尚素 (已結業)

近排食肉食得多，都想食下素菜，觀塘日升中心嘅「尚素」最近推出咗「新春放題」，星期六日嘅下午可以食，$148一位再加一，假日可以任食兩小時，都幾特別同抵食～ 選擇都非常豐富👍🏻 有香口嘅炸嘢食，例如蝦多士、椒鹽海鮮都非常有驚喜😍，而且好好食😋 亦有點心例如蘿蔔糕、芋頭糕、春卷、叉燒包、腸粉等～ 亦有唔同嘅餸菜，例如辣子雞丁、菠蘿咕嚕蝦、三杯猴頭菇、款款都好味👍🏻 亦有粉麵飯同埋粥，不過我哋食點心都食到好飽，所以冇叫到～ 最後仲要買甜品，桂花桃膠雪耳、紅棗桂圓蓮子露、紅豆椰絲大福、有機物麥芽米通，款款甜品都非常好味👍🏻 食素食放題真係第一次，食物質素好，有驚喜，好味又健康，而且真係幾抵食👍🏻 新年去食真係一個唔錯嘅選擇～