尚素 (已結業)

初四晚喺觀塘搵地方食飯，原來都不易。好多平時有水準嘅食肆，都未開市。好彩閨蜜早有準備，預先訂位。閨蜜仲好有細心，知我新年這幾天吃得太瘋狂，食滯左，不能再大魚大肉，所以專程揀食素。「蜜桃咕嚕肉」當日蜜桃沽清，餐廳安排用菠蘿替換。十分開胃，唔太油膩，甜酸適中。我每次去齋店食齋，好怕菜式十分濃味及油膩。但我相信，如果用蜜桃應該會更加好味。「十八袈裟羅漢」味道正常，真材實料，跟預期的味道、材料，都一模一樣。

依家都市人都講究養生，講素食，減少炭排放，呢間觀塘既尚素就真係岩曬大家喇，佢午市仲有148點心放題，超級抵，岩一家大細嘆茶咁食😋黃金蝦多士香煎芋頭糕呢兩樣煎炸既素食好香口，黃金蝦多士個芥末醬超級正超級好食，特別過街外多士既傳統醬汁～松露扇貝黑松露糯米燒賣黑松露鋪係面令d點心更加惹味，燒賣係由好幾種菜而成，口感豐富！臺式三杯猴頭菇三色菜令賣相更吸引，味道亦到不錯，令菇好似肉類小炒咁好食～四川擔擔湯麵佢用左麻醬、花生醬自家調既湯底，拉麵亦都唔霖夠彈牙，唔算辣，辣度係盈合大眾口味～甜品時間紅豆椰絲大福大福同椰絲永遠都咁夾，仲有紅豆，太滿足了！桂花桃膠雪耳桂圓紅棗水$22雪耳好爽口，我地將桂圓紅棗水溝埋桃膠一齊食有意外驚喜！大家不妨試試呢個combination!

呢排成日出去食放題西餐之類，想食得清淡D，於是就聽朋友意見來呢間好有特色嘅素菜店食素菜放題。呢間餐廳好特別，全部都係純素，不含奶蛋，而且係用過濾水、有機黑糖烹調，唔用味精，非常健康。餐廳嘅風格擺設同佢嘅菜式一樣都都好淡雅別緻，俾人感覺好舒服。素菜放題嘅食物款式好多。裡面嘅菜好少係用素肉，主要以新鮮蔬果同菇來製作菜式。我地首先點左辣子雞丁、菠蘿咕嚕蝦、紅棗雪耳湯浸鮮蔬、黃金蝦多士同埋酥炸椒鹽海鮮。菠蘿咕嚕蝦嘅素蝦好爽口，好似食緊真蝦咁，個汁酸酸甜甜，好開胃！酥炸椒鹽海鮮炸得好香脆。雞丁好香辣惹味，紅棗雪耳浸鮮蔬嘅味道都唔錯，有紅棗嘅鮮甜味。覺得呢個蝦多士好特別，素蝦同面包炸得香脆，但一d都唔油膩。素蝦同面包加埋淋係面嘅芥末沙律醬，配搭得幾好！呢度好多食物都加左黑松露，我地叫左黑松露扇貝、黑松露糯米燒賣同黑松露炒麵。黑松露扇貝好似係用菇來整，口感幾彈牙軟韌。黑松露糯米燒賣裡面除左糯米仲有菇同蔬菜，配埋淡淡黑松露，味道唔錯！黑松露炒麵炒得好香，幾好食！之後我地叫左d糕點同甜品。芋頭糕同蘿蔔糕煎得香脆可口，好好食，我地之後再叫多左兩件！素菜春卷味道亦都唔錯。脆口嘅有機麥芽米通同紅豆椰絲大福味道

近排食肉食得多，都想食下素菜，觀塘日升中心嘅「尚素」最近推出咗「新春放題」，星期六日嘅下午可以食，$148一位再加一，假日可以任食兩小時，都幾特別同抵食～ 選擇都非常豐富👍🏻 有香口嘅炸嘢食，例如蝦多士、椒鹽海鮮都非常有驚喜😍，而且好好食😋 亦有點心例如蘿蔔糕、芋頭糕、春卷、叉燒包、腸粉等～ 亦有唔同嘅餸菜，例如辣子雞丁、菠蘿咕嚕蝦、三杯猴頭菇、款款都好味👍🏻 亦有粉麵飯同埋粥，不過我哋食點心都食到好飽，所以冇叫到～ 最後仲要買甜品，桂花桃膠雪耳、紅棗桂圓蓮子露、紅豆椰絲大福、有機物麥芽米通，款款甜品都非常好味👍🏻 食素食放題真係第一次，食物質素好，有驚喜，好味又健康，而且真係幾抵食👍🏻 新年去食真係一個唔錯嘅選擇～

身邊開始多咗朋友食素，而我本物都係有養小動物嘅！我相信「尚素」同我一樣希望透過素食，減少殺害動物作為食物，背後意義，大家都不妨深思一吓！入到去，中庭以圓枱為主，旁邊則設計為卡位，可配合不同類型的飯局，而年近農曆新年，都有花心思去佈置呀~農曆新年自然有新年套餐$388加埋一都係$427，咁豐富，抵食呀！而且菜式選擇都好多，我同朋友諗都唔諗就決定要呢個套餐！金湯竹笙雪耳羹~其實係南瓜湯底加上足料嘅竹笙雪耳，咬口十足！前菜有三款︰海珊瑚撈起(凍食)~有海珊瑚、甘荀絲、青瓜絲等再用芝麻醬「撈起」，相信呢個寓意很多人都會鍾意呀！燒賣~質感軟綿煙韌，味道認真好吃。三色串燒~串燒上淋了柚子汁，為熱氣嘅item添上小清新選擇咗非常合適佐飯嘅兩款主菜︰咕嚕素肉~素肉口感幾似，咬開有肉絲質感欖菜四季豆~四季豆有走過油，香口惹味喺冬天，食個滋潤嘅甜品十分重要！唔會太甜，啱哂我胃口！

最近我開始嘗試素食，主要為左想食乾淨d，對身體負荷都少d，今次試左觀塘的尚素。我自己個以人唔太鍾意食素肉，感覺上無左食素既意義，呢度好多既菜式都係以鮮蔬同姑菌製作。order左一個新春晚市套餐，先來前菜珊瑚撈起，黑松露糯米燒賣同柚子三色串燒。兩款前菜都好得人歡心！燒賣沒有平常食個d既肉騷味，食落更多舒服，而且更能帶出黑松露既香味。柚子串燒好開胃，意想唔同同香姑都咁夾。珊瑚撈起都唔錯，食個意頭野。主菜方面太多選擇，真係好難揀，最後叫左「古法乳香蒸蚌片」同埋「干窩黑牛肝」。前者南乳味好香，蚌片又爽口，索曬d汁，完全洗左素食一定口味好寡既形象。後者加左辣椒一齊炒，辣辣地好開胃，而且有腰果增加口感，好令人喜出望外。

尚素，一間位於工廠大厦新派素吃。裡面格局，跟外面完全天淵之別，兩個世界，感覺不一樣的格調化裝潢，很時尚又有舒適感，有愛回家的感覺。跟媽媽來品嚐新派齋菜，似一間中式餐廳！餐牌精緻又簡潔，令人精神一振！叫了以下東西:1.竹笙薈素翅: 素翅口感跟真翅有85百仙相似，味濃，配上麻油及醋，入味，好令人興奮！2.台式三杯猴頭姑:第一次吃素吃猴頭姑，汁味濃，完全融入姑內，有吃扒的大啖感，惹味，令人舌頭大動！3.蜜桃咕嚕肉:賣相呈橙色，好精彩，入口像真度極高，加分，汁不太甜，酸度剛好，評價高！4.羅漢齋炒麵:麵底乾脆，其他配料滿佈麵上，吃出厨師功價，碟底不多油，材料夠新鮮，戰勝了！最後，喝下滾燙的普洱，茶進入食道，流入胃部，在啓動消化系統了……完勝！這種素吃味道回憶已存在我血液裡，久久未能消散！

最近有位同事新來，佢初一十五都會食齋，咁啱當晚係佢嘅welcome dinner，我哋就揀咗間素食餐廳同佢慶祝。其實真係甚少食齋，因為作為一個Foodie咩都要試吓嘅時候就好少會揀食素。特別要講下佢個麻婆豆腐，因為真係好香，食第一啖嘅時候係有驚艷嘅感覺㗎，好似食緊正宗川菜咁，同埋佢個豆腐非常多，送飯真係一流。另外叫咗個牛肝菌香煎芙蓉鮮竹，係用腐竹煎嘅餅薄餅，食落同蛋餅真係有幾分相似，而且個質感好特別，外脆內軟，呢個餸真係好考個廚師係唔用蛋漿煎下煎薄餅嘅技巧，讚！一坐低就見到隔離枱食緊個紅菜頭炒飯，見到呢個顏色忍唔住就一定要叫啦！佢真係用新鮮紅菜頭汁來炒，所以充滿着紅菜頭嗰種菜味，飯熦到粒粒分明，雖然會有人唔鍾意紅菜頭嗰隻味，但係我就非常鍾意，而且影相打卡都一流。仲有最後甜品棗皇糕，呢個真係無敵，搞到我好想買一對返去新年自己定嚟食！因為我哋太嘈所以店員都忍唔住走過來同我地吹兩嘴，先知原來素都有好多個派別，佢呢度就主打用新鮮嘅蔬菜，而唔係用素肉，希望可以為個世界出多一分力，多啲減碳少啲動物殺害，我諗我都要反思一下人生，食少啲肉，積返啲福

今日係媽媽生日，媽媽係長期素食者，揀番素食餐廳。一家8口於訂坐時間到達，坐門口大台。爸爸搵唔到廁所，折返餐廳問接待員。爸爸一開始已經係笑笑口問洗手間係邊，個女人指著門口話對面，明明對面係一間鋪，爸爸疑惑地問’對面’?然後呢個女人就黑面而且不耐煩咁解釋，最後極差態度對我爸爸說’望地下啦’ 接待員極度惡劣的服務態度,我即刻勁嬲大聲反問’妳而家咩態度呀’? 飯都未開始食已經一肚氣！當下勁想轉場，已經完全影響曬我食欲，如果唔係有老人家同有小朋友，即刻走！(你地餐廳係一個無正常指示牌的商場裡面，只有地下laser logo,比人問到嘅時候建議你們禮貌回應！）之後到落單又係勁無耐，侍應竟然回應’搵出面嘅人落單’,呢句說話咩意思？如果妳唔可以落單，係咪應該叫我地稍等，你地會叫同事黎幫手落單？呢d係基本常識吧。我地客人唔會識分你地邊個入面邊個係出面！到最後終於出現個正常的叔叔黎幫我們跟單。最後連一早安排的蛋糕都無心情切就走了！一句講曬，第一次同最後一次！

豬年漸近，但最近亦諸事繁重，所以一心食素，同屋企人共勉。最近觀塘有呢間，正中下懷，可以同家人一解身心「煩」瑣。訂左位，嚟度發現竟然有（每位）$148放題，款式種類多，所以決定一食。黃金蝦多士雖然係素蝦，但質感同真蝦無異，而且非常香脆，仲有甜甜嘅沙拉醬味。竹笙腐皮卷❤️熱辣辣香脆嘅腐竹皮，包卷住豐富嘅竹笙餡，唔太油膩，推介👍🏻翠玉瓜山藥炒藕片即使係全素菜，但調味令到翠玉瓜山藥同藕片都非常入味，好好食，係一個令人食唔停口嘅菜式。黑松露糯米燒賣糯米軟綿綿，鹹度適中，最重要係黑松露味極之香濃。喜歡黑松露嘅人絕對唔可以錯過。香煎芋頭糕芋頭味濃又香口 😋😋😋 好食，食完要encore～春卷又香又脆，亦有芋頭香，不能錯過。日式鹿茸菇餃子除左鹿茸菇之外，餡料仲有粟米，蘿蔔粒等，味道非常配～野菌田園蒸腸粉腸粉軟滑，同木耳、杏飽菇一齊清蒸，沾上豉油，味道最清淡，夠晒健康好食。菠蘿咕嚕蝦絕對係清淡素食嘅相反，唔洗一定要食肉，都可以食到酸酸甜甜嘅素蝦，非常香脆可口，同食真咕嚕肉無異，讚👍🏻椒鹽海鮮包括有素魷魚圈同素蝦丸。兩款素海鮮竟然非常彈牙，完全出乎意料。黃耳翡翠粥清清淡淡，仲加有軟腍嘅薏米，係清身心嘅首選。

小肥最近鍾愛瘋狂食肉🤪都唔知點解會轉死性同朋友去食中式素菜🙉🙉但還掂鮮有接觸素食加埋有朋友介紹🙊一於趁午飯時間去感受下素菜風情啦🤣位於觀塘中海日昇中心既尚素🍀喺觀塘站A2出口經APM過黎亦夠哂方便😆呢度以中式傳統既餐廳環境裝修☺️周圍既木架茶具以及餐具掛飾擺設甚為古色古香☺️較為清靜既環境亦坐得好舒服☺️適逢週日餐廳搞假日新春放題亦富有特色唔止閒日黎食下素菜😆假日黎同家人坐下食個假日素菜放題☺️傾下計亦十分適合😆金耳羅漢尚素以多款齋菜配料慢煮作配合☺️🌽🥒小肥至愛既雪耳亦煮得夠哂滑嫩爽口🤤微微鹹香食落夠哂開胃😋松露扇貝以蒸煮方式炮製既扇貝更為健康之餘☺️口感鮮甜滑嫩既扇貝🤤配合松露更帶出濃郁松露香☺️黑松露炒麵以黑松露炒出濃郁松露香既炒麵🤤配合青紅椒芽菜等炒煮更為足料之餘😆灑上芝麻粒更增添口感☺️香煎日式鹿茸菇餃子以日式鹿茸菇既餡料更為鮮味之餘🤤🍄煎餃即叫即煎更是一流🥟😋進補藥膳鮮蔬以濃郁既藥膳湯底熬煮娃娃菜☺️🥬夠哂鮮味之餘更有滋補保健功效☺️😋

吃素已經不是一件難做之事情，非常多食店也有素吃選擇，而身邊也有朋友一出街便想吃素喔。朋友介紹這食店，素吃之質素棒棒，二人套餐就可令大胃口的人吃至滿足喔。以下的二人餐由小吃、小碟、湯也做得如家常飯，令人覺得吸引～五味人生：冷吃的食物，以人生的甜（快樂）酸苦辣平淡作主題，賣相吸引～素魷片２件～燒賣２件～味道棒，很大的燒賣，用竹籠蒸出陣陣香氣，好吃而且拍照好看喔黃耳山藥湯及尚品素湯，第一個的味道比較濃～第二的感覺也比較甜甜！作為小吃後的茶式，非常合時喔。二個小菜的賣相亦是吸引呢，當然全是素吃.甜品的味道亦不差，令整個感覺添上完美！

星期六與朋友於觀塘APM買完東西，感覺最近吃了太多肉食，想試試素食，朋友便介紹位於駿業街之“尚素” 。“尚素”離觀塘港鐵站不遠，步行只要6分鐘左右，店內地方寬敞，座位也不少，感覺幾闊落、舒服。原來今日有新春放題，每人只是$148任食，望一望菜單覺得幾吸引又抵吃，於是便不作他選了。下單之後， 食物要等一會兒才上桌， 原來是因為即叫即蒸， 所以每一樣食物都是熱騰騰上來的。 選擇種類都頗多，而且份量也不少，味道也不錯的。黃金蝦多士配上芥末醬，既香脆又特別惹味！酥炸椒鹽海鮮，口感很像墨魚丸 ，真特別 ！叫完一份不夠喉，又來一個。菠蘿咕嚕蝦，賣相假可亂真，差點看不出是素食，味道酸酸甜甜，很開胃。香煎日式鹿茸菇餃子，爽口又不油膩，值得推介。蘿蔔糕有兩款選擇，香煎及蒸的，特別適合我這很熱愛蘿蔔糕的人。黑松露炒麵，看起來沒什麼特別，但味道惹味可口。蔬菜有很多選擇， 我們叫了“紅棗雪耳湯浸鮮蔬”雪耳湯清甜配合新鮮的蔬菜，可口而健康。“ 翠玉瓜山藥炒藕片”清新爽口美味!甜品也有很多種類，朋友要了熱的“紅棗桂圓蓮子露” ， 而我則選了凍的“桂花桃膠雪耳”， 感覺入口清涼、潤喉又不太甜。此放題有很多不同類別的

今日星期六，晏就放工近近地去左觀塘食，搵左間素食餐廳, 佢有一個尚。中午黎到食飯既人唔算多，所以二人都可以坐到４人台夠晒闊落。新春放題，只係$148加一服務費。見到點餐紙好多款式就決定食放題。不過建議餐廳可以寫番價錢牌，因為見店員每次都要講放題價錢。大部份野食都主要以鮮蔬及菇菌製作特色菜式，全部菜式為純素。野食種類都幾多，腐皮卷,蝦多士,辣子雞丁,菠蘿咕嚕蝦,泰式肉碎蒸鮮竹,大棗銀耳蒸南瓜,乳香蒸素蚌片,黑松露蒸茄子🍆蒸腸粉，叉燒包，香脆春卷，芋頭糕，香煎蘿蔔糕，蒸蘿蔔糕。松露金耳節瓜盞，松露扇貝，黑松露糯米燒賣，黃耳翡翠粥，紅菜頭炒飯，金耳荷葉飯，黑松露炒麵，四川擔擔麵，桂花桃膠雪耳, 紅棗桂圓蓮子露, 紅豆椰子大福放題食物太多款，介紹一下個人推介。黃金蝦多士，多士脆卜卜熱辣辣，加埋沙律醬好好味。香煎日式鹿茸姑餃子紅棗雪耳湯浸鮮蔬，唔知菜係唔係日日唔同，我食既係娃娃菜，好淋好入味。台式三杯猴頭姑，辣辣地，好惹味。　紅豆椰絲大福，皮比較厚身, 好煙UN，紅豆加椰絲絕配。　桂花桃膠雪耳，桃膠係好有益既食物，成碗甜品食落完全冇罪惡感。

喪飲喪食一晚之後，今晚真係要齋戒一下😜，傳統齋菜要做到好味之餘又要不油不膩其實唔容易，今晚就專登去左朋友大力推介嘅呢間尚素試下。餐廳提供全素菜式，中式煮法，晚市有套餐， 不過我同媽咪都係想單點一啲自己鍾意嘅菜式。冷盤點左涼拌苦瓜，苦瓜好新鮮爽脆，入口冰涼， 好適合餐前食。跟住我地點左嗰個牛肝菌香煎芙蓉鮮竹，餐廳用左鮮竹，攤平做成芙蓉蛋餅狀，在面上舖上牛肝菌，然後慢慢煎香，牛肝菌嘅香氣滲入鮮竹，超好味呀！怕齊菜太清淡， 我地就叫左個辣子雞丁，辣椒泡辣辣得嚟好香，素雞煙韌，呢個菜好惹味。最後加個客家豆腐，豆腐好新鮮， 滑得嚟但實在，唔會一夾就碎，上面仲釀左一點素肉。味道好好。餐廳嘅用料好講究，而且標榜冇味精，所以好健康，可惜佢嘅份量都唔細， 原本想試埋炒飯，但怕食唔哂只好放棄。下次等我全家出動先嚟試埋其他款式啦。