尚素 (已結業)

官塘區素食舖頭選擇比較少難得有間係地鐵站附近，地點好方便！舖頭環境舒適，最岩一家人黎聚餐有好多新派素菜選擇，就連咕嚕肉同酸辣湯三杯雞都有😍鍾意食辣嘅你一定唔可以錯過太多選擇花多眼亂，最後叫左我最愛的酸辣湯鍋巴，仲有大廚客家豆腐大廚客家豆腐$98豆腐上面仲有啲素肉😍食落去有釀豆腐的感覺，好香口👍👍酸辣湯鍋巴 $98鍋巴香脆可口，酸辣湯有少少辣但味道較酸除咗小菜之外，其實仲有好多點心，就連滋補養生茶都有，今次我就叫咗兩個甜品同紅棗黑糖桂圓茶兩款甜品都好好食，棗皇糕彈牙仲有椰汁香味👍👍紅豆麻沙滋外脆內軟，香脆可口，入邊仲有紅豆內涵👍👍