尚素 (已結業)

最近我開始嘗試素食，主要為左想食乾淨d，對身體負荷都少d，今次試左觀塘的尚素。我自己個以人唔太鍾意食素肉，感覺上無左食素既意義，呢度好多既菜式都係以鮮蔬同姑菌製作。order左一個新春晚市套餐，先來前菜珊瑚撈起，黑松露糯米燒賣同柚子三色串燒。兩款前菜都好得人歡心！燒賣沒有平常食個d既肉騷味，食落更多舒服，而且更能帶出黑松露既香味。柚子串燒好開胃，意想唔同同香姑都咁夾。珊瑚撈起都唔錯，食個意頭野。主菜方面太多選擇，真係好難揀，最後叫左「古法乳香蒸蚌片」同埋「干窩黑牛肝」。前者南乳味好香，蚌片又爽口，索曬d汁，完全洗左素食一定口味好寡既形象。後者加左辣椒一齊炒，辣辣地好開胃，而且有腰果增加口感，好令人喜出望外。