好時沙嗲

營業中

休息中

四個人, 叫左海南雞飯, 炒蘿蔔糕, 炒通菜, 炒貴刁, 同埋一碟有兩三條串燒, 有d飯既, 唔知係乜啦。海南雞飯, 炒蘿蔔糕都好好味, 炒貴刁就有d似乾炒牛河, 炒通菜就冇乜特別啦..總之就好味啦...

如果唔係呢間餐廳...我諗唔到咩理由會黎呢個死氣沉沉既商場.....應該話根本唔知有呢個商場.....每次黎都一定會叫呢三樣:炒蘿蔔糕- 無懼熱氣....無懼爆瘡....必食推介.....超好味....馬拉盞炒通菜- 夠鑊氣...星洲炒飯- 好味....另外食過其他野都唔錯:叻沙- 唔辣...而且多料...粉絲蝦煲- D蝦大大隻..串燒(雞&牛肉) - 好入味...好香口....我好鐘意個醬..海南雞飯- 油飯好得....(一碗仔少左D唧)....D雞又滑...

是晚要入屯門虎地此鳥不生蛋之地開會，之前當然要填肚。千選萬選後再回好時。友人第一次來，我當然推介鎮店之寶。要兩客雞飯，伙計覆命說只餘下一客，因為雞在浸，要兩客就要等九個字。看看手錶，530，怪不得。讓了雞飯給朋友，自己改叫甚麼甚麼辣炒飯(印尼炒飯式，忘了名字)。雞飯上桌，竟令我的頑石朋友點頭。試了一口，自然沒有大問題，不過因為是午間的倉底貨，飯已有點硬。炒飯夠乾身，蝦片大塊也不油，串燒不俗，入味，但個人認為偏甜。辣味能帶起食慾，但純追求辣味的人客一定嫌不夠辣。整體上不算驚喜，但已比一般印尼炒飯高出十幾班。另外，話說上菜時伙計姐姐熟口熟面，她亦眼定定看著我們兩個窮鬼。噢!是舊宿友~原來她親戚是這家店店東，她來幫手的。一番相認後我們大聲要求「收平D」，當然是鬧著玩的。誰知埋單時真的和我們說：「已給你們打九折了。」好得無話可說~多謝!

上次食完午餐，今晚同太座再黎食個晚餐。去到八點幾，都幾多人，多左人吸煙。點了1) 海南雞飯—保持上次的水準，雞油飯好香雞油味，雞就幾滑。(2) 咖哩菜—咖哩味恰夠，椰菜及紅蘿蔔等整得好入味。(3) 什錦串燒半打—稍為左d，但仍然好香。(4) 星州蘿蔔榚—蘿蔔榚炒得好平均，唔。但份量就多左d，三個人食都夠。

星期六的Lunch,通常都係同老婆飲茶食點心，昨天就轉下口味，走去尖東呢度食沙爹。上到去，舖面比我想像中細，最多可容立五十多人，好彩當時不算多人，去到已立即有位坐。分別點了1)海南雞飯：果然係呢度其中一個主打，水準很高，個雞油飯滿佈雞油，飯的軟硬適中，雞肉整得好新鮮嫩滑，食唔出是否冰鮮雞。呢個飯如果你在這裡一定要叫，強烈推介！(2)沙爹串半打：分別有雞、牛、豬各兩串，d肉整得好稔，燒得好香，沙爹醬調得好夠味，我地將成碟醬都食晒，如果佢有沙爹醬外賣，真係想買番支番屋企。(3)酸辣湯：裡面一陣香草味，材料豐富，小小的一窩已包括魷魚、小蝦、魚蛋等等。飲落去，先酸後辣，辣得開胃清甜，連我這個不食得辣的人都連飲兩碗。就算你唔食得辣，我都建議你試飲幾口，確實好飲。(4)炒辣通菜:這個菜辣味不算大，好易入口，加埋蝦米一起炒，食落好惹味，又係另一清碟之作。甜品叫了兩個渣渣，不像一般在外面食到的是用豆類煲的渣渣，而是主要用椰青、蘆薈肉、芋頭粒等制成，食落椰汁香味濃郁。看到貼在牆上介紹這間食店的報紙，才知道這裡原來曾經關門一段時間，在去年底才「復出」。像這樣有水準的食店，如果消失了，實在可惜。

昨晚在尖咀上完課，看看饑餓的肚子，再看看饑餓的銀包...哀...上星期才吃了雞記，又不想吃茄牛麵，就只餘下兩個選擇：唯一，或者好時。最後我選了試傳說中的雞飯。一入去伙計竟然好醒的問：「雞飯，對吧?」難道有樣子看的嗎?我點頭。坐下後他又好親切的問：「拿杯水給你好嗎?」我再點頭，像好破我只夠錢吃一份雞飯似的，太醒水了...雞飯好快到。先喝一口湯，合格，起碼不是味精水。吃一口雞，果然冇味，連雪味都唔覺=_="滑是可以的。點醬吃。好!醬油不是大路貨，蔥油差點比得上我媽的，也不太「油淋淋」。最好是辣醬，正常不夠辣我是不吃的，但他辣帶酸甜，很香口。只是這三醬已可下一大碗白飯。到深獲好評的飯了。不得了~ 我只可以說，我懷疑切雞的雞味全被吸進飯裡。說真的我吃第一口時感動得想哭。吃完後另一伙計姐姐想幫我的空杯加茶，但很醒水的發現是水，問道：「你的是水嗎?」我又點頭，面前的空杯變了水杯。埋單時我先拿出銀紙，39元，冇問題。老闆娘又事先準備了一元，好像知道我一定是兩張廿蚊。當然果一蚊我冇收。四草o野有咁好既飯，加上咁醒既伙計，抵!

今天一行兩人去試試這間咁好評的食肆. 一定係要試下海南雞飯啦.由於我們都細食, 只係叫多個串燒（有雞肉，豬肉和牛肉）.那個海南雞飯的雞真係幾滑, 不過就真係無乜雞味, 唔知呢的係唔係叫正宗海南雞飯呢?　因為我係海南島食雞時都係無乜雞味家窩，真係唔知啦！而的飯我就覺得唔錯，油油地，不過我朋友話呂夠油窩，真係見人見智啦．另外，碗湯就平凡少少．而醬料都好齊全．總括，一般好吃啦．．．．而個串燒，我覺得好吃，又夠熱，的肉又唔'un', 個汁好吃．至於環境都好寬敞（以舖頭仔來說），起碼不用背脊對背脊坐呀．服務都ok啦，的侍應都幾快手．價錢都大眾化，唔貴．下次去一定會食下其他野先．我見人地碟加喱蟹好大碟呀。

看了食評多時,今天終於有機會品嘗了,一行三人,約八時多到達,已經全店滿座,在店外,已聞到很濃郁很香的椰汁味了,等候了約十分鐘就能安排入座了.....入座後,基本上也不太用細看餐牌,便已經叫了招牌菜,海南雞飯.肉骨茶.叻沙,,,另叫了咖喱菜~~海南雞飯~~雞,沒有雞味,較為遜色,反而雞飯,本人較為欣賞,不太肥膩,粒粒分明,雞醬也不錯,跟隨的例湯,雖則有點味精的感覺,但也尚可接受肉骨茶~~很好喝,每人平均也可分到兩碗,本人認為,如果藥材味再濃一點點,會更好喝叻沙~~不懂什麼是正宗,管它的,好吃便是了,但似乎這裡的叻沙,並不能討我們三人歡心,因為全檯人也認為它的咖喱椰汁不夠香濃,是美中不足的地方雖則如此,但此店給我的印象也不錯,翻兜指數極高,我們三人,也異口同聲道,會再次光顧,並必定要叫串燒沙爹,nesi lemark(椰汁飯)等等(本來今次想叫串燒,但實在太飽了

27/8食完餐把鬼火tea,即刻黎買返個外賣半隻海南雞$60返屋企食,一去到(5點左右),裡面一個客人都無,只見上次來幫我們落單果個男侍應,坐係到睡覺(我估lee到工作時間都好長,因為佢地無落場的),我地都唔好意思打擾佢,係門口企了一震先入去,果男侍應即刻起身走過來問我地要嘜野,落完order,果男侍應好好人叫我地坐下等,之後佢拿了張卡片來,話如果下次來買外賣,可以打個電話來先,因為有時可能未有雞(我估可能佢係話未整好呱),走時還多謝前多謝後(真係好有禮貌果種）半隻海南雞都有好多件又大件又滑又好味,d醬汁又正,真係頂瓜瓜,lee到d服務又好(好過果間holiday inn多多聲),價錢又平,抵食到震,所以都咪話平野無好野,我一定多多幫襯.

o係newsgroup睇到個個都有讚冇彈，所以都抱住好大o既期望。叫o左海南雞飯、海鮮伊麵同肉骨茶，肉骨茶好香藥材味，好足料，o的肉好淋...海鮮伊麵冇咩特別，不過炒麵都冇太多油o既感覺，幾好。海南雞飯最後先到，雞肉一入口，真係好滑，不過冇咩雞味喎，唔知點解會咁呢... 不過碗飯真係好香!!地點真係幾僻，花o左d時間先搵到，另外可惜o既係劃唔到非吸煙區，不過都冇所謂o既，咁抵食，我一定會再去啦~

今日下午3點終於有機會試小熊最愛吃的海南雞飯,一入到去,店子比我想像中細同舊了dd,裡面還有兩台客都係叫海南雞飯,證明lee樣真係好野黎啦.我地叫了一個海南雞飯$35-d雞肉同皮都好滑,無嘜肥膏,好味,我就由細到大都好鍾意雞皮,但一定要滑果d我先食,所以lee d就啱我啦,真係正,而小熊就話d飯係佢食過敢多間海南雞飯數一數二整得好味,叻沙$30-都唔錯,串燒雞牛豬$40-就燒得乾了d,無嘜肉汁,整體唔錯好抵食,不過如果我下次來食一定要叫半隻雞,因為set得7件雞真係唔夠食,到喉唔唔肺呀!

要在尖沙咀區吃到這麼便宜的海南雞飯$35真是只此一家，份量又足夠，而且味道亦有口皆啤，真不容易。試過很多其他食肆的海南雞飯，不單只份量少，而且味道只屬一般，但價錢起碼都要五、六十。另外什錦沙嗲串燒亦好好味，肉骨茶都算可以，馬拉盞抄通菜好食但太油膩。整體來說以這樣的價錢食物質素已屬上選，加上服務殷勤有禮，衛生亦不錯，值得推介。但有點擔心他們的位置太偏僻，生意會有很大的影響，希望他們能支持下去，因為我眼見食晚飯時間客人都只有三桌。

看到相當多的食評都給予不錯的評價, 所以去試一試.我們二人點了三個菜, 一) 肉骨茶: 第一個上的菜, 湯熱熱的, 辣辣的(胡椒那種), 有藥材味, 亦不乏味精, 但不過份, 好味. 二) 海南雞飯: 飯真的做得不錯, 每粒飯都沾滿香油, 而且飯有咬口, 不過怕油人士可能不可吃多; 雞很滑又去了骨, 不錯, 但我不懂得分雞是否有雞味, 只知跟來的三個汁都可口. 三) 炒蘿蔔糕: 這個是想了很久才決定點的, 因為看過食評都說蘿蔔糕"削", 但我真的很喜歡吃炒蘿蔔糕, 所以都點了. 菜上的時候熱騰騰, 第一口就覺得蘿蔔糕是"削" 了點, 沒有蘿蔔絲味, 但實在是很香口, 但吃多了會覺得略甜.整體表現不俗, 會再去試其他菜式.

慕名而去，感覺不錯。兩個人，點了三種食物：一）海南雞飯($35)－－飯很好，有雞味，不過稍嫌油膩；－－去骨雞肉嫩滑，雖本人少吃雞皮，亦覺其皮不太肥膩；－－最吸引的是附有三種醬料：最傳統的薑葱夠香，印尼風味的酸辣就酸多辣少，據說是新加坡風味的甜豉油最美味。二）串燒($30半打）－－可一口氣選三款肉：豬／牛／雞各兩串；－－份量很少，肉不多，不算抵食；－－烤得很香口，但有點；－－肉質軟，但有點「霉」。三）叻沙(椰汁咖喱米粉，$30)－－汁料香噴噴，醒胃可口；－－配料有豆卜、魚蛋、少許雞絲和一隻蝦，感覺較寒酸；－－好味，吃後亦不算口乾。

見d食評幾好,就同男友去試下,因為佢好鐘意食海南雞飯....我地成9點先去食,所以唔使等....叫左海南雞飯$35:真係好味喎,d雞幾滑又無骨,啖啖肉,爽呀!d飯都幾好味,如果熱d會仲好,碗湯就ok啦,味道偏淡...另外跟3款醬,幾好呀!炒蘿蔔糕$40:炒得好香,好惹味,不過d蘿蔔糕真係好削,淋同軟....唔通星洲d蘿蔔糕係咁既?所以會黏在一起,如果換d有咬口既,應該會好好味....什錦沙爹$30:雞,牛,豬各2條,一人一條,唔使爭...個沙爹醬好正...7-up$5仲以為唔使加一,原來要加,埋單$121,ok呀....不過我個晚有班女仔好嘈,我同男友嫌佢地太嘈啦,好吵耳...