嵐山日本料理

營業中

休息中

今晚晚聚，輪到朋友話事，話想食日本野，揀左呢間位於棉登徑既餐廳，近K11, 好易搵。星期二既晚上餐廳都居然坐滿，有尐料到生蠔大大隻，要分兩啖食好爽口，加埋調味醋食好夾，好開胃三文魚子八爪魚沙律，清清地，八爪魚夠爽甜，個碟都好鬼靚呢我就幾鍾意呢幾款刺身同壽司，用料新鮮，無得輸，第一位牡丹蝦，肥大鮮甜海膽魚子壽司鮮甜，平目魚邊燒香左好香魚油味，金目鯛就相對失色了鹽燒虎蝦，成隻碟咁大隻，一上枱已聞到陣陣香味，啖啖肉最後食埋豆腐雪糕，好有驚喜，佢係好香豆腐味兼唔甜既雪糕，好岩食

之前食過好幾間出名嘅日本餐廳都普普通通。呢間有驚喜喎。有dinner set 岩曬我呢d有選擇困難嘅人，唔好以為個set好似好少野，食完勁飽勁滿足。👍👍北海道牡丹蝦原來牡丹蝦仲正過赤蝦🤤唔知餐廳係咪做過咩特別處理呢，特別而且好大，差不多兩隻手指咁粗。呢個係我絕對會追加🦐👍金目鯛金目鯛係香港食刺食黎講，認真唔多見，得高級嘅日本餐廳先有。😂識食一定叫佢，鮮甜味就唔駛講，而且肥美得黎又爽口。👍火焰平目魚入口即溶，魚味勁濃。呢到壽司有樣好，飯唔太大舊，所以主點都會落左塊刺身到，好得。👍加拿大海膽淡淡海水味，入口就融係我條利到，一舊唔夠食😂下次叫一板好似開心d👍👍鹽燒大虎蝦呢到d蝦真係好出色，唔好以為燒佢會用d 冇咁新鮮嘅蝦，但唔係。蝦勁彈牙，淨係用少少鹽去燒佢已經夠曬味。👍👍青芥辣醬燒安格斯牛扒呢個勁有驚喜，第一次食加青芥末嘅牛扒。估唔到係咁夾。因為本身呢塊牛油份比多，所以入口少少溶係口嘅感覺，平常食兩三舊都夠，但加左醬就唔同，瘋狂食左食多舊。

除非去日本漁市場，否則平時食日本料理都不多吃海鮮丼，因為日本料理選擇多，好難專一地只叫一碗海鮮飯！今天午膳時間來到，柯打了兩客午市定食: 拖羅丼和花魚生飯。定食除了海鮮丼，有麵豉湯，野菜沙律，兩款前菜，茶碗蒸及雪糕，蠻豐富。拖羅丼，飯上舖了拖羅魚蓉，份量足夠，可以很滿足拌完整碗飯。除此還有三片拖羅，中拖羅片略嫌薄切，口感比較差。花魚生丼，魚剌身已有四款，加上有帆立貝，牡丹蝦及三文魚籽。魚生剌身新鮮冰凍，唯牡丹蝦有輕微苦味。以午市定食價錢比較，兩款海鮮丼都很不錯，好味抵食。

今次小弟重返尖沙嘴棉登徑，再一次搭上尋找美食嘅旅途！呢次嘅目標係嵐山日本料理，之前我都聽過朋友介紹，話呢間幾正咁！我哋大概7點到餐廳，入到去已經見到坐滿八成，原來都真係幾受歡迎呀！首先，嚟個刺身盛先！呢個刺身盛A有帶子、三文魚、吞拿魚赤身、油甘魚同赤貝。三文魚魚油味重，又冇渣；連吞拿魚赤身都唔韌；帶子鮮甜爽口；油甘魚非常稔；以往好怕食赤貝，因為怕咬唔爛，不過呢度比番個我食赤貝嘅原因，總之全部刺身都好好味！第二款就係壽司盛（竹），一共有十二款唔同嘅壽司，例如赤貝、蔥花吞拿魚、海膽、甘蝦、帶子、鯛魚、池魚皇、拖羅、油甘魚、三文魚腩、池魚同左口魚。海膽一大塊，唔姑寒；鯛魚好爽口；拖羅好肥美，有入口溶化嘅感覺！池魚同池魚皇有魚味！第三同四款分別係串燒雞翼同串燒日本黑豚肉，雞翼係單骨，所以食嘅時候好方便，皮脆肉嫩；日本黑豚肉半肥瘦，食落好香豬油味，又唔韌。下一個都係我嘅至愛，雜錦天婦羅！天婦羅分別有鮮蝦、冬菇、蕃薯、茄子同青椒，炸物炸得唔好，食落會好油，但係呢度嗰啲炸得好乾身好鬆脆，將入面嘅油都逼返出來，唔會食到成口油呀。最後呢個要大讚特讚呀！個海鮮石頭鍋烏冬係用咗魚湯做湯底！好少餐廳用魚湯做湯

晏晝黎嵐山食過飯了 非常之滿足食完餐晏 已經揾定要同三五知己再黎戰鬥去到咩都冇諗 叫左生蠔同刺身盛大澤生蠔加上柚子汁生蠔新鮮不再講 加埋柚子汁 真係新鮮滿分宮崎和牛沙津- 生食和牛 真係唔係度度都有亦都唔係度度都敢食🙈嵐山既和牛好鮮 充滿牛味 😍😍刺身盛未到 叫定sake熟成 上善若水 300ml呢種清酒 米味好清甜 配濃濃既魚生食好正期待已久的刺身盛到了種類非常多 赤貝 北寄貝 深海池魚 拖羅油甘魚 甜蝦 海膽😍😍生北寄貝 同埋深海池魚 從來都係我既favorite 北寄貝好彈牙 新鮮😍😍 魚味好濃池魚更加係好重魚油味 配埋清酒飲👍🏼👍🏼近排食日本野 見到唔少人食燒飯團見到就想試 今次有三隻味 明太子 三文魚同埋木魚😍😍 其實好香口🙈🙈 大根煮沖繩豬手- 個sauce好香 好似壽喜燒汁大根同豬手都煮得好軟身 又入味😍😍食左咁多肉 梗係要食菜嵐山就係一碟簡單既炒雜菜都咁好食食番d Carbohydrates 先 燒蕃薯仔同燒鵪𪂹蛋 一啖一粒 好過癮最後食多個鰻魚炒飯 🙈😏好乾身 又香 每兩啖就有鰻魚跟飯隻碗又靚 炒飯又好食 色香味俱全😍😍飲飽食醉嵐山真係唔會令我失望😍😍😍

一說起棉登徑，就會想起美食！之前去棉登徑吃飯，已經很想試這間嵐山，這天下午和同事說起，便興之所至，決定下班後去一試！7點多已經座無虛席，看來真的沒有選錯！日本菜怎少得刺身和壽司！五點刺身赤身、油甘魚、三文魚、帶子、赤貝全部都非常新鮮，刺身都是帶光澤的！特別喜歡赤貝，很爽口！帶子好鮮甜，三文魚沒有筋，有魚味！油甘魚肉質結實彈牙！壽司盛(竹)總共有十二款壽司：拖羅、油甘魚、三文魚腩、池魚、左口魚、池魚皇、鯛魚、帶子、甘蝦、海膽、蔥花吞拿魚、赤貝三文魚腩和拖羅都好肥美，特別是拖羅，有入口溶化的感覺！海膽大大片，鮮甜味在口腔裡徘徊！池魚和池魚皇本身油分不高，很鮮，有魚味！燒芝士年糕煙煙韌韌的外層包住暖暖的流心芝士，芝士控表示很滿足！雜錦天婦羅有蝦、蕃薯、茄子、冬菇、青椒等，炸得很鬆脆，把油分都逼了出來，不會有油膩感！蝦很新鮮！海鮮石頭鍋烏冬除了海鮮，這個鍋的重點是在於那個立魚湯底，嚐第一口時會覺得味道比較淡口，再試清楚，就會感受到鮮味，完全沒有味精，好健康的一道菜！稻庭烏冬好滑，完全吸收了海鮮精華！果然我們今次沒有選錯，食材新鮮，食物味道也很有水準，不錯啊！

今晚又係時候同內子上街覓食，內子有一間日式餐廳好想去食，今晚終於比佢恨到啦，一於同佢去食好西。由於餐廳位置頗偏僻下，大安旨意去到就有得食，理想很豐滿，現實很骨感。我地去到餐廳門口心知不妙，滿座！好吧，我地可以等，只要四張檯姐，應該好快。餐廳係衰婆一路都好想食嘅，係我衰無book檯，依家無論點都係唯有等。等，寂寞到夜深，等了又等，一個鐘都就黎過去， 都係無叫過一張檯，係一張都無呀！ 肚仔已經開始打鼓，我唯有拖住寶貝係附近覓食。尋尋覓覓，終於黎到呢間餐廳，好彩呢間餐廳爭返啖氣，內子食得不知幾滿足，我所有錯過似乎都已經淡忘了，嘻嘻！由於我地真係好餓，所以入到餐廳就一輪瘋狂地亂點一通。刺身盛A、壽司盛B、明太子雞翼、雞軟骨、燒多春魚、吉列蠔、茶碗蒸、火炙左右魚邊、鵝肝壽司。刺身盛A有赤身、油甘魚、三文魚、赤貝、帆立貝。每一樣刺身都好新鮮好鮮味，忽然間覺得每一樣野都太少啦，一轉眼就無晒。好彩食完個刺身盛，一大盤壽司盛已經黎到接力。壽司盛B有拖羅、油甘魚、三文魚腩、池魚、左口魚、池魚皇、鯛魚、帆立貝、甘蝦、加拿大海膽、蔥花吞拿魚、赤貝。然而我最愛嘅火炙左口魚邊都放埋係入面，急不及待就要食啦，嘿嘿！

食日本料理，其實有好多唔同嘅地方可以選擇，今晚朋友就帶我來這裡一嘗美味嘅日本料理！餐牌有單點，亦有套餐，店員就推介了呢個兩二人套餐，食物數量都足夠，先出現前菜三點開胃酸辣泡菜，爽口小蘿蔔仔，同最特別就係三文魚頭嘅軟骨，充滿骨膠原松葉蟹龍蝦沙律，而個沙律亦好有份量，有松葉蟹肉，同龍蝦肉，份量也不少！加埋爽脆新鮮嘅沙律菜，確實清新開胃！之後就係刺身盛六點，一個擺放精緻嘅碟上，有超肥美軟熟嘅大拖羅，還有爽軟嘅喜之次，大大隻赤座蝦肉質爽口彈牙，還鮮甜香滑嘅加拿大海膽，彈牙煙韌嘅赤貝好有口感，白身魚薄切亦好新鮮香滑美味嘅食物一個接一個，壽司盛八貫，每樣兩件油甘魚入口即在口中溶化，海鰻魚亦鮮甜，筋子入口爆開時完全係鮮甜美味，蔥花吞拿魚嘅香蔥配上嫩滑魚肉，超級美味黑松露燒北海道原隻帶子，配上黑松露將帶子嘅味道提升，除了肉質爽口彈牙，又有濃郁嘅松露香味增加食慾！不得了，個餐重有鐵板燒大虎蝦拼鹿兒島和牛薄燒大蝦燒得彈牙爽口，啖啖肉；另外牛薄燒燒得好香嫩，充滿肉汁，真係令人回味最後加埋個蟹膏蟹肉炒飯，真的完成填滿了個肚子，炒飯炒得啱啱好，不會太乾，入口重感覺到蟹肉嘅鮮甜美！甜品送上了鮮甜密瓜，都係由頭到尾

今天晚上, 我和一位朋友到了這間日式餐廳吃晚飯。之前看到這間餐廳的食評也是相當好和正面的, 所以我也抱著很高期望的心情去這間餐廳。 由於去到的時候已經有很多人在裏面, 所以我們被安排坐在壽司師傅面前, 在吧檯吃晚飯。 其實餐牌上樣樣菜色也很吸引, 但由於我們很怕吃不掉所有食物, 所以也不敢點太多。首先, 我們點了一些刺身和壽司, 刺身肉質鮮嫩, 非常新鮮。手握壽司上的魚生也很好吃, 很鮮甜, 而且是厚切的, 非常有口感。另外, 我們點了一些串燒來吃, 個人推介它的燒牛舌, 牛舌是厚切的, 口感是爽口彈牙。 另外, 豆腐鍋也很好, 裏面的豆腐非常滑，豆腐湯底也很清甜。吃完這一餐豐富的晚餐真的很滿足! 下次若有機會再來一定要試試其他的燒物和壽司。

朋友命苦，生於情人節 2/14。多年來都唔會有人同佢正日慶祝生日我哋呢啲兩脅插刀嘅，唯有同佢補祝生日啦！佢自己尖沙咀返工，知道邊間日本料理信佢！坐低二話不說點了一個推介套餐，除翻每人幾百蚊，有海膽有刺身仲有鐵板燒，絕對抵食嵐山🦀呢個刺身真係無得輸👍🏻おいしいです順次序介紹一下，前菜三點，最特別就係三文魚軟骨。松葉蟹龍蝦沙律，係真係有松葉蟹柳同埋龍蝦肉既～清新醒胃主角好快就出場刺身盛六點。最矜貴嘅當然就係大拖羅，肉質十分有光澤，入囗油潤喜之次肉質透白，味道清甜爽口。赤座蝦肥美鮮甜而且十分彈牙。赤貝跟白身魚薄切都非常鮮味。加拿大海膽更加係不用多說，大大件又結實唔會散，是我們的最愛。入口即溶，香甜回甘，齒頰留香壽司盛有我最愛的筋子，喜歡一粒一粒在口中爆開的感覺仲有油甘魚、海鰻魚、蔥花吞拿魚，魚生質素高，入口鮮甜黑松露燒北海道原隻帶子，黑松露香氣撲鼻，肥大肉厚，入口鮮甜有咬口。鐵板燒大虎蝦拼鹿兒島和牛薄燒半肥瘦的和牛肉片，包着香口的炸蒜片，口感一軟一脆，層次豐富。蟹膏蟹肉炒飯，連炒飯都好味過人，用料十足。今天的甜品是生果呢，健康！絕對推介下次再來開生日會

本身以為朋友約我去棉登徑係去酒號吧，去到先知原來係好健康地食日本料理！朋友話事點左以下幾款：大澤日本真蠔 （$176）大過隻碟，同女仔手一樣甘大,真係一啖食唔晒！肉質鮮甜，有淡淡海水咸味，唔錯！再嚟薄切金目鯛刺身 （$168）啖口得嚟好新鮮，肉質有嚼感，點上小小柚子汁更提味！點左幾款刺身：有三文魚腩 （$58）&油甘魚腩 （$78）- 新鮮、肉厚切肥美。赤貝 （$50）- 鮮甜仲好爽口彈牙。牡丹蝦 （$98）- 大隻又新鮮。甜蝦蓉香芒卷 （$118）蝦蓉加上香芒好特別又清新，食落味道口感豐富！兩件燒芝士年糕 （$38）好讚！年糕質地軟熟彈牙，咬開更有溶岩狀態既芝士，好吸引！而且味道唔會太甜，亦完全唔膩，有驚喜。牛油帶子焗雜菇 （$68）雜菇有埋帶子變得更惹味。串燒雞翼 （$28）皮脆肉嫩，香口野用嚟佐酒一流。兩件燒芝麻雞翼 （$38）試多份雞翼，呢款d肉更加嫩！再食埋呢碗手打安格斯牛肉石鍋烏冬 （$108）真係好飽！人流彼多，好在人手都足夠，而且會主動添水，整體唔錯。

今晚會和朋友 喺棉登徑啲酒吧到慶祝生日， 玩之前 順便喺同一條街搵咗間日本餐廳入去 食埋個晚飯 餐廳安排咗我哋坐喺吧檯前高凳位置， 我反而覺得呢個位可以望住師傅 處理食物 感覺像置身於日本當地餐廳中 眼前放滿了不同嘅魚生刺身 ，望到都覺得非常新鮮 這裡的餐前日式漬物小食 都幾特別，左起是 海蜇 中間白色的三文魚頭骨 ， 是將三文魚頭骨切片，爽爽脆脆 口感特別 右邊的是鵝肉 再來左邊的名叫白子， 細看形狀有點像豬腦又有點像魚腸， 估咗一陣 ，原來他是魚嘅精子，沒有腥味，爽脆非常，真夠特別。 右邊橙色的是安康魚肝， 口感有點像 鵝肝， 更為結實一點，帶少許魚腥味道。 真是樣樣有驚喜 淨係兩款餐前小食今天已經給我長了知識。 熟悉的鯖魚， 有鹽燒的有煎的 ，還真是經常吃， 原來還可以作刺身吃。 平時鯖魚 煎過調味過都覺得有啲腥， 起初還怕刺身吃會很腥，由於這裏的刺身是每日新鮮運到， 所以是一點腥味 也沒有 最後再點左個豚肉稻庭烏冬 ， 湯底鮮甜再加一點點粉質， 才能完滿的填飽肚子喔~

尖沙嘴都有不少日本料理，而棉登徑那邊確實會少去，因為都是酒吧較多，聽朋友介紹才知道那裡有間很好的日本料理，一轉入棉登徑就見到嵐山招牌，不算起眼，門面實而不華。《大澤日本真蠔 $176》蠔真的好巨型，一點不誇張，有手掌那麼大，入口充滿海洋味，蠔味充滿整個口腔，真的好好吃，一級棒！《薄切金目鯛刺身 $168》口感有絲絲魚肉纖維感覺，頗有咬口，鮮甜。刺身：《三文魚腩 $58、赤貝 $50牡丹蝦 $98、油甘魚腩 $78》三文魚腩好厚切，口感好夠肥美。牡丹蝦好大隻，鮮甜彈牙爽口。油甘魚刺身亦同樣出色。《甜蝦蓉香芒卷 $118》香芒卷賣相一流，上層甜蝦配合魚子和芽菜，再有芒果香，味道口感豐富，好清新！食到絲絲魚肉纖維，頗有咬口《兩件燒芝士年糕 $38》年糕好松軟，像海棉一樣，裡面還有熱騰騰的芝士，入口香濃，吃了忍不住還想再吃。《牛油帶子焗雜菇 $68》打開錫紙就聞到好香牛油味，雜菇嫩滑味濃，和牛油味非常配合。《串燒雞翼 $28》燒雞翼又外皮香脆、肉嫩多汁。《串燒雞皮 $25》非常香脆，很干身，加上小小檸檬汁，不算肥膩。《兩件燒芝麻雞翼 $38》外脆而裡面嫩滑多汁，好想再要多一份呢。《手打安格斯牛

呢排好少食日本料理，今日啱啱約咗朋友去附近行街，買完東西梗係搵食，我朋友話呢間日本料理係呢頭有D名氣好都時食都要預約先有位，咁我地碰一碰看看有冇運氣，去到尚早仲有位不要等侍應安排咗我坐位就開始點菜，呢度點菜差不多全部用Tab看方便，種類繁多，由其刺身&燒物&爐端燒款式多，咁橫掂來到呢間人氣店咁梗係食豪D，我地點咗嵐山聖誕二人前套餐前菜來咗D醃製小食幾開胃，跟住上松葉蟹龍蝦沙律入口清新，松葉蟹肉一粒粒有口感龍蝦肉夠爽，刺身盛6點拼盤嘩買相不得了，未食已味道陣陣鮮味，大拖羅肉質肥美入口即化，喜之次肉質夠爽，赤貝&白身魚薄切同赤座蝦一樣咁有質素，鮮。加拿大海膽份量唔錯足料，紮實廷身入口仲有啖啖海水味之後到壽司盛8貫有油甘魚&海鰻魚&蔥花吞拿魚&筋子件件都有咁上下質素再來係黑松露燒北海道原隻帶子末入口已聞到黑松露味帶子厚身彈牙又多汁，簡直完美配搭提升本身鮮味出來接着另一道菜鐵板燒大虎蝦拼鹿兒島和牛薄燒大虎蝦啖啖肉咬入口爽彈，鹿兒島和牛配香蒜& 葱一齊食簡直無得頂和牛本身已嫩滑入口即化，香蒜本身已炒得啱啱好夠香，來埋蟹膏蟹肉炒飯真係食到唔想走炒飯粒粒乾身蟹膏蟹肉又大大粒，啖啖都係肉，食埋甜品就完

The sushi is not in the best quality . Not very fresh enough and frozen enough and we cannot enjoy much. The BBQ meat were quite salty and over cooked and kind of waste of food as we couldn't swallow this kind of food into stomach. Service wasn't warm enough and this could be improved also!