好時沙嗲

營業中

休息中

和朋友到尖沙咀行街,找地方食lunch ,記得這間在附近,問清楚地址就出發.左穿右插,有點柳暗花明的感覺.商場大部分是招租的,一直行到好入先見到這餐廳.叫了海南雞飯,半打沙嗲(3牛3雞),咖喱角和Laksa.海南雞飯好食到無得頂,雞又滑又唔肥,油飯又香又好咬口,醬油帶甜.一碗飯就食光.緊接的是沙嗲和Laksa,沙嗲是少有的好味,不但有肉味又唔會太干身.Laksa很香椰汁味,咖喱角只係少少辣,合我口味,一陣風又食完,還唔夠飽,再加了蝦麵.湯很濃,很鮮味.找數都係~$180.好抵

同lazyking兩個來開餐, 幸好行快步, 如果唔係就要等位. 地方比我想像的細(小妹第一次光顧).坐低0左就當然要落單啦, 必要試大家都推介的海南雞飯同炒蘿蔔糕, 另多0左加多加多同兩杯真多冰.海南雞飯: 居然唔夠三分鐘已上檯, 我地口快快講左句"咁快?", 個亞姐就話, "係呀, 呢味好快架"... 我慣性先試D醬, 個辣椒醬同豉油都幾好, 至於D雞肉都幾滑, 雖然我唔介意有骨落地, 但無骨的話又多一份好感. 碗湯就幾油, 一般啦. 美中不足的係碗油飯雖然有好香的雞油味, 可惜唔夠熱炒蘿蔔糕: 幾香幾惹味, 加埋蝦仁, 蛋同埋菜甫炒就增加左口感, 但個人以言, 略嫌蘿蔔糕欠一點點的料, 幸好唔係食落成口粉的感覺.加多加多: 沙律類, 有生菜, 芽菜, 青瓜, 馬蹄, 薯仔, 個dressing 有點似沙爹汁, 有花生味及椰汁味, 若再濃一點會更好.真多冰: 唔同平時在越南餐廳的, 內裏的椰汁是淡味的, 另有一種似咖啡的味道(唔太清楚確實係咩), 唔係太合我口味.埋單$140, 食得好滿足, 下次再幫襯佢地的喇沙先得~~

琴晚一條冷特登去食. 點知入到去坐滿晒. 大多數都係一雙一對. 老板娘竟然話係門口搭張桌比我, 我梗係唔肯啦. 後來終於搵到位坐.就咁叫左個海南雞飯. 雞滑但係無咩雞味. 皮亦爽脆唔肥(不過怕肥所以淨係食左兩塊). 雞油飯亦ok.最正係d汁. 三款正宗醬汁(ginger, 辣醬和甜豉油)都好好味.因為都幾多人, 坐得好迫, 拿拿聲食完走人.

同MM1970由定飯局至離開公司門口，講緊的都是十分鐘以內的事，算即興喇哇！MM話之前未黎過呢樹想試下，就同佢黎，食下這裡的海南雞飯。好在未夠一點去到，唔駛等位。兩人相繼到達，今次由我發辦。點了1) 海南雞飯—先黎一客兩人分，水準依然高，跟之前食過的沒有分別，飯明顯是由雞油浸煮，香味十足，雞都頗新鮮嫩滑。MM食到讚不絕口，馬上加單整多客才夠。(2) 串燒半打—包括雞、牛、豬。略嫌乾身，勝在不，及附加的沙爹醬料夠香濃，彌補不少分數。(3) 排骨茶—啡黑的湯，帶有濃烈胡椒粉味，刺喉而不辣，排骨沒有煲過龍湯而揩口，已經沒有深究湯是用什麼材料製成，連下數碗了。(4) 炒年榚—比較滯喉的一味，因雞飯在前，兩人都沒留太多力氣去攻打這味。其實蘿蔔磨得幾幼滑，可惜加上蛋一齊炒，外層的蛋就好自然蓋了裡層的幼滑，所以食落一般吧。(5) 炒辣通菜—菜是幼嫩的，但就嫌太多油。唔知店員落呵打時是否聽我們說不能吃太辣，因此這道菜沒有太辣的感覺。食完之後，覺得唔知係咪呢排聽得焚化爐電話多，自己食下食下原來都幾多，如果今日有佢在場，一定可以收拾檯面殘局吧！

中午時被派到尖沙咀幹一點差事, 正好約同好友來一個即興飯局, 先來了一客海南雞飯, 擺設整齊賣相吸引, 雞油飯的雞油香味討好, 像質軟熟可口, 切雞件肥瘦適中肉質嫩滑, 最後也忍不住口, 再來一客; 沙嗲六串分別是雞肉豬肉和牛肉, 肉質不錯但肉味不太特出, 沙嗲醬味道討好; 排骨茶味道香濃其中有強烈的黑糊椒香味; 炒年糕質感味道和XO醬炒蘿蔔糕相近; 炒通菜味道微辣通菜新鮮, 但略嚴多油. 兩個人閒談了一個多小時, 吃了整整三個人的份量~參考資料:炒通菜$30炒年糕$40沙嗲六串$30海南雞飯$35排骨茶$40

朋友有急事商討邀約食飯地點約o係尖沙咀想起一直未曾試過呢間人人讚好既海南雞飯於是今晚一齊去試七點去到但只有一檯客都有d 登佢擔心兩個人叫左海南雞飯,咖喱海鮮,印度薄餅同沙嗲雜錦串燒海南雞飯～雞肉滑而皮薄，但就無乜雞味，點豉油好好味，而個椰菜湯好清甜，好好飲雞油飯一上檯己經聞到好香，食完唔會覺得油淋淋，但一上檯己經唔覺佢熱咖喱海鮮～咖喱少少甜又少少辣，幾開胃，海鮮材料主要有魚半條，加少少細細粒有蝦味既蝦仁，同埋有幾粒肉丸，有幾片豆腐泡，點薄餅食好正印度薄餅～新鮮熱辣咁整起，但油左少少沙嗲雜錦串燒～沙嗲醬好正，有香濃花生味，o岩晒我，本來諗住豬肉會好韌，但全部牛豬雞肉都好易咬開，又係即叫即燒，新鮮熱辣配上香濃沙嗲醬好好食朋友都大讚沙嗲醬好食，補叫多個薄餅點沙嗲醬食！p.s.可能食客唔多，有時侍應會行開吹水，變到叫天不應叫地不聞！

Try 海南雞飯tonight with Satay and India Noodle!!Food is wonderful with resonable priceHowever, really poor service.At first beginning, we are sitting in the middle of restaurant. Waitress asked us to move the corner table near the kitchen which spare enough for another 4 guest. We agreed with her and move to that table. After we sat down, the boss asked us to sit one side of the other table and shared with the others. We refused immediately and strongly presented our reason. We here wanted to good

寫的是04年的最後一頓午飯，吃到上年度最好的海南雞飯。原來已成日無食過飯，加上要吃藥，肚空空的十分難受。想起飯，第一樣諗起的是雞油飯。南亞已執，要找新地方。之前在這裡看過食評也不錯，所以就趁今日工作較清閒，一個人來吃了。飯市時候，多人是必然的，也有三三兩兩的在等位。可幸我是一個人，不消一刻就已坐了下來。坐下的第一件事就是叫一客海南雞飯，然後才細看餐牌，見這裡也有不少星馬食物，價錢也相宜，如果雞飯對路的話，也是個開飯的好地方。等了十分鐘也未有得吃，阿姐走過來道歉，說太多人叫呢味了，要再等一等。眼見又真係檯檯都有海南雞飯的，要等也是必然的事。再過幾分鐘，我的雞飯終於來了。除了例湯還有一碟雞油飯，一碟無骨雞肉，三色醬汁是甜醬油、辣醬及薑蓉，屬正統規格，賣相對辦。湯是普通貨色，不下味精實在是沒有味道，所以渴了兩口也就放下了。扒口微棕色的雞油飯，略硬，但合本人喜吃硬飯的口味。有雞油香，真係同以前的南亞有得比，吃得太高興，是連扒了半碗飯才開始吃雞！呢個雞油飯，掂！雞是拆骨雞肉，個人而言是吃有骨的也無所謂，其實有骨落地仲正哩。雞肉是肶肉跟胸肉各佔一半，但兩樣都有水準，同樣嫩滑又好味道。雞皮不算肥厚，

睇左呢度食評諗住平平地去試下~ 反正自己都好中意食雞. 同fd兩個叫左個海南雞飯, 炒蘿蔔糕同埋半打串燒, 同埋一人一杯野飲啦...無骨既雞, 正! 碗飯又好味~ 我唔識用D好pro既字去形容,但總之一個正字形容哂~蘿蔔糕都好正呀! 好明顯唔係好多粉, 好勁蘿蔔味~ 不過我地得兩個女仔食, 就好似食得太多囉~ 多幾個人share我諗會小食多滋味D!串燒就無乜特別...唯一有少少扣分,係我杯青檸梳打只有一片青檸, 雖然味道方面無乜問題, 但感覺就好似小家左D喇~ 加多幾片都好睇D丫~埋單加埋一一百三十二蚊~ 值回票價!

行開尖咀,我媽話呢間野係佢校友開既~咁就去左食海南雞飯係全港最好食!(旺角太子果邊仲有間都好食),雞肉好嫩,雞皮好易撕開,醬汁又正,仲有果d雞油飯~第一次食炒蘿蔔糕,好特別串燒幾好食~好多人都唔食牛,但係我覺得牛係最好食炒埋個菜,加加埋埋$150 有找~飽到上心口,仲送甜品比我地食...但係碗渣咋好吸引,最後......飽到癲咁走人~

海南雞真係好正,以前淨係識去勝利小廚,其實d野麻麻,態度又唔好,成日唔優做咁,但無奈搵唔到間好,而家有個更好選擇,食物好,服務又好,價錢又合理.海南雞真係好滑, 醬汁又好味,馬拉盞炒菜又夠惹味,任何咖哩再加一份薄餅就perfect啦~~

尋晚有個朋友生日,特登約佢黎試試.一行五人,打開餐牌,選擇不是特別多,但係心目中巳選定炒蘿蔔糕同海南雞飯.(因為之前大家食評讚過).另外選了肉骨茶,咖喱蟹配薄餅,炒通菜,串燒半打,飲品3杯.外星人最欣賞炒蘿蔔糕,唔粉,軟腍腍但唔會散,味道好香口但唔會一口味精.食完居然唔太熱氣喎!海南雞雖然夠滑,但外星人覺得似係冰鮮雞,唔夠黃油.反而飲幾夠香.肉骨茶幾好味,好重胡椒,鍾意飲胡椒豬肚湯既人應該會鍾意.不過咖喱蟹則普通(HKD90), 價錢ok但隻蟹多膏少肉,d咖喱汁比較稀唔夠濃,麻麻咋.串燒同炒通菜則一般水準.尋晚雖然閒日,但客人都好多,坐到出面門口,但我地坐足幾粒鐘食埋蛋糕(自攜)都幾好招呼,不俗!埋單四百幾,好抵!

19/11/2004 晚和亨亨看完電影"鬼影" , 行了一陣就去食海南雞飯$35 ,什錦串燒半打$30 !海南雞飯送湯, 串燒有雞、牛、豬各兩串!! 串燒d 味普通啦! 海南雞無骨都好滑, 味道幾好!! 飯好香雞油味! 湯就好普通了!加水加得幾密, 不過地方細左d , 又幾隱蔽, 我們是第一次去, 好彩只係搵左一陣!!

同同事嚟到呢間好時沙爹食午飯, 叫o左炒蘿蔔糕, 炒貴刁, 串燒(雞&牛肉) , 馬拉盞炒通菜, 同埋牛丸粉絲湯.炒蘿蔔糕–好夠鑊氣, 醬料濃味, 蘿蔔糕好食, 若蘿蔔糕加多d 蘿蔔少d粉, 會是極品.炒貴刁–都係好夠鑊氣, 好食呀…不過油膩o左d .串燒(雞&牛肉) –各三串, 肉醃得好入味, 好香口, d 牛肉又唔'un', 個醬簡直好鐘意啦…馬拉盞炒通菜- 夠鑊氣, 不過油膩o左d , 都ok啦牛丸粉絲湯–本人無食到, d 同事話ok 喎.

當日的order:1.海南雞飯(見圖)+ 再追加一個雞油飯2.叻沙一大碗3.珍多冰兩杯+青檸冰一杯總言之,隻雞好滑,雞油飯香,叻沙做得頗地道,係除左杯珍多冰吾多0岩口味之外,其他都好出色!在此消彼長之後,我只能給它...一個"OK"。