141
3
6
港鐵旺角站 E2 出口, 步行約2分鐘 繼續閱讀
電話號碼
35869520
營業時間
今日營業
08:00 - 17:00
18:00 - 02:30
星期一至日
08:00 - 17:00
18:00 - 02:30
付款方式
AlipayHK 支付寶 現金
其他資料
網上訂座
Wi-Fi
深夜營業
酒精飲品
自帶酒水
切餅費
賞訂座積分
加一服務費
電視播放
當面支付
有關獎賞計劃
食評 (152)
等級4 2019-11-16
14 瀏覽
天氣轉涼 又係打邊爐既好季節🌬 經過波鞋街個邊見到呢間寶哥火鍋做promotion $198就可以食到7款海鮮 8款星級配料 同任食其他丸類同蔬菜 點會唔心動🤤湯底有成10款可以選擇 有辣有唔辣 仲有好多滋補靚湯 我哋就揀咗猴頭菇鯊魚骨湯 貪佢比較少見 初頭會淡味d 不過之後加左海鮮同肉類就變得好鮮甜👅7款海鮮係按照人頭分配比你嘅時令海鮮☺️ 我地今次就有海蝦 鮑魚 生蠔 龍躉 刀貝 花甲 象拔蚌😋 真係全部都好新鮮 特別係海蝦好彈牙👍🏻8款星級配料大致上分為肉類 手打丸類 內臟等等 我哋就揀咗墨汁墨魚丸 鴨血 手切封門柳牛肉 頂級安格斯牛小排 西班牙羊肩肉 滋補花膠仔 滑雞件 限量豬腳筋😆 當中我地最鐘意食既係墨汁墨魚丸同頂級安格斯牛小排 墨汁墨魚丸真係好有墨魚味 比平時食開嘅更好食又有口感😋 牛小排油脂分布均勻 不過份量唔多 如果想食多d可以叫2份架😉至於任食丸類同蔬菜我哋都試過唔少野😆 佢最好嘅地方係你點既每款佢都唔會比好大分量你 咁就可以保證唔會浪費食物 又可以試多幾款👍🏻 最好食最推薦既係佢地既丸類餃類 特別係韭菜餃 魚皮餃 牛筋丸😆 餃類餡料豐富 丸類爽口有肉汁 真係幾正架😚 連飲品都係任飲 呢個價錢好抵食🌟 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-25
72 瀏覽
近日天氣涼涼地,帶點秋意,啱哂最鐘意打邊爐嘅我😌行過見到呢個燈牌👀每位$198有7款海鮮+8款星級配料+任食丸麵蔬菜;有海鮮,又有任食,好抵喎!二話不說拉埋男朋友一齊去試下。湯底有10款!最吸引係有幾款滋潤湯水!可以先飲湯後邊爐😋除咗海鮮拼盤,仲有30款以上升級配料,可以從中揀8款;仲有任食丸麵菜,真係開心大滿足😍飲品加20蚊就有各式飲品任飲!包括汽水/啤酒/果汁/茶,連韓國燒酒同王老吉都有!如果想飲埋特式飲品就可以選擇加38蚊,檸茶/檸水/檸樂/檸賓,茅根竹庶馬蹄水都可以任飲!湯底我地揀咗蟲草花水鴨湯,打邊爐前飲番幾碗滋補湯水👍🏻湯底好足料,味道香濃,非常清甜😋海鮮盤:生猛海蝦、活花甲、活刀貝、深海龍躉肉、日本廣島清水生蠔、日本元貝、活鮑魚。海鮮盤非常新鮮,海蝦肉質彈牙!鮑魚鮮味十足!元貝好鮮甜!生蠔飽滿creamy!龍躉嫩滑!貝類冇沙,啖啖肉!八款自選升級配料,我地揀咗:手切封門柳牛肉頂級安格斯牛小排特級美國肥牛本地新鮮牛舌本地牛坑腩日本黑豚肉百花釀油條炸魚皮我地兩個牛魔王揀咗5款牛😂一次過食哂5款部位,口感味道各有不同,相同嘅係,肉質同樣鮮嫩滋味!黑豚肉肥瘦適中,肉味香濃。炸魚皮好脆,就咁當小食都得。百花釀油條嘅墨魚滑好彈牙,非常鮮味,下次嚟要試下佢地嘅自家手打丸!任食配料方面,食材都好高質!個人認為汕頭牛筋丸、羗汁豬筋丸、雲吞、水餃、韮菜餃都係必食之選!兩款肉丸鮮味彈牙,肉汁豐富,係放題火鍋比較少有嘅配料!餃類都係手工餃,皮薄餡靚!今次發現嘅呢間火鍋店堅係高質抵食!睇嚟會成為我同男朋友今個秋冬嘅火鍋飯堂🥰 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-05
409 瀏覽
有一日經過波鞋街,收到張傅單寫住寶哥火鍋, $198就有海鮮火鍋,另外還有任飲任食,好想試下,我就記住了,下次約朋友去試!這晚就和朋友去一試,坐低之後店員介我們介紹,原來加$20就可以任飲,最驚喜的是有韓國燒酒,超市買一枝都不只這個價錢!另外還有各式各樣的飲品,啤酒的種類都有好多!之後就揀選湯底,有十款湯底可以揀,我們選了咸菜胡椒豬肚湯。湯底好足料,開胃的胡椒味,好暖胃!之後店員就送上一盤7款時令海鮮,有海蝦、生蠔、活刀貝、蟶子、膏蟹、蜆和龍躉片,最令我感到驚喜的是膏蟹,好香的蟹膏,蟹肉鮮甜!其他海鮮也很讚,特別是龍躉片,魚皮有咬口,魚肉有質感!說真的,這盤海鮮已經值回票價!另外有8款自選配料,花多眼亂,好多都好想食!矜貴罕有食材有滋補花膠仔、頂級安格斯牛小排、豬腦等等。我們點了安格斯牛小排、羊肩肉、鴨血、黑柏葉、墨汁墨魚丸、爽脆黃喉、脆肉鯇、黃鱔片。牛肉好嫩滑,牛味香濃!脆肉鯇新鮮好爽脆,爽脆黃喉淥十幾秒就食得!除了自選配料還有40款任點任食嘅火鍋配料,各式各樣丸類、蔬菜和麵食,我特別推介魚腐,口感軟綿綿,好好食!加了醬油錢,任飲$20,以200多元的價錢來說,火鍋店雖然沒有很華麗的裝修,這個半自助火鍋放題真的是超值,最重要是食物都很非常有質素,值得再來! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-04
229 瀏覽
相約好友聚會,地點選了這間火煱店,皆因餐廳推出一個幾抵食的海鮮火煱半放題套餐,包括有十選一火鍋湯底、7款生猛海鮮、8款升級配料、任食丸類蔬菜、任飲指定飲品,寶哥火鍋由火鍋界猛人寶哥親自主理,以新鮮食材及城中靚料吸引一眾食客。以這晚初秋的日子,是嘆火鍋的好時機, 店子地方整潔而檯也擺得不算密,環境整潔燈光火猛, 以電磁爐加熱加上通風系統,環境算得上企理。對著熱辣辣的火鍋, 要些飲品來降溫是常識吧, 廳餐近入口的位置有三個大雪櫃, 裡面擺滿了多款飲品,足以應付不同食客的口味, 部份飲品是套餐內任飲的, 其他飲品是需要額外加錢的。從十款火鍋湯底之中選了蟲草花水鴨湯, 是個滋補的火鍋湯底, 清澈的湯頭是火候十足,湯料的精華已滲入湯水之中,味道濃郁也鮮甜,水鴨肉也是嫩滑好吃, 可先喝湯水,之後再用作火鍋湯底。接著便是<7款生猛海鮮>, 是以海鮮併盤送上來, 包括有深海龍躉肉、生猛海蝦、活花甲、日本廣島清水生蠔、活鮑魚、蟶子、象拔蚌仔,各款海鮮也是新鮮的,鮮甜味十足, 整體的水準也是滿意的。再來<8款升級配料>, 頂級安格斯小牛排雪花紋理分明, 油花充足,紅潤光澤,是好貨色, 夾一片放進熱湯裡,來點略拖幾下,待牛肉的表面轉了色就可以吃了, 口感嫩滑而牛肉味頗濃郁,中間也夾雜油脂甘香,好吃。本地牛坑腩夠腍身,瘦肉的部分也不太韌,有水準的。脆肉鯇魚片是非常新鮮的貨色, 入口果然脆口彈牙, 鮮味十足, 索滿湯汁也當然風味十足, 美味之極。爽脆白鱔片切得片片大小均勻, 灼熟後鱔片的肉纖維縮了後便會厚起來,吃起來是鮮味爽口, 有水準。新鮮農場走地雞的份量較多, 雞件整齊排列在碟中, 雞件本身夠滑,也是鮮嫩的; 爽脆豬天梯係豬上顎嘅軟骨, 每隻豬身上只有一塊,口感是相當爽脆。滋補花膠仔入口是爽滑的, 對女仕們有養顏作用; 墨汁墨魚丸是黑色的,令賣相更加特出,食落鮮味十足,也夠彈牙。還有<任食丸類蔬菜>, 點了皇帝菜及油麥菜, 色澤翠綠,既新鮮又嫩滑; 芋頭片粉嫩和充滿芋香。這一餐是吃得滿足, 海鮮火煱半放題套餐的食物水準也不錯,地方也企理舒服, 如果相約朋友一起來個火鍋聚會, 這裡也可以放入考慮之列。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-28
228 瀏覽
今日打邊邊,男友選去了寶哥火鍋,好抵食的火鍋!服務員哥哥有耐性又好客,主動幫助添湯,食材也好快到,有客人不小心讓飲品倒了在電爐上,服務員無罵人還幫忙清潔及叫客人小心,讚!態度一流!環境是簡潔唔花巧,有獨立房間,也有大廳,還有幾部電視讓客人邊食邊睇!$198這價錢包括了一個海鮮拼盤、8個自選食材及任食任點的餐紙!湯底選擇:有辣有唔辣的湯款,我們選了老闆推介的猴頭菇鯊魚骨湯底!足料又健胃之選:大隻香濃猴頭菇、鯊魚骨好多片好香魚味,再配上其他湯料,如:沙參、紅棗粒等。新鮮海產拼盤:7種不同海鮮:每種2隻,每人一款:新鮮爽口大蝦、2隻彈口煙韌鮑魚、大大原粒帶子、厚身彈口龍蠆、鮮甜肥美蠔肉、大大隻爽口蛤蚧;8款自選食材款式好多,讓客人自家選擇,如多款手打自製丸類;炸物:魚皮、響鈴;特色沙爆魚肚、百花釀油條、各種肉類:美國肥牛、牛舌、牛坑腩、羊肩肉、黑毛豬、本地雞;魚類:鯇魚、鯇魚片、白鱔、內臟等,每種食材足料豐富,推薦美國優質鮮紅嫩滑肥牛、脆口鯇魚脆片、脆卜卜唔油膩的炸魚皮、彈口香濃羊味的羊肩肉、手打三寶丸(陳皮鯪魚、彈口墨魚、香軟牛)等任食任飲:任食食材都唔少,除了各種翠綠蔬菜、清甜飽滿粟米、瓜菜(薯仔片、炸芋頭片、白蘿蔔,更有各種菇類(金菇、雞肶菇、鮮冬菇),丸類(入味香口牛筋丸、醬爆芝士丸等)、餃餃(好正煙韌魚皮餃、足料韮菜餃、彈牙爽口鮮蝦雲吞);豆腐黃豆類(大大吸汁好正魚腐、冰豆腐、鮮枝竹等),最後唔少得粉麵(日本出前一丁公仔麵、馬尾粉絲、韓國薯麵等),食到我地好飽飽!任飲出面雪櫃罐裝汽水、茶類、果汁,或加錢任飲特色飲品! 繼續閱讀
(以上食評乃用戶個人意見 , 並不代表OpenRice之觀點。)