寶哥火鍋 (已結業)

今日行完旺角又望下有咩好食，經過波鞋街見到有$198任食火鍋，包左7款海鮮，另外可以揀8款升級配料，其餘既可以任食，見價錢幾抵於是就上去試下~坐低之後店員就叫我地揀湯底先~呢度d湯底好特別，我地就揀左個平時出面冇得叫既猴頭菇鯊魚骨湯底~另外店員話加$20可以任飲左邊雪櫃既汽水同茶類飲品，打邊爐喎，梗係要飲汽水啦!事實證明我地係正確~因為天氣太熱我地頭5分鐘已經飲左4罐野飲~😂之後我地就揀野食，8款升級配料揀左炸魚皮、百花釀油條、手打三寶丸、手切封門柳牛肉、即炸響鈴、本地牛坑腩、墨汁墨魚丸、日本黑豚肉。好快個湯到左~奶白色好吸引!撈下d渣發現原來真係好足料!未食之前真係要飲下d湯~好鮮甜~好快d海鮮就送到上黎~包括有鮑魚、紐西蘭活刀貝、海蝦、深海龍躉魚、花甲、大蜆, 同蚌~款款都好大隻!食落冇沙又鮮甜，尤其是鮑魚，夠大隻又洗得乾淨，咬落口趙勁十足! 深海龍躉魚雖然得兩片但夠厚肉，而且冇腥味~點埋呢度既秘製醬油真係一流!之後其他食物陸續送到，即炸響鈴真係新鮮即炸，上檯仲熱辣辣，係湯度拖一拖即刻拎上黎食，非常好味!肉類方面手切封門柳牛肉脂肪頗多，但勝在牛肉味濃，手打三寶丸亦唔係來貨，有鯪魚丸

旺角買完波鞋搵地方食晚餐經過花園街附近見到寶哥火鍋邊爐兩舊水就可以半任食好似幾抵咁就入左去試蟲草花水鴨湯/皮蛋芫茜豆腐湯水鴨經長時間熬製肉味清甜滋陰潤肺；皮蛋辛澀甘鹹配搭芫茜清熱下火用黎打邊爐做火鍋湯底啱哂生猛海鮮餐廳按每日時令提供七款生猛海鮮包括深海龍躉、紐西蘭活刀貝、蘇格蘭蟶子皇、日本廣島生蠔等多款貴價食材好抵餐廳提供近五十款升級火鍋配料每枱客人可以任選八款份量會按人數分配新鮮帶膏鵝腸鵝腸色澤粉嫩而且肥美甘香；內臟處理得當唔會有羶押味手切封門柳牛肉封門柳係牛橫隔膜下嘅肌肉每隻牛淨係得少量所以較為罕有；油花較少但肉質腍滑肉味濃重頂級安格斯牛小排安格斯牛肉味香濃而且肉質軟嫩油花分佈均勻特級美國肥牛肥牛相對安格斯牛小排油脂豐腴而且口感柔韌本地新鮮牛舌牛舌薄切稍微輕灼已經食得；口感爽彈脆嫩日本黑豚肉豚肉偏厚肉質嫩滑而且味清唔羶爽脆白鱔片白膳魚肉細嫩冇骨而且肉質爽脆鮮甜滋補花膠仔花膠含有豐富膠原蛋白具有美容養顏作用深受女仕歡迎；口感爽滑得黎略帶膠質黏稠另外更可以兩小時內任食近五十款丸類蔬菜丸類丸類款式唔多但勝在冇雪味整體質素唔錯；水餃雲吞都係手工包製皮薄而且餡料飽滿蔬菜蔬菜款式夠多而且翠綠爽

11/07/2019 9：00pm 一直以黎不論食過咩唔好食既餐廳只要佢態度唔惡劣我都會選擇下次唔去就算，今次係我第一次打食評，因為我真係忍唔倒！話說今日收工好肚餓，對於一個大食量既人一諗就會諗起任食邊爐，原本係去食大窩口但係佢要等足一個鐘，當然會令我放棄啦，之後上網搵睇下邊間打邊爐好食，就睇到留言話依間好食，諗都冇諗就即刻去，去到樓下要行樓梯因為lift到唔到，拿拿聲落單叫左個湯底先，但係等左15分鐘都未滾，正所謂打邊爐最緊要係過爐阿嘛，好啦終於見到個湯底有少少氣息啦，就試下啲配料先，點知個湯底淡到完全唔似係打邊爐湯底，都算諗住掂豉油食，點知啲豉油好似溝左水咁，啲食材完全唔新鮮都吾知放左係雪櫃幾耐，成餐都5知食左啲咩落肚。好啦半自助加左錢任飲，每次去拎野飲都比職員眼啤啤，唔通佢係係到數住啲人飲幾罐？呢間野係冇正常火鍋店有嘅醬油調味料，如果你要既話係需要加錢，真係樣樣都同你計住，愈食就愈嬲，真系嚴重講句好似食緊屎咁😡😡😡見到鋪頭細細一入門口戈時就即刻問個職員收唔收卡，個職員好爽快答左話收，咁埋單時用信用卡比，點知個女人話食呢個餐冇得碌卡，真聽到笑左出黎，明明一開始就話收，而且出面啲廣告

11/07/2019 9：00pm 3人聚餐今日收工好肚餓，對於一個大食量既人一諗就會諗起任食邊爐，原本係去食大窩口但係佢要等足一個鐘，當然會令我放棄啦，之後上網搵睇下邊間打邊爐好食，就睇到留言話依間好食，諗都冇諗就即刻去，去到樓下要行樓梯因為lift到唔到，拿拿聲落單叫左個湯底先，但係等左15分鐘都未滾，正所謂打邊爐最緊要係過爐阿嘛，好啦終於見到個湯底有少少氣息啦，就試下啲配料先，點知個湯底淡到完全唔似係打邊爐湯底，都算諗住掂豉油食，點知啲豉油好似溝左水咁，啲食材完全唔新鮮都吾知放左係雪櫃幾耐，成餐都5知食左啲咩落肚。好啦半自助加左錢任飲，每次去拎野飲都比職員眼啤啤，唔通佢係係到數住啲人飲幾罐？呢間野係冇正常火鍋店有嘅醬油調味料，如果你要既話係需要加錢，真係樣樣都同你計住，愈食就愈嬲，真系嚴重講句好似食緊屎咁😡😡😡見到鋪頭細細一門口戈時就即刻問個職員收唔收卡，個職員好爽快答左話收，咁埋單時用信用卡比，點知個女人話食呢個餐冇得碌卡，真聽到笑左出黎，明明一開始就話收，而且出面啲廣告又唔寫清楚只收現金。第一野食真係好難食，吉野家大快活打邊爐都好食過佢多多聲，呢個價錢呢啲材料呢啲質素真係徳興

聽住油尖旺的朋友講過下寶哥唔錯，一直想叫他帶我去試下。今日終於湊得齊人開餐，開心~~~寶哥係樓上，位置不算多，但是我地去到已經幾乎坐滿人，全部都似老街坊食客，實無走雞啦！朋友推薦食海鮮拼盤，材料新鮮，樣式豐富，桂花蚌、鮑魚、魚片、蝦、花蛤等，聽講因時節不同，海鮮種類會變。雙拼湯底（椰子🐔＋番茄）番茄湯底好飲，用來打邊爐煮海鮮都幾好味喔:-O因為朋友是大胃王，所以仲好開心可以refill野食，食材都好好食。尤其是d牛！野飲要加錢，所以我都是飲湯算啦

旺角行街睇戲去到夜晚,最後都要搵野食,行到去波鞋街發現樓上有一間舖名好光既寶哥火鍋,大家都累就選擇左呢間啦.當時都已經10點啦,都仲有唔小人,呢間野好似新開,但客人同店員都好似非常熟咁,原因係因為店員非常好傾,我地第一次黎,佢都用好似朋友既感覺去同我地介紹.呢間野好特別,一半係只可以點一次既食材,一半係任食既食材,款式仲要好多好多,一定食到飽,唔夠仲可以有雞煲/其他熟食.自選款式我地選擇左:日本黑豚肉,滋補花膠仔,即炸響鈴,日本黑豚肉非常嫩,煮一陣就可以食,唔會太硬,超好味,仲有花膠仔唔係到到都有,佢仲要唔係用普通花膠,我感覺比起出面特別膠質重響鈴一睇就知係自家炸,咬落特別爽脆.其實材料多到爆,兩大盤可以放滿滿,其中娥姐粉果(韮菜),原來係韮菜餃,皮薄餡勁多,每一啖口入面都係滿滿既韮菜,超正,重點係轉頭見到原來係自家包,全部都係佢地自己做,任食自家包既餃都係第一次,其他仲有好多唔同既菜類,有冬瓜,生菜,栗米,蕃茄,蕃薯苗等等,種類比係出面仲要多,呢D都係任食.咁樣食法都只係$198 其實真係平靚正!!!又多一個好選擇.

一間新開係旺角花園街75-77號花園商業大廈1樓既火鍋。樓梯已經有大大張海報，198蚊有十幾樣可以任食，仲有十幾款靚材料可以選擇，又可以雞煲，又可以火鍋，仲可以散叫，非常多元化既餐廳，唔通呢盤生意真係有得做？我第一個上去試下先。餐廳位置普通，唔算太大但又唔細，飲品每人加20蚊就可以任飲，都好平呀！地方都算乾淨，坐底後每人會有一碟豉油，跟住就開始睇湯底。－猴頭茹鯊魚骨湯－材料十足，猴頭茹都有起碼4-5個，仲有瘦肉，紅棗等等，好濃好甜，仲要滋補強身，健脾益胃， 降血壓、降膽固醇等等既好處。－海鮮併盤－之後就會黎一個超大盤既海鮮，當中包括有：鮑魚，貴妃邦，海蝦，蠔，花蟹，龍躉魚片等等，十分多，下面有個冰底凍住，確保新鮮，當中鮑魚煮左都唔會縮水，咬落彈牙，內臟清潔得好乾淨，龍躉魚片既魚肉嫩滑，魚味勁濃，魚皮膠質非常重，最特別花蟹，估唔到咁新鮮，勁鮮甜多肉，每一啖都有好厚既肉走出黎。另外佢有一張紙，裡面只可以選擇８款食物，我選擇左手切封門柳牛肉，頂級安格斯牛小排，特級美國肥牛，水魷魚，日本蟹柳等等，3種牛有3種唔同既感覺，手切封門柳牛肉有口感，頂級安格斯牛小排特別嫩滑，食落唔洗用太多牙力，特級美

喺波鞋街買完波鞋好肚餓🥺， 上咗去呢間樓上火鍋館， 主打半自助任食，只需$1️⃣9️⃣8️⃣就有7️⃣款時令生猛新鮮﹑8️⃣款配料同埋任食丸類蔬菜， 特色係連湯底都有1️⃣2️⃣款坐陣﹐例如招牌寶寶香辣鍋、秘製豬骨湯、猴頭菇鯊魚骨湯、雪蓮果椰子湯、蟲草花水鴨湯、銀杏胡椒豬肚湯等， 我哋點咗胡椒豬肚湯，食落非常惹味😍。.一黎就上左一大盤造型好吸引嘅新鮮海鮮😎，有深海龍躉肉、海蝦、活花甲、紐西蘭活刀貝、日本廣島清水生蠔、鮑魚， 一食就知新鮮， 唔落任何調味已經好鮮甜 , 大蜆完全冇沙👍。.火鍋配料都有非常多選擇，有d 食材係比較罕見嘅，例如：牛骨髓，本地牛心頂等等。配料選擇：牛魔王必試的本地牛坑腩、本地黑柏葉、本地牛脷﹑汕頭牛筋丸、手打鮮牛丸、蝴蝶腩﹑手切封門柳、頂紙安格斯牛小排、砂爆魚肚、滋補花膠仔、新鮮鯇魚卜、八爪魚鬚、正宗日本蟹柳、手打蝦丸、鯇魚卜、水魷魚、脆鯇腩、脆鯇片等等， 選擇太多不能盡錄。.🎖️重點推介：本地牛脷，頂紙安格斯牛小排， 質數同出面啲肥牛冇得比♥️， 一食落口就知係高級食材， 正！亦都推介大家點下忘不了魚皮餃，同伴大讚好食❗~~~~~~~~😋味道: 9/10📸賣相: 8/10🛋️環境：8/10💁‍

入面環境細，有d逼，但食物質素尚算唔錯。我地叫套餐食，有個海鮮盤（蝦、蠔、鮑魚、蜆...),都算新鮮的，跟住有兩張點餐紙，一張係只可以揀8樣野（肉類丸類為多），另外一張就可以喺指定時間內任叫，但任食𠴱張就無咩肉揀，菜類為多。所以唔算多選擇！整體算ok la!

今次黎打邊爐，呢度係樓上舖，個場5算好大，環境都幾清靜，一路默默食一路傾計都幾舒服👍🏻落左單之後d野食上得好快，無幾耐就擺到成檯都係野食，好有滿足感😝好彩最後我地都食得曬🤣呢度d湯底都幾特別，我地揀左猴頭菇鯊魚骨湯同雪蓮椰子湯☺個鯊魚骨湯入面仲有d人參、杞子圓肉同紅棗，飲落好甘甜，係養生之選😀另外椰子湯都好香，兩個湯底都好jeng呀😇野食選擇都絕對唔少ga😉有d比較罕見，甚至仲有花膠仔、牛骨髓😮海鮮拼盤有蠔、象拔蚌、聖子等等🦀而咁多款野食之中，我比較中意食冰豆腐、鯪魚釀豆卜、西洋菜同魚皮餃🤤5知大家又會中意食d咩呢？不過呢到選擇咁多，梗有一款啱你嘅🤘🏻而且重質又重量，係我好推薦嘅火鍋小店💁🏼‍♀

餐廳：寶哥火鍋 (旺角)地址：旺角花園街75-77號花園商業大廈1樓任飲任食火鍋平時就食得多，最近去咗旺角一間叫寶哥火鍋嘅火鍋店，$198加一有半自助任食火鍋，見到個半字以為好唔抵？不如即刻睇下呢個價錢有咩食先啦除咗有七款時令海鮮，仲可以係五十款升級配料入面任揀八款自己鍾意食嘅嘢，包括花膠仔、砂爆魚肚、八爪魚鬚等，牛魔王系列亦都有八款，就好似頂級安格斯牛小排、牛坑腩、牛心頂、牛骨髓等，係好多火鍋店都無嘅美食而丸類、菜類同粉麵就係飲食，有成四十幾款，加加埋埋接近一百款美食比你去選擇，點會唔滿足呢同班朋友一齊去食，因為滿左4個人嘅關係，我地可以揀鴛鴦湯底，連湯底都有十個選擇，媽呀😂有選擇困難症真係好辛苦，樣樣都想食想試，最後我哋揀咗雪蓮椰子湯同埋猴頭菇鯊魚骨湯，非常足料，未開始打邊爐果陣試過下啲湯底真係好清甜滋補，完全食唔出有任何味精時令海鮮點可以唔提一下佢呢，龍躉、海肉蟹、海蝦、生蠔、蟶子、活刀貝、花甲，真係好！新！鮮！係平價火鍋餐廳食到咁高質嘅海鮮真係好少有，唔單止海鮮肉厚多汁，齋睇賣相就已經覺得夠哂新鮮甜美，老細可唔可以嚟多盆呀？西班牙羊肩肉平時普通嘅羊肉片就食得多，羊肉都係第一次食

之前食開佐敦既寶哥，唔係去開買波鞋，都唔知搬左落嚟花園街呢度！仲要$198 任食，梗係要去捧下場！大佬！ 7 點上到去都人山人海，地方無以甘大，不過人氣一樣旺，滿滿麻辣香味！$198 有任食任飲之餘仲有海鮮食，真係唔食過都好難令人相信！ 有鮑魚，生蠔，海蝦，斑腩，賣相ok, 食落都鮮味十足！睇下隻鮑魚幾鬼新鮮，唔係雪到硬晒嗰d ,大大隻食落鮮甜彈牙！大大隻香甜肥美既生蠔除了海鮮外，仲有唔同類型既配料order, 有8 款精選配料，好似肥牛，牛坑腩咁！其他都丸類，菜類都係任食！我哋叫左個麻辣拼豬骨湯，麻辣味十足，都幾香，另外豬骨湯底用料都豐富！任食配料， 雖然係任食，不過都落足料！魚皮餃大大粒！任食蔬菜配料，淮山，木耳都有供應！精選配料推介百花釀油條！滾完之後仲係脆，墨魚滑非常彈牙，口感十足呢！仲有脆到爆既響鈴都千唔好錯過！

老同學聚會，火鍋係不二之選。日前經過見列，非常吸引，於是聚會當日一於嚟寶哥嘆火鍋。有好幾種湯底選擇，種種都好吸引，最好揀咗椰子🥥湯+番茄🍅湯。鴛鴦鍋，一次可以滿足2個願望。正到痹，無得頂。跟手仲有好多可以任食，選擇都好多，肯定夠食。另外仲有可以叫8款配料。而且仲有一大盤海鮮拼盤。呢個價錢，咁大一份，唔駛有咩意見啦性價比就是王道。食火鍋，菜都係主角，食食下都會滯，要食翻多少菜。火力十足，滾滾下兩邊都差唔多色水，但仍然香濃。當然唔少得飲品，但要任飲就要加翻廿蚊啦。

火鍋食物令朋友期待，想吃火鍋，慢慢聊天。獨家限定！任飲任吃火鍋備有多款湯底選擇，麻辣雞煲，胡椒豬肚湯底，番茄濃湯底等共不少款湯底～入座之後亦可以選了，店員也會很好給予醬油碗，配了孜然、乾辣椒、豆瓣醬，非常惹味，辣味慢慢慘出，用來火鍋非常不錯喔。先選湯底，隨後亦有紙仔讓人選上最想吃的東西，當中包括了自家製手打丸*氣孔細而密，吸盡湯汁，那一絲的Q彈，棒。肥牛片片夠厚，口感和肉味不俗。輕入湯味已沁心，口感柔韌，不乏彈性。烚烚下，也就發現火鍋料份量很好，份量會落足心思，最特別莫過於脆肉鯇魚片。鯇魚片切薄，細骨切斷，因此涮後啖啖肉，且肉質爽口緊致，不錯！喜歡用台灣貢丸來作鍋料，這種香味叫人開胃，餐廳人不算多，上菜快速呢～價錢合理，近５０款材料，很飽也。

係波鞋街行街經過見到廣告牌寫住$198有七款海鮮，八款升級配料同同丸類蔬菜任食，都幾抵咪又試下。湯底叫咗猴頭菇鯊魚骨湯，都好足料，滿滿骨膠原。首先出場嘅有海鮮拼盤，非常吸睛，有龍躉肉、海蝦、活花甲、紐西蘭活刀貝、廣島生蠔、蟶子、鮑魚。樣樣野都非常新鮮，自己最推介嘅係鮑魚，爽口彈牙。升級配料個人最推介嘅係牛小排、響鈴、手打丸。牛小排入口即溶，肉質嫩滑，完全唔un，油脂分布平均，打邊爐首選。響鈴即叫即炸，小見。手打丸新鮮，最鍾意墨魚丸，真係有粒粒墨魚喺入面，其餘兩款丸調味都唔錯。另外黑柏葉都屬於少見，你普通白色嘅牛柏葉更加爽口。食到呢度都飽左七成，另外仲可以叫番啲蔬菜中和返。