好燒式串燒專門店 (大南街)

營業中

休息中

今天來到太子附近行街，朋友介紹了一間串燒店，於是去試一下，這家店在太子地鐵站附近，非常方便，店內環境舒適，內裏空間寬躺。坐下先點一個雞泡魚乾和凍檸樂，雞泡魚乾非常香口惹味，配檸樂來吃十分一流，令人吃不停口。店員推介我們可以試海鮮，於是一人點了一隻蒜蓉扇貝，扇貝份量十分大，而且燒得恰到好處，吃下去爽口彈牙，味道極為鮮甜，而且滲透出濃郁的蒜香海鮮味，非常值得一試。我們另外點了芝士墨西哥薄餅、雞軟骨、雞中翼等等來試。芝士墨西哥薄餅餅皮脆卜卜，內裡有濃郁的芝士和分量十足既雞肉。一口吃下去芝士味道帶鹹香、雞肉帶點微辣，十分惹味。雞軟骨是一整支的，吃下去很煙靭彈牙有咬口。雞中翼皮脆肉嫰，肉汁豐富。熱辣辣吃下去口感很不俗，雞翼帶點鹹香，令人吃得津津有味。總括而言，這家燒烤點水準非常不錯，價格比較大眾化，值得大家一試。

每次去太子都是逛街，今次就是吃飯，位於太子的好燒式串燒專門店，串燒超級岩我胃口! 意粉黑松露超足！  黑松露野菌雞肉意粉 ，黑松露味道香濃配意粉很好吃，雞肉肉嫰，意粉彈牙，非常惹味的..我分別點魷魚鬚、雞軟骨、鹽燒白鱔、雞中翼、海蝦.....串燒全部即叫即燒，燒得香噴噴，要趁熱食，配有醬汁唔加配汁也夠晒味道~~雞中翼皮脆肉嫩，烤串出乎意料的好吃。雞軟骨脆口又香口，又不太油膩，很軟爛很好嚼，太好吃了吧!!一條條魷魚鬚，對於愛吃的人來說非常過癮了~  一句話，燒過海蝦絕對是好好吃，剝去蝦殼，吃起來又香又鮮又爽口，很好吃~鹽燒白鱔皮脆肉嫩，一咬落去，肉質的脂肪溶在口中，好吃到忍不住舔手指~~.❤️💛🧡

心血來潮想食串燒，咁岩同朋友去開太子買野 所以去咗食串燒！我地3個人 叫咗好幾串野食嘅其中有牛舌，安格斯牛肋肉，雞翼，多春魚，白鱔雞軟骨，芝士年糕 ，雞脾！仲有一人一隻蒜蓉扇貝！仲有黑松露雜菌墨西哥pizza同埋黑松露蝦多士我地都叫咗口味為小辣！食串燒都要少少辣先正嘅！牛舌：食落好「林」d 辣粉剛剛好吊到個味安格斯牛肋肉：都係好「林」好入味架！雞翼：皮脆肉嫩，咬落去仲有d雞油彈咗出黎 所以食果陣要小心d多春魚：都幾入味白鱔：皮就係精華，好脆嘅外皮 同埋個人本身係驚有骨，但食落完全唔覺！雞軟骨：就正常水準芝士年糕：甜甜地，好有咬口，但要快食如果唔係就凍咗冇咁好咬扇貝：滿分 其實咁樣燒真心好難整得難食架！而且食材都幾新鮮 又夠大隻 正！Pizza ：就超多芝士，都係要快食比較好 如果唔係d芝士硬哂就慘慘豬最後係蝦多士：好脆，成大啖黑松露係面！主要係我覺得d蝦口感唔夠彈牙！但味道係100分 同埋個多士好脆呢間店高質，唔一定要下下翻大陸食串燒嘅！

今晚約左朋友去太子打完波，經過港鐵站附近馬路見到好大個牌介紹好燒式串燒專門店，其實之前都見過，但都未有機會去，今晚終於有機會去食。店舖吾係好大，估吾到成9點幾都好多人。今晚叫左龍蝦汁大蝦意粉，隻蝦都好大隻，意粉好入味，未食已經聞到香味，好吸引。墨西哥薄餅芝士雞肉，薄餅鬆化，好多芝士，有少少辣👍日本番薯🍠係我嘅至愛，好甜。燒茄子好大碟，原條上😋食番D疏菜感覺係好D。煙肉露筍，煙肉夠香，露筍夠爽口。

今日放工約朋友去旺角行街，一路行，不經不覺去到太子就覺得非常肚餓，聽朋友說附近有間不錯的燒烤店，所以就去試試。這裡環境簡潔，坐滿了很多不同的人，有年輕的，中年的，甚至連外地來的遊客都有。熱熱的天氣，加上燒烤的食物，坐下來一定要点啤酒來消暑。然後我們首先点了龍蝦汁大蝦意粉，本以為燒烤店的意粉應該是一般，但出乎意料之外，味道很好，龍蝦味香濃，而且有大大隻的大蝦，非常新鮮。另外必叫的甜心蕃薯，也非常甜美。還有最愛的燒黑毛豬，燒得不太乾，非常可口。

今晚早食飯所以好快又肚仔餓啦，同老公又落左樓下間好燒式食d宵夜再回家煲劇。 燒烤有樣好 食起上嚟唔會太飽 用嚟消夜選擇最一流， 如果平時人多成班朋友 食埋海鮮就最仲痛快。其實人少都食得嘅，不過今次係宵夜關係，我都係點左少量串燒咋我個人就認為食串燒 一定要配搭啤酒先至正， 食完熱辣辣嘅串燒 在飲返啲冰凍嘅啤酒降溫 ，其實真係好爽㗎點咗幾款送酒嘅串燒， 雞軟骨，鴨舌雞，翼尖，雞柳串，正呀， 我就最鍾意"損"骨唔係好鍾意太多啖啖肉呢條秋刀魚真係燒得非常不錯 ，好香口又惹味蒜蓉包喺另外仲有一個蒜頭畀你㗎個蒜頭你可以另外食，又可以搽落個蒜蓉包度食，香噴噴 雞泡魚乾 又係一樣送酒嘅極品， 脆卜卜得泥又煙靭靭， 食完一塊想再嗌多塊，係食到停唔到口架最後當然食番蔬菜類喇，燒粟米又係 無論你去bbq定係食燒烤串燒 ，都會必食嘅喎😂

上星期約咗個朋友夜晚出嚟吹水，之前喺旺角食過呢間總店，知道佢哋喺太子開咗分店而且環境又大啲舒服啲佢哋嘅串燒真係好高質，款式都同旺角一樣，另外店員亦都非常nice, 會同我地講乜嘢係推介呢個就係因為店員推介而嗌嘅芝士雞肉墨西哥薄餅，超正芝士同雞肉嘅份量勁多，最重要係佢哋薄餅真係啱啱燒，入口非常辣口同脆口，而且仲有少少辣味，非常醒胃！另外仲同朋友一人叫咗一隻蒜蓉燒生蠔，生蠔來貨好，比起其他串燒店更食到生蠔本身嘅香甜味另外佢哋嘅串燒火候都處理得好好，每一樣都燒到外脆內嫩，不得不提白鱔真係燒得好正

上星期去打邊爐經過，已經好想試，估唔到咁快就搵到腳陪我食串燒。一入去就有滿臉笑容既店員姐姐迎接我地，感覺非常良好。串燒店黎講算好大間，店內光猛簡潔，估唔到平日9點幾都仲咁多人。原來串燒都可以有咁多選擇，揀食物都諗左十分鐘...好彩店員好好，絕對冇催促落單，仲好細心推介食物俾我。啤酒價錢好合理，啱晒送串燒。可以按自己口味調味。原條蒜蓉燒茄子，勁大條，茄子肉又夠厚，夾起一絲絲入口，好好味。鴨舌、雞軟骨、雞肉串、豬頸肉同埋雞翼尖。鴨舌好肥美，啖啖肉。雞軟骨燒到雞肉有肉汁，軟骨又夠爽夠脆。雞翼尖先犀利，原來可以皮脆內軟，唔會燒到成隻乾巴巴。鹽燒秋刀魚，日本餐廳既水準，加埋鮮檸檬汁，唔洗5分鐘成條食晒喇。燒日本雞泡魚乾，一大片好似魷魚絲咁，甜甜地，點埋沙律醬，個鮮味仲出，送酒一流。

今日同朋友好早就食咗晚餐，之後行行下又有d口痕，想食下串燒！ 每串小小地又可以share 黎食咁！之後一Search 就見到呢間 好燒式串燒專門店，我就毫不猶豫帶我朋友入咗去！因為我之前食過旺角分店覺得唔差嘅質素餐牌都幾多選擇，我地揀咗小辣店員推薦我地試鹹檸七或鮮檸七我朋友就叫咗杯鮮檸七！都ok 嘅，但感覺鹹檸七會有特色d牛油金菇包！呢個就正啦 好夠牛油，仲要好夠味！平時自己整果d通常都唔係幾夠味，因為金菇出太多水，呢個就剛剛好，而且好重牛油味！墨西哥雞肉pizza呢個味道幾好，但太快凍啦，d芝士就會硬咗，佢個皮係唔錯嘅而且都算多料係入面！d雞都多魷魚鬚，味道幾好！但一開始比d辣嗆到！而且d魷魚鬚痴得太實枝竹籤太難整出黎食得有d論盡，但味道係ok 好味嘅！最後有2串，左係日式照燒雞右係安格斯牛肋串個雞幾好，因為佢好嫩d肉，而且我欣賞佢個汁唔係甜果種，因為個人唔太好甜果種照燒汁！而牛就好入味好「林」d肉 不錯不錯呢間算係高質串燒店！

已經不是第一次來幫襯，由油麻地分店食到太子分店。太子分店非常闊落，環境更舒適，座位又多。這間新店也來過幾次，因為串燒好好吃，性價比高。由最推薦的講起：串燒豆腐，一串三大件，用炸過的豆腐，再加甜燒汁烤過， 外脆內軟，簡單食材，但造得出色。好食到encore了一次。特色蒜蓉包 - 整個蒜蓉伴著蒜蓉包，一碟四件。蒜蓉燒到軟配合蒜蓉包，絕對好味！燒菠蘿 - 用新鮮菠蘿燒，燒過仍然香甜多汁，作為甜品非常好。蒜蓉燒茄子 - 今日試咗個新食法(切片)， 輕輕用鹽調味，外皮燒到微蕉，好入味，比原條上更有口感。鹽燒白鱔 - 白鱔新鮮，外皮乾脆，可以多加調味。

極力推介斧頭扒，採用M4和牛，肉質鮮美！另外，蟶子皇和扇貝也非常鮮味，店主把蟶子皇切開用金菇放底，鮮味浸於鍵菇中，非常美味！辣酒煮花螺亦非常推介，而且份量非常多，值得一試！我們亦點了燒魚，肉質完全鎖住，一點都不會太乾！所有待應態度超好，到最後會主動為我們打包食物。

今天客戶簽完單說想吃烤串，在網上找了這家好燒式燒烤店，店名取得很好，廣東話好燒式跟好消息同音。店的裝修舒適，燈光光亮，廚房裝了透明玻璃，讓客戶可以看到廚房的一舉一動，從而讓大家放心食用。兩個人點了十樣食品，價格也平民化，最喜歡吃的有芝士墨西哥薄餅，裡面有拉絲芝士，雞肉和紅椒等，薄餅非常薄脆爽口。還有牛肋串，黑毛豬肋串，羊肉串，煙肉串等，哈哈，我們兩個吃肉獸～這些肉類都燒得剛剛好可以鎖住水分，讓肉類保持鮮嫩的味道。上菜的速度非常快，我們也吃得快，半小時左右就可以走人，然後帶客戶去旺角逛街了。

好耐無食串燒 平時都係幫襯紅磡好出名個間 今次朋友仔介紹呢間所以一戰！左起 豆卜 羊肉 牛肋 雞軟骨 菇燒豆卜其實好好食 配上甜甜地既粉加脆口 真係一流羊肉都好軟滑 酥味唔重👍🏻雞軟骨 幾乎去邊到都必食🤣上至下 牛舌 豬頸肉 雞腎 黑毛豬肋豬頸肉芝士好邪惡 但又真係好有咬口 好好味黑毛豬肋（希望無記錯🤣） 肉質都彈牙 不過感覺上分別不大～韮菜燒得好出色 保持到juicy又脆 加埋孜然粉真係一絕！燒菠蘿都好正 砌埋粒粒好細心！大推翠肉瓜 同韮菜一樣要燒得好juicy真係好難 😋食親串燒一定食燒茄子 同樣地係難燒 仲要配埋勁大pat蒜蓉醬 岩晒我呢個重口味之人🤤食完好滿意 以後食串燒又多一個選擇👍🏻🤤

今日黎到太子呢間好燒式串燒專門店同朋友聚一聚，佢地串燒既選擇多到數唔晒，食開串燒，燒牛同雞軟骨一定係唔少得，牛肉好嫩好滑仲要超多汁，一流，雖然個軟骨同牛相比之下冇乜特別，但都係好食。除左呢幾串野之外，我地嗌左樣主食，就係雜菌意粉，算係解一解咁多串燒既油份。咁少野食當然唔夠飽，我地仲叫左個燒茄子同燒波蘿，兩樣都燒到外脆內軟，同時亦好juicy唔會燒得好乾，睇圖就已經見到佢燒得有幾脆口。最後埋單三百幾蚊，計番都係百幾蚊一個人，我覺得價錢真係好相宜，建議大家去試下。

本身諗唔到食乜 行行吓旺角就走咗入嚟食 第一次已經比我頗深印象 環境不太差 位就唔太多 (聽老細講裝修後會多啲空間) 串燒熱辣辣 唔會夾埋幾個柯打先上搞到攤凍哂 食材亦好新鮮 肉類無雪藏味 (日式雞柳串同雞中翼好正) 又可以自己揀幾辣同要咩調味粉 個蒜蓉包好得意 自己未試過咁樣用烤熟咗原個蒜頭搽麵包 閒時亦會有新鮮海鮮供應 亦整得幾好味。但係個人覺得最好都係員工既服務態度 感覺很良好 價錢亦都合理 食到好滿足都係約130一個 一定會返轉頭！