影片
更多
2021-01-02
824 瀏覽
朋友話佢之前喺呢間拉麵店食lunch，覺得味道幾好，店員態度又好，所以佢就帶咗我嚟食啦。因為六點之後就唔可以堂食，所以我哋今日五點就黎到，食個early dinner。咁早食晚飯又驚半夜肚餓，所以我哋就叫多啲嘢食，就每人叫咗一個麵加一個小食啦。🍜黑松露蜆湯沾麵 $128沾麵嘅份量相當足夠，好大碗。蜆有四五隻，叉燒一片，溏心蛋半隻。蜆肉食落口感飽滿，size中等，有鮮甜味。叉燒肥瘦適中，配搭沾麵湯更好食。蛋流心，幾好味。麵底揀咗用粗身嘅麵，同埋睇得出啲麵本身都有花心思調味。湯底用咗蜆肉煮成，有香甜嘅蜆味。之後我地將堆黑松露放入湯底，湯底即刻充滿濃濃嘅黑松露香味。呢款沾麵係十二月限定，不過今日都仲有得食，唔知可以去到幾時，所以要食嘅朋友好快啲去食啦。希望遲啲有機會可以再試。🦐蝦武士 拉麵（海老蝦味增拉麵）$88拉麵嘅份量都好多，叉燒兩片、蛋一隻、櫻花蝦有一大堆。拉麵就揀咗用幼身嘅麵，掛湯能力幾高。未將啲櫻花蝦撈入湯底之前，我試咗一啖個湯，以為會剩係得味增味，點知嗰陣已經好有蝦味。再撈埋啲櫻花蝦就更重蝦味啦。湯底好濃郁，鍾意食蝦嘅朋友一定要試吓。🥟和風餃子 $38餃子表面上有一大塊薄脆，望落
因為六點之後就唔可以堂食，所以我哋今日五點就黎到，食個early dinner。咁早食晚飯又驚半夜肚餓，所以我哋就叫多啲嘢食，就每人叫咗一個麵加一個小食啦。
🍜黑松露蜆湯沾麵 $128
沾麵嘅份量相當足夠，好大碗。蜆有四五隻，叉燒一片，溏心蛋半隻。蜆肉食落口感飽滿，size中等，有鮮甜味。叉燒肥瘦適中，配搭沾麵湯更好食。蛋流心，幾好味。麵底揀咗用粗身嘅麵，同埋睇得出啲麵本身都有花心思調味。湯底用咗蜆肉煮成，有香甜嘅蜆味。之後我地將堆黑松露放入湯底，湯底即刻充滿濃濃嘅黑松露香味。呢款沾麵係十二月限定，不過今日都仲有得食，唔知可以去到幾時，所以要食嘅朋友好快啲去食啦。希望遲啲有機會可以再試。
🦐蝦武士 拉麵（海老蝦味增拉麵）$88
拉麵嘅份量都好多，叉燒兩片、蛋一隻、櫻花蝦有一大堆。拉麵就揀咗用幼身嘅麵，掛湯能力幾高。未將啲櫻花蝦撈入湯底之前，我試咗一啖個湯，以為會剩係得味增味，點知嗰陣已經好有蝦味。再撈埋啲櫻花蝦就更重蝦味啦。湯底好濃郁，鍾意食蝦嘅朋友一定要試吓。
🥟和風餃子 $38
餃子表面上有一大塊薄脆，望落幾靚，篤開啲薄脆就可以見到有六隻餃子。食餃子嗰陣就會連埋啲薄脆一齊食，所以餃子外脆內軟，配埋上面嘅沙律醬同埋底下嘅醬汁，整個配搭非常之唔錯，相當值得一試。
🐔炸雞 $38
喺日式拉麵店食炸雞，當然就會係食到唐揚炸雞。雞肉炸得相當好食，外脆內軟，雞肉仲好滑好彈牙，有肉汁，正。有三件炸雞，我同朋友要爭住食。
呢間真係幾唔錯，同埋店員嘅態度真係一如朋友所講，好。之後有機會都應該會在食。
張貼
