好時沙嗲

營業中

休息中

適逢情人節，唔想俾人lurk到一頸血，於是選擇左好時沙爹。唔知係咪太多人定新年d waiters返晒鄉下，成間餐廳都好混亂。收銀的女孩幫客人登記，但裡面的waitress叫客人隨便坐，當時有成十多人在門口等，所以混亂左一陣。入到去坐，menu要問先有，落完單，食物都上左，都未有食具（唔係真係甘有風味要用手食？！）。我地的食物大部份都去左隔離枱，要舉手認投d食物，亦有waitress拿住d食物周圍問係邊個叫；最好笑係隔離枱走左，個waitress仲拿一碟多左既海南雞飯，想俾個枱客，莫非佢地好生意到要幫自己倒米？我地叫左：加多加多～好食，個sauce好特別椰汁辣飯～個飯好有椰味，但唔夠辣串燒～老公話唔夠熱，佢唔太鍾意minced meat海南雞飯～冇食到，因為cancel左希望下次會試得多d野，冇甘多人同埋冇甘混亂啦！

兩個人叫左以下3樣野~海南雞飯, 好味, d雞肉好滑, sauce 好正加多加多: 其實係印尼式雜菜salad, 個花生椰子醬好香好好味, 不過幾'溜'~炒蘿蔔糕: 呢個唔得啦, D 糕係好滑, 不過完全無味GE~應該會再去, 下次試satay 串燒~

中午時和朋友同住尖東午餐, 最後還記掛著海南雞飯, 先來的雞飯仍然保持水準, 雞肉軟滑, 油飯香口; 雜錦唦嘜肉質鬆軟, 但略嫌多油; 這次的主角可是朋友提議的蝦湯麵, 麵質一般不過不失, 但蝦湯味道香濃, 而配料蝦和肉丸亦精緻討好. 整體上是價廉物美之選, 可惜這次蝦湯麵的清潔有點問題, 多了一點不必要的東西.

20050201 9pm一人晚飯. 慕名而來o架, 極難搵wor 呢度.要o左個海南雞飯, 油飯雞油分佈平均分明, 但係偏硬, 個人口味就覺得一般. 雞好得!!! 無骨兼有雞味, 但係份量太少唔夠喉, 因為果3碟醬油無得頂, 唔夠點, 黑醬油故然好味, 甜辣醬亦得, 最正係果兜wasabi 樣o既薑荵!!! 好正~ 張荵,薑同荵白剁成蓉, 又唔會油淋淋. 有無得外賣o架呢凈係呢兜o野?食完, 口痕, 要o左碟串燒, 一人吃不了半打, 阿叔特登比我3串咁上, hee hee. 雞牛豬各一, 但係雞牛豬到係麻麻地, 我對於o的剁難晒先全埋一齊o既串燒無乜好感, 亦太油膩. 但係兜沙嗲就好正. 3串用晒一兜醬.全部加埋$55, 好平!

先後來這裡吃過兩次，海南雞飯的油飯真的很正，三扒兩撥急不及待已把整碗飯吃掉，三款醬料我最愛薑蓉，反而我覺得d雞就較失色，很普通。沙嗲串燒很好味，我較喜歡牛肉。其中一次，叫了薄餅釀咖哩汁，味道比我想像中辣，但接受到，且差不多釀到抹乾淨隻碟。

海南雞飯香，但碗底有不少油。雞滑，醬料亦足味，黑豉油夠濃。湯也很鮮和清，只是不夠熱。除了飯較油外，整體甚具質素。

星期日晚再次跟女友去睇騷。(這次是梁詠琪擔綱的《大娛樂家》，好看！)再次到好時吃晚飯。這次試上次沒試的沙爹。這次一時失手，點了太多菜。半打沙爹串燒、蟹汁炒蛋、咖哩牛腩、法式麵包、薄餅、黑糯米、兩杯飲品。飽！串燒本身不論肉質跟味道都普通，可能當時太多人要招呼的關係。(人多得我們都要坐在走廊)但那花生做的醬卻是好味得不得了。甜甜的，滿口花生味。蟹汁炒蛋這道菜我第一次試。用蟹汁和洋蔥來炒蛋，蛋看起來老，入口卻滑得很。味香，佐飯一流。(因為我太喜歡吃蛋的關係)咖哩牛腩軟滑入味。稍嫌少了一點。(我是太貪心了)咖哩汁是東南亞傳統的那種味道，也是不錯。靠這汁，我們吃下麵包和薄餅。最後咖哩一滴不剩。到黑糯米的時候，已經飽了九成。滿滿一碗粘粘的黑糯米剩下一半。埋單一百六十，應該可以叫少一點。(搞笑的是，我們點一杯青檸梳打，一位女士卻給我們拿來忌廉梳打。大概是太忙了。 )

見版友介紹呢度ｄ海南雞飯，咁我當然咪走寶去試下啦都係叫返ｄ招牌菜肉骨茶，海南雞飯，沙爹串串肉骨茶，好濃郁，我鐘意，不過可能有ｄ人唔ｌｉｋｅ有藥材味，不過我覺得好補丫，正海南雞飯，ｄ雞好滑，冇骨，唔會有血，唔生，ｄ飯都好香，軟身少少，綠色醬好食沙爹串，肉地一般，不過個汁甜甜地，好食汽水抵飲，５蚊罐唔錯，又算幾平(編按：請重新上載相片，縮小至400點或以下的闊度，及200KB以下)

雞有雞味~果3隻sauce 都好出色,esp青色既薑茸~油飯我覺得乾身左d,個set好似細份左d,可能我唔識食啦,我竟然覺得都會food court果間整體好d喎...satay都好入味呀,3隻肉都唔錯~!p.s.呢度係幾僻,不過認住佢係帝苑隔離就唔會搵錯喇~

同openrice 食家不時都會出黎食...但多數都係吃中餐.今次見到有星馬菜當然不放過...即刻報名.出席食家為數達十三人...大概都對呢度既海南雞飯有興趣.八時多眼見KC同大食嘉都仲未到...先來海南雞飯和沙嗲等醫肚.海南雞飯真係好掂!雞油香味真係就咁食一碗都得的雞好滑好軟諗...冇老到.沙嗲串燒我喜歡雞...較滑...牛其實都唔差.肉骨茶也是我愛的菜...味雖濃但個味道幾好...椰漿飯香味都夠既...我嫌吃落椰漿味唔夠...都好吃但同雞油飯差距頗遠.炒蘿蔔糕頗香口但較甜...冇咁甜會好吃點.蟹汁炒蛋算是失望的菜色...各食家都認為蛋炒得太老...蟹汁又冇咩特色.肉絲炒麵都ok...起碼炒起熱...但談不上好好吃和特別...我會喜歡中式肉絲炒麵.咖喱角也是我至愛的...最然仲有兩聲咳但都唔理得咁多啦皮很薄...餡又唔少....又夠脆.加多加多--沙律...中規中矩.巴東牛肉的牛肉好似的羊肉咁...不過都幾好食.喇沙和咖喱雞我都冇吃...不給評分.全程吃左幾個round... 都只係八十大元....想吃海南雞飯呢度暫時係我既首選.

Great stuff !

第一次來吃海南雞飯，覺得有水準；第二次來除了吃海南雞飯外，亦有幾款其他的菜色，結論也是海南雞飯最好，坦白講，有點點失望。星期五晚與Openrice的食友們來個即興晚聚，雖云「即興」，但其實都有兩日時間籌備，出席的食友又有十三人，看來隨便一叫，坐滿一圍真的不是難事。因為公事在身，遲了一個小時才現身，看檯上已是劫後餘生的樣子，可幸食友們也為我預留了不少的食物，可以一坐下便有得吃。除了海南雞飯，面前還有椰漿飯、沙爹雞及牛、肉骨茶少許加兩舊油炸鬼等。雖然食物是凍了，但都有勞了。雞油飯有雞油香又夠乾身，仍然有水準，再吃也認為這裡的雞油飯是出色的；椰漿飯卻不夠香，吃下去也不是味道，這味是很有特色的星馬菜，與雞油飯一比，無得揮。當然亦有喜歡椰汁飯多於雞油飯的，大食嘉就是一例，所以我們兩個遲來的也各取所需，不用爭；沙爹雞及沙爹牛雖然凍凍的，但味道都不算差，可見剛燒起時是幾有風味的。牛油果推介沙爹牛，但吃過我卻喜歡沙爹雞，可能就是熱吃跟凍了的分別；肉骨茶深色，幾甜美，又好似無甚藥材味，可能太少嚐不清，要下次再吃；除此外，亦有幾味陸續上檯的。加多加多完全不辣，大大塊生菜加大大件青瓜加大大埋沙爹漿，賣相跟味

昨日看到其他食家不停說這裡的海南雞飯好味,心思思想試試; 所以昨晚便和辣椒女二人去試食.我們叫了炒貴刁- 其實都幾好味,只是比較甜d和碎d.海南雞飯(這個當然必叫啦) - 雞肉很好,唔會太肥;飯很油(對我來說),二個人食就好像少dd.(下次都係自已食一個好d.)沙嗲串燒(雞和豬) - 味道OK,但唔熱,令感覺差好遠.褔建蝦湯麵- 蝦還可以,但麵就唔得,好唸又唔多好味.如不是在網上看到,相信也不會行這商場,人影都唔多個.現在可以在尖東站D2 出口出,行好近就到,好方便又快.價錢好平(但好像太平了),唔知有無計錯數.服務就麻麻地,時常要叫好久才看見你.

個次男友帶我去食, 聽講話阿蔡瀾好like去食喎, 佢d海南雞係唔錯, 又滑又無骨, 個d汁又令你食得好開胃, 但係另叫個個咖哩雞就一般啦, 唔辣但好香椰味, 我本人覺得咖哩麻麻, 但海南雞都推介架!!但估佢唔到間野真係好無裝修同埋好"隔涉", service都幾好

尖東話就話好多o野食不過要搵間真係o岩口味、好好食而又唔貴o既都唔易(冇咁多錢餐餐擦大餐...)今晚要入紅館睇騷，所以就諗住同女友去尖東醫肚之前o係呢個網搵到呢間好時沙爹見到「四十比零」個個都讚，咁就梗要試試啦去到個商場睇睇，都幾慘淡o下，大半舖位都吉o左同早十年o既尖東完全兩回事...講返間餐廳，舖位好似細o左少少，我估午飯時間都幾爆晚飯時間就唔算多人，實有位我o地兩個人叫o左一個海南雞飯同一個椰汁辣飯另外一杯椰汁冰同珍多冰海南雞飯果然係頭號必食，四個字：雞滑飯香o的雞真係唔知點整到咁滑，不過對於我呢種「雞王」o黎講就少o左o的，得細半隻髀有三碟醬汁，最欣賞係碟薑蓉佢用攪拌機打蓉，好香，令稍為淡味o既雞即刻正晒另外碟辣椒油都幾好，入口唔係好辣，反而好似有o的新鮮紅椒味，泰菜feel碗雞油飯令我十分懷念以前o既南風閣，不過呢度o既飯就嫌乾水o左少少，但真係好香，好快就「爬」完至於女友個椰汁辣飯都幾得意有一舊椰汁飯、炸「魚毛」、花生、奄列同一個有蝦肉o既辣醬，個醬係靈魂所在o的飯就咁食就似用椰汁撈白飯，不過撈埋o個o的辣醬同青瓜食就真係好掂，味道好得意，值得推介至於兩杯o野飲就正常啦椰汁