好燒式串燒專門店 (大南街)

營業中

休息中

又落雨行經太子，見到間好燒式望下餐牌好吸引，於是入去試下。店內簡潔舒適。餐牌上有很多必食推介於是照點，串燒是即叫有專人即燒。墨西哥芝士薄餅，薄餅脆囗入面夾住濃郁熱溶芝士和雞肉，超级邪悪。串燒豆腐好得，外皮燒得脆甘香，裡面嫩滑配上店家自製泰式酸辣汁。普普通通豆腐，經廚師用心烹調後成為好菜。鹽燒牛舌。醃製後厚切經過燒烤後，焦黄的外皮加上微辣和少少咸，夠彈牙更加香酥可口，燒黒毛豬肋串，肉質细軟和多汁。燒牛肋條，牛味較濃香氣十足。燒豬頸肉和雞軟骨卜卜脆和有咬囗好入味燒茄子好重孜然粉味和蒜香。咬落好稔多汁，好食到停唔到。燒蕃薯仔好甜和芝士年糕。食到飽都係二百左右，CP值高又好味。

最近鐘情於食串燒之前聽朋友介紹一間食店今天專程黎一試地點好近太子地鐵站好方便我地黎到時都滿座非常好生意我地叫左雞軟骨鹽燒牛舌，雞腎多春魚，魷魚鬚蒜蓉燒茄子辣酒煮花螺芝士墨西哥薄餅雖然好多客但佢地好有效率食物好快就燒好送到芝士墨西哥薄餅滿滿既芝士同雞肉好香熱辣辣新鮮整好蒜蓉燒茄子同出面食開既唔同佢係切片厚厚地幾有咬口唔會燒得過淋或過硬夠入味辣酒煮花螺更加要讚份量好多花螺都算大粒多肉辛辣汁調得非常好咁好味 我好快又帶朋友再食

之前幫襯開旺角店，自從開左太子分店之後，又轉戰太子店試下，真係不得了！超好味！款式多選擇之外，食物質素仲好好，服務態度超讚！仲有啤酒、紅酒、日本清酒等可以飲，一大班朋友聚會晚飯傾偈把酒談歡最適合不過！掛住食，有啲忘記了影相一定會再來幫襯

平時食串燒都係坐係條街到,同一大班朋友慢慢『串串下』 , 但今次我就去左間室內的串燒店, 試下另一種風味~店舖裝潢寬闊,環境同顏色都令人食得好舒服食物款式不少,比起其他串燒店選擇更多我同朋友係咁叫係咁叫,食物好快就上齊晒!司華力腸燒得外脆內軟，咬落香脆可口,一定要試!雞腎串同雞軟骨串都燒得岩岩好,食落有好香孜然味墨丸表面充滿蜜糖,食落好似bbq食既蜜糖墨丸,燒到蜜糖味好香,口感仲爽口同彈牙><"雞翼都係其中一款要試既食物外皮燒到十分香脆,食落雞肉新鮮,肉味夠晒濃,鹹鹹地好岩一路飲野一路食佢!燒生蠔食落蒜味同海水味都好重,而且好新鮮,就算貴少少都係抵食既：）鹽燒牛舌超級厚身！牛肉香好重,食落去仲好軟好有口感蔬菜方面我地叫左芝士焗西蘭花同韭菜芝士完全溶入晒西蘭花內，口感又甜又可口！ 但韭菜就燒得有d太乾身,好難咬開,但味道都依然有水準

難得來到太子，想食串燒當然要去經常坐無虛席的燒得起串燒專門店。這裡串燒種類繁多，所以店家會將好幾款的串燒放在一起，我們這次點的可以大致分為肉類，海鮮，蔬菜三種。肉類：分別有鹽燒牛舌串，牛柳串，羊肉串，泰式燒豚肉，安格斯牛肋串，西班牙黑毛豬肋串。師傅火候控制得宜，燒得好香，肉汁仍保留在內，肉質嫩滑，肉味十足，個人覺得最出色是安格斯牛肋串，肉質比牛柳串更嫩滑，肉味更濃郁，油脂香味十足，價錢比其他餐廳低一點，性價比高，可謂必點之選。海鮮：分別有魷魚鬚，鹽燒白鱔。燒鱔很少店會有，當然要一嘗究竟，表皮燒得很香，魚肉有咬口，表皮煙韌，調味得宜，仍能吃到魚的鮮味，實屬難得。蔬菜：分別有燒茄子，串燒豆腐，牛油粟米，牛油金菇包。燒茄子（切片）燒得剛好，仍是濕潤，感覺清新。粟米表面塗上滿滿牛油，粒粒分明，香甜非常。豆腐簡直是外脆內嫩的代表，加上店家的甜甜的醬汁，令人回味無窮。牛油金菇用上金菇最鮮嫩的部分，在濃郁的牛油汁中浸淫著，令其充滿牛油濃郁的香味。除了串燒外還有些廚師推介，這次選了一份墨西哥薄餅芝士雞肉，皮脆，滿滿的餡料再帶點點的辣味，令其惹味非常，非常滿足。

夜晚晚先收工，想食宵夜，所以就係openRice睇吓邊度有得食串燒。見呢間比較乾淨企理，方便就腳，所以就嚟咗呢度。未食飯想叫啲飽肚啲嘅嘢食，所以點左呢個墨西哥薄餅芝士雞肉。熱辣辣嘅流心芝士真係好邪惡，加上香脆嘅薄餅皮，配上雞肉同埋紅椒，已經好好食。加上泰式酸辣醬，真係越食越想食。呢個豆腐串係店家介紹，炸左兩次之後，再去燒熱。醬汁雖然幾好味， 裏面亦都好軟熟，但係略嫌豆腐嘅皮有一點硬。叫咗食串燒必食嘅韭菜同埋冬菇，仲有雞軟骨雞肉串。全部都燒得啱啱好，香口得嚟，保留一啲水份。燒茄子同平時食開嘅原條茄子有啲唔同，個人認為原條茄子比較油蒜香味。燒牛舌都幾好食，保留肉汁，表面香脆，內裏軟熟。平時食開金菇肥牛卷多，今次試吓煙肉。都係燒得啱啱好，唔乾身。至於墨魚丸雖然唔係乜嘢特別野，但係配合特別嘅醬汁都幾夾。覺得呢間餐廳最抵讚嘅地方係，多數食串燒嘅地方都坐得唔舒服。呢度嘅地方比較闊落之餘，亦都冇咩油煙味，所以坐得舒服，都食得好自在。

今日去左尼間位於太子既好燒式串燒專門店。入面好光猛，坐位寬闊。同老公放工食番幾串串燒啤啤佢。店長好nice，一入黎就同我地打招呼同好主動甘推薦食物比我地。店主推薦左三樣食物比我地：燒豆腐，燒茄子🍆切片，墨西哥餅芝士雞肉。燒豆腐真心好味。燒出黎係豆腐外皮皮脆內軟。仲有佢既燒醬汁好入味。浸晒入豆腐入面。一咬落去濃濃既醬汁同豆腐汁浸入口腔。好惹味呀！燒茄子燒得好入味。但本人都係鍾意整條茄子！墨西哥餅芝士雞肉尼個真係推薦！墨西哥餅脆卜卜的。入面有濃濃的芝士同分量十足既雞肉。十分好味！！估唔到串燒店入面都搞搞新意思！另外，我們都叫左雞軟骨，燒翠玉瓜，羊肉串，牛肉串，豬肉串，雞中翼，鴨舌同鹽燒白鱔。普通的唔多講啦。講d值得推薦的比大家。首先，鹽燒白鱔真心推薦呀！！好好味。一上台個店主同職員都叫我地食左串白鱔先。要趁熱食。一咬落去，白鱔既皮脆肉嫩。肉質入面既脂肪溶係口中。人間美食呀！❤️❤️仲有燒翠玉瓜都好好食。係我暫時食到燒得最好食既一間。翠玉瓜有厚度，咬落去淡淡肉，仲有翠玉瓜的汁浸出黎。絕不乾巴巴的。仲有雞軟骨，尼到既雞軟骨真係一支支雞軟骨，絕對唔係一粒粒個隻。好有咬口。推薦呀！！

今日終於完左個project咁當然要同朋友去食餐好啦！朋友介紹左太子呢間燒得起串燒專門店！見佢op 好評勁多 嘩七點幾去到已經好多人！佢啲串燒種類好多，肉類 海鮮 蔬菜 仲有炸物 飽肚熟食等等～～～～我地就咩都叫啲啦先講下肉類，有我地最愛既牛牛牛：安格斯牛肋串鹽燒牛舌串，牛柳串仲有羊肉串，泰式燒豚肉同西班牙黑毛豬肋串。全部即叫即燒 所以都要等十零廿分鐘先上台架！但係一上台香噴噴 燒得好香，肉類串全部肉汁都鎖住 肉質嫩滑，肉味十足！但係講緊串串都十幾廿幾蚊 性價比極高！好喇跟住再講埋海鮮 ～有我最愛既魷魚鬚同鹽燒白鱔。燒鱔係每次食串燒必點既item ！今次都唔例外！表皮燒得好香，外面甜甜香香 魚肉彈牙 正～～最後就係啲蔬菜喇 咁梗係一定要叫燒茄子，串燒豆腐，牛油粟米，牛油金菇包。今次我地專登叫左佢個燒茄子（切片）燒得剛好，但最尾我都係覺得原條燒先係最好食...切片始終啲蒜味無咁入味....粟米好甜！！表面甜甜加埋牛油香呢個豆腐串都好出色！ 外皮加上店家的甜甜的醬汁，令人回味無窮。牛油金菇用上金菇最鮮嫩的部分，在濃郁的牛油汁中浸淫著，令其充滿牛油濃郁的香味。除了串燒外還有些廚師推介，這次選

最近突然有種好想食BBQ的感覺但天氣又好熱⋯唯有去嘆住冷氣去食串燒～都係一種好爽既食法！～去到餐廳睇餐牌 都發現幾多食物可以選擇 老闆亦都推介左幾款食物俾我哋 所以就去試吓啦 ！我哋叫咗好多好嘢食 比較特別嘅係老闆喺度介紹今日嘅新鮮海鮮 所以就叫左聖子王試下食落好新鮮又好大隻 老闆冇介紹錯 另外仲叫咗我最喜歡嘅燒鱔！每一次串燒都要叫！仲有我覺得老闆推介嘅芝士墨西哥薄餅 都好好食 薄餅入邊有好多料！食落感覺似薯片味嘅Pizza！好吸引呀⋯⋯所以最後都叫多咗一個黎食！（因爲太好食了）10分推薦大家夜晚嚟食晚餐或者當宵夜咁食 食物又多選擇 又大份又好食 老闆又好好態度好熱情介紹食物俾人 值得一試！！好燒式串燒專門店 (太子）地址：太子大南街32-34號地舖

呢排咁熱,我都好耐無食串燒, 但最近發現左一間無咩人知既串燒餐廳,仲要係室內有冷氣唔洗怕熱,決定去試一試點餐紙上列晒唔同食物,款式都好多嫁唔單止有串燒食物,仲有意粉,飯,海鮮等等我一開始就叫左蒜蓉燒茄子茄子份量好大,咬落口感軟綿,入口即溶,蒜蓉味仲好重,2隻味都好夾另一樣都係同一齊煮既係蒜蓉金菇,金菇鎖住晒蒜蓉汁,令到你一咬落去就會覺得好香好juicy牛肉同羊肉串食落都唔會好而且調味適中,完全唔洗點sauce就夠晒惹味韭菜食落都好惹味,而且好大條,一個人叫一串都夠晒飽!京蔥搽左蜜糖,咬落好甜,而且入面有夾心,口感好有趣

今日放工黎到太子搵食~朋友話呢度有間串燒好正~就跟佢黎試下~位置係太子站一出過條馬路，非常易搵~我地7點去到店內已經好多人，好彩我地人少少得兩個人可以即刻有位~睇下MENU好快就決定要叫個飯再加D串燒，最下面有得選擇辣度同配咩調味~我就全部揀左唔辣同埋要孜然粉加蜜糖~諗都覺得好味!!仲叫左兩罐食串燒必叫既可樂!雖然叫左唔辣但店員另外俾左碟辣醬我地點，咁想食少少辣都可以自己選擇點黎食~泰國露荀、豆腐串平時街市買露荀都唔平，見呢度$19有一份就叫黎試下~黎到發現份量都唔少，而且好新鮮，咬落去爽口冇渣~抵食!而豆腐串係因為見MENU寫係推介於是點左，估唔到有驚喜喎!燒得外脆內軟唔油膩，外層真係好脆好好食!面頭仲有D蜜糖甜甜地既醬汁~果然係推介菜!虎皮尖椒、雞肉串、牛柳串、安格斯牛肋串、羊肉串虎皮尖椒係朋友至愛，所以一見到即刻要點! 尖椒去籽去得乾淨，一條分成4件串為一串，有D辣勁但就算唔食辣都接受到~雞肉串同牛柳串沒有多餘脂肪，加左孜然粉同蜜糖燒得好香~肉質軟林又新鮮! 安格斯牛肋串比起牛柳串有多一重炭燒味，令整體更香!羊肉串夠軼身又冇羶味，之前年宵食過D羊肉串好多肥膏，但呢度既出品係啖啖肉

平時我都唔會特登去俾評價...但係呢間 真心覺得 不得不讚...第一次☝🏻令我一定要上網俾返個好評呀！員工同老闆 服務態度好好..野食又好食！！最喜歡既就係店鋪既燒魚同埋煮蜆...

同朋友係太子行街咁啱見肚餓 又心血來潮想食串燒 見到呢間好燒式串燒就去食下啦入到去發現原來入面唔止得串燒，仲有其他唔同類型小食睇吓我哋都買咗勁多嘢食香煎鵝肝配紅酒汁 都幾高質 鵝肝都幾大舊 煎得幾香 仲有少少鵝肝油光澤係到 食落去勁香口 配合埋香脆多士黎食都幾正 而且個多士吸晒鵝肝精華更惹味墨西哥芝士雞肉薄餅有少少辣 個芝士同埋雞肉真係勁夾 薄餅燒得啱啱好而又夠脆 拉出嚟嗰下仲有少少拉絲 唔好睇佢細細間真係十分足料 牛油金針菇包一打開個包裝超濃嘅牛油嘅香味湧出嚟 牛油味超濃郁 每一啖都有濃濃嘅牛油香其實我好鍾意食啲有軟骨成份嘅串燒 見到佢有幾樣推介嘅串燒 梗係要試吓佢啲招牌菜啦雞胸軟骨係必食 咬落去勁脆 d雞胸肉又夠嫩 而且加埋啲軟骨嚟食口感一流 燒安格斯牛肋骨都好冧 入口即溶 油脂分佈都好好 勁juicy魷魚筒 彈牙好咬口 夾埋d燒汁唔錯 仲好貼心咁樣我哋切好一舊舊燒鴨舌細細粒易入口 每一粒都有咬口 因為佢燒得岩岩好 串燒雞腎 爽口得黎唔韌燒茄子 我哋睇漏眼無睇可以有兩種燒法切片或者原條咁我哋就揀咗切片 同原條燒比較上 口感方面係厚身多肉啲咁 豬仔脾 都幾大隻，肉質鮮嫩 火候控制得唔

串燒食過好幾間, 呢間既串燒都算係特別既一間, 原因係佢地串燒既整法非常之地道。佢地既燒茄子就係一個好例子, 一般既燒茄子係一分為二再加調味料, 但呢間係將茄子打橫切開左一舊舊先再羅去燒, 食落juicy好多而且唔會太乾身。除左茄子, 串燒豆腐都係必食, 佢既豆腐係炸左兩次, 個皮炸到岩岩好, 用既燒汁好惹味, 夾落炸豆腐度效果超正, 甜既燒汁超夾脆既豆腐。牛油金菇包超足料, 食得出係用左忌廉汁去溝牛油, 非常之滑, 同金菇超夾,好滑口又唔怕太軔, 正。燒菠蘿唔會燒得太乾身, 幾開胃。肉類方面, 安格斯牛肋串又係推介, 冇太多既筋, 入口即溶而油脂又好充足, 真係好食。燒雞胸軟骨都好特別, 未食過連埋軟骨燒既串燒而且咁正, 軟骨既雞味好濃, 好食。豬仔脾勁大隻, 燒得岩岩好肉汁超足。海鮮既代表有汁燒魷魚筒, 魷魚燒得超正, 彈牙而又好夠鮮味, 佢原隻魷魚上勁大條又好咬口, 真係好好食。除左串燒, 呢間竟然仲有埋簿餅同小食。我地食左個墨西哥簿餅芝士雞肉, 有少少辣, 個雞肉好正, 味道勁出, 簿餅唔會太厚身, 加埋青紅椒同埋水牛芝士,  配搭出奇地好, 唔會好膩, 高質。下次一定再來試埋

發現一個可以啤一啤食宵夜的好地方，皆因坐得舒適，串燒又出色。See? 有幾何見到串燒店咁乾淨企理？立即望一望餐牌先，親民價啦！即時開返枝啤，再慢慢 tick 野食。健力士黑啤 $36夠凍，大枝夠抵飲。串燒質素，等我逐一品評下。豆腐$ 16想像一下，有臭豆腐的外表和口感，但一D都唔臭。非油炸而改成燒烤，外皮酥脆，內軟熟，唔油膩又多汁 juicy .....第一次咁食豆腐，好好食。大家一定要試試！炭燒牛舌串 $26大塊，夠淋唔乾，牛舌燒起上來好有牛油香味，食得出食材質素有返咁上下。多春魚 $18 （三條）已有調味，唔腥，魚春卜卜脆好好食，呢個價錢幾抵。羊肉串$18羊肉串中夾雜有肥膏部分，燒起上來份外香，正正！雞軟骨串 $16軟骨燒到脆脆地，混入椒鹽粉，好好味。一串唔夠，要 encore !墨魚丸 $16正常的墨魚丸，唔算多粉，抵食的不過冇乜驚喜。安格斯牛肋串 $24好香有牛味，肉夠大片，食起上起有口感又唔韌。而且用料新鮮，不是一味靠調味，很得。原條燒茄子 $32夠大份，而且唔會乾。叫左小辣，唔算太辣，點吓旁邊的辣汁，更加惹味， good ! 翠玉瓜 $25出奇地好好味，食起上來滴曬汁，同調