影片
更多
2018-12-06
51 瀏覽
近排成日出街食飯，腸胃制住制住，專登試吓食素清清腸胃！🙂觀塘呢間尚素都幾出名，上網睇見d菜式有板有眼！坐低之後，待應斟左杯清水俾我哋，原來加咗啲青瓜片紫蘇同檸檬，飲落等陣陣青瓜清香，幾舒服！第一次嚟食素菜，以為會食唔飽，專登叫左碗粉麵、一碗炒飯同一碟餸。點知碟碟好大碟，3碟素菜，食咗八成已經係好飽！😂👍🏻牛肝菌香煎芙蓉鮮竹，感覺好特別，賣相似炒煎蛋，食落又好滑溜，加埋啲煎香左嘅牛肝菌幾香口，好食！ 重慶龍口粉絲，又係好大碟，味道開胃，香辣微酸，啲粉絲粗幼適中，推薦！😊入面加咗啲三色椒粒，同埋啲素肉，味道都幾清新可口！黑松露松子仁炒飯，第一啖食落去，飯粒分明，一啲都唔油膩，有黑松露香味、松子仁香、同埋啲瓜粒嘅香！如果更多啲黑松露就Perfect了！紅燒竹笙燴素翅，味道比得上酒樓食啲上湯，鍾意落埋啲紅醋更添風味！😋
坐低之後，待應斟左杯清水俾我哋，原來加咗啲青瓜片紫蘇同檸檬，飲落等陣陣青瓜清香，幾舒服！
第一次嚟食素菜，以為會食唔飽，專登叫左碗粉麵、一碗炒飯同一碟餸。點知碟碟好大碟，3碟素菜，食咗八成已經係好飽！😂👍🏻
牛肝菌香煎芙蓉鮮竹，感覺好特別，賣相似炒煎蛋，食落又好滑溜，加埋啲煎香左嘅牛肝菌幾香口，好食！
重慶龍口粉絲，又係好大碟，味道開胃，香辣微酸，啲粉絲粗幼適中，推薦！😊入面加咗啲三色椒粒，同埋啲素肉，味道都幾清新可口！
黑松露松子仁炒飯，第一啖食落去，飯粒分明，一啲都唔油膩，有黑松露香味、松子仁香、同埋啲瓜粒嘅香！如果更多啲黑松露就Perfect了！
紅燒竹笙燴素翅，味道比得上酒樓食啲上湯，鍾意落埋啲紅醋更添風味！😋
張貼
