影片
營業時間
今日營業
16:00 - 23:45
00:00 - 01:30
星期一至日
16:00 - 23:45
00:00 - 01:30
公眾假期
16:00 - 23:45
00:00 - 01:30
公眾假期前夕
16:00 - 23:45
00:00 - 01:30
以上資料只供參考, 請與餐廳確認詳情
因為同同事最近忙緊個PROJECT, 所以收工夜左, 收工就一於同事食返餐好的, 所以去左另一個同事推薦既好燒式我地八點幾去到太子大南街既好燒式, 係人山人海呀, D個場面好耐冇見過啦!因為人好多, 所以氣氛好好, 令我地更加有胃口去食野蒜蓉燒聖子王(2隻)-$140呢對聖子王真係肉香嫩滑,蒜蓉醬汁入味十足,好吸引食慾!燒得岩岩好, 唔會過熟,聖子王仲保持到鮮嫩,大推薦!龍蝦汁大蝦意粉-$118蝦肉質鮮甜彈牙,配搭濃郁香濃的龍蝦汁,每一口都令人回味無窮。麵條質感恰到好處,完全吸收咗湯汁嘅鮮味。而且隻大蝦真係好大隻, 彈牙冇比!鹽燒白鱔-$49呢條鹽燒白鱔實在太勁!外表金黃色澤,入口即溶,鱔肉極之鮮嫩多汁,咸香味十足,回味無窮泰式炸蝦餅(4件)-$60呢個泰式炸蝦餅真係好特別!外層酥脆,咬落個個蝦肉都好飽滿鮮甜,入口即化。調味配料恰到好處,既有泰式檸檬香料的清新,沾醬後又帶有一點點微微辣意,令人回味無窮。清酒煮沙白-$128沙白肉質鮮嫩,清酒帶出嘅鮮甜味道十分濃郁。料理手法用心,沙白完全入味,而且分量十足,咬落香滑柔嫩,超級好食。配搭上清爽既蕃茄仔同粉絲,令整個口感清新爽口總結, 唔怪得同事推荐同埋餐廳人山人海, 因為真係好好味, 冇得輸呀, 下次會想再黎試下其他野食!
繼續閱讀
今日放工同屋企人食串燒，好燒式串燒專門店以嚴謹吧態度同埋精準嘅技藝，將最新鮮、美味嘅食材經過烤火魔法，轉化成令人回味嘅串燒🍢🍢物美價廉的好燒式串燒店，深受我和朋友喜愛，亦提供多種酒類有啤酒、清酒等等可供選擇⋄兩位老闆原來出身自酒店及高級西餐，將西餐元素注入串燒內，又不時推出新菜式。串燒方面•選擇非常多，啱晒心多多嘅港人😜海鮮係每日由街市嚴選的時令海鮮，如鮮魷魚简、扇貝、聖子王等😋以為吃海鮮一定所費不菲？餐廳價錢走親民路線，定能滿足一眾食肉獸吃個夠，難怪每到晚市都座無虛席😍😍⋄⋄====—====—====—====—✦ 海鮮類 ✦💛蒜蓉燒蟶子王（$140/2隻）新鮮肥美的蟶子王，配以香濃的蒜蓉醬汁，口感豐腴鮮甜，令人垂涎三尺🤤—🐚蒜蓉燒扇貝（$80/2隻）大顆飽滿的扇貝經過細緻的蒜蓉醃製，保留了原有的鮮甜滋味，口感彈牙🤩—🦪煙肉燒蠔（$36/隻）肥美多汁的生蠔，配以咸甜適中的煙肉醬汁，交織出絕妙的味道👅⋄✦ 串燒肉類 ✦🐄安格斯牛肋串（$30）精選安格斯牛肉烤至恰到好處，軟嫩多汁，肉香四溢😜—🐮牛柳串（$22）牛柳經過巧手烹調，入口即化，不油膩，回味無窮😎—🐥雞腎串（$20）新鮮嫩滑的雞腎醃製得恰到好處，口感鮮美多汁😎—🐖泰式燒豚肉（$42/份）豚肉醃至過夜，非常入味，肉質軟嫩，配以泰式風味，醒胃可口👅 ⋄✦ 蔬菜類 ✦🍆蒜蓉燒茄子（$40）新鮮多汁的茄子，配以爽口的蒜蓉醬汁，口感細滑，清新可口😙—🍍菠蘿（$20）酸甜適中的烤菠蘿，清甜爽口⋄✦ 意粉類 ✦🐬龍蝦汁大蝦意粉（$118）濃郁鮮美的龍蝦汁，與彈牙肥美的大蝦完美交融，意粉掛滿醬汁，鮮甜滋味😜====—====—====—====—.📌店名：好燒式串燒專門店 (大南街) (太子)’📍地址：太子大南街32-34號地舖
繼續閱讀
「好燒式串燒專門店 」一共有三間分店，之前我已經朝聖過旺角砵蘭街嘅分店，這家串燒店高水準又抵食，特別喜歡佢哋嘅燒海鮮好新鮮，仲有特色蒜蓉包配原個蒜頭，其他地方都食唔到，另外仲有大量串燒款式，而且又抵食🙌今日又去咗位於大南街太子分店，這家地理位置超級好，太子站行2分鐘就到，就喺旺角睿景酒店對面，附近有中港旅遊巴士站，幾時食都咁方便👍▪️蒜蓉燒蟶子王 $ 140 （兩隻）時令海鮮，蟶子大大隻，燒得生熟程度剛好，肉質鮮嫩又新鮮，配合蒜蓉、金菇和香蔥，非常鮮美▪️鹽燒白鱔 $ 49白鱔都係新鮮貨，魚皮香脆肉質爽脆又彈牙，店家只用海鹽調味就已經好美味▪️墨西哥芝士雞肉薄餅 $ 52墨西哥薄餅烤得熱辣辣好香脆，包住豐富嘅餡料，雞肉燒得香口又嫩滑，仲有流心芝士、黃椒，帶點香辣味道，非常唔錯▪️燒雞全翼 $ 44 （兩隻）最鍾意係即叫即燒，師傅掌握火候好好，大大隻雞皮特別香口，而且好夠入味，肉質嫩滑啖啖肉，每次必點▪️特色蒜蓉包（配原粒蒜頭）$ 40呢個蒜蓉包真係好有誠意，最鍾意佢原個蒜頭燒到腍晒，搽落即叫即烘蒜蓉包上面，真係好味到暈😋▪️芝士焗西蘭花 $ 52這個都係必點推介，西蘭花焗得啱啱好，軟腍適中，配上溶化咗嘅芝士，鹹鹹香香又惹味其他串燒保持一貫高質水準，食材高質，而且師傅掌握每款食物嘅生熟程度剛剛好👍▪️魷魚鬚 $ 28▪️燒日本鯖魚 $ 48▪️鹽燒牛舌心 $ 48▪️串燒豆腐 $ 22▪️1664 大杯裝買一送一 $ 78 （兩杯）呢個真係超抵飲，大大杯先至係$78有兩杯，啤酒送串燒一流
繼續閱讀
這間港式串燒店位於太子的大南街，鄰近地鐵站，主打即叫即燒的串燒及各式各樣的酒品。店內環境寬敞舒適，以簡約的木系作主，擺放多款酒樽，充滿居酒屋格調，適合多人聚會。蒜蓉燒扇貝 - $80/兩隻肥美飽滿的扇貝嫩滑多汁，裙邊帶爽脆，月牙位軟糯綿密。煙肉燒蠔 - $36蠔身肉厚肥大，燒得恰到好處，保留豐富的肉汁充滿海洋鮮甜味，還鋪滿一粒粒香脆的煙肉，鹹香中帶點油香。白汁芝士燒蠔 - $36幼滑的白汁加上鹹香的芝士，有微微拉絲效果，奶香好濃郁。墨西哥薄餅芝士雞肉 - $52薄脆的墨西哥餅皮富麥香，半溶化的芝士黏著嫩滑的雞肉，更有三色椒等平衡膩感。和牛肋串 - $42豐富的脂肪帶著少許肉筋，軟嫩又帶有嚼勁。鹽燒牛舌芯 - $48牛舌中最高級部位，軟嫩多汁又有嚼勁。陰公豬 - $30肥瘦相間的五花肉軟腍多汁，有冬陰功醬汁的酸甜帶辣。魷魚鬚 - $28爽滑又彈牙，塗滿香辣醬汁。厚燒玉子 - $22紮實豐厚帶點甜滋滋。豬仔脾 - $42/兩支豬後腿上的寸骨，有點像雞脾，肉質嫩滑無比。蒜蓉燒茄子 - $40軟糯多汁的茄子切成一片片，塗上惹味的燒汁及孜然粉，又有蒜香味。津路烏龍茶 - $20還有汽水及支裝等無酒精飲品。1664生啤 - $78推廣活動期間買一送一，可倫堡白啤酒由小麥釀造，綿密氣泡特別滑順，入口清新怡人。
繼續閱讀
朋友今天剛乘直通巴士由番禺返港, 在太子總站落車, 近近地, 我們約好去 好燒式串燒專門店, 食串燒飲啤酒. 此店近地鐵站, 交通極方便. 有兩個地鋪位.在門外看餐牌, 好燒式 10週年優惠, 澳洲龍蝦 $78/半隻. 嘩! 好吸引. 店內面積大, 座位多, 檯上備有彩色餐單, 可自行點菜. 食物種類有海鮮多款. 肉類有豬, 牛, 羊, 雞. 另有蔬菜, 扒, 小食, 意粉, 飯. 牆上更有多張彩畫介紹食品, 落單無難度. 飲品有啤酒, 果汁氣水. 我們叫了大枝裝朝日啤酒. 夠冰凍.第一輪串燒, 落單後約 20分鐘, 熱熱 地送上, 配備醬汁: 孜然/麻辣/泰式酸辣汁. 安格斯牛肋串/ 西班牙牛柳串/ 雞中翼兩隻/ 豬頸肉串/ 黑毛豬辣串/ 煙肉串, 好香啊! 豬頸肉串, 肉質不錯, 燒得焦香微脆, 肉味濃厚.安格斯牛肋串, 濃郁牛香, 肉汁豐富, 生熟度剛好. 牛柳串, 鬆軟, 有肉汁, 超好味. 又可以加點麻辣醬, 口感幾剌激.雞中翼兩隻, 燒得外皮香脆, 金黃色, 雞肉 嫩滑. yummy.煙肉串, 薄薄的煙肉, 包著露筍, 輕燒後帶出煙肉香味, 露筍爽口.龍蝦每人半隻, 我叫的是蒜蓉燒, 朋友叫的是用芝士焗. 上檯熱騰騰, 好大隻真吸引.芝士焗龍蝦, 芝士滿滿, 賣相不俗.用蒜蓉牛油燒, 有牛油香味, 蒜蓉龍蝦食得滋味.龍蝦厚肉, 外皮微微焦脆, 燒得肉嫩多汁, 芝士好香口. 豬仔髀, 兩支骨, 外面燒得焦香微脆, 肉質嫩滑多汁, 美味. 泰國露筍, 清甜夠嫩好好食. 低溫紐西蘭羊扒兩支骨, 火侯控制得好好, 肉質和口感不錯, 冇羊騷味, 食得滿意. 燒鳳梨, 蜜味清甜, 熱食更甜美. 食材選料很好, 價錢屬中等, 食物燒出有質素, 服務同環境都理想, 食得開心.
繼續閱讀
您可能會有興趣的...