寶哥火鍋 (已結業)

$198半任食火鍋呢個價錢食到六款海鮮再加八款自選配料同任食丸類，都算幾抵食㗎。雖然話質素不算太高，但睇在價錢份上都可以接受既。畢竟$198竟然可以食到蚌、鮑魚、原隻花蟹、生蠔等海鮮🦞都咪話唔抵。講返食物質素先，海鮮尚算新鮮食落唔會有沙。蝦🦐肉爽口，而且都幾大隻，肉類則不過不失。另外店內有雞肝、粉腸等內臟可以叫。大家記住內臟要完全煮熟才可以吃哦。蔬菜也挺新鮮，娃娃菜十分嫩。丸類推薦芝士丸。總括而言，不過不失的半任食海鮮火鍋店🤣🤣.🏠寶哥火鍋 (旺角)旺角花園街75-77號花園商業大廈1樓

去完波鞋街買野，朋友仔話帶我去食好野我緊係話好啦....行上一層樓梯，見到寶哥火鍋$198任食，正喔，係我最愛嘅打邊爐喔我地2個揀左蟲草花水鴨湯底，嘩嘩嘩，果2隻鴨脾，大到不得鳥試下個湯先，鴨味濃郁，我連續飲左2大碗喔....跟住送上海鮮拼盤，蟹肉鮮甜，而且夠實，龍躉肉質香軟 ，鮑魚size都幾大隻👍👍見到好多枱都嗌左牛肉，可惜我同朋友仔都戒左牛肉，所以嗌返個鱔片食先鱔片新鮮爽口，正喔食物種類夠多，而且加$20就可以任飲，真係超值喔

今日同老公和兩個朋友去行波鞋街諗住入貨。點知離遠見到一個好吸引的招牌。 寫住兩小時任食火鍋。有自選7款生猛海鮮加8款升級配料 再加任食丸類蔬菜只係198。 即時 feel到個肚 打緊鼓 二話不說沖咗上去。 一入去已聞到一陣陣 辣辣 的香味。 剛好有枱埋單。好好彩 不用等位。 湯底方面有成十款咁多 。我哋叫咗 香辣鍋 另外係芫茜皮蛋鍋。 好快海鮮跟住上枱有蟶子皇。鮑魚。桶蠔 。帶子 同埋大 大大件 龍躉魚 。大 蚌 等等。 全部都好新鮮。鮑魚仲係 生猛的 。 八款 升級配料 我哋揀咗頂級安格斯牛小排 同埋手切 封門柳牛肉。好大件好 厚肉 有牛味 。叫埋黑豚肉 。鱔 片 仲有新鮮手打丸。 一路食住都聞到 其他抬叫的 好香的香辣雞煲。 原來好多人叫架。 可惜我 唔食辣味 否則 一定要試下。 接著我要強烈推介 那個 爽脆豬天梯 。豬仔蝴蝶腩。豬展筋。 呢幾款都係其他火鍋店比較少食到的。 最後 我們 當然係飽到攬住個肚走啦。 每人198真係超抵食啊😋😋😋😋

$198超班任食火鍋而家香港打邊爐，一個似樣嘅湯底就已經一二百蚊，估唔到寶哥嘅任食火鍋湯底一d都唔馬虎，猴頭菇鯊魚骨湯勁足料，一開蓋就聞到濃濃嘅猴頭菇香！$198係半任食，包7款時令海鮮，雖然冇得任添，但上枱嘅海鮮都係大大件，非常有睇頭！😍鮑魚同蟶子皇最鮮甜！仲有蝦、花甲、生蠔同青口，同行嘅海鮮控都表示十分滿意👍🏻特選配料揀左厚切鱔片同女士至愛花膠仔，養顏之餘，仲煲到個湯好滑！手打蝦丸墨丸足料彈牙！必食本地牛心頂，牛味勁濃又有趙口！鮮雞件成隻雞都有😮好抵食！！響鈴係即炸，上碟果陣仲熱辣辣，就咁食已經好好味！加$20就可以任飲！除左清熱飲品，仲有韓國梨汁同烏龍茶，最抵就係啤酒都係任飲範圍🍻值得翻桌！

寶哥火鍋正正在旺角花園商業大廈，我今日有時間就來到試嚇。上到去見到已經非常多人，好在不用等位。餐廳主打火鍋，在樓梯口已經見到火鍋的廣告資料，火鍋半自助任食，隻需$198便可享用原價$298的半仼食火鍋，7款時令生猛海鮮﹑8款高質升級配料﹑以及任食丸類蔬菜，嘩，抵食，所以就被吸引過來了。海鮮套餐$193/位，啤酒汽水任飲$20/位。鍋底要了鴛鴦鍋，寶寶香辣鍋小辣併猴頭菇鯊魚骨湯。湯底的材料相當高質豐富，鯊魚骨湯底見到一條條的鯊魚骨及玉竹，猴頭菇非常大件，還有紅棗、元肉、杞子...等，餐廳建議先品嚐湯水，然後才加配料打邊爐，味道果然香濃鮮甜，這是一個滋潤又養生的湯底，我們每人都飲了2大碗。先上海鮮盤，有鮑魚、海蝦、深海龍躉肉、紐西蘭活刀貝、蘇格蘭蟶子皇、日本廣島生蠔及蜆。各款海鮮都非常新鮮。當中最愛鮑魚爽口有鮑魚味。龍躉腩鮮甜味帶濃。蘭紐西蘭活刀貝、海蝦、蜆、蘇格蘭蟶子皇又爽又鮮甜。日本廣島生蠔帶有廣島蠔特有的甘澀味，入口腍滑。還有8款高質升級配料。新鮮農場走地雞半隻，半隻份量非常足，生熟度由自己控制，灼到剛剛熟非常好，走地雞食得出的新鮮味道。還有黑栢葉、新鮮帶膏鵝腸、西班牙羊肩肉、爽脆白

每次跟火鍋控朋友外出，都會鐵定以火鍋餐廳作飯局地點。這次也不例外，尋覓到這間在花園街上樓的「寶哥火鍋」。餐廳主打每位198元的2小時任食火鍋。當天約6時抵達，食客已坐滿半場。就座位寬敞度來說，「寶哥火鍋」較為迫澀；而且筆者坐在角落位，冷氣不太足夠。環境有一點遜色。期間不時聽到食客與老闆寶哥親切交談，談話內容離不開日常鎖碎事，相信席間有不少是街坊回頭客。湯底當然選了以「寶哥」命名的寶寶香辣鍋，驟眼看有香茅、洋蔥等調味香料。點了微辣的湯底散發著麻油香，後來越熬越有辣味。海鮮數量按入座人數而定，目測新鮮度不錯。深海龍躉魚肉質彈牙，日本廣島生蠔鮮甜。肉類點了頂級安格斯牛小排和日本黑豚肉。火鍋配料同樣是按人數配給，以免浪費食物。白鱔片頗為爽身，但進食時要小心魚骨。滋補花膠仔Size一點也不小，口感跟魚肚相像。豬仔潤厚身，口感偏粉腍。手打蝦丸跟自製墨魚丸均相當彈牙。上圖的食材則是任飲任食區，離不開各種丸類、蔬菜和麵類。其中一樣畫龍點睛的東西是「寶哥」的秘製醬油。入座後，職員會給每人送上一小碟。火鍋食材蘸了醬油後，咸香帶微辣，生色不少。火鍋配加多寶就可以加多個借口給自已，不怕熱氣了。

$198有7款海鮮; 我地選了海蝦, 鮮鮑魚, 龍躉片, 桶蠔, 花甲, 大蜆, 同蚌, 樣樣新鮮生猛, 十分飽滿, 睇落都吸引呀~多得店員親切的推介, 另選了8款靚d既配料; 有封門柳, 安格斯牛小排, 黑豚肉, 豬仔蝴蝶腩, 手打蝦丸, 手打墨魚丸, 新鮮豬大腸, 同鵝腸~我地每人加咗$20任飲一部分飲料, 都夠晒啦, 可樂呀, 綠茶呀, 烏龍茶呀都齊晒~因為有小朋友, 叫左個豬骨湯底, 好多大大舊豬骨比我食, 個湯底好"豬"~ 先食海鮮, 阿仔食完第一件魚便霸晒3件大叫滑又好味好肉~ 我就愛個鮮鮑多一點, 熟晒都好林, 其他花甲等有殼的無沙, 記緊唔駛煲咁耐就滑又鮮, 正~我prefer少有的手切封門柳, 其他人愛安格斯多一點, 其實我另外仲like佢個豬仔蝴蝶腩, 真係唔係咁易食到... 同埋極邪惡的新鮮豬大腸都係平時自己少食到既冷門荀野~ 如果d牛的份量再多d就perfect啦~手打丸都係expected的.. 我仲食左好多萵荀, 皇帝菜同冰豆腐, 用豬骨湯底煮成的份外好味, 明明好飽架啦, 臨尾整多個出前一丁真係大大大滿足...食食下有幾個日本客入來食, 唔似第一次來, 証

係openrice搵到這家新開的火鍋店決定一試地址位置旺角的波鞋街，係樓上舖、有大大個招牌，絕對易搵我地係星期六晚上6點就黎開餐，好彩有位，坐位唔多，建議先預訂介紹返呢間新型的火鍋店，佢係半任食形式的$198，已包按人頭配分7款海鮮拼盤（亦係吸引我來光顧的原因）龍躉肉、海蝦、花甲、活刀貝、生蠔、日本元貝、鮑魚另外需要自行選擇8款食材（如再追加就要另外付費）牛的食材非常特別的罕見﹐包括牛坑腩、牛脷﹑手切封門柳、牛骨髓、牛心頂。其他蔬菜類就可以無限追加，還有麵食、稻庭烏冬等等都是任吃的。湯底方面有十二款，四人以上可選兩款，我們就點了雪蓮果椰子湯、湯底的材料相當高質豐富，味道香濃鮮甜，建議先品嚐湯水，然後才加配料打邊爐。值得一提，上至海鮮，下至蔬菜丸類、全部都很新鮮，以質素取勝。

朋友請食生日飯，雖然天氣熱，但係火鍋都會係我夏天既不二之選，既然有人請，就對自己好d啦，寶哥火鍋！ 198蚊有7款海鮮+8款升級配料+丸類，餃類，麵類，蔬菜類任食，貴精不貴多！對食有d要求既人，我極力推薦先有湯底說起，大約有10款，由於呢次有靚海鮮，所以揀過清dd既湯底~猴頭菇鯊魚骨湯，唔hea架，真係有煲老火湯果種感覺架！7款火鍋有蝦、飽魚、石斑片、蠔、蟹，仲有2款貝殼類海鮮，每款都好新鮮，絕對唔係平時任食果種質素！8款升級配料都有好多選擇~最後揀左手切封門柳牛肉、頂級安格斯牛小排、爽脆白鱔片、牛骨髓、手打三寶丸、香菇貢丸、炸魚皮、脆肉鯇魚腩~安格斯大堆，好有牛味，食過一試難忘！2款魚都唔錯，好爽口，食得出既新鮮任食系列~鳳城水餃，娥姐粉果都一定要試，肥瘦均勻！仲有魚腐大王，大大粒魚味夠！蔬菜款式都好多架overall....係我暫時食過最好味既火鍋

同事介紹左呢間火鍋餐廳，前日終於去試咗，價錢平，只係$200 ，但嘢食嘅選擇真係好多，而且質素都唔差。湯底點左佢哋推薦嘅蟲草花水鴨湯，黎到試一試，好鮮甜，就咁飲都得，未打邊爐已經飲左幾碗之後有佢哋送一盤海鮮拼盤，樣樣都好新鮮，而且你睇到size好大，帆立貝鮑魚仔花甲同蝦又夠鮮甜跟住可以喺佢哋嘅星級配料度揀選八樣，佢勝在每一疊嘅份量唔會太多，我兩個人嚟食嘅時間可以食到好多樣食物我哋揀咗鴨血，蟮片，牛舌，鵝腸，封門柳牛肉，仲有響鈴，樣樣都真係唔錯，食材夠新鮮食完呢幾樣都基本上好飽，跟住佢仲有啲丸類同埋蔬菜係任叫，所以呢間火鍋真心性價比超高

又遇一間伏店，個爐半個鐘都吾滾，我5分鐘就火滾。睇utube又話寶哥幾有經驗，食材有幾高檔，$198任食有幾抵，食評原來個個避重就輕。上到去$198說好了的任食，真係伏。坐低，侍應介紹，湯底任選，醬油蒜容另加錢，任飲另加20蚊，海鮮盤吾洗選，牛肉呢張選8款，最後呢張可以任食，自己睇。我問：牛肉那部分可以加單？無，一次過，要咩湯底？喔，我睇睇先。大哥，我剛坐底，你講完一輪，我睇都未睇，點選湯底？另原來係有限制任食，丸菜任食，牛係限制一碟。心想咁你吾好大大隻字寫$198任食啦。算，聽聞你食材高質，都一試。點完火鍋料上枱，當場呆左，海鮮每人一件，算。連牛肉也是每人兩片，鱔又係限制，兩片，最型係雞腸，兩條。我真係呆L左，心已沉一半。湯黎，Gas爐，滾左半個鐘個爐都未滾，我同太太就滾到7彩，45分鐘終於水滾，放海鮮，7樣入邊，蝦霉、貝臭、花甲死，吓，又話海鮮主打？創興$ 128任食都無限任叫蝦，重要爽，你俾兩隻都要俾死蝦我？食完海鮮，見到4片牛肉，2片鱔片，2條雞腸，4片鴨血.....已經火到黑晒臉，食物質素吾想講，只記得生平最差既$88定$98既德興火鍋，都好食過呢埋野。最後，我同太太係任食火

朋友之前試過呢間打邊爐覺得唔錯，今晚約喺呢度食飯。呢間餐廰交通十分方便。其實就係波鞋街嘅樓上鋪。佢哋有個兩小時任食火鍋，可以自選七款生猛海鮮再加八款升級配料，仲有任食嘅丸類蔬菜。都係$198一位。海鮮嚟嘅時候材料都很新鮮，龍躉片，蝦，鮑魚。排好靚靚的一盤，賣相已經是滿分。有姿勢有實際！點左佢哋嘅頂級安格斯小牛排，牛肉嘅油脂分布很均勻，放進湯滾一滾，真的美味可口。另外丸類都好新鮮。其他配料種類都好多，基本上一定可以好味的吃到飽。

 今天在旺角工作完，朋友約我晚餐一齊吃火鍋...寶哥火鍋味館 火鍋店主打半自助任食，任選一個火鍋湯底，7款時令生猛海鮮，8款升級配料和任食丸類蔬菜，每位只需$198 ，2小時任食。猴頭菇鯊魚骨湯，先來喝喝湯，建議先品嚐湯水，然後才加配料打邊爐海鮮拼盤: 深海龍躉肉、海蝦、花甲、生蠔、鮑魚、蟶子、蚌食材非常新鮮，鮑魚、鮮蝦口感很紮實Q彈~~深海龍躉肉肉質非常嫩滑鮮美，味道好好吃!!本地手打三寶丸一次可以食到三款丸，都幾彈牙...本地黑柏葉好味也更爽...百花釀油條，油條外皮酥，咬開肉味散出，搭配口感非常迷人...滋補花膠仔，花膠仔夠爽口，推薦給女生多吃也無坊，補充骨膠原，皮膚靚靚~~  頂紙安格斯牛小排 一定要點！我的至愛，牛小排很好吃~爽脆白膳片肉質鮮美又有口感...日本黑豚肉蔬菜盤、玉米和蘿蔔，食物挺新鮮....火鍋點可以沒飲品，飲品是需要另外散叫，大大杯絕對抵飲.... ❤

完美的任食火鍋！198食到嘅任食火鍋質素可以有幾好？寶哥可以話係做到超哂班一黎見到呢個海鮮拼盤我覺得已經好amazing！樣樣都感覺十分新鮮，食落都係非常鮮甜好味隻鮑魚真係令彈牙到令我好感動唔食鯇魚腩嘅我都覺得呢個堅好味！！手打蝦丸同埋墨魚丸都好新鮮，咬落鮮甜彈牙呢個粉果其實原來係韮菜餃，不過個皮做得好薄裡面塞滿左韮菜，韮菜控必試魚皮餃都好好味，唔係cheap野！放左啲花膠入我地嘅猴頭菇鯊魚骨湯底一齊煲煲佢，個湯好快就變左勁多骨膠原嘅湯底😍😍😍😍女士食真係岩哂！即炸響鈴新鮮炸起真係好正好香豆皮味肥牛同牛小排牛味都好重，入口嫩滑👍🏻👍🏻最難得係呢度竟然有蕃薯苗食！皇帝菜同佢都好新鮮，加埋呢個湯滾滾佢真係好有菜根嘅甜香味飲品方面加廿蚊就可以任飲佢嘅罐裝飲品，最鐘意飲就係佢嘅lotte梨汁，好好味

呢到唔係全任食，但其實都食到好飽🤰🏻有跟人頭份量嘅7款海鮮+8款升級配料，丸餃菜粉麵就係任叫任食嘅。.首先自選火鍋湯底都有十款，除左基本嘅麻辣、豬骨、蕃茄薯仔湯底外，亦有平常較少見嘅猴頭菇鯊魚骨湯、蟲草花水鴨湯等等。我地就自製咗椰子雞湯底😈湯底揀雪蓮果椰子湯，然後喺升級配料嗰到揀半隻新鮮農場走地雞🐤.餐廳會送上人頭份量嘅海鮮拼盤，其實即係每種海鮮一人有一件。估唔到竟然有鮑魚，仲要連殻上。整體都幾新鮮，呢個價錢嚟講有七款海鮮食，收貨🙆🏻‍♀️.升級配料有各種牛肉、手打丸、內臟、魚類等等選擇，午餐肉、魚皮、響鈴等等都係屬於升級配料。升級配料總共可以叫8份，所以建議牛魔王可以用多d quota叫牛肉。我地叫咗封門柳牛肉、安格斯牛小排同埋美國肥牛，食落安格斯牛小排口感最好。(可以重覆叫同一款升級配料㗎，例如可以叫2份安格斯牛小排)仲有花膠仔叫！建議大家淥好耐好耐，咁樣啲花膠仔就會煮好腍好粘好有膠質咁🤣.另外亦可以任叫雲吞水餃魚皮餃丸類蔬菜類粉麵類。特別啲嘅有薑汁豬筋丸🤣食落真係有薑汁味道，都可以一試。芝士丸可能是晚冇貨，所以落咗兩次單都冇嚟🤣不過呢到任何飲品都係額外收費，飲品選擇都幾多，酒類同無