尚素 (已結業)

因見網上品評質素非常之好，所以媽媽生日特意到來食飯，但我覺得每一個餸菜都非常普通，價錢同質素係相差很遠很遠（意思係貴但係唔好食）我也經常試不同新派素食飯店,如果相比之下，今次真的完全失望。

平時係觀塘就最鐘意食紅茶冰室喇，但成日都要排長龍，唔想排就上咗去個商場睇下有咩好野食。原來上面開咗間素食店☺️ 平時食開肉既我揾到間食素係好開心，健康啲~叫咗個商務午餐 ($228)，食物款式都幾多選擇。點心揀咗黑松露燒賣，香煎腐皮卷，煎蘿白糕配x.o 醬。傳統點心既樣子，但味道就有啲唔同，以燒賣為例，茶樓食到既係用肥豬肉做，油膩感比較重，但就好香。而呢度就好似用糯米做咁，食落比較煙韌~ 小食揀咗麻辣素海蜇拼素叉燒，我覺得呢樣野係最好食！辣辣地好惹味🙈 叉燒個汁好香，而且好有咬口。炸海鹽素鮮魷，個味道同埋口感都同真嘅鮮魷好相似👍🏻 最緊要就係唔使擔心膽固醇太高最後揀咗一個黑松露核桃仁炒飯，黑松露味都算幾重，飯粒分明，核桃仁仲係有益食物，不過就冇咩味道😂 呢度嘅甜品都做得唔錯，洛神花果凍同埋紫薯千層糕都幾好味~

中秋節期間食咗好多月餅,飽飽濟濟，想食吓素清清腸胃。同事之前曾介紹過啲間尚素有包羅萬有的素食餸菜，味道唔錯，位於觀塘商廈附近，食肆林立，臥虎藏龍尚素就係中海日升中心一樓轉彎一個角落。門口都有好幾款健康素菜，可以比食客買返屋企自己煮。店內嘅佈置簡單感覺清雅。二人套餐前菜有三款，其中一款五味人生有平淡、酸、苦、辣、甜五種味道，苦瓜絲、雲耳、雪耳、白木耳就似象拔蚌刺身，蒟蒻材料造成嘅海蜇絲有少辣，五種食材入口都爽脆好滋味😋。主菜可選兩款，揀咗個咕嚕甜酸素肉，配菠蘿青、紅、黃椒，色香味齊全。另一味係大棗金耳羅漢上素煲，有黃耳、雲耳同雜🍄，清清淡淡好健康。湯水有紅棗黃耳山藥羹，啲確矜貴又有益另一款老黃瓜扁豆湯有去濕功效。自家製糖水係綠豆同薏米只係少甜。再加埋兩碗，呢餐真係好健康又滿足。

長輩說很久沒吃素菜，於是四出尋找地方，希望給她一個驚喜。朋友介紹到官塘中海日升中心內的尚素，於是打算在這𥚃吃午飯，然後與她到apm逛逛。尚素地方寛闊，雖然有不少客人在坐，但環境令人感覺遠離煩囂。我們點了二人商務午餐：包括自選點心三款、開胃小食二款、健康小炒一款、甜品、素湯或飲品。木瓜雪耳無花果湯：清甜滋潤，近來天氣乾燥，喝這個湯水最適合不過。點心三款：酥炸淮山球：外面香脆，內裡滿載軟綿綿的淮山蓉。芋頭絲春卷：外脆內軟。黑松露燒賣：黑松露香味特濃，配合大大隻的煙韌燒賣，色香味俱全。炸海鹽素鮮魷：大家都稱讚這道素菜無論賣相、囗感和味道都極真，亦很美味。百合貓耳拼杞子甘瓜：甘瓜煑得清甜，配合雲耳又是一道健康素菜。甜酸咕嚕素肉：平常長輩也喜歡甜酸咕嚕肉，今次選用素食，她也説仿真度很高。甜點要了桃膠雪耳露，滋陰清潤，甜度適中。長輩很滿意今次的安排，還説下次會與老友記再來呢。

也有一段時間無食素，今晚約左素食嘅表哥晚飯就聽佢介紹，黎到位於觀塘嘅尚素，中午都係套餐形式為主，而晚飯就有小菜，我們今晚就點左份好豐富嘅四人餐。餐包括三個指定前菜，每人一盅湯或羮，再揀四款主菜，四個白飯仲有跟餐甜品。大滿足前菜有五味人生(當中有甜，酸，苦，辣，平淡)利用不同食材嘅特質加點簡單調味，演變出五味人生的確有趣。黑松露糯米燒賣，黑松露味好香，但入餡加入糯米後過於糊口，所以有點膩。椒鹽素魷片，單看賣相意為是豆腐，食落有魷魚彈牙感，加上薄脆十分惹味，但略為帶咸。我揀左紅棗黃耳山藥羮紅棗嘅清甜，山藥嘅爽口配合得好好。咕嚕甜酸素肉，汁唔會太多，微微沾上脆口嘅素肉好味。牛肝菌麻婆豆腐，同一般嘅麻婆豆腐有明顯嘅不同，因為呢個有清楚嘅花椒味，麻麻嘅感覺突出，我個人好中意。欖菜素肉鬆四季豆原條竹笙百合蘆筍苗，蘆筍苗爽口清甜，火喉適中好好食最新有椰汁紫米露，好滿足

我係一位愛素者, 開始吃素已有一段時間在網上找到這間便來試試.我和朋友看到了有二人晚市套餐推出, 一個套餐可以有7款食物, 而且每一款都份量十足, 非常多選擇!特定前菜: 五味人生- 甜,酸,苦,辣,平淡這款是冷盆來的, 有雪耳, 淮山, 苦瓜, 素魷魚, 素鮑片,青瓜, 木耳，吃了一口又一口, 非常開胃, 而且的確擁有五味人生的感覺, 開胃菜的第一選擇.特定前菜: 椒鹽素魷片非常香脆, 野味, 而且味道及口感跟真魷魚片一樣, 吃下去, 又一口一口吃光光.特定前菜: 黑松露糯米燒賣如果可以, 我會想再叫多一籠, 因為實在太好味了!整粒燒賣都給黑松露的味道包住, 超級香, 超級好味!完全跟有肉的燒賣味道一樣, 而且還好吃過一般的燒賣.二選一湯品(2份): 紅棗黃耳山藥羹 & 尚品素湯(無味精)因為是二人套餐, 所以我們可以選擇每一款湯水, 試了朋友一口的尚品素湯, 非常清甜解渴, 而且營養滿滿,裡面有青紅蘿蔔, 雪耳 & 其他.另外一款紅棗黃耳山藥羹, 這款是比較”粘身”, 一樣是營養滿滿的,裡面有不便宜的黃耳, 紅棗等材料, 滋潤 & 清甜主菜(選兩款): 牛肝菌麻婆豆腐(微辣) &

觀塘的工廠大廈越來越多既特別又精緻的餐廳,今次我同朋友放工約在觀塘食飯,我們都想食得健康,所以這間專食素食的餐廳係我們的首選, 餐廳裝修得明亮典雅, 地方寬敞,每張枱之間的空間都很大,坐得很舒適,入座後打開菜單,見到各式各樣的素食都很吸引,最後我們決定選擇二人套餐,因為套餐有前菜,餐湯,主食和甜品,每類素食都可以試一下都唔錯,落單後前菜首先來到,五味人生好特別,整碟小食包含甜酸苦辣平淡的味道,當中有一味好似海蜇,但其實是麻辣味的蒟蒻,不太辣但很開胃,另一味是苦瓜,咬落去很爽口,苦瓜只帶微微的苦味,容易入口,素菇好似鮑魚片煙煙韌韌,雲耳和雪耳質感柔軟,口感順滑,淮山有粉粉的口感,略略帶有甜味,整體不錯!!椒鹽素魷片係一條好闊好長的魚片,魚片上放左很多椒鹽同小小的辣椒,蒜粒和蔥粒,令簡單的魚片變得香口有味,黑松露糯米燒買內裡藏著爽脆的素菜粒,加上糯米煙煙韌韌,還配合了黑松露的味道,令燒買惹味可口!尚品素湯是一碗雜豆湯,有黑豆,紅豆,白豆,紅蘿蔔等湯料煲出來,清淡得來帶點點甜,真的很好味,紅棗黃耳山藥羹用很多湯料包括,黃耳,紅棗,山藥,爽口蘿蔔粒等煲出來,湯比較濃秱,滋補的湯最適合秋天飲,是

我又來觀塘了，好多朋友都在這工廠區附近工作，而我又成日最早放工，還是我來這區等他吧，要不然要到9點先食飯呢這餐廳在中海日升中心，由觀塘地鐵站步行過來也是10mins內，都方便。等朋友放工時，又可以在apm行一陣，不怕悶呢。門面裝修簡約而新淨，跟其素食主題相配。內裡空間感大而坐得舒服，以沉色為主調。8人大也圓枱都有4-5張，也有4-6人的細圓枱及2人方枱。晚餐以套餐為主，有2人，4人，6人，10人套餐。我們點了2人餐，都只是hkd388， 有1款前菜，2款湯，2款小食，2款主食及甜品。五味人生前菜是冷盤，有：木耳，辣辣的苦瓜及雪耳，甜甜的淮山等等。椒盬素魷片炸后鋪滿了炸蒜頭，若食開濃味的，可以蘸一點醬汁以增加其味道。黑松露糯米燒賣黑松露味算濃，糯米煙韌而有口感尚品素湯應是猴頭菇湯及湯內有多種豆，似是去濕豆，味道清甜。主食- 咕嚕甜酸素肉份量比想像中大，2人食不完呢，酸酸甜甜的，很開胃。紅棗黑杞子浸時蔬應該是津白吧，伴著一點的清湯。榆耳珍寶荷葉飯需額外加＄98，雪耳，木耳，雲耳都聽得多，第1次認識榆耳，它是菇類的其中一種，含有豐富的蛋白質，也即好東西啦。荷葉飯飯香，飯有點煙韌而又軟綿綿的，

食左甘多日肉就要食小小菜，叫做整番混下， 每次諗食素都有困難，因為淨係識個兩間連鎖既，媽媽就介紹話有間幾好食，唔係太傳統既齋舖。可能近中秋所以好多人選擇早一個星期做節，都好多人食，d 大枱full 哂。佢menu 唔係傳統既齋菜，反而有四川野，都幾special.海哲拼叉燒好得意，口感好好，好味過真海哲，有麻油味甘。燒叉燒因為個叉燒太好食，所以我地另外叫多個淨叉燒，佢好真，燒到脆皮，又有燶炭效果。個蜜糖汁好親！八珍豆腐煲個煲好香，個汁唔咸，剛剛好，但係份量就小左d ,得5件豆腐。香芋南瓜煲廚師整個煲d 南瓜同芋頭係無整爛，佢亦無加椰汁，健康好多，入面仲有幾樣姑，清清地好健康。good牛肝菌炒飯一向好鍾意食牛肝菌，平日餐廳較少有，所以一見到有即叫。飯既份量就多啦，起碼有4碗飯，比起餸既份量多d.炒得唔油，係乾身，仲有合桃親面，好好咬口！！！！

在新的商廈內發現這新潮的素食店裝修及餐具都很精緻。有放題選擇，細細碟的，可以吃到不同的食物，很不錯的安排。還有甜品架，很別緻。味道清甜，很健康養生的感覺。還有冷盤前菜可以任取，每一款都是健康食品。凍洛神花茶也是任添，非常好的安排。放題食品的質素也很不錯。春卷炸得鬆脆，非常可口。黑松露燒賣味道香濃。這個炸蘿蔔糕初時還以為是炸豆腐，但吃下去後蘿蔔糕的味道很香。煙煙韌韌的，口味很佳。咖哩素雞的咖哩味很香，可口，美味。最後以芒果雪葩作結。口感不是冰冰的，有點韌性，很特別。

近年觀塘區開左好多講求質素及造型的素食店, 連素食法國 fine dinner 都有, 今日唔係食 fine dinner, 係同朋友黎呢間為食友界口碑唔錯的尚素。尚素裝潢典雅, 商務晚宴也不失禮。素菜賣相都唔錯, 以齋菜嚟講, 尚素價錢算係中上價。散叫價錢都唔平, 佢哋剛剛出咗個秋季套餐, 呢個秋嚐二人/四人套餐幾抵食, 樣樣有啲, 可以試多啲唔同款式素食, 二人套餐包三個小食、二個湯品、兩個主菜、兩個白飯及兩個甜品, 折實$388。 秋嚐二人套餐 （$388/75折後）小食 ~ 五味人生*百靈菇刺身 ~ 外型幾似鮑片, 拈芥末豉油食, 口感有啲似鮑片。*麻辣海蜇 ~ 麻辣醬撈蒟蒻條, 蒟蒻條香辣彈牙。*涼拌杞子苦瓜 ~ 苦瓜片爽脆, 不經調味, 微苦, 夠fresh。*鮮淮山片 ~ 鮮淮山健康又爽口, 口感食味皆好。*黃耳/雲耳~ 加咗少量許柚子醋撈, 夠清淡又有益。小食 ~ 椒鹽素魷片呢個似韓式魚片, 尚素就用走油嘅方法, 再撒上椒鹽及椒絲香蒜粒, 好香口。小食 ~ 黑松露糯米燒賣黑松露即時令素燒賣味道提昇不少, 糯米軟滑, 配上爽口沙葛粒及素菜粒, 口感豐富, 味道輕盈, 好食

其實觀塘工廈真係有好多唔同種類嘅食肆，我見朋友食素，今日就約好一齊去駿業街嘅「尚素」食晚飯。呢度裝修黑色為主，乾淨。雖然係素食，但都好多選擇，套餐都幾多野食。碧綠竹笙翡翠羹$48，個湯有好多材料，清甜。餐牌見到紅棗龍仔蒸飯$28，覺得好特別，上層有紅棗薑絲，有荷葉嘅香味。另外大廚客家豆腐煲$98最啱送飯，豆腐好滑，個汁濃度適中，下層全部是菜。甜品棗皇糕$28，即叫即蒸，熱辣辣送上，香甜好味，冇得輸。\

放工係附近買完嘢，行過見到門面唔錯，食齋嘅～ 一於同b仔試吓新嘢～餐廳新裝修，環境唔錯，杯碟都幾靚～1）齋叉燒：好似呀～ 個味道和質地都好似～2）牛肝菌香煎芙蓉鮮竹：啲菌好香～ 碟嘢份量十足，兩個人食好耐都食唔晒～ 蛋味都好香！3）魚香茄子煲：熱辣辣～ 雖然無鹹魚，但都非常惹味！4）咕嚕肉：酸酸甜甜好醒胃！配桃不配菠蘿都幾特別～ 5）口水雞：雖然唔係好似，又唔辣，但炸得幾脆～ 當係小食都幾好味！每碟餸的份量都好多、好大碟，材料十足！好適合大伙人一齊食！下次要叫埋其他人一齊再黎先！

香港人一向都鍾意食肉,但偶然中食下蔬菜清下腸胃都係一個唔錯嘅選擇,但無奈素菜選擇唔多,比人感覺沉悶。今次就帶屋企人食下新派素菜,一改大家觀感。素叉燒由麵筋製作而成,不論聞同食嘅味道都同正常叉燒有D相似,好似食緊舊瘦肉叉燒,味道仲有少少似齋燒鵝粒。腐皮卷被煎得香脆,內裏包着大量嘅餡料,有竹笙,榆耳同菇。香口得黎口感亦夠豐富。爽脆嘅翠玉瓜配上素花枝片再加以XO醬爆炒,素花枝片口感有D似蒟蒻,帶有爽口嘅感覺。有松子仁,菇粒,翠肉瓜粒,紅蘿蔔作為配料,再配上黑松露嘅炒飯。飯炒得夠乾身粒粒分明,但亦唔會有油膩感。略嫌黑松露味唔夠突出,不過香口嘅松子仁最令成碟炒飯更加分,增添一股香氣同口感。

近日食得肉多，今日就同朋友去觀塘尚素食素。今晚7:00pm 準時到達，呢度裝修幾靚，乾淨，座位寬闊。打開餐牌，有我最鍾意嘅竹笙，仲有吾只一款菜式可以選擇，真係花多眼亂，首先叫左一盅碧綠竹笙翡翠羹、一盅黃耳粟米羹，兩個湯都有好多料，清淡帶鮮甜😋。大廚客家豆腐煲 - 上層係煎過的豆腐，所以唔會一夾起就散，個汁仔好味，唔會太濃，下層係入晒味嘅菜。竹笙湯浸時菜翡翠苗 - 翡翠苗好嫩好新鮮，湯浸嘅竹笙又爽口又清甜。榆耳百合炒蘆筍苗 - 蘆筍苗好嫩，榆耳口感爽口。紅棗龍仔蒸飯 - 紅棗加薑絲鋪面，好香的飯。棗皇糕 - 新鮮蒸起，又香又甜。