尚素 (已結業)

近排食得肉多都想食清啲，所以想去食素～ 觀塘中海日升中心嘅「尚素」，朋友話唔錯，決定去試吓～ 星期日嘅中午唔多人，餐廳好大，店員安排食客分散左喺唔同嘅位置，非常細心👍🏻 我哋叫咗幾款食物同甜品～黑松露松子仁炒飯$98賣相唔錯，嚟到已經聞到香噴噴嘅黑松露味，松子仁份量亦都算多，炒飯炒得粒粒分明，充滿黑松露味🤤，亦唔多油，非常健康之選～酸辣湯鍋巴$98份量比想像中少，不過好好味😋 有六件鍋巴，同一碗酸辣湯，鍋巴炸得好香脆，好好味👍🏻 酸辣湯唔算好辣，酸度適中，配上鍋巴食味道好好🤤台式三杯猴頭菇$98菜式炒得好香，有猴頭菇、三色椒、腐竹等配料，各樣嘅味道都好好👍🏻 猴頭菇口感非常好，而且吸滿了汁料嘅味道，好入味😋紅豆麻沙糍 $32一份有三件，外面炸得香脆好味，裏面係紅豆餡，非常軟滑，唔會太甜～👍🏻斑蘭蓮蓉包$28亦都係一份有三件，呢個有驚喜😍 外皮已經係綠色嘅斑蘭包，而裏便亦係班蘭味嘅蓮蓉😍 非常特別👍🏻 推介大家一試😋

今日又入觀塘，約左幾個舊同學食齋。講真宜家啲齋鋪真係好樣化，唔同我想象中炒幾碟菜心咁今日食既係系中海日升中心一樓既尚素菜式選擇都好多，仲有set餐揀，岩曬一家大小或者情侶過黎素蝦多士，炸到剛剛好，唔會乾，配埋炸香菜。有啲紫菜既味道🤣 蝦用素蟹柳扮🤤 好吃豆腐做酸甜咕嚕肉，雖然口感唔多似肉，但酸甜可口，味道goooooood豆腐好滑，最緊要係距哋啲味道係調較得剛剛好，唔會死鹹，亦食得出無乜味精。起碼食完唔會死飲水南瓜山藥球🤤 炸到外脆內軟糯，岩曬老人家同小朋友，有營養得黎又好味🥳最後食埋個主食羅漢炒河完滿的一餐

官塘區素食舖頭選擇比較少難得有間係地鐵站附近，地點好方便！舖頭環境舒適，最岩一家人黎聚餐有好多新派素菜選擇，就連咕嚕肉同酸辣湯三杯雞都有😍鍾意食辣嘅你一定唔可以錯過太多選擇花多眼亂，最後叫左我最愛的酸辣湯鍋巴，仲有大廚客家豆腐大廚客家豆腐$98豆腐上面仲有啲素肉😍食落去有釀豆腐的感覺，好香口👍👍酸辣湯鍋巴 $98鍋巴香脆可口，酸辣湯有少少辣但味道較酸除咗小菜之外，其實仲有好多點心，就連滋補養生茶都有，今次我就叫咗兩個甜品同紅棗黑糖桂圓茶兩款甜品都好好食，棗皇糕彈牙仲有椰汁香味👍👍紅豆麻沙滋外脆內軟，香脆可口，入邊仲有紅豆內涵👍👍

<素菜多款式>今天在觀塘工作，平時很呢個同事好少食素，但同事竟介紹我去觀塘這間素食舖，素食款式多，質素好，多款式， 湯羹類、煎炸類、辛辣煩、粥飯類、甜品類……<可選任食兩小時>店鋪裝修得簡潔優雅，座位舒服，侍應遞上了buffet 放題紙， 可以任食兩小時，但因時間關係，我們選了餐牌上的食物。<黃耳大棗山藥羹> 有大大粒爽口的黃耳，一粒粒的淮山和開邊紅棗，這個羹不太濃，味道甘甜。正<蘆筍苗山藥炒藕片>蘆筍苗很幼嫩，完全冇揸，淮山和藕片都炒得很爽。<竹笙榆耳腐皮卷>這個腐皮卷煎得很香，裏面有冬菇絲、雲耳絲、荀粒……很足料。<粟米薏米粥> 粥煲得很綿很滑，配粟米的甘甜，絕對是好味又有營養。<尚素>下次經過觀塘駿業街，又想不到吃什麼，要再去試這間「尚素」。

朋友因爲係食素食人士所以我地今次約左出黎食素食啦當然要！！hahaha 其實咁正式去食素食真係好少去， 抱住話下無訪既心態gogogo 睇圖既話其實都幾真下唯獨是員工質素麻麻地 比較有自己個性！間野環境整體都幾好既又牛肝菌芙蓉鮮竹同圖都幾似下架估唔到幾好味 有埋d菌煎到好香口蜜桃咕嚕肉而個岩開始大家都估應該係芋頭黎既😂點知原來係腐竹雖然有點點失望，但其實味道唔差香菜蝦多士極正啊必食推介 多士脆啵啵d蝦又整到勁靚勁似之餘我覺得個味都好似 食到唔停口南瓜汁准山球個樣已經夠曬精緻啦D准山打到勁溶點少少d南瓜汁一齊食仲有濃濃既黑松露味羅漢齋炒河粉 超中意食菌類既我黎講當然大愛啦河粉炒到係酒店及水準！！ 炒到好有獲氣一上枱己經香噴噴！！山藥羹而個天氣飲碗熱啦啦既湯，成日人舒服囇啦而度食物真係值得一讚可以去食下但員工態度就真係有待改善下了！

平日多數點肉類，菜都是伴碟。最近也愛上了食素，食lunch 時發現位於觀塘 海日升中心 樓上 《尚素》，於是晚上就去食了。 門外貼了介紹，晚市原來素食也有火鍋, 有套餐 或單點，連辣味也有提供—- 好多款呢！ 職員有禮貌，也被隔離坐的一名外藉客人讚美所介紹的餸菜！ 等了一會先來個紅燒竹笙燴素翅 HKD 48 （HKD 208 / 鍋） 這個素翅味道剛好，不會偏咸或水搬，竹笙是野生採集，所以厚肉肥美，更把鍋精華吸盡了也沒味精 貓耳大棗蒸猴頭菇 HKD 108 起初擔心是多否太談，因為全都是蒸品。原來底部加了葉所以其香味四溢，材料很多，全部都很棯又爽口。

做了兩個月觀塘打工仔，因為比較多時間是帶飯吃，所以除了地鐵站上的小吃店有加深認識，你問我觀塘有什麼好吃，真的不懂回你。這天下班，跟朋友去了尚素，想說平常吃太多肉，偶爾一個月一兩天吃素，絕對讓我們沒那麼罪惡感！二人行一共點了兩個湯、兩個主菜一起吃。主菜超級好吃，點了牛肝菌麻婆豆腐和牛肝菌煎芙蓉鮮竹。第一次吃牛肝菌的我十分喜歡，它的質感煙煙韌韌很好吃，應該是菌類來講最好吃的了吧！麻婆豆腐雖然只有一條辣椒，但它是蠻辣的，大概就是普通店的中辣，不過幸好我愛吃辣，吃得我很開心～另外，那個煎芙蓉雖然真人沒有照片中美，端來以後也擔心不好吃，但它好好吃喔！裡面的鮮竹軟軟的，很新鮮的味道，鮮竹的淡味再配上牛肝菌的濃味，就是絕配！所有的味道都跟我所認識素食的味道完全不同，很驚喜，也可以多了解原來素食的朋友選擇可以那麼多，可以那麼美味～決定下次試試看它的午餐！

又是去接太太放工，她帶我去的食店就在附近，說她去過食午飯。食店在駿業街，原來是一間素食店，近來吃得多，清清腸胃也好。由於來到時大約是6時半，時間還早，店內客人不算多，但陸續人客多了，而且都已訂了位置，好在我們來得早。店內裝潢簡約優雅，飾物架上擺放著一些茶具及傳統的工藝品如鳥籠等，大門玻璃及店內的字畫都題著“尚道彌行‧素來已久”，相當清雅，想亦是店名“尚素”的由來。餐廳亦標榜“尚以健康天然，素造簡樸味美”，甚有雅興。打開餐牌見有套餐，與在大門上張貼的一樣，也就免得費神，索性點了二人套餐($388)，包括有前菜的五味人生(涼盤)、椒鹽素魷片及黑松露糯米燒賣，湯品就選了紅棗黃耳山藥羹，主菜就要了古法乳香蒸蚌片及大棗金耳羅漢上素煲，還有自家糖水(紅豆沙)及白飯，菜色有別於傳統的齋菜館。先來的是涼盤的五味人生，標誌著甜、酸、苦、辣及平淡五味，也就是中醫所說的五味，樣子就有點是模仿刺身拼盤，裡面代表甜的有爽滑的雲耳；酸的有大大朶的白木耳；苦的有苦瓜，但已經出透水，苦味不重；辣的是浸了辣椒醋的芋絲，而平淡的是爽脆如象拔蚌片的白靈菇，佐以山葵及豉油。此外還有杞子、甘筍及青瓜，菜色頗具創意及特色。椒鹽素

觀塘好多工商業大廈嘅地下其實有好多隱世嘅餐廳，今次呢間位於中海日升嘅素食睇落好似幾靚仔，所以就去試一下餐廳環境好有格調，簡約乾淨，坐得好舒服。餐牌嘅食物好吸引，望落去以為真係賣緊葷。由於已經剛食過中午，只係想搵個地方坐低同朋友傾計，所以叫左2個小食。椒鹽鮮魷好靚仔，咬了一啖，嘩好似，究竟係咩黎，好似係椰子肉，又唔係，侍應話係蒟蒻，真係好似，好好味。蜜汁叉燒賣相唔錯，同一般齋叉燒無乜分別，無乜驚喜。餐廳中午做素食點心放題，下次可以黎試下。

平時出街食飯大魚大肉，間唔中都會食素，清下腸胃。難得觀塘工廠區有間雅致裝修的素食餐廳。餐牌款式很多，有單點亦有套餐選擇。我們單點了涼拌苦瓜，猴頭菇，芙蓉蛋和黑松露炒飯。這個涼拌苦瓜就是這麼簡單而美味店家應該用鹽水去除了苦瓜的苦澀味，取而代之是甘香爽口的口感猴頭菇炸成金黃色，非常香脆，如果有一些醬汁拌著吃就更好了。很推介的菜式！這個仿似煎芙蓉蛋，但其實係用鮮腐竹，加入牛肝菌造成，蛋奶素朋友都可以食！腐竹入口非常軟滑，配搭香濃的牛肝菌，不得了最後的黑松露炒飯也沒有令我失望，飯炒得顆粒分明，黑松露味道香濃最巧妙就是配搭松子仁一齊食，一軟一硬，口感和味道都非常豐富

閒日約咗朋友放工食飯，呢排大家都好忙，十二月份又有好多聚餐要食，所以我地決定呢日食清啲。朋友喺觀塘返開工，話見到附近有間叫尚素嘅齋菜想食好耐，既然係咁我地一於去嘗一嘗啦。我地七點半左右去到，估唔到位於商業區嘅呢開素菜館入座率都已經有8成以上。呢到位置都幾方便，apm行過嚟五分鐘左右。餐廳室內裝修得好舒適，燈光柔和。每枱都有盒紙巾，同一樽清新嘅薄荷葉青瓜檸檬水。呢個2人前嘅秋嚐晚市套餐HKD388，有3款前菜，兩客湯，兩款主菜，同一個糖水。五味人生有雪耳/雲耳/山藥/蒟蒻/苦瓜/青瓜/素鮑片呢個冷盤認真有驚喜，份量足，而且味道豐富之餘又清新。雪耳雲耳山藥爽脆，酸酸甜甜好開胃。素鮑片點埋wasabi豉油食，又咸又辣又爽口🤤最鐘意蒟蒻素魷魚，條狀切格扮得好似，口感Q彈👍🏻椒鹽素魷片口感好有彈性，食落有豆香，味道有啲似椒鹽豆腐。黑松露糯米燒賣賣相精緻，有糯米同素菜粒做餡，黑松靈好香紅棗黃耳山藥羹好足料嘅湯羹，好適合秋天飲，好滋潤養身。腐竹茄子貓耳煲滑嫩嘅腐竹/茄子配上爽脆貓耳/西芹，呢個算係全晚比較起上嚟最濃味嘅一款菜。豆乳湯棗皇百福袋百福袋脹卜卜，原來入面配上各種菇粒/素菜粒同黑松露，好好味

近排成日出街食飯，腸胃制住制住，專登試吓食素清清腸胃！🙂觀塘呢間尚素都幾出名，上網睇見d菜式有板有眼！坐低之後，待應斟左杯清水俾我哋，原來加咗啲青瓜片紫蘇同檸檬，飲落等陣陣青瓜清香，幾舒服！第一次嚟食素菜，以為會食唔飽，專登叫左碗粉麵、一碗炒飯同一碟餸。點知碟碟好大碟，3碟素菜，食咗八成已經係好飽！😂👍🏻牛肝菌香煎芙蓉鮮竹，感覺好特別，賣相似炒煎蛋，食落又好滑溜，加埋啲煎香左嘅牛肝菌幾香口，好食！ 重慶龍口粉絲，又係好大碟，味道開胃，香辣微酸，啲粉絲粗幼適中，推薦！😊入面加咗啲三色椒粒，同埋啲素肉，味道都幾清新可口！黑松露松子仁炒飯，第一啖食落去，飯粒分明，一啲都唔油膩，有黑松露香味、松子仁香、同埋啲瓜粒嘅香！如果更多啲黑松露就Perfect了！紅燒竹笙燴素翅，味道比得上酒樓食啲上湯，鍾意落埋啲紅醋更添風味！😋

素食對身體有益，大家都知，素食往往整出比肉食更美味，口感完全系食肉咁，細緻獨到。尚素，裝修考究，大方得體，中午飯有放題有點菜。我想試下珍寶荷葉飯，所以單點。荷葉飯份量十足，荷葉新鮮，散發出陣陣荷葉清香。打開荷葉，令人胃口大開，有雲呑皮，碎冬菇，胡羅卜丁，荷葉飯系醬油色，味道清淡。如果加少少XO醬，就味道更好。咕嚕肉酸酸甜甜，好有肉的口感，明知系素，都仲以為系食緊肉，做得相當逼真。肉絲似真的一樣，手工很不錯！

平時食開牛扒肉類多,見到有onlinebooking,於是試試食下齋,清下腸胃。位於觀塘鬧市中心,地鐵站行過嚟不夠十分鐘,比較方便,亦適合打工一族。環境舒適而且比較寧静,值得一讚。1.蘆筍苗山藥炒藕片他們的蘆筍是採用幼苗,跟在平時超級市場買到的不一樣, 爽口非常, 跟山藥這種名貴藥材配搭, 有一股 竹林深處人家的味道。😘😊2. 紅菜頭炒飯炒飯甘香 粒粒鬆軟,配上紅菜頭碎炒,健康而且絕不油膩。3.荷香燴八寶。有木耳雲耳,多款麵筋及芋頭,用荷葉包香,口感及味道一流。香氣四溢,配上他們出名的大紅袍茶,自然錦上添花,素菜也能刺激我們的味蕾😘😊總括而言,食物質素比其他餐廳高,服務態度亦好。這個聖誕新年也是不錯的選擇。😊

平時食肉食得多，素菜真係好少食。原來呢棟日升中心都有幾多食店，本身位置有d 隔汲，但估唔到都幾多人搵食搵到黎呢度。✨呢間尚素環境都幾大幾闊落，lunch 仲有任食放題，不過我地唔係好肚餓就散叫試下。✨枱上既水加左薄荷葉，青瓜同檸檬，幾清新。✨鮮淮山伴腐竹（$42): 呢個超好食，個麻醬勁香，花生味超濃。腐竹索晒花生醬味，淮山又好爽脆👍🏻個醬超正。✨蜜汁叉燒（$68): 平時食開d 齋叉燒都比較硬，但佢呢個幾有彈性。而且個汁幾好味，都有d 似食叉燒既感覺，不過就略為油左d~~✨羅漢齋炒麵（$98): 個麵帶少少脆，索晒汁之後食就煙煙韌韌，好有咬口。 羅漢齋都好好味，有雪耳，木耳，雞肶菇，秀真菇，東菇。最正係個汁，令每樣材料同個麵都好入味。原來素食都可以好好味，下次試下放題先。