嵐山日本料理

營業中

休息中

近排工作十分勞累，下班想見下朋友仔，吃點好的，人生會快樂一點XD這天相約了好友到棉登徑的嵐山吃晚飯！餐廳環境不會很嘈吵，適合聚會聊天！前菜有牛蒡、明太子沙律、墨魚咀，都是爽口的，好開胃！點了3款刺身，都是比較特別的，分別是赤小鯛、池魚皇和伊佐木。刺身都非常之新鮮！赤小鯛肉質結實，帶點爽口的魚皮，魚肉口感爽口而彈牙，味道很清甜！池魚皇肉質緊實而爽口、微微的油香，味道清新又鮮甜！白裏透紅的伊佐木，肉質軟綿綿，魚的鮮味較濃，平時較少吃到，下次想再吃！之後再點了一些壽司，點了火炙平目魚魚邊壽司，因為經過火炙，令油脂非常豐富的平目魚魚邊變得更香！回味無窮！之後再點了一些燒物。燒活鰻結實又彈牙的鰻魚，燒得好香，魚皮還帶點焦脆！燒日本雞腎爽彈又有咬口的雞腎，加了七味粉，非常惹味！燒蕃薯仔煙韌軟糯的番薯仔，甜甜地一粒接一粒！牛肉生薑燒平時通常是吃豚肉的，原來牛肉一樣好吃，加了醬油、味醂，牛肉好嫩好腍！當然還有精粹生薑汁，味道非常好，是很送飯的菜色！海膽炒飯想吃點飯，所以點了一個海膽炒飯，粒粒分明的炒飯，炒得好香，加了海膽，令整個炒飯更加鮮味！

棉登徑氣氛好, 拍拖食野最岩, 今晚和女友又想食日本餐.嵐山日本料理, 從窗外看, 美得好像一幅畫.餐廳內座位不少, 日式格調.牆上有食物推介, 主要是時令日本入口海產.另有平版電腦餐牌,看彩頁更清晰.  侍應通知現正有八五折, 好抵食 !!女友點了 空運直送刺身, 池魚皇和金線, 厚薄均勻, 晶瑩通透.池魚皇, 肉質油潤軟腍, 配上餐廳特製汁, 更見鮮味.金線,  經火炙過,  魚的味道好濃郁, 好食.八爪魚刺身,  質地軟中帶點爽口, 吃落很清新.   擺設美觀.加点醬汁, 味道配搭很好. 壽司喜之次  魚鮮味濃, 質感綿滑, 每啖都有飯香魚油香,  加上醬汁同蔥花, 更提升鮮味.我們最喜歡的三款串燒日本黑豚肉, 安格斯牛肉, 燒羊架, 燒得火候剛好, 上檯香味十足. 師傅燒工不俗,  串燒配上黑椒, 芝麻, 香草.  表面有微微焦香, 而保持肉汁. 我愛燒羊架,   肉質鬆軟, 無羊膻味, 配有芥末醬, 檸檬,  女友愛串燒日本黑豚肉, 肥瘦均勻, 好味.手打海鮮石頭鍋烏冬 (魚湯底)  石頭鍋上枱勁熱, 海鮮重点有大蝦, 青口, 帆立貝, 蜆肉, 魚片, 冬菇, 蔥及紅蘿蔔等等

近日環球疫症減少, 香港限制令也放鬆了, 是時候約朋友聚一聚, 痛快地吃一餐.    我們選擇了去食肆集中地 ~ 棉登徑.我們看看, 喜歡 嵐山日本料理,  頗有日本屋酒屋風味.門外有 嵐山 推介, 海鮮產地直送, 食材日日返貨, 看得吸引.店員奉上綠茶, 好清新, 及電子餐牌 !!高質日本酒也不少. 我們點了 辯天, 純米大吟釀原酒夢錦,  酒精度 17.5%. 高雅的香氣與微微的酸味互相結合, 帶有清涼的感覺, 幫助食物味道升華. 大家可以舉杯暢飲,  一樂也!先來 八爪魚刺身,  擺設很美, 每片切得簿, 入口鮮甜爽脆,  沾上 wasabi  加青檸, 醬汁, 好味.第二道是時令魚刺身:  池魚皇,  及 金線 空運直送.每件刺身都是厚切, 肉質晶瑩剔透,金線, 色澤吸引, 品質優,  輕輕用火炙過,  魚的味道好濃郁.  池魚皇  新鮮, 有魚香味,  肉質鮮甜柔軟, 味道非常鮮甜, 油分不會太多.日式壽司, 喜之次.   魚鮮味濃, 質感綿滑,  師傅加上蘿蔔蓉及菊花, 味道有層次.日本居酒屋, 必吃串燒.  佐酒一流.燒羊架:  香味十足,  肉質鬆軟又無羊膻味, 配有芥

晚市堂食重開第二天本著放寛的心態四出找尋美食前兩天在openrice看到有此店因此到場一試環境採用黑色格調形式但不令人覺得昏暗店舖整體整潔度亦值得一讚，留意到每有客人離開都會噴上消毒酒精清潔，而且亦有濕紙巾提供給客人點餐方面，有pad提供給客人看menu最後我點了以下食物海膽炒飯蟹籽沙律花魚生丼燒牛舌一串海膽炒飯～飯粒粒分明，唯一要彈劾的是海膽味有但不足蟹籽沙律～蟹籽豐富，份量可以花魚生丼～所有刺身都味道新鮮，醋飯亦不會出現漿口的感覺，以此價錢來說此碗飯絕對超值燒牛舌～令我有驚喜，可惜我不是食物一端上就進食，否則剛剛燒完的燒牛舌會更美味。即使放了10分鐘才吃，亦每啖充滿油香，用料絕對不是普通急凍貨色，喜歡吃燒物的可以一嚐食物出餐速度：正常服務員態度：有禮貌 其中一位不知是不是店長，非常耐心地跟客人交代他們的食材產品是什麼及怎樣賣，值得一讚

位於棉登徑既日式小店，店內設有吧檯及大檯，MENU使用平版電腦點餐的，午餐時段在提供SET LUNCH，仲有八五折😍😍我點了壽司拼盤加日式牛肉湯烏冬定食😜哩嗰set份量都好多，壽司拼盤有七件壽司加兩件玉子，刺身新鮮❤️配一碗日式牛肉湯烏冬，烏冬湯底味道香濃，牛肉肉質鮮，重牛肉味，烏冬嫩滑，彈牙😊魚鮫最岩用鹽燒，原汁原味，今次嗌左吞拿魚骹😄油甘魚鮫兩種魚質油脂重，肉質嫩滑，燒得香脆的魚皮配上嫩滑甘香既魚肉，真係好和味😜😜嵐山日本料理尖沙咀棉登徑11號地舖

太耐沒有食日本野喇，去唔到日本就去下居酒屋食下日本野過下引。【刺身拼盤(金缐鯛(左)、活八爪魚(中上)、油甘魚(右下))】我地先從金線鯛試起，金線鯛魚香較淡，點一點醬油，令鮮味提升，味道不錯。再去到活八爪魚，煙靭彈牙，食得出八爪魚嘅鮮味。油甘魚肉質柔軟細滑，魚脂較多，鮮味較濃。細味品嚐到師傅的用心舖排。【燒鮑魚(左)】師傅把鮑魚𠝹了花紋，燒成微微的金黃色，保存了鮑魚的鮮嫩多汁，也可以滴上一兩滴檸檬汁，令鮑魚的味道更豐富。【燒羊架(中)】這個羊架燒得不錯，肉汁猶在，肉質香嫩，必食之一。【燒日本黑豚肉(右)】落時還有很多肉汁，肉味很濃，又不會太油膩。【海膽炒飯】到最後都點了海膽炒飯，粒粒分明的炒飯，炒得好香，加了海膽，令整個炒飯更加鮮味！

好掛住好掛住日本，今晚唯有去日式居酒屋食餐日本野令自己開心一下。估唔到未夠八點餐廳已差不多爆滿，好在老公有預先訂位。急不及待先叫了一些壽司作頭盤。鯛魚壽司- 肉質鮮嫩無比，鮮甜可口，用上酸汁蘿蔔調味，更加可以帶出鯛魚鮮味。蟹肉蟹膏豆腐壽司第一次見用豆腐做壽司材料，估唔到又非常之夾，蟹肉鮮甜蟹膏甘香配上軟綿嫩滑的豆腐，超正超有驚喜。煎沖繩餃子餃子外皮煎到金黃色，香脆可口，蔬菜鮮肉餡料香甜美味，沾上少少醋汁已經好正。蒜片安格斯薄燒安格斯包住香蔥蒜片，入口鮮嫩多汁，牛味香濃，加上少少燒汁，令人食不停口。海膽炒飯用上大量的海膽加上日本米炒成，每一啖都充滿海膽鮮味，炒飯非常乾身，口感軟糯。

談日式串燒，很多時着眼處不是烤爐選用的炭，就是食材調味或醬汁上，頂多再考究一下食材是否優質，今次覆推介的是位於尖沙咀棉登徑#嵐山日本料理。不論食材到風味，都令人一試難忘。刺身拼盤:金目鯛刺身 ， 厚身紮實油甘魚腩剌身，油脂香味比較淡大拖羅刺身，油脂香味重鯛魚刺身，鯛魚肉質非常富有彈性。鯛魚魚肉的味道不酸，帶有淡油脂香味，油脂香味不如鰤魚重，甜味也是不如鰤魚，微甜。池魚皇刺身，肉質平衡，不至於十分軟爛，但是在這些魚中還是可以算肉質較軟的了。加拿大海膽壽司海膽有濃郁的貝類的味道。肉質非常軟爛，極其像是黃色的豆腐腦。味道一點也不酸，微甜，有淡淡油脂味。

左口魚壽司左口魚肉較結實，魚油非常豐富，其鮮味甘香，壽司更有魚上身肉及魚邊肉之分別，魚邊油分更多，入口更見濃郁甘香。串燒活鰻鰻魚皮得酥脆，但又吃得到皮下膠質。只用簡單的鹽來調味，更能讓大家品嚐到鰻魚的原味。燒日本雞腎大家喜歡的是那吃起來脆脆的和咬勁十足的口感，在燒烤的過程中灑上一點鹽美味無比。雞腎本身已經口感「銀銀」的，在嘴裡的特殊咬勁會讓人上癮的。串燒黑豚蘆筍軟腍的黑豚用作串燒，讓大家可以品嘗日本豚肉以外的另一種黑豬肉。海膽炒飯用上一整板海膽來炒飯， 這個做法令炒飯除了香氣， 還可實在的吃到海膽和雞蛋， 感覺奢侈但吃下去非常滿足。 滿口都是來自海洋的鮮味。和風炒雜菜

首先，我已經早四日已經book位，都要坐最近門口果張枱，都真係好熱。其次，我地兩個人，食咗千幾蚊，無叫酒嘅，85折咗都唔係好飽，味道一般，性價比絕對係低。另外，海膽壽司，啲海膽係好大陣明礬味，我真係唔明啲打手，竟然話新鮮？？？？有啲食評，話呢度啲服務差。我覺得都ok嘅，舉手都好快有侍應嚟，不過上菜真係好似fine dining咁。不過，食雞肉串燒嘅時候，有一件懷疑係唔熟，我地有同店員反映，回覆係“師傅話呢個位係深色咗啫，係熟架“。我真係諗：熟唔熟我真係會唔識分咩？其實我都識煮野食，自己都識分辨生同熟嘅!!綜合以上咁多點，真係唔明點解佢可以喺棉登徑/尖沙咀區生存咁多年，尖沙咀有好多日本料理好食又好坐，性價比高嘅好選擇!

封關咁耐冇得去日本，但係又好掛住日本嘅嘢食，所以專登去咗呢間餐廳，佢個名已經係日本嘅地方有晒日本情懷。坐低就即刻有個前菜食比我哋，分別係牛蒡、明太子沙律、墨魚咀。我自己就超鍾意食牛蒡，爽脆口感，既健康又好食。刺身方面我就叫咗個赤小鯛，池魚皇同埋伊佐木。每一件都十分厚切，而且唔係一般地方可以食到，令我諗起喺日本魚市場食到嘅新鮮刺身。特別喜歡池魚皇，清新嘅味道令人難忘！壽司我就叫咗個火炙平目魚魚邊壽司， 油脂豐富但係又唔會太油膩，加上用火燒一燒，香味出晒黎。之後再叫咗燒日本雞腎，雞腎唔硬而且爽口， 加埋佢特製嘅醬汁一流。燒蕃薯仔就用咗日本甜番薯，冇落糖都已經好清甜，令我諗起冬天日本街頭食嘅甜薯。牛肉生薑燒亦都唔錯，牛肉鮮嫩香甜，同甜甜的洋蔥好配，還有清新的沙律！日式炸雞炸得脆口唔硬，有種外脆內軟嘅感覺，juicy，比起韓國炸雞又有另一種風味。燒活鰻比一般鰻魚鮮嫩，肉質軟滑，食多幾件都唔會劑。

疫情稍為放緩，各食肆出謀對策，挽回食客的信心。對於我們一眾客人來說是好消息。日本莱一向貴價，呢間日本料理店凡堂食惠顧滿五百元，全單即享八五折，非常吸引。刺身必食，今日時令係赤貝，金目鯛和池魚。有彩光，好鮮甜。壽司豈可不食呢！喜之次壽司和伊佐木壽司兩款魚身都是晶瑩剔透，喜之次魚味比較濃。伊佐木質感比較煙韌。串串燒黑豚肉肉質軟腍，肉味濃厚。安格斯牛肉入口多汁。蘆筍鮮嫩爽脆。牛油帶子焗什菇有牛油香味之外，調味帶少許甜。惹味十足。

放工啦，約會友人於尖沙咀享受日本美食😊嵐山日本料理 小小店鋪，晚餐時間，很快就滿座了先來三款刺身赤貝 ... 爽池魚金目鯛 肥美味道濃郁 ，鮮甜、新鮮兩款壽司 赤醋飯，特別好味喜之次 魚油豐富伊佐目串🔥串燒 🤗 大串日本黑豚肉安格斯牛肉 爽脆 籚荀大大份牛油帶子焗雜菇鮮冬菇、金菇菜、汁有啲甜啊手打牛肉烏冬熱辣辣 湯, 聞到香噴噴配安格斯嫩牛肉爽滑烏冬, 滑嘟嘟流心蛋份量挺多的一鍋真的吃飽了😋完美的一餐😊

從未寫過食評，但今次真要寫吓。本身訂了14:00在木戶慶生，但餐廳打電話嚟話有好多食材已沽清，因一行8人及有老人家，所以臨時改訂了對面的嵐山， 因之前食過食物是ok的。午餐是幾好食的，另外叫了串燒及小食，只是串燒比較乾，其他是ok的。今時今日食物質素重要之外，服務態度都非常重要，主要是有一位女服務員（埋單那位）態欠佳。一行8人大約2000蚊，午餐平均一人250蚊，我諗有好多更好的選擇！疫情關係已好耐冇同家人出街用膳，真的破壞了我哋嘅心情，令我以後也不會再幫襯，亦會叫朋友不要幫襯。

呢間日本餐廳光顧過幾次，不過都係食lunch,佢哋嘅定食，相對晚市來講，真係非常抵食兼高質素，魚生新鮮肥美講番正題，昨晚，友人想食日本菜，諗起附近有呢間日本餐廳，可能時間尚早幸運地能walk in入坐。晚市沒有定食，但仍然有好多款式日本菜供應選擇，每枱有個ipad下載了menu。不過只供瀏覽，點菜還需要叫服務員。我哋分別點了刺身盛，燒飯團和安格斯牛肉烏冬刺身十分厚身和鮮甜，手握燒燒飯團🍙大大件很滿足。熱辣辣材料豐富嘅烏冬加上生熟適中的牛肉