127
13
7
港鐵觀塘站 A2 出口, 步行約6分鐘 繼續閱讀
電話號碼
31883094
98516252 ((Whatsapp))
營業時間
今日營業
11:30-16:30
17:30-22:00
星期一至日
11:30-16:30
17:30-22:00
付款方式
Visa Master AE 現金 銀聯
其他資料
網上訂座
Wi-Fi
酒精飲品
自帶酒水
切餅費
泊車 詳細介紹
電話訂座
賞訂座積分
外賣服務
加一服務費
素食
有關獎賞計劃
食評 (159)
等級4 2017-10-12
2086 瀏覽
朋友食齋,次次食飯都要佢就我地,呢次一於我就下佢啦,我呢啲食肉獸對食齋嘅地點完全冇任何頭緒,所以今日就佢帶路,帶咗我過嚟觀塘呢一間食齋嘅餐廳,試一試呢度嘅齋菜。餐廳環境寬敞,裝修高雅素正,讓人感到有心境平靜嘅感覺呢度嘅齋菜有別於平時一般嘅齋店,感覺比較新潮,有好多齋菜都係我聞所未聞嘅。先叫個豆漿先,豆味濃郁,而且比起坊間嘅豆漿,佢呢度嘅豆漿反而冇咁甜。竹笙燴素翅真翅我已經唔食好耐,反而呢個素翅可以一試,一食落口有好熟悉嘅感覺,同記憶中嘅魚翅係一模一樣,完全食唔出係齋菜, 加埋紅醋落去食,真係同佢去飲時候食到嘅完全冇分別竹苼榆耳腐皮卷呢個腐皮卷先煎完再落汁落去燴,軟淋得來帶點脆嘅效果,腐皮卷有咬口,入面嘅餡料勁足料,而且好香菇味,好食。蘆筍苗山藥炒藕片蘆筍苗有揀過,鮮甜爽口,食落完全沒有渣,山藥脆口,配上藕片一齊食, 十分夾醬爆茄子煲呢個茄子煲超誇張,睇落見到有啲豬肉碎,似乎同我哋平時食到嘅一樣,但最恐怖嘅事佢入口嘅感覺真係同我哋平時食到嘅茄子煲一模一樣,要肉有肉,要茄子有茄子,真係完全食唔出係齋菜。最後點埋個壽包做甜品平時食親齋菜都會有空虛嘅感覺,但係估唔到呢間齋菜真係做得幾好,食完完全冇覺得有空虛感,仲好有滿足感添,下次朋友聚會可以過嚟呢度食下先。 繼續閱讀
(以上食評乃用戶個人意見 , 並不代表OpenRice之觀點。)
崇尚吃素 焦點食評
等級4 2017-09-26
2036 瀏覽
今晚開飯在尚素,餐牌裏介紹食材來源地,的確吸引我細閱,當中:「所有煑食和飲用水均經過徹底過濾............」這點和我家中一樣啵!!!餐牌每一頁我都有細閱,除了選擇佳餚,欣賞攝影都是一份視覺的享受,瀏覽完餐牌我心中已擬定好吃什麼,也看到一個晚市兩位套餐特價$388,原來也很多選擇,而且相對原價有七折的折扣,侍應還告訴我們店鋪慶祝踏入週年,特意為所有套餐養生.湯升級「羊肚菌松茸燉」,真是太好了!羊肚菌松茸燉十分清甜,我飲光了一盅,沒有口乾口渴的不良感覺。一凍一熱的自家豆漿,我沒有機會嘗試,但見熱豆漿有一小片已凝豆衣,我就相信是真正夠濃度的靚豆漿,與我自家製的豆漿一模樣。頭盤是叉燒海蜇雙拼,小小辣的海蜇是蒟蒻扮演,自然很爽脆可口了!另一個頭盤是酥炸海鹽鮮魷。酥脆的鮮魷是蒟蒻扮演,口感很像鮮魷,只是欠缺肉鮮,這點我們當然不能要求有肉鮮,很可口的酥炸海鹽鮮魷,我們還「安哥」再來一碟。主菜揀:黃金咕嚕魔芋味道不錯,甜酸汁掛得很靚,只是蜜桃太腍,原來我們吃的雪魔芋只有高海拔才發現,是具有降血脂、血糖、血壓和排毒潤腸等功效的天然植物。鑊仔上枱的乾炒猴頭菇河味道偏清淡,但就很啱我,猴頭菇炒得頗香口。窩心糖水:小小湯圓、蓮子與濃香薑糖水,尤其小小湯圓真的好吃!今晚享受豐富的素材,感受天然健康。 繼續閱讀
(以上食評乃用戶個人意見 , 並不代表OpenRice之觀點。)
素素素食 焦點食評
等級4 2017-09-12
2195 瀏覽
同崇尚健康飲食嘅朋友去食飯,好自然就搵咗間素食。呢間素食係觀塘中海日昇中心,即係以前蒲點樓上,店面位置縮埋左一角,如果唔係特登去搵,都唔知個嗰個位有間食肆。我地7點去到,都唔需要等位,而入面嘅食客都唔多,環境清靜而且幾闊落,坐得好舒服。餐牌入面有得叫嘅野食都好多種類,我地兩個人,又唔想諗就叫咗個二人餐,剛好套餐仲做緊75折。 首先上咗個前菜,涼拌杞子苦瓜拼柚子醋珍珠耳,我唔食苦瓜所以冇食到,但珍珠耳好爽口而且醋味唔重。之後上咗個湯,係羊肚菌松茸燉湯,嗰餐可以免費升級,味道清甜,啲料都足。另外叫咗個紅燒竹笙燴素翅,食落感覺同平時啲翅唔係幾同味,但我覺得呢款好食啲。另一款頭盤海鹽金針菇,佢一上枱我以為自己叫咗薯條,原來佢就係金針菇。食落唔覺得入面有菇 ,好似食緊一堆炸粉,真係好似食薯條。開頭食覺得海鹽味好正,但食得多都會油膩。清香黑松露百福袋一咬開有好濃沃嘅黑松露味散出,食落黑松露味都幾重,入面仲有啲荀 令到口感好爽。跟住我哋二人餐之外仲叫多咗個腐皮卷,腐皮卷入面有冬菇,仲有雲耳等等嘅材料。同百福袋嘅口感差唔多,但我個人就比較鍾意腐皮卷。 最後仲有個自家糖水係阿膠糖水食落比較,但係好好味,而且熱食。最後埋單都係$557,但食咗咗多野都算幾抵! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-12
1810 瀏覽
Green Monday那天剛好放假,來觀塘辦點公事的朋友忽然相約來個late lunch,最後決定帶這位食肉獸朋友一點驚喜,去「尚素」吃其周一至周五限定的下午茶素食任點任食套餐也!雖然下午茶以素食點心為主,但也有前菜、主食同甜品,選擇不多但質素甚高。而且每人只是$78(要加一),真的好抵食。先來個素湯,這天是青紅蘿蔔竹笙,料好似不多,但清甜夠味,好飲!聽到朋友講「估唔到素湯會咁夠味」,甚感欣慰。再來一點前菜冷盤小食。苦瓜同珍珠耳夠爽口,辣豆瓣拌素海哲外表未必似真的海蜇,但口感挺像,而且也惹味。檸檬醋浸冬瓜酸酸的挺令人開胃。跟著吃些素點心。最好吃的春卷芋絲下得夠又炸得脆身,好吃得我這個愛芋之人吃完才忘記影相。蒸的蘿蔔糕同煎的芋頭糕OK,但不致有驚喜。麻辣蘿蔔魷片像真度一般,反而D蘿蔔又甜又無渣,與素魷魚一硬一軟,口感幾夾。紫菜湯素水餃味稍淡,但清清地也非壞事。選一些粥粉麵的主食。淮山翡翠粥是加上翠肉瓜的有味粥,不算特別。至於麻香擔擔麵做得不俗,尤其「炸醬」的口感真的挺像肉,湯底的麻香味也夠濃。XO醬炒腸粉十分香口,我同朋友都忍不住encore!最後甜品時間,吃完一個腐竹糖水後。再加$10要一個芒果雪芭,好清新,又夠芒果味,令這一餐完美地結束也。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-08
2925 瀏覽
今日同同事慶祝生日, 預早訂咗位LUNCH去食, 1:15去到都差唔多滿座, 我地5個人叫咗個6人餐, 有12款食物另外仲有甜品未計, 我地都低估咗個份量, 其實4人商務餐都應該夠食, 因為有成9款食物, 而且每款點心小食都計人頭, 一人一件, 水餃,抄手類原來有成12粒, 份量真係好足, 我地仲要又食又拎添紅油菜水餃 -  味道有啲辣, 但個皮太厚啦, 食口麵粉香煎竹笙榆耳腐皮卷 - 賣相都可以, 但偏油XO醬伴蘿蔔糕 - 粉太多, 材料少, 只見有蘿蔔同菇紫菜湯菜水餃 - 有成12隻, 可惜皮太厚餡係菜碎同蘿蔔乾碎, 紫菜未熟透而且好鞋口黑松露焗薯角 - 其實係一舊薯仔用錫紙包住嚟焗, 只係薯皮面加啲黑松露, 但又食唔出黑松露既味道鮮香百靈菇刺身 - 賣相真係好似刺身咁喎, 味道咪菇咁囉, 最好笑係有埋WASABI豉油俾你沾嚟食蜜汁叉燒 - 賣相都好似叉燒, 味道都唔錯麻辣口水素雞 - 全場最好食都係呢碟, 青瓜好爽甜放喺底層, 素雞表面似臭豆腐既面, 好好味, 啲汁就偏咸川式龍口粉絲 - 其實都偏油, 但味道就好似辣椒油撈粉絲咁, 有啲肉碎, 有同事特別喜歡醬皇翡翠花枝片 - 賣相都OK, 但感覺都好油, 翠肉瓜都好鮮甜牛肝菌炒飯 - 炒飯好乾身, 味道唔算太濃, 面層有啲春卷皮做配料, 但放耐咗淋咗三色脆春卷 - 春卷皮唔算脆口, 而且口感好死實, 同埋偏油老火湯 - 飲唔出係咩老火湯, 只感覺到咸味, 飲完一啖吞咗口裡仲有陣鹽味清涼爽 - 好耐冇見過楊業成既飲品, 久違了既味道凍豆漿 - 好重豆味, 不錯檸檬果醋 - 檸檬係酸既, 醋又係酸既, 酸上加酸芒果純素雪葩 - 好濃芒果味, 好似雪糕咁紅豆沙迷你煎堆 - 外層都厚粉, 紅豆餡唔算多是日懷舊糕點 - 紅豆糕- 味道偏淡, 奶味重青檸純素雪葩 - 中伏.....唔覺得係青檸味, 味道好奇怪, 雪葩好黏口, 好似雪糕咁, 但雪葩唔應該黏喎, 所以好奇怪*** 坦白講唔覺有咩特別同有咩特別好食, 其實商務套餐6位都要6百幾蚊, 雖然份量多又食又拎, 但LUNCH埋單每位要150蚊確實又有啲肉痛, 如果係日本菜又唔同咁計, 可惜佢係食齋菜 繼續閱讀
(以上食評乃用戶個人意見 , 並不代表OpenRice之觀點。)