好時沙嗲

營業中

休息中

這間店比較難找，要在詢問處問"實KILL"伯伯先知係邊。一去到，二話不說的便叫︰『兩客海南雞飯呀』，誓要一試聞各位食家所讚的海南雞飯。不過好景不常，待應來說要等半個鐘……雖然在極度肚餓的情況下，但我們仍然說︰『我等！』終於等到啦﹗立刻起筷，雞飯很香但油不多，不會太膩。湯很甜，但我分不清有沒有咮精，不過我亦沒有口乾現像。至於主角的雞，很滑，有雞味，已經起骨的雞啖啖肉極爽﹗加上三款漿料，整個飯餐全完給我們一掃而空。加上價錢吸引，才$35蚊一客，我會再常去。

終於試左大受好評的好時沙嗲, 夜晚去到果然全場爆滿, 等位時個男人仲俾我地睇上個月周潤發黎食的時候影左d相。我同朋友叫左海南雞飯, 炒蘿蔔糕, 肉骨茶及喇沙, 先黎的係肉骨茶, 聞到好香, 一飲就發覺味精已經蓋過d藥材味, 不過不失; 之後上海南雞飯, 一試個湯, 味精味重勁, 係個飯好味, 雞都唔係好有雞味! 跟住係炒蘿蔔糕, 我唔係太鍾意食咁'淋'的蘿蔔糕, 不過都炒得幾好味; 最後係喇沙, 個人覺得酸辣味個種好味d, 總括黎講以呢個價錢算唔錯喇

沙爹醬非常好味，laksa都不錯，但始終覺得灣仔蝦麵店的湯底較香濃。珍多冰的味道OK，但內裡的綠色物則太淋，麻麻地!

睇左咁多對呢間餐廳既好評，更係要帶至愛海南雞飯既阿媽黎試下。呢道都幾細，但服務好真誠。因為我地唔係好餓，所以只係點左海南雞飯和喇沙。去左骨既海南雞好味，又嫩又有雞味，油飯同碗湯都好正! 喇沙既湯底一流，連平時奄尖聲悶既阿媽都話會再幫襯。好高興見到今晚fullhouse，有個鬼佬入黎book左8人檯，聽老闆娘講呢位外藉人仕己經連續食左幾晚。哈! 好野連鬼佬都識欣賞!!

本人為海南雞飯痴，今日專程去朝聖，發現水準確實不俗，油飯甘香，雞肉嫩滑，連雞皮亦非常彈牙。最正係價錢相宜，去得過。

上文JUDITH 君談過喜歡酸辣的湯底，其實喇沙除了大路的咖哩汁溝椰奶，還有一種用亞參ASSAM 做湯底的，味道是酸酸辣辣好開胃，我無留意好時有無提供這種喇沙，如果有的話不妨一試，希望合對你的口味。

昨晚再度光顧好時, 首先叫o左個地道喇沙, 我覺得喇沙o既味道就係咖哩汁溝椰奶, d 料有蝦, 冇炸過o既魚蛋, 豆pop, 芽菜, 米粉底。我本人喜歡食酸辣o既湯底, 所以覺得喇沙唔係好o岩我口味。跟住再叫o左鹹魚仔炒介蘭, 好好味, 我未試過亦冇諗過鹹魚同菜可以有咁o既炒法。之後再叫多個黃薑雞(見圖), 等o左廿分鐘, 以為好好味。睇d 汁黃咁咁咁, 以為係咖哩味, 點知食落淡茂茂, 我食唔到有薑味囉。d 汁咁淡, 要o黎餸飯都唔得。甜品就要o左個芒果布甸。個布甸好足料, 有好多芒果係度, 讚!

人生苦短，有好吃的店，我絕對不介意一去再去，企圖以有限的胃納征服無限的美味。前天與家人再到這店開飯，剛收工從碼頭趕去的路程，雖然不算太遠，也花20分鐘才到，一邊趕路肚子一邊咚咚作響，你或者會問，犯不著這樣辛苦吧，下次再去不行嗎？可惜我就是貪吃鬼上身，多遠的地方如果有好吃的都要去，加上子陵兄大力推薦的雞飯上次還沒有試過，只好快馬加鞭去祭五臟廟。到達時有八成滿，不錯，好野當然叫好又叫座。到達時家人已經點好菜，心靈相通的老媽竟然叫了兩客海南雞飯！理由是兩客飯($70)比半隻雞($60)抵吃，果然是精打細算。海南雞飯是不是海南的最正，我還沒有機會考證，可是這裡的雞飯水準之高，以這價錢來說非常超值。上桌時除了雞還有湯，飯和3小碟調味。雞件全部去骨，肉皮皆嫩滑，連向來不吃皮的舍弟都要破戒。雞油拌過的飯恰到好處，沒有多餘的油膩。湯大概是雞湯，味道雖然淡了一點，卻一定沒有味精，有些椰菜絲清清地又是半滴不流。還要說的是薑蓉，廚師把蔥花剁得比任何一家店都細碎，混合適量的薑蓉，味道不嗆不塭，顏色像日本鬼子的哇沙比，煞是好看。以此再混黑醬油，帶點酸辣的辣椒醬，已足夠我爬三大碗飯，誰說簡簡單單材料的成不了美食？

昨日去食lunch。佢的位置都算山卡拉, 係好時中心搵左好耐先耐到呢間食肆。見大家咁推介「海南雞飯」同埋「星加坡炒蘿蔔糕」, 咁我同男朋兩個咪試下o羅。嘩! 兩個菜都好肥膩, 攪到太飽, 想叫多個菜式都唔得。海南雞飯: 根據東x 報的報導, d飯係由精華雞湯所煲成的。我食落亦覺得有好濃郁的雞味。D雞就比較肥, 但肉質尚算鮮嫩。跟飯的有個雞湯,但係我冇點飲過。D醬有薑蔥, 辣醬同豉油。我試過d豉油, 感覺就好似點緊咳藥水咁>_<星加坡炒蘿蔔糕: d人講話有蘿蔔絲, 但係我就食唔到有。呢個菜味就夠, 但係質感方面唔得, d蘿蔔糕好削。下次黎一定會試下其他菜式!

先來肉骨茶, 幾對辦喎, 聞到藥材既香味但食唔到其苦澀味, 肉排唔駛點醬料都夠腍同入味, 最正係油炸鬼索湯黎食, 唔錯唔錯. 要挑剔的話, 只是可以再香濃一些, 和不太夠熱而已.海南雞飯的雞, 賣相不算吸引, 但雞味十足, 又係唔駛點醬都得果隻. 話雖如此, 相信好難有人食海南雞飯可以忍得住唔點果三碟醬料. 至於碗飯, 掂! 好多時食海南雞飯, 雞同飯係得其中一樣正, 呢度兩樣都做得出色, 真開心~~喇沙只係用米粉, 無落油麵, 但米粉既好處係勁索湯, 湯底係星加坡式落椰汁果隻, 集甜辣咸香於一身, 好味~~~叫埋福建蝦湯麵, 初時見d湯橙色, 但食入口完全唔辣, 原來橙色既係用黎熬湯既蝦頭既膏喎. 但個湯唔算非常鮮甜果隻, 要有心理準備. 比較特別既係配料, menu上面張相明明係肉片同蝦, 原來老闆娘(我諗佢係掛) 話肉片唔太岩香港人口味, 於是用左蟹肉冬筍肉丸黎做配料. 個丸入面有橙色一粒粒既蟹膏, 好鬼鮮味. 蝦亦爽甜, 唔似係雪藏貨色.貪得意揀左個蝦膏雜菜沙律, 個樣紅噹噹, 辣就係辣, 但未至於火燒果隻. 除左辣之外, 0答真d真係有蝦膏味, 幾特別. 用料有菠蘿、沙葛、油

唔係以前來過一次, 真是唔係咁易揾到呢間小店。一坐底急急叫了幾樣必吃菜式: 海南雞飯要雞胸, 油飯香, 雞胸皮薄肉滑, $35 真底吃, 馬拉盞炒通菜, 好惹味呀! 肉骨茶, 黑黑的好濃葯材味, 裏面的骨頭煲得淋, 食哂! 可惜無飯跟... 半打雜錦沙爹, 沙爹醬味濃, 沙爹本身就較為普通... 呢餐食了$150, 下次再試其他!!!呢間小店食物好, 價錢平, 服務好誠懇... 是一間很有誠意的食店!!!

要左海南雞飯，啖啖肉，好滑，雞味ok，飯唔夠油，椰菜湯幾甜，三十幾蚊夠哂平。肉骨茶，胡椒味重過藥材味，排骨六七舊，幾「林」。串燒係燒唔係炸，satay 醬重花生味，伴碟青瓜清新，食哂。laksa 唔算辣，又係好大碗，食落有d鹹香魚味。馬拉盞炒通菜，我最欣賞，炒得好夠鑊氣，菜幼嫩無渣。每人六十幾，幾抵食。

去年在馬拉喝過真正的道地的肉骨茶，返港後念念不忘，遍尋大街小巷。可是往往世事不如人意，就連打正旗號XX肉骨茶的店都不外如是.此家好時SATAY在好多年前已經聽過，可當時印象模糊。如今偶見版友介紹，便來個久別重逢吧。在商場的一樓角落，沒有大字海報的宣傳，差點兒以為走錯地方。裝修光猛簡單，沒太多的裝飾，正合吾意。平日晚只有3台客，不免有D驚吾好食添。閒話休提，4個大人叫了以下幾味：─肉骨茶（＄40）：其他店的不是藥材味太淡就是肉不夠嫩，這裡一上桌看到顏色深深的就知道對版啦。一試之下，和MALAY比還有一段距離，藥材香味可以再濃郁一D，但黑黑的顏色倒是好相似。有5/6塊肉都幾嫩，大概6碗份量，還有一小碟油條同黑醬油給你點肉吃。─無骨海南雞半隻（＄60）-有薑，黑豉油，辣油（有D酸酸的好得意）：好滑又有雞味，有雞皮都吾覺肥<br />─沙爹串燒（＄30/半打）-例牌跟埋小青瓜，雞，豬，牛都吾錯，如果有埋糯米飯糰就更道地（系SINGAPORE試過）─星洲炒羅蔔糕（＄50左右）-有羅蔔味又軟滑.加D肉碎炒非常惹味（正過X葉咖哩屋果D）─叻沙（＄35）- 都吾記得有什麼配料，因為見到

福建炒麵好正,一定要食! 其他野就普通啦,Satay 都係一般.

試過兩次. 總括推介之小菜如下:<br />1. 去骨海南雞飯-跟薑油.黑豉油同紅椒汁- Great! P.S. 海南雞可散叫. 半隻及全隻上都得.2. 沙爹串燒-雞(So-So). 豬(正).牛(So-So)3. 星洲炒羅蔔糕-好夠羅蔔絲Texture夠鬆軟. 伴以肉醉同蝦球炒. 惹味~ 如果再加辣一點仲正.4. 咖喱海鮮- 只食過魚同蝦. 汁底正過D選料.5.薄餅- 好鬆化用黎點咖喱汁.食極唔夠喉.6. 辣豆角- 好大兜7. 海鮮叻沙- 湯底係我在HK食過最好的. 不過如果可以油面同米粉Mixed埋就仲好.侍應服務週到. 好記性兼且夠眼力. 我上個星期一去過. 跟住呢個星期四晚又去. 都事隔前後十日啦. 侍應姐姐竟然仲認得我! Hahaha~