寶哥火鍋 (已結業)

約了一大班朋友去了旺角睇黑鳳凰，之後順便去了附近食火鍋，旺角通朋友就帶了我們去這間樓上火鍋店。餐廳主推半任食海鮮火鍋，四人以上可以選鴛鴦鍋不另收費，我們就是點了猴頭菇鯊魚骨湯拼皮蛋芫荽豆腐湯，前者十分足料，味道鮮甜帶點回甘，後者有很多芫茜皮蛋。海鮮拼盤有七款新鮮海鮮，蠔、龍躉、蜆、蝦、鮑魚、象拔蚌及貴妃蚌，全部都很新鮮，鮑魚彈牙、蝦肉結實爽口、貝殼類完全無沙。另外還有八款自選火鍋配料，有花膠仔、豬腳筋等較貴價的材料，薄切封間牛肉肉味較濃郁又有咬口，豬腳筋連點豬肉，豬筋很腍，蝦丸及墨丸每次必叫，這兩種手打丸，爽口彈牙，裏面有蝦肉及墨魚粒，絕對貨真價實。而其他任食就包括蔬菜及雜菌、雲吞及各種丸類，款式甚多，丸類更是高質，彈牙有味不糊口。除此之外，另外加$20就可以任飲汽水及茶等，平均兩百多元就可以食到海鮮及各種高質食材，性價比高。

今晚老豆生日，佢就好鍾意打邊爐，就帶佢去了旺角這間樓上火鍋店，以半任食為主，有海鮮拼盤、八款自選食物及多款任食丸及菜，價錢都是$198，不過就不包飲品，但任飲都是加$20，二百元多在旺角都算抵食。我們點了猴頭菇鯊魚骨湯拼皮蛋芫荽豆腐湯，鯊魚骨湯裏面有些參鬚，味道有甘，用料十足，而芫茜湯則較下火。海鮮拼盤有蝦、鮑魚、蠔、龍躉、蜆、象拔蚌及貴妃蚌，海鮮全部都很新鮮，而且清理乾淨，貝殼類全部無沙，鮑魚爽彈，鮮甜無比。自選八款配料質素都極高，其中蝦丸及墨丸新鮮彈牙，蝦丸裏面有粒粒蝦肉，封門牛柳肉腍且有肉香，響鈴及炸皮魚應該是新鮮炸起，十分香脆。其他任食丸就試了牛筋丸，唔好以為任食就係平野，牛筋丸應該是外面賣緊5-60蚊斤的貨式，非常彈牙又不糊口。魚腐則吸收了湯底鮮甜，好似飲湯咁。整體食物質素高，主要因為食材新鮮，而且價錢抵食，可以再同朋友幫襯。

平時出街食野都未試過寫食評，但呢一間好值得我開人生第一個差評 🙃首先，我同另外兩個朋友book左20:00前離座，一上到去，空間比較細，一個客都冇，都做好心理準備🤭🤭店家好好人俾我地免費轉鴛鴦鍋，但呢間火鍋店只可以話係"半任食"，丸類麵類等等免費，海鮮有一盤（每款每人只有一粒，除左蟶子，有兩三粒😹），其他只可以total 叫八碟，再叫需要加錢。而嗰日我地去，佢地有好多野都話冇矖（唔止一兩樣），仲要問左先知，我就當佢新開張準備不足。對於火鍋黎講，我suppose 嗰八樣都有一定份量，點知我錯了。其中兩樣叫左黑豚肉，數左一碟原來得七，八塊超薄片🤔魷魚鵝腸內臟等等，每兩樣食物擺係同一碟，姐係得半份portion ，不得了。唯一欣賞既係佢個雞既份量係半隻，但唔好expect好好味。至於任食食物，魚皮一定expose左係空氣好耐，一食就知，勁大陣膠味🤦🏿‍♀️🤦🏿‍♀️，我睇好評話魚皮好新鮮好脆，我當下既心情係：？？？大家可以想像到其他食物係咩標準，就不多加評論了。總括而言我地唯一滿意既就係雞既份量同豉油都幾好味，但呢個價位其實仲有好多選擇P.S 唔明點解冇人寫差評，奉勸大家如果要去試既話，最好20

之前係佐敦食過一次超正! 原來依家旺角都開左分店同佐敦店一樣都係任飲任食! 食材一樣多，湯底都有好幾款同朋友揀左豬骨湯! 湯底超足料，好多豬骨!火鍋套餐有海鮮拼盤送! 又鮑魚又蟶子又龍躉，非常豐富。而且食材食落好鮮甜，正!另外仲有半碟雞😂雞肉夠香夠腍唔會韌，有雞味最正係佢既牛肉，有一份係封門柳，牛肉味夠香濃，而且食落有咬口，超正!仲有魚肚食，滑挘挘，夠彈牙又有手打魚滑蝦滑，新鮮好味大大件脆肉鯇，爽得黎夠口感，超正😆

為咗限量版波鞋，點都要去花園街波鞋街跑一轉，買到心頭號跟住就係寶哥火鍋開餐慶祝朋友生日，價錢十分抵食，每位 $198 性價比高。很早之前已經幫襯過佐敦店，由火鍋界猛人寶哥親自主理，以新鮮食材見稱。旺角分店水準依然不錯，價錢再優惠一點，主打半自助仼食火鍋。首先選好湯底，招牌蟲草花水鴨湯 有特色，湯底材料高質又豐富。待幾分鐘滾起後蟲草花味道香濃鮮甜，店長建議我們先品嚐靚湯，然後才加配料打邊爐。品嚐靚湯的同時，7款時令生猛新鮮 亦自動奉上。估唔到咁優惠嘅價錢都可以吃到每日時令生猛海鮮，包括：深海龍躉肉、日本廣島清水生蠔、蘇格蘭蟶子皇、紐西蘭活刀貝、活鮑魚、生猛海蝦等等，新鮮程度令人興奮。吃過美味的海鮮，很快就到另外8款高質升級配料排隊出場。砂爆魚肚、白鱔片、牛坑腩、頂級安格斯牛小排、日本黑豚肉，真係食到停唔到口。而且質素確實係高，怪不得說是升級配料也真的沒有誇張。個人特別推介牛魔王必試的本地牛坑腩，滋味無窮！好了到任食的部份其實我們已經差不多，因為時間關係我們大概點了手打丸、雲吞、水餃、午餐、蔬菜都是打邊爐的好朋友。我尤其是每天新鮮製作特別的食材﹐今次推介汕頭牛筋丸、鯪魚釀豆卜。朋友生日聚會

係旺角想食番餐火鍋當然有大把選擇，識飲識食就自然會搵到好嘢食，而且價錢超值又食到心水食材咁至精明，就今次去左呢間樓上火鍋店開餐，開頭仲以為去買AV產品，因為前身係AV產品人氣朝聖集中地，講番是日火鍋都係俾一個超值價錢，就可以品嚐一餐半任食火鍋，當中包括有七款時令生猛海鮮同八款高質升級配料，以及任食丸類蔬菜等配料，至於湯底方面都有十多款口味選擇夠細心，再點埋心水火鍋配料就開始品嚐是日火鍋，係食之前可以先飲番啖用料十足蟲草花水鴨湯，先來出場有生猛海鮮拼盤賣相夠吸精，有深海龍躉片、海蝦、花甲、活刀貝、生蠔、蟶子皇同活鮑魚，接住有升級配料，有手切封門柳牛肉、頂級安格斯牛小排、本地牛坑腩同新鮮農場走地雞等人氣食材夠晒豐富，火鍋配料亦逐一放入鍋內等一陣就食得，識食就梗係先食海鮮，食落每款鮮味十足，尤其龍躉片肉質鮮嫩之餘仲食到飽滿嘅骨膠原，鮑魚爽彈口感一流，花甲同活刀貝鮮味十足，再來係品嚐牛肉時間，每款食落都各有特色保證食得滿足，食完一輪美味火鍋配料仲未完啦，接住有任食配料又可以食到鮮蝦雲吞、水餃食落有驚喜，再點埋其他特式肉丸同蔬菜繼續享用一下，一餐完美火鍋食到最後又點會少左食番啖麵吸收湯汁精華食得

自從上次同朋友係寶哥火煱菜館食過一次火煱之後，覺得抵食，今次同屋企人再來過，先打電話訂枱先，準時七点半上到去，先叫個豬骨湯底，貪佢料夠多，198元套餐包括有七款時令海鮮，呢次有鮑魚，海蝦，聖子，班片，另外火煱配料揀咗有手切封門柳牛肉，鮮蝦雲吞，忘不了魚皮餃，娃娃菜，手打三寶丸，本地新鮮牛脷，黃沙雞潤，海鮮拼盤先到，先將海蝦同鮑魚放落個湯先，然後再放班片，班片只要淥大約一分鐘就食得，食完班片再食海蝦同鮑魚，時間啱啱好，生猛海蝦味道鮮甜，鮑魚都大隻又爽，再食吓牛脷，都好冧，魚皮餃同雲吞都係自己包嘅，皮夠薄，再放啲娃娃菜落去索吓啲湯汁，更加好味，屋企人話呢間火煱店服務同食物質素都非常好，下次再來過。

今日又約咗幾個老友去食火煱，朋友揀咗一間係花園街叫做寶哥火煱菜館，198任食，又有七款時令海鮮奉送，好在朋友訂咗位，因地方唔係太大，如果唔訂位就要等，都有好多人等位，侍應招呼我地坐下，跟住推介我地食呢個套餐，我揀咗豬骨湯底，先嚟係七款海鮮拼盤，包括有鮑魚，聖子，海蝦，班片，蜆，蚌。先放海蝦同鮑魚，再放班片，班片只要淥分零鐘就食得，好新鮮，再食埋海蝦同鮑魚，一樣好有水準，火煱配料就朋友揀，飲品梗係啤酒啦配料選擇咗有唐生菜，新鮮農場走地雞，特級美國肥牛，頂級安格斯牛小排，日本黑豚肉，手打蝦丸，牛小排好冧，黑豚肉好爽，走地雞都好滑，幾個人飲吓食吓不知不覺已經食咗兩個鐘，侍應提醒最後柯打，我地都食飽哂，費事再叫，就叫侍應埋单走人。

話說女友放假，因為佢唔放假係唔會出九龍食飯，所以今日可以約佢去食呢間寶哥火鍋🍲準時7點正去到，唔駛等直接入，但係已經坐滿8成人，都幾好生意🤤今期新張優惠$198 +1服務費任食，有一個海鮮頭盤，選擇8款+任點類蟲草花鴨腿湯底，依個湯底真係好正，基本上我食咗大半隻鴨，因為女友唔識食，所以我食哂，佢就飲湯，湯入邊啲蘿蔔都好正，可能因為放咗蘿蔔所以個湯特別甜其實我估唔到有依個海鮮拼盤，店員俾我嗰時，我仲以為佢比錯咗我😂因為估唔到任食火鍋會有個咁靚嘅拼盤女友點咗3款牛+1碟豬，佢話分量點解咁少...其實我都估到最後佢都係話飽，又係要我食晒🐷啲海鮮滾熟咗真係鮮甜到不得了，特別聖子同鮑魚，女友都讚👍🏻鹹檸七，女友飲咗一啖即刻叫我試，好夠鹹檸味，因為之前同佢去飲其他嗰啲鹹檸七，佢成日投訴唔夠味，叫我幫佢同服務員講加多啲咸零，但係今次佢讚到飛起🤤人頭豬腦，比女友話咗成晚我係🧠🐷墨魚丸係我致愛，所以四粒都係我自己食晒依個係湯底嘅蘿蔔，好甜又冇喳👍🏻仲有忘不了魚皮餃係任叫任食嘅，都非常之好食總括來講，依間寶哥性價比相當高，會翻啅😋最後走嗰時，女友留低咗把遮，店員追出樓梯俾返我哋，非常值得一讚👍🏻👍🏻👍🏻

呢排成日都去打邊爐/放題😂有朋友問我有咩好推薦💓今日就等我分享最近食過覺得最有heart嘅就係🍲寶哥火鍋味館🍲好多人打邊爐都鍾意去連鎖店/出去任夾任拎果種有甜品有雪糕有飲品，果啲的確好多選擇但係食材嘅質素就未必好🍲寶哥火鍋味館🍲呢度就冇呢啲門面野，賣點就係食材新鮮同靚料高質‼️佢係半任食火鍋，按人頭送上7款時令生猛新鮮➕8款高質升級配料，同埋任食丸類、蔬菜.而且一開始最令我驚喜嘅係✨湯底有別於一般嘅選擇😳有猴頭菇鯊魚骨湯啊😍梗係要試下佢啦！打邊爐都有靚湯飲，真係唔可以錯過！湯黎到，等佢滾一滾起，我同男朋友一人飲左兩碗👍🏻因爲真係好飲，冇味精，仲有猴頭菇嘅清甜味，微微嘅鯊魚骨膠質，好味💓之後梗係要揀食材啦，8款高質食材真係好難揀🙈心大心細好多都想試，不過食肉獸嘅我梗係要叫牛啦💓叫左安格斯牛小排同埋手切封門柳牛肉🐮拋下書包 🎒先，封門柳係好濃牛肉味而且同橫隔膜連住嘅果舊肉🥩，一隻牛得一舊架咋‼️平時冇可能會喺任食嘅火鍋店食到，一場黎到梗係要試啦😍佢睇落唔多油花，所以食落都唔會咁有油膩感，反而牛味就好出好濃😋而且無渣同「林」身👍🏻大大力推介必試‼️‼️‼️‼️‼️‼️.除左肉，仲有每日提供嘅7️⃣款時令生猛新鮮

這晚到旺角逛街，在波鞋街偶爾見到這個牌就吸引了我們上去了。一個價錢$198, 當中包括了任選一個火鍋湯底，7款時令生猛海鮮，8款升級配料和任食丸類蔬菜。先看看湯底選擇好多啊，有成十幾個，但當晚因為身體狀態不太好，所以選了個清清的芫茜皮蛋鍋。就算是芫茜皮蛋鍋也絕不馬虎，芫茜很多，所以整個鍋都超香！7款海鮮有海蝦，鮑魚，廣島蠔，深海龍躉肉，紐西蘭活刀貝，蜆和大大粒帶子。記得全部的海鮮確是新鮮，深海龍躉肉非常肥美，廣島蠔超香甜，活刀貝爽口彈牙，帶子非常鮮甜厚肉！然後升級配料選了手切封門柳牛肉，這個很鮮甜，肉質緊緻，不錯不錯。本地牛坑腩爽中帶柔軟，男朋友讚不絕口。手打三寶丸有牛丸，墨魚丸和鯪魚丸，記得墨魚丸超鮮甜又彈牙，牛丸可以，鯪魚丸咸了些少。即炸响鈴是香港人打邊爐必點的。任叫的部分其實都有好多，這次我們主要叫了唐生菜。飲品就不包的，要另行散叫。另外值得一提的是秘製醬汁，很特別，咸又不是很咸，有些少甜甜，蒜的道味很開胃。其實閒日晚全場真的滿很熱鬧，講真這價錢以這些食物質素確實令人滿意，男朋友更大讚這間食材好食，安全起見大家記得訂位啦。

今晚喺旺角食飯，呢間寶哥火鍋有個套餐幾吸引，每位198蚊，2小時任食，包左每位7款海鮮、8款升級配料同任食丸類、蔬菜，好似幾抵，一於試試。佢喺花園街，離遠都見到招牌。早場都好多人，心諗：咁西利我地坐果張2人枱，都可以，唔算話太逼嘅，稱唔上闊落。店員好有禮貌，首先過來解釋左餐牌點叫法，佢地有一張大D嘅點菜紙，好清晰寫左套餐內容。7款海鮮由餐廳提供，時令貨，一般我見之前D相都係蝦、鮑魚、蚌、蜆、蟶子等等8款升級配料主要係D肉類例如牛、雞、手打嘅丸、脆鯇等等，唔係任食架，人頭份量。最後就有約超過40款丸類、雲吞、水餃、蔬菜、麵等等任食。呢度冇收醬油費，所以豉油係由店家提供，唔會好鹹。湯底方面有10款，例如香辣、麻辣、豬骨、蟲草花水鴨、蕃茄、椰子等，我地點左椰子，可能佢地太繁忙啦，最終都等左超過15分鐘先上到湯底，好在D海鮮有冰底海鮮就應該有兩位嘅，不過由頭到尾只係出左一位俾我，影出來好似好寒酸。好在質素都ok，有一隻蟶子皇、兩隻蟶子仔、魚腩、鮑魚一隻、桶蠔一隻、蚌一隻、蝦一隻鮑魚新鮮架，食落好爽彈。蚌都好新鮮，好甜呢。8款配料我地揀左頂級安格斯牛小排同手切封門柳牛肉，兩款都好好食啊，有牛味，

天氣愈來愈熱食量相對減少每次出外吃飯都不知想食什麼最後, 選擇火鍋因為不用諗之餘仲可以慢慢坐享受下同囡囡歡樂時光,所以搵左間又近又可以任食的火鍋店寶哥火鍋位於旺角地帶店內雖然簡單但都寬闊的地方因為第一次來, 都怕不好食, 不過見店內有好多年青人同有不少老顧客來食,我都覺得應該可以先要個火鍋湯底以猴頭菇鯊魚骨湯為主先選左指定任選8款升級配料美食.滋補花膠仔手打蝦丸自制墨魚丸日本黑豚肉限量豬腳筋鮮嫩豬肚仔豬仔蝴蝶腩本地牛坑腩之後選其他任食丸類蔬菜配料.不久先來個7款海鮮配料盆其實其他任食火鍋多數比刺身,今次比刺身更豐富就是光澤肥美的海鮮特別肥大鮑魚及脹爆大生蠔因為怕生蠔太生, 煮得比較耐居然甘好味, 鮮甜不講縮水亦不多.好抵食.鮮鮑魚亦是超值.大隻厚肉,加上都怕生口.同樣煮久些依然肉質爽脆,用少許醬油配味已經夠味真係意外驚喜.湯底來到第一件事, 先放限量豬腳筋,不是太大隻,好新鮮, 而且需要時間煮,先放落鍋慢火煮,最少半小時之後拿出豬腳筋,肉嫩柔軟之外, 嫩滑腳筋,帶有大量骨膠原, 入口滑流每隻豬仔得兩條豬腳筋,必食鮮嫩豬仔肚仔,事前已經煮咗八成再放落湯煮後, 清爽口, 加上清洗乾淨。沒有

依家啲任食benno越嚟越貴,質素又唔係真係咁好，況且我比較鍾意食海鮮，係朋友嘅介紹之下，試吓寶哥火鍋。好似話原本原價係$298依家$198就可以食到半任食火鍋。一嚟到即刻叫咗個海鮮拼盤，海鮮拼盤可唔可以再追加，不過份量都幾多，有鮑魚啦有貴妃旁有蝦等等，海鮮都算幾新鮮不過唔係特別鮮甜。湯底方面我就叫咗個比較特別嘅猴頭菇鯊魚湯，估唔到入邊嘅猴頭菇几好食。 呢張綠色form嘅話我哋四個人可以揀8款，當中嘅手切牛肉超級無敵好食，如果下次再嚟食應該會全部叫晒呢隻牛肉。另外仲有啲丸類，質素就比較普通啦佢哋都係牛肉同埋海鮮正啲

今日同大家推介一間幾唔錯嘅火鍋店！最近去咗呢間寶哥火鍋味館度打邊爐覺得幾唔錯分享下🤣🤣..........我哋叫咗猴頭菇鯊魚骨湯湯底清清地得來又夠味👍🏻一開始佢會送上一盤海鮮有深海龍躉肉、海蝦、活鮑魚等等佢啲海鮮不得了！非常新鮮😆😆............另外佢嘅火鍋配料都好多佢會比兩張點單紙 一張可以揀八款另一張就係任叫我哋叫咗牛小排丶豚肉雞丶炸魚皮丶響鈴等等嘅火鍋配料特別想推介係佢嘅芝士丸同魚皮餃佢嘅魚皮餃真係超好食！！！另外佢啲丸都好唔錯 好多都係手打同自製的..........整體而言 火鍋配料好新鮮！海鮮亦非常唔錯👍🏻呢間主打半自助任食，只需$198便可享用原價$298的半仼食火鍋，7款時令生猛新鮮﹑8款高質升級配料﹑以及任食丸類蔬菜個人認為價錢相宜 質素唔錯👍🏻👍🏻😆..........寶哥火鍋味館地點: 旺角花園街75-77號花園商業大廈1樓#寶哥火鍋味館