尚素 (已結業)

平日同老公食左食右食都未試過食素，行過見到間野都幾靚，餐牌又唔差，所以今日決定要試試素食！老公一定要食飯，所以叫左呢個「榆耳荷葉飯」$118超大一個荷葉飯，黎到已聞到荷葉飯既香味撲鼻打開更有驚喜，又大又足料，飯粒唔會太乾，食到我同老公舔舔脷！再黎個「辣子雞丁」$88成日都好好奇素食館為何有肉食，不來而家先知係咁一回事，雖然唔係真雞肉，但我應為呢款比真雞丁更好食，更入味又健康，腰果卜卜脆，黑目耳爽口，唔會太油膩！老公點左呢款「蜜桃咕嚕肉」$88同平時食開既咕嚕肉一樣味道一樣口感，呢個送飯一流，酸酸甜甜好開胃第一次到素食館食真係喜出望外，我愛上素食了

從來都沒有食過素，今日比男朋友捉左去食素本身都十分抗拒，因為覺得素食全部都係一樣味，沒有什麼分別。不過一見到呢間餐廳，裝潢寬敞明亮，給我的第一印象十分好！而且茶的香味也很香～先點了榆耳珍寶荷葉飯！它是將飯先炒香，并加入珍貴材料例如榆耳等，然後把飯放進荷葉蒸，讓飯帶荷葉香味～雖然沒有肉的味道，但也是一個不錯的菜式！而我更是特別喜歡這個黑松露糯米燒賣，燒賣內的糯米煮得腍軟，還有菜及甘筍，上面的黑松露散發著香味。比真的魚肉燒賣還是好吃！！！！！吃過這間素食餐廳，另我對素食改觀了不少～之後也會常吃素！    

自小就有吃素的習慣，平日都會住屋企人出家食素。今日帶左朋友一齊黎試下，比佢地品嚐一下食素有幾滋味！首先點左涼盤的五味人生，標誌著甜、酸、苦、辣及平淡五味，樣子就有點是模仿刺身拼盤，裡面代表甜的雲耳；酸的有白木耳；苦有苦瓜，辣是辣椒醋的芋絲，而平淡的是白靈菇！之後的就是椒鹽素魷片～主要材料是滷水豆腐，十分好味～主菜之一的大棗金耳羅漢上素煲材料豐富，計有冬菇、草菇、蘑菇、雞肶菇、雪耳、雲耳、黃耳、珍珠筍、紅棗、甘筍及紹菜等十多種食材～聽說是老闆親自搜羅珍貴和香港罕見的野生菇菌！！！十分有心！而且全部菜式均以過濾水，有機黑糖烹調，絕不含味精！之後會再來！朋友都話十分好味～

早排新年有太多的慶祝派對，吃得過份的飽滯🐷 今晚約左媽出街食飯，想吃得清淡d 健康d , 我地選擇左觀塘這一間素食餐廳。餐廳環境寬敞，坐得舒適。而菜式選擇都多，食物及服務亦有質素。-我們散點了數款食物🌟涼拌杞子苦瓜 $48小時候怕其苦味不敢吃，但現在愛其苦中帶甘的美好滋味。這道前菜清淡爽口，還有甘香的白芝麻及養生杞子。-🌟蜜桃咕嚕肉 $88酸酸甜甜嘅餸一向好鍾意。素式咕嚕肉味比肉還要好吃及健康。咕嚕肉除了搭配菠蘿， 香甜的蜜桃也是一個不錯的配搭。濃郁的芡汁掛在酥脆的咕嚕肉上是精粹所在，而且不用吐骨，「啖啖肉」。用上猴頭菇代替豬肉幾近亂真，不論口感及賣相皆維妙維肖。-🌟醬爆茄子 $78茄子🍆也是我喜歡的菜式。鮮嫩色澤油亮的茄子味甜，令本來平凡的醬料配上茄子後，整道菜餚的層次立即提升。看似平凡，卻比珍饈美味，更令人齒頰留香-🌟蘆荀苗山藥炒藕片$88幼幼的蘆荀苗嫩綠新鮮，藕片大片又爽口，而且份量多。-🌟大廚客家豆腐$98豆腐很滑，還加了以香蔥、鮮菇等配料弄成的惹味醬汁，底下還有娃娃菜-🤤大滿足🤤

除左Green Monday，週末想嚟返個Green Sunday，無問題！中式擺設，現代裝修，環境清雅，地方寬敞。除了單點menu外，中午有Buffet $148/1位。台式三杯猴頭菇 ($98)配料有腐皮、茄子、青紅黃椒、西芹，加了九層塔和薑煮，醬汁微辣，很好下飯。牛肝菌香煎芙蓉鮮竹 ($138)像韓式煎餅，腐皮蠻有嚼勁，內有芽菜、蘿蔔絲、蒿筍絲，面帶點焦脆。炒貴刁 ($88)放了素肉、椰菜、白芝麻、青紅黄椒、西芹，都幾豐富，炒得惹味，不會很辣。棗皇糕 ($36/3pcs)可以去油膩，棗味濃郁很香，不會太甜，很有彈性，令人想encore。

自從食素後身體好了，所以仍保持下去。 今日有許多時間想找個不著急的地方，便想起觀塘《尚素》！除了單點外，餐廳餐提供有6 人/ 10人套餐。 適合大家庭或公司設宴！ 黃耳大棗山藥羹 HKD 48 黃耳不論膠質、蛋白質及礦物質也很豐富而口感較雪耳軟滑。淮山薏米粥 HKD 38 晤一定病先食，淮山薏米粥對於成日都凍飲、消化功能稍弱有作用，可健脾祛濕。粥軟綿綿口感，而且很大碗，足夠2人入量。 腐魚鮮竹茄子 HKD 85很新穎的一道菜式，沒想到這個配搭又挺夾，且易入口。 鮮竹、茄子很棯身，再加腐魚味可以提提味。

向來很少食素菜的習慣, 但今次聚會的朋友都是素食者, 所以今次由朋友揸主意。晚上到觀塘工商業區中心是另一個面貌， 平日熙來攘往的駿業街頓時變得寧靜，感覺很舒服。起初以為食肆不多，但走入海日升中心方知錯了。食素對我而言幾新鮮，因為一餐「無肉食」好耐未試過。選了晚市套餐，前菜有三款： 五味人生（甜、酸、苦、辣、平淡），除了辣的味道和苦瓜較為突出外，其他味不太明顯。椒鹽素魷片是三個前菜中最好食, 因為有脆脆的椒鹽惹味之餘, 魷片做出味道也很像真!黑松露糯米燒賣 ，也無得輸，事關有黑松露的清香。以糯米造燒賣，口感又綿又軟糯。湯品選紅棗黃耳山藥羹。 紅棗黃耳山藥羹味道好清甜，黃耳有豐富膠質，而紅棗又有補血功效，這湯羹女士必試。 主菜就有「古淡法乳香蒸蚌片」，粉絲吸了腐魚汁，餸飯一流！我又迷惘了，我在食緊真「蚌片」？！大棗金耳羅漢上素煲， 煮得清淡突顯素菜的鮮味。甜品係薏米腐竹糖水，不會太甜，剛剛好！滿足的一餐！

《尚素》#食在觀塘 #素菜📍觀塘駿業街56號中海日升中心1樓B舖-今日突然想食得清啲 所以就同朋友去佐食素菜觀塘食素菜的地方唔多 估唔到 有意想不到既驚喜🔸二人餐 $388🔸白飯轉黑松露松子仁炒飯 $78- 二人餐包括 :🔸五味人生用五個前菜 嚐到(甜酸苦辣平淡)平淡的新鮮雪耳 爽脆入味苦的苦瓜 已出了水 苦味不太重甜的准山 爽脆清甜辣的蒟蒻切成魷魚狀 辣辣地 幾惹味酸酸地開胃的青瓜🔸椒鹽素魷片素魷魚以豆腐造成  口感彈牙 有啲似椒鹽豆腐面頭脆脆感覺好似加佐炸香蒜🔸黑松露糯米燒賣賣相精緻 有糯米同素菜粒做餡 黑松露幾香🔸紅棗黃耳山藥羹黃耳味較突出 比較濃稠 有淡淡的紅棗味道🔸尚品素湯紅蘿蔔的清甜 加上菇菌味 素菜湯味道都好濃郁🔸古法乳香蒸蚌片素蚌片配上粉絲 加上腐乳的香味 蠻好吃食完爽爽地的感覺🔸牛肝菌麻婆豆腐豆腐好滑身 配上麻辣的素麻婆醬汁 送飯一流🔸黑松露松子仁炒飯黑松露味都算重 飯粒分明 松子都算多 但松子味好淡🔸腐竹薏米糖水清甜 腐竹煮到爛哂 唔會太過甜 岩岩好-整體來說 坐位寬敞食物來說是高質 會回頭再黎價錢公道 素菜黎講 算係唔錯的🍴9.9/10

平時對素菜嘅印象都好刻板，好似都係老一輩先食😂今日轉左食素嘅朋友帶我來到呢家餐廳😳我地叫左個二人套餐$388包左前菜3款 主食選擇兩款 兩碗湯兩份甜品同兩碗白飯 呢個份量已經好抵食😳五味人生，用五個前菜嘅配搭俾你食到甜酸苦辣，最鍾意就係食辣辣地嘅粉絲同有益嘅苦瓜😆椒鹽素魷片估唔到素菜都可以咁惹味😋外脆內軟，出面嘅調味10分香口黑松露糯米燒賣賣相同平時嘅燒賣差唔多 黑松露味好香 食落煙煙銀銀主菜方面選擇咗咕嚕甜辣酸肉有青椒紅椒菠蘿做配菜 酸酸甜甜10分開胃肉亦都好好食 雖然知道係用麵粉之類造成 但味道甚至比平時嘅咕嚕肉好😋大棗金耳羅漢上素煲有好多吾同既素菜 好似有紅棗，木耳，雪耳，各種菇類等等 健康又選擇多多 而且真係好大煲🤓湯品方面分別選擇左紅棗黃耳山藥䓺同尚品素湯 兩碗都清甜而且足料 紅棗就比較啱女士飲而且係比較杰身d既最後送咗一人一碗番薯糖水暖胃為做甜品😚

覓晚係好開心的一晚，因為同好朋友在尚素共渡晚餐。餐廳位置算方便，餐廳企理干淨，座位好舒適，我地點左個二人套餐，包括有五味人生、素魷片、黑松露燒賣、金耳上素、竹笙蘆筍苗、尚品素湯、生熟意米糖水，首先來是尚品素湯，是原盅的木瓜雪耳湯，非常清甜，一點油都沒有，好清潤。五味人生有五種新鮮食材，新鮮雪耳爽脆入味，苦瓜有小許的苦，可以接受，充滿豆香的素鮑魚煙煙韌韌，淮山爽口清甜估不到素都做得如此美味！值得推介：五味人生。黑松露燒買煙韌加上黑松露的惹味，賣相又吸引竹笙蘆筍苗炒到翠翠綠綠的㧥材料上乘十分高質美味，熱辣辣金耳上素瓦煲盛上，有磨姑、冬菇、雪耳、粟米、黑木耳香氣逼人，分量十分足料再后吃番碗生熱意米糖水，身心健康又暢快。

臨近年結聚會頻繁，平日與太座決定多菇素。下班來到友人介紹的新派素菜館晚膳，簡單點個二人套餐。前菜五味人生，冷盤有齊各種味道，材料有山藥、涼瓜、木耳等，清新開胃。湯品要了各一分享，素湯主要有牛蒡和各種豆類，味種鮮甜又不油膩。紅棗黃耳山藥羮熱騰騰，清甜又有清爽口感，十分滋潤。椒鹽素魷片用上豆品製作，味道逼真，香脆惹味。糯米燒賣加入菇類，模仿半肥瘦豬肉口感，加上黑松露獨特的石油味，十分不錯。主菜牛肝菌麻婆豆腐，用上味濃牛肝菌代替肉碎，保持惹味，加上香辣醬料，十分下飯。乳香蒸蚌片用上白木耳，口感略脆。用上腐乳蒸煮增添鹹香，創意十足。跟餐的紅豆沙不過甜，微微起砂，不錯。

這夜，一行四人，去了觀塘|尚素^，替C補祝生日。想不到，這一區的晚市，四處人頭湧湧。幸好我們一早訂了座位。餐廳環境雅緻，只略嫌較為擠逼，坐得不太舒適。本來打算點四人套餐，惜選擇不太合心意，故散點。前菜杞子苦瓜和淮山鮮腐竹，前者爽脆微苦，後者混入麻醬，香軟惹味。炸腐竹卷香脆好吃；露筍炒蓮藕淮山，清新且鮮嫩；竹籠內的大雜燴，有蓮藕、芋頭、木耳、黃耳、齋，以及以豆製成的素瘦肉和五花肉，仿真度頗高 。主食，要了一碗白粥和紅菜頭炒飯。壓軸，有紅豆麻糬作甜品。

唔飽難食兼夾貴，見佢幾高分所以帶食素朋友去試，點知啲服務員服務態度又差，上菜又慢，餸菜又冷，高分原來係呃人去到冇人排隊都知應該幾伏，明明咁高分點解冇咩人食，嗌咗幾樣野食，食完就知味道一般，食物味道唔夠入味，果堆又乾又無味嘅豆腐，炒飯又唔夠鑊氣P.S.很多人話有圖有真相，真心見到圖都知唔好食。其次員工態度強差人意，上菜又慢，搞到朋友食到冇癮，等待時間非常漫長，漏單情況非常常見，唔明點解點咁少野都可以漏單，「阿姐級」侍應果然名不虛傳！永遠唔再光顧！

今晚第二次去因早兩個月食過算食得下點知今次..失望多咕嚕肉...個肉同上次兩回事..咁同服務員講...佢話係呀...轉左都知唔得...旦遲下會改番既😳咁你都得...唔得都攞出來...分明有點搵笨（人人口味唔同既又）腐皮卷我又覺得唔錯👍🏻👍🏻👍🏻👍🏻👍🏻👍🏻👍🏻梅菜蒸菜心..怪怪地旦食落菜心都甜👍🏻👍🏻👍🏻豆漿...麻麻地...頭半杯冇咩事...飲飲下有微微酸豆腐煲..豆腐有點苦🥴😳雖然失落少少不過都會去多次既...！

最近工作壓力有啲大，皮膚差咗，所以呢一晚就想食清啲食素😅 觀塘係我同男朋友都幾有感情嘅地方，所以我哋經常都去觀塘，見呢間素食評價唔錯所以就黎試下😀我哋叫咗一盅紅燒竹笙素翅，一盅黃耳大棗山藥羹， 三杯猴頭菇， 露荀苗山藥炒藕片，炒貴刁，同埋一份棗皇糕🙈首先係個兩盅素翅同羹，好足料，完全唔似食緊齋， 兩個嘅口感同調味都適中，唔會覺得太稠同太咸/太甜個三杯猴頭菇嘅汁相對濃郁， 仲有茄子，腐竹同埋三色椒，猴頭菇煲湯就飲得多，但煲完湯嘅猴頭菇同就咁攞嚟煮完全唔同口感， 我自己鍾意攞嚟煮嗰種硬身少少同有趙口嘅口感👍 猴頭菇同腐竹索曬啲汁好入味但又唔會過咸😀 茄子都唔會煮到淋到一pat嘢， 三色椒就脆口👍蘆筍苗山藥炒藕片成碟都係爽口，啲露筍苗好嫩 完全冇渣😋炒貴刁就有少少咖哩味， 仲有芝麻舖係面，好香口飽肚👏最後就有我同男朋友都好鍾意食嘅棗皇糕，唔係好多酒樓或者地方可以食得到， 如果有都係必點，加上見到隔離枱嗰啲好似好靚😍 即叫即蒸，一嚟到熱辣辣，香氣撲鼻😍 夠煙韌，超香紅棗味，perfect！👏👏呢一餐帶比我食素嘅新體驗😁 下次如果想食素呢間都會係好選擇之一😆