好時沙嗲

營業中

休息中

呢間食店真係好偏僻, 都幾難搵到ga, 個商場又似死城, 8:30pm到達個商場竟然係冇人行, 只係得d實Q。之後慢慢行近間食店, 就聽到d愈來愈多人聲, 到達後,真係去另一個世界, 間食店係坐爆, 要坐到食店門外, 我同我男朋友好好彩坐到個靚位, 就點0左以下幾個菜:1.海南雞飯---*****2.肉骨茶---****(與馬來西亞的不同, 多0左d辣及油炸鬼, 都好好飲)3.雜錦串燒(豬肉*****,牛及雞***)4.一杯真多冰---*(太甜)5.Haagen Dazs雪糕750ml---$10(抵加$)*****6.咖哩角---****(非一般自助餐所吃到的, 好吃!!!) *****為最高!個海南雞飯真係非常好食, 不用多說!!!!!仲有唔好叫雜錦串燒, 只有豬最好最好食, 叫豬la!!!總括是*****+*****(必食)多謝各位!

試過好多海南雞飯，呢度都算數一數二（計埋價錢），雞又滑，飯又香，都係＄３９．．．．有機會都想黎食下晚飯，試下其他野！

最近看到某食友的星加坡遊記，不禁燃起我對南洋食物的思念，是日晚餐地點就選在這久遺的餐廳吧。未到門口已傳來好不熱鬧的聲音，有10多位年輕男女在此聚會，幸好還餘下兩個位置。二話不說，點了海南雞飯，豬牛串燒和炒貴刁。不等多久，食物都紛紛來到。海南雞飯是一貫的招牌菜，對此已不陌生，是晚的雞飯略嫌油膩一點，雞件是一向的可口嫩滑，紅綠黑三小碟醬料依舊指揮我的味蕾去享受不同的感覺。雞湯也是較濃，內有少量椰菜絲。不知道會不會有雞雜，如果有就更完美啦。串燒半打以往不太留意這道菜，只記得沙爹醬好好味，昨晚的牛肉串燒，肉質鬆軟不錯；豬肉則帶點肥膏，也煞是香口。炒貴刁辣辣地，鑊氣好夠，用臘腸片，芽菜和雞蛋絲炒出，食味簡單實在。進食到尾聲的時候，鄰座坐下了3位男士，不經意一看，怎麼都穿戴著冷帽？原來是齊天大聖張偉健和弟弟跟友人到來，點了3客雞飯。張先生跟我友善的一笑，我也不打擾他吃雞飯的雅慶，埋單去了～

個咖哩好好好好甜，一D都唔辣ge. 我辣椒仔有D唔開心tim. 不過D食物都唔錯，雖然portion 又幾細... anyways la, it's worth a try. 我下次會去試試個喇沙。

知道呢間野d海南雞飯好食,尋日就同男朋友去食lunch,烏龍既我搵左一輪先搵到=.=原來間野唔係好大咋,但環境都ok舒服,坐低左第一時間叫海南雞飯食,落左order都唔夠1分鐘就有得食喇^.^我男朋友就叫左個叻沙同半打串燒,仲叫左杯珍多冰添.海南雞飯既雞油飯好香呀,又唔係太油,我曾經食過d油飯係油淋淋既,食到一半就唔想食,但呢間就唔同,油份岩岩好.d雞係去左骨既,好鬼滑,平時我食雞多數都唔食皮,因為好肥,但佢d雞皮唔肥又爽,所以就連皮都食埋.至於醬料,我淨係點黑色個碟,甜甜地同d雞好夾.至於個叻沙我男朋友話幾好食,d串燒都幾好味.值得一提既係杯珍多冰,佢同出面一般珍多冰唔同,如果我冇講錯應該係加左椰糖(好似係椰子煮出黎既焦糖,d色好似蔗糖咁),有好濃既焦香椰子味,不過我唔太鍾意呢隻味>.< 仲有呀,個侍應哥哥做野好快手,我地落左食物order,想睇下叫咩飲品既時候,一拎轉頭佢已經行開左...去叫廚房整,總之我地每叫完一樣野佢都好快去做, 所以前後我地係落左3次order先叫齊,haha~~~

今日和朋友去了，真是不錯。沙爹汁幾好，肉骨茶有馬拉食到的味道，但藥材下得多了點。海南雞飯雖不算最好，但也十分不錯。我最喜歡的還是手指豆，豆角很難炒得有味道，但它們加的配料很惹味，令我差不多消滅全碟。

昨日黎呢度食野,係因為老婆睇左食評想黎試下,咁岩又要黎呢頭有D野做,雖然唔係話好肚餓,不過有兩個人,都可以試下個海南雞飯同埋串燒....海南雞飯既汁有三種,老婆最鍾意食蒜蓉,真係好好食...仲有D飯都好好味,之後既串燒都唔錯,個汁正都不得了...總括黎講都係值得再去~

星期五兩條友過o黎食飯，係我第一次o黎食，原來地方唔係好大，我真懷疑上次我o地班食家去食已佔該店一半地方。喇沙-湯底唔夠香，料亦唔多夠，而米粉略腍。加多加多-個醬當然冇miss牛油果整得咁好味喇，但比都不及印尼餐廳咁濃。咖哩雞-咖哩汁好野味，薯仔就有好多，雞就只得三件，雖然一D雞冇雞味，但就入晒D咖哩味。薄餅(油酥餅)-本來我諗緊叫油飯好定薄餅好，個侍應就介紹我食薄餅，佢話好好食來點咖哩最好。佢真係冇介紹錯，又熟又脆，好少有餐廳整得咁好食，點咖哩真係天下無敵。其質素冇我預期中咁高，但勝在價錢平。

去完睇畫有D肚餓,上次飯聚又無去,又係個句,難得經過點都要試(之前LUNCH係天天見麵食左一碗麵,公和食左一碗豬腸菜紅加豆漿同係妹記食左碗粥,CRAZY)打電話問朋友,MM講完至知,去到都五點幾,水淨鵝飛,ORDER一客招牌海南雞飯,賣相好得,三色醬油同雞好配合,雞滑而有雞味,雞湯同係屋企用紹菜浸出委黎既味道一樣,好鮮甜,不過D飯有D硬,可能我太晏上去,唔係新鮮熱辣啦,但係D飯粒粒分明,好有咬勁同口感,水準以上,值得一試,下次想食下蝦湯麵,MM話好得喎,我信你!

20050221 7.30pm同男友2人, 凍冰冰得10度, 飲返碗肉骨茶暖胃, 又o黎好時.7.30pm, 時間尚早, 無乜人, 大把位.2人吃-* 肉骨茶($40) - 藥材味唔算濃, 易入口, 好彩唔係好濃, 因為男友係好唔鐘意飲藥材湯, 但係都逼佢飲o左一碗. haha. 呢度肉骨茶係配油炸鬼, 咁其實我零願佢配白飯.* 海南雞飯($35) - o黎到好時無理油唔食海南雞飯je, 不過今次兜薑荵無上次咁好食, 好油. 油飯就今次軟身o的, good.* 馬拉盞炒通菜- 一般, 比較油同唔熱.* 串燒半打(豬+牛+雞各一) - 今次好食過上次, 當然最好食都係兜醬啦.因為唔肚餓, 結果都係叫得太多食淨晒o的o野.埋單$140, 好平.

聽人講得多，一於同朋友o黎試o下~ 一入去就聞到陣霉味.........兩個人叫o左:肉骨茶- 係好濃，但唔覺係正宗囉，咁多藥材都可以無肉骨茶應有o既藥材味.........什錦串燒半打- 雞牛豬各兩串，肉幾鬆軟幾入味~海南雞飯- 個油飯好香，但雞就無咩雞味，無計.... 炒蘿蔔糕- 係好惹味，但一食落口就覺好油~蝦醬什菜沙律- 即係加多加多酸汁版，好怪.........加一罐7-up，埋單$21X~結論: 普通........

原本想去蕉葉,上到去發現執左.於是便去這兒開飯.可能因為三點幾的關係,所以計埋我只有三客.叫了海南雞飯,雞的確唔錯,好滑,醬汁又唔覺好特.飯好味之餘確是多油.湯唔覺好好飲,一般.但姐姐話這兒的海南雞飯好味過壹壹南,又平點,份量又差不多原本想叫串燒,但見有個飯係有兩個雞串燒.一隻蝦,一條腸仔,便叫了這個飯.個飯好似海南雞飯的飯,份量也是一碗.還有青瓜數粒,罐頭菠蘿四粒.這個都可以,又唔覺特別炒貴刁:這個味道辣辣地,都幾好味,但唔知點解用腊味去炒.好似叫香蘭葉包雞:用綠色的葉包住件雞,上熱辣辣,有六件,味道十分之好呀!最後埋單127,四個人好抵,但我懷疑計錯數,點解會咁平,因為之前那張都係計錯數,但媽媽俾錢費事多事了.環境又確是唔太理想的,招呼又好似沒有太多,當時有三個待應啦!沒有太多野做都唔斟水．呢方面要改善

見到佢咁多好評,抱住好好味既心態去食(lunch),點知覺得佢海南雞飯不是特別好食,只是普通貨色,而且環境一般,價錢亦不太便宜(以那個如死城的商場及食物質素而言)

早幾日同太太又幫襯好時沙嗲﹐今次除左海南雞飯﹐仲要左半打雜錦沙嗲同一個辣星州炒飯。海南雞飯水準依然KEEP 到﹐雞滑飯香。不過今次的薑蔥蓉就無前幾次的好﹐唔似以前淺綠色的泥狀而係薑還薑蔥還蔥﹐同出面的差不多。懷疑負責打薑蔥蓉的師傅過年後仲未開工﹖雜錦沙嗲就好好味﹐不過兩串牛就略為凍左D﹐今次最好食係豬。星州炒米我就食得多﹐星州炒飯就真係未試過﹐仲要加個辣字﹐直頭係非試不可啦。上到檯一望﹐以為送錯﹐因為見到有蝦片﹐一隻荷包蛋加兩串沙嗲。一問之下先知原來呢個就係辣星州炒飯。同我想像中的賣相都差幾遠。當中沙嗲﹑蝦片同荷包蛋其實同個飯有乜關係我真係唔知﹐亦無問﹐但個炒飯食落又幾惹味。點解叫星州炒飯﹖無所謂啦。

it's the best one among all i tried b4!! The rice is excellent!! NOt oily indeed!!