌拉麵）點了粗麵，大量木耳加椰菜，吃來特別爽口，湯底有大量的櫻花蝦， 十分香濃，粗面很掛汁，但淨飲湯太多的話會很容易膩BBQ叉燒好大塊，吃來不過不失。流心蛋汁很唔錯，一咬破雞蛋，蛋汁隨即爆發出來。總括而言，這家日本拉麵店很有日本風情，食物味道亦幾正宗，真係有去日本旅行食拉麵的感覺。

Seasonal clams ramen $128Love this new choice of clams with dipping sauceThe sauce is actually not too thick and salty comparing to those you can have elsewhereIt’s very umami with a hint of mushroom, or truffles to be exactIt also comes with an entire spoonful of black truffles paste when served Very generous portion indeedGood enough for guys and even to share for ladiesThey also have many other varieties of ramenPersonally preferred the spicy one which is a little tilted towards the Chinese s

港島區親民日本小店 必試和風餃子🥟灣仔不嬲多美食小店 今日就黎食日本拉麵 lunch時間比較繁忙 我地去到得返bar枱 店員好友善 態度非常殷勤 見店員同好多客人都有講有笑 呢到應該係唔少熟客嘅食堂😎魚介醬油沾麵 🍜好多時候係出面食嘅沾麵都係用普通瓷碗裝住 不過呢到用個小鍋 就算大家叫冷麵都唔使怕佢個湯好快變暖或凍 魚介味超濃 建議怕濃味或怕鹹嘅朋友可以係紙張到剔返自己嘅喜好☺️蒲燒鰻魚丼 🍚鰻魚燒到焦香味 而且一碗有兩大塊 啖啖肉呀 不過唔知係咪天氣凍定係溫泉蛋凍嘅關係 撈完之後食嘅時候已經發覺個飯凍左😣 如果熱啲就好啦芝麻手羽 雞肉好嫩滑 用芝麻炸嘅雞翼好香口和風餃子一上碟嘅時候嘩左一聲 煎得好靚呀 個底有成塊grill左嘅薄脆片 加埋鰹魚片 蔥花同沙律醬 成碟餃子係今餐最矚目同印象最深刻嘅 👍🏻幸屋價錢親民外服務也很親民，拉麵口味眾多，下次會再嚟試😋⚠️未至於要等位 不過的確好旺場

是日同HONEY行灣仔，在隱角處見到哩間幸屋，食日式拉麵的店，見到佢的拉麵都有黑武士咁特別，就去食我地六點前的晚餐~~同HONEY點左赤武士拉麵，我就點左魚介豚骨沾麵，另外點左小食炸雞同埋外型好正的和風餃子赤武士拉麵赤武士拉麵，有叉燒，唐心旦，木耳絲同埋幼身的拉麵，食落幼身的拉麵都好爽口，叉燒口感有油份，真的唔會太乾，另外湯底都夠辛辣，男仕都食得飽的拉麵魚介豚骨沾麵魚介豚骨沾麵上來時，湯底仲系滾到上來，粗身的拉麵，加上唐心旦，洋蔥絲，木耳絲，另外有埋半肥的腩肉，真的食落好JUICY，沾麵的湯又唔會太重口味，食得一碗都唔會口乾，炸雞炸雞都唔錯，粉唔會太厚，和風餃子和風餃子真的超好食，一上碟，個皮真的好香脆，哩個功夫真的好勁，另外餃子都好多汁，真的令我對餃子有新的體會，食物質素都唔錯，坐得好舒服。

同朋友仔兩個人，想坐得舒服又想食得開心，黎到灣仔見到幸屋有拉麵食又有定食，啱晒！好，坐低睇下有咩好食先。海老蝦味噌拉麵，一上枱，碗麵香，應該係來自脆蝦乾，湯底夠濃郁，拉麵食落軟硬適中，仲有厚厚豚角煮，肥瘦平均。日本燒雞丼，燒雞掛滿醬汁，一啲都唔會乾，有全隻溫泉蛋，仲有大量椰菜做配菜，非常豐富。和風餃子，好有特色，上面係一片薄脆，篤開薄脆，下面就係充滿肉汁嘅餃子。芝麻手羽，炸到金黃色卜卜脆，食落惹味。

好耐冇食過沾麵，星期日同媽味去左灣仔見到一間沾麵餐廳好吸引就入去試試 當月限定有黑松露蜆沾麵，聽到已經覺得好吸引，但比我係regular menu發現左個特濃味噌廣島蠔沾麵，我即刻改變主意，可以揀熱同冷，我要左冷麵；超大碗勁足料，有紫洋蔥、椰菜同筍等，個糖心蛋特別好食！ 我仲落左好多餐廳免費提供既小辣芽菜，湯底唔錯，唔會太鹹，而且夠鮮味，麵口感十足，非常有咬口媽味麻麻地麵食，餐廳都有飯揀，佢要左最愛既蒲燒鰻魚飯，鰻魚份量慷慨，有整整一條，食落完全唔腥冇骨，咬落大大啖魚肉好滿足 小食芝士年糕，媽味好中意話夠煙un，食落滿口芝士好滿足 炸雞都好新鮮，外皮鬆軟，炸得剛好 

朋友話佢之前喺呢間拉麵店食lunch，覺得味道幾好，店員態度又好，所以佢就帶咗我嚟食啦。因為六點之後就唔可以堂食，所以我哋今日五點就黎到，食個early dinner。咁早食晚飯又驚半夜肚餓，所以我哋就叫多啲嘢食，就每人叫咗一個麵加一個小食啦。🍜黑松露蜆湯沾麵 $128沾麵嘅份量相當足夠，好大碗。蜆有四五隻，叉燒一片，溏心蛋半隻。蜆肉食落口感飽滿，size中等，有鮮甜味。叉燒肥瘦適中，配搭沾麵湯更好食。蛋流心，幾好味。麵底揀咗用粗身嘅麵，同埋睇得出啲麵本身都有花心思調味。湯底用咗蜆肉煮成，有香甜嘅蜆味。之後我地將堆黑松露放入湯底，湯底即刻充滿濃濃嘅黑松露香味。呢款沾麵係十二月限定，不過今日都仲有得食，唔知可以去到幾時，所以要食嘅朋友好快啲去食啦。希望遲啲有機會可以再試。🦐蝦武士 拉麵（海老蝦味增拉麵）$88拉麵嘅份量都好多，叉燒兩片、蛋一隻、櫻花蝦有一大堆。拉麵就揀咗用幼身嘅麵，掛湯能力幾高。未將啲櫻花蝦撈入湯底之前，我試咗一啖個湯，以為會剩係得味增味，點知嗰陣已經好有蝦味。再撈埋啲櫻花蝦就更重蝦味啦。湯底好濃郁，鍾意食蝦嘅朋友一定要試吓。🥟和風餃子 $38餃子表面上有一大塊薄脆，望落

灣仔機利臣街維昌大廈地舖有一間食日本拉麵嘅舖頭叫做幸屋， 雖然唔係喺大街大巷，幸屋嘅裝修好有日本feel ，出品亦合我口味。今日帶朋友去食，老闆熱情招呼。12月限定優惠係黑松露蜆湯沾麵，麵彈牙可口，分量非常之多。麵裏面有五六隻飽滿鮮甜嘅蜆， 日本叉燒原汁原味，仲有好多配菜好似木耳、葱同筍呀， 當然仲有黑松露啦! 吃沾麵嘅汁非常濃郁惹味，也充滿黑松露味。我哋另外叫咗一個胡麻王湯麵， 因為我好鍾意食芝麻，佢真係有好濃郁嘅味道，湯裏面有好多黑芝麻，有一個完整嘅溏心蛋，同埋厚厚的日本叉燒 ，還有好多蔥、木耳啦，因為我比較鍾意食素菜，所以非常合我嘅口味。我好鍾意食幸屋嘅日本餃子🥟， 呢度嘅餃子🥟 賣相好又好味，佢嘅特色係有一塊薄脆在餃子上面， 薄脆面上面仲有沙律醬同埋木魚🤤🤤🤤。我哋又食咗炸芝士年糕，裏面有啲軟滑嘅芝士，同埋啲糯米香口滑溜，炸得剛剛好。一口半個，一掃而光😋。朋友都讚，話會再幫襯。

見到Openrice 咁多好評咁就去試下。叫左一個金武士（即最普通的拉麵），點知非常令人失望。湯底竟然用粟米碎粒調味，似粟米湯。流心蛋竟然唔熟，蛋白同蛋黃好似水咁流出黎。。。唯一可取是份量大，叉燒同麵本身都OK。有免費辣芽菜供應，但係用大豆芽！同埋有酸味無咩辣味，令人完全無食慾。茶供應是俾杯熱水俾你自己加茶包，但因為水是唔滾的，所以會無咩茶味。服務員是兩位阿姨，算有禮貌。總括而言，食物質素方面呢間餐廳同一般日本拉麵店的水準有一段距離。

呢個週日揀左灣仔呢間拉麵店，諗住食完野再去銅鑼灣行下😎小店牆身好多日本既海報，似足日本既拉麵店。拉麵既選擇都幾多 ，基本款都有8款！日式丼飯都有好幾款，飯同面我哋各叫一款☺️不過我都係揀左限定款沾麵😛🔸黑松露蜆湯沾麵🍜見到限定沾麵咁吸引，一於就叫呢個☺️黑松露味好香，隻蜆好大隻，又鮮甜。沾麵麵底係粗麵，掛湯能力好強👍🏻湯底好濃郁，但又唔會食完覺得好鹹好口渴，食完前面可以再加湯落去飲埋啲湯底！仲有半隻溏心蛋，好好食😋🔸醬燒牛肉丼🐮牛肉丼既賣相都唔錯，牛肉都幾入味，質地軟腍，好食😋另外，燒汁好夠多，加埋隻流心蛋一齊撈飯好正🤤🔸炸雞一共有3大件，咬落啲雞都幾嫩滑👍🏻🔸和風餃子🥟💯呢個十分推薦😍必食！首先賣相好靚，好似一塊圓形既煎餅咁，咬落好香脆！有6件餃子，上面有木魚、燒汁、蛋黃醬，餃子餡料好豐富，肉汁好多👍🏻呢間拉麵店嘅座位都坐得好舒服，唔會覺得好迫好狹窄，裝飾好有日本嘅風味！拉麵同小食都好食😋值得推薦😎👍🏻

最近調咗去灣仔返工嘅朋友介紹我嚟呢一間幸屋，係一間喺小巷中不太顯眼嘅拉麵店。入面環境相當寬敞，坐得舒服。仲可以揀沾麵，呢個黑松露蜆湯沾麵仲係期間限定的。餐牌方面簡單清楚易明，拉麵仲有好多唔同嘅選擇，例如有粗幼拉麵、麵嘅軟硬度、湯嘅濃度等等都有得選擇，所以一定會啱食。店員首先會奉上熱水，另外再提供茶包，可以自由揀選飲熱水或熱茶。軟殼蟹沙律的軟殼蟹是新鮮炸起放上碟的，所以一出場嘅時候係熱到出煙，而沙律菜有青瓜絲、生菜、洋蔥絲、粟米同車厘茄，口感清新。顧名思義，蝦武士拉麵係充滿櫻花蝦嘅拉麵，湯底濃郁，每碗拉麵都會附上叉燒、豚角煮、椰菜、木耳絲、紫菜同糖心蛋，非常豐富。黑武士拉麵就係黑蒜油拉麵，同樣地都有叉燒、紫菜、糖心蛋等配菜，而黑蒜油嘅湯底亦都充滿着濃郁嘅蒜油味道。炸雞軟骨份量相當多，並且會灑上炸蒜，夾埋一齊食零瀉香口。呢一餐我同朋友都非常滿足😋