夫妻沸片-台式麻辣火鍋 (已結業)

新開業不久的小店古色古香裝橫當中質素不俗餐鍋富特色獨特既賣相過足味蕾口癮，以震騰騰的湯底/配料/小吃可謂一眾香港人嚐到便能輕易愛上台式麻辣火鍋不論炎夏或寒風季，憑著火鍋熱潮日漸提升引入多噱頭打響其號招牌美人鍋選取滋補養養生花膠藥之魚湯頭養顏養生滋補嘅藥膳含豐富的膠原鮮雞件進透其中順口好喝不油膩同閨蜜體會或一大班女生衝著暖笠笠共進於一路晚上傾心不已( 養顏花膠雞鍋 )( 桶蠔 )( 鮑魚4隻 )( 手切牛小排 )( 手工鮮蝦丸 )( 鮮蝦菜肉餃 )我愛上台式火鍋正宗得來夠地道。無論精選加碼配料沾著吃一涮之餘如不沾任何配醬汁一涮既不搶走任何調味也能盡現當中真材實料的鮮味是嗜肉者天堂

前次試了「麻神」，今次就來到旺角雅蘭中心一試另一間台灣過江龍「夫妻沸片」的台式麻辣火鍋。 店舖位於地庫，設計古色古香，大紅色與亮黃色的燈籠高高掛起，情調十足。店中牆上的文字，也令人莞爾。 餐廳有數個鍋底，包括有「夫妻鍋」（台式麻辣鍋）、美人鍋（養顏花膠雞鍋）、「暖男鍋」（人參藥膳鍋）、「兄弟鍋」（酸菜白肉鍋）和我今次選點的「夫妻鴛鴦鍋」（麻辣鍋 + 酸菜白肉鍋/$188）供顧客選擇。 集合了「麻辣鍋」與「酸菜白肉鍋」於一身的鴛鴦鍋底，材料不少，前者有大量的鴨血與蜂巢豆腐在裡面，小辣的麻辣味道適中，讓我這個嗜辣得來又不太受得辣勁的辣友都能甘之如飴。特別是那些鴨血與豆腐下得十分慷慨，份量既多，索了麻辣湯之後又夠入味，讓我吃了不少。後者相對地沒有那麼討喜和吸引，不過裡面的酸菜和白肉同樣份量不少，也不錯。 「九孔鮑魚」（$88/2隻）與「扇貝」（$78/4隻），兩者都甚新鮮，我與太太都感滿意。 賣相漂亮的「美國肥牛肉卷」（$158），色澤明亮動人，肥瘦比例均勻，份量極多，我雖已不停地吃，到最後還是沒有把它們全部吃光。 這晚我雖然沒有點有花膠在裡面的「美人鍋」，「養顏花膠

前幾日，同咗2個朋友去旺角行街，佢哋話帶我去食新嘢，天氣仲要凍涷地最好就係打邊爐，點知真係帶咗我去打邊爐呢間係台式打邊爐，最出名就係夫妻鍋，姐係台式麻辣鍋，不過我唔係好食得辣，所以我地就叫咗美人鍋，係花膠雞湯底。呢個就係美人鍋，真係好足料，入面有成隻雞係到，等到滾咗就食得，連d湯都變成金黃色，湯底好香雞味，連隻雞都啖啖肉。我地仲叫咗老油條，姐係油炸鬼。油炸鬼吸收曬湯底味道，食落去又脆又熱，口感好特別。呢個就係豚肉花，整得好靚真係好似一朵花。呢個係成個放入煲度煮嘅，睇住佢慢慢散開，好治癒！呢個肉嘅質感有啲似豬頸肉，都係比較爽口嘅。話明係台式火鍋店，梗係有台灣最出名嘅珍珠奶茶，佢仲有得揀添觀音或者烏龍茶做嘅奶茶，我就揀咗烏龍茶嘅奶茶，佢個茶味比較重比較濃。最後仲有糖水送俾我哋食添，係番薯芋圓糖水，啲番薯煮得好入味，芋圓就煙煙韌韌，糖水仲有啲薑味添，飲落去成個人䁔晒。呢度嘅環境唔錯，而且枱同枱之間嘅間距都幾大，唔會有迫迫夾夾嘅感覺，而且呢度仲好貼心會為你送上圍裙，咁就唔怕整污糟件衫啦。

有些食物, 總要間中吃一次以解心癮, 台式麻辣火鍋就是我的其中一樣"心癮"。旺角最近開了台灣很出名的"夫妻沸片", 加上又有折扣優惠, 於是便約埋"邊爐怪" 一起試試。店內以新派火鍋店裝修, 中式大紅燈籠配上有心思的文案, 很有台灣味道。以IPAD 落單真是很方便, 不但可以清清楚楚看到食材, 亦知道點了什麽和價錢, 簡單易計, 也可避免點得太多浪費食物。來到當然要試試招牌的夫婦鴛鴦湯底, 以酸菜白肉窩配麻辣鴨血湯, 顏色搶眼, 滾起來的湯香已令人心動。想不到湯底內已有不少餸, 鴨血不會一夾即散, 亦不會一股血腥味, 口感滑滑, 配合麻辣香, 相當不錯; 酸菜白肉內的豚肉也有不少, 差不多近一碟豚肉, 二人份也很足夠。這晚還有$68 一隻的特價龍蝦, 龍蝦肉果然鮮甜彈牙, 一口吃下那半隻龍蝦肉都幾滿足。而蝦頭我們肉來放湯, 把酸菜白肉的窩底變得鮮甜無比, 那些娃娃菜也入味好吃。老油條炸得脆卜卜的, 放入麻辣湯涮幾秒便吃得。雖然一條油炸鬼要這個價錢有點少貴, 但這樣吃吸收了湯的精華真的幾好吃。打邊爐又怎能少得肥牛呢? 安格斯肥牛片不算太肥, 不過肉味十足, 肉質嫩滑, 吃完不會太肥膩,

台式麻辣火鍋一直都係我既至愛，老公今日竟然帶我黎食呢間台灣出名既夫妻肺片入到店內好似去左台灣咁，裝潢既裝修十分吸引眼球！仲有呢份餐牌夫妻肺片報整到成份報紙咁好過癮！我地叫左個鴛鴦湯底兄弟鍋-酸菜白肉鍋酸菜湯底酸酸的好開胃，仲好足料既白肉又多又大片，仲好內味！夫妻鍋-麻辣鍋麻辣夠香夠麻，豆腐同鴨血超入味，愈滾愈好味！美國肥牛卷$158呢碟肥牛不單價錢合理又大份，肉質仲好正，肥瘦均勻又嫩滑，好牛👍🏽團團丸丸$1184款口味各兩粒，粒粒手打出黎，口感彈牙！一口牛128一碟有成5串每串3粒，抵食又好有口感又嫩滑爽口！Like IG專頁仲可以以$68換一隻手板咁大既龍蝦添呀！大大隻肉質爽口多肉又彈牙！

又一間新的台式火鍋店進駐香港，台風吹了幾年，越戰越勇，香港人真的口福不淺。地方好大，坐位寛敞，裝潢古典氣派，服務殷勤。落單電子化可不經人手。先選好了湯底人參薬膳鍋。採用了銅鍋傳熱比較快，最鐘意快滾快滾。湯底味道清甜有淡淡的參味。海鮮有優惠，只要like一下facebook專業，可享有特價。四十八元有四隻鮑魚無理由放過。肉質鮮美，爽口彈牙。要了一份小牛排，無諗過咁大份。紋理勻稱，質感軟熟，大滿足。要讚一下梅菜豬肉丸，肉味香濃夾雜著梅菜的甜香。炸魚皮也不遜色，兩三秒，半脆半腍的口感好正，最重要是不油膩。其他配料新鮮整齊，食得真放心。最後還有蕃薯糖水送，窩心！

每次去台灣一定去打邊爐同食麻辣燙，最鍾意食鴨血等台式小食，今次朋友就帶了我去旺角這間以台式火鍋為主的餐廳，在港一嘗台式風味。鍋底不能不試夫妻鍋，以鴨血及滷豆腐為主，兩者都好入味，即使以辣湯煮過都仍然食到滷水香，而朋友就想試美人鍋，半隻雞肉及花膠等滋補材料熬製而成，滋潤又帶骨膠原，雞湯鮮甜濃郁。手切牛小排大份足夠4-6人享用，每片色澤鮮紅，帶有清晰雪花紋，入口肉味都濃郁且腍。龍躉片切成大片還連皮，魚肉新鮮爽口，魚皮彈牙膠質豐富。廣島蠔味道鮮甜，而且都幾大隻。扇貝體型較小，碌熟之後就縮水到一蚊大小，但尚算鮮味。其他配料都比較大眾化，但最鍾意就係個竹笙，吸收了湯底精華，好似飲湯。珍珠奶茶跟酸梅湯各有特色，前者茶味濃郁奶味香滑，後者酸甜開胃。

這間在雅蘭中心新開不久的夫妻沸片，以台式火鍋為主打，鍋底以溫補為主，而飲品則有台式奶茶等。鍋底點了鴛鴦鍋夫妻鍋拼美人鍋，夫妻鍋不似一般的麻辣湯油膩，這個鍋的辣味較輕微，湯底以雞湯為膽，裏面鴨血滷了廿四小時，入口爽滑入味，另一邊的美人鍋則以花膠雞為主，適合女士美顏之選，半隻雞肉十分足料，雞肉嫩滑，湯底不油膩，大家都飲唔停口。海鮮方面，點了鮑魚及桂花蚌，前者以去掉內臟，但可能碌得太耐，有點難咬；後者爽脆，就算碌過火都保持原有口感。手工墨魚丸有點似墨滑，以全墨魚肉打成，無偷工減料，裏面還帶點粒粒墨魚肉，而手工蝦丸就比較削，裏面釀有馬蹄，感覺上不足新鮮及爽彈。其實食鍋底的材料都已經半飽，最後加點蔬菜類已經十分滿足。

成日都想試吓台式麻辣火鍋究竟有幾辣呢見佢開咗所以特登去試吓門面幾靚入去坐低之後服務員會拎部iPad俾你所有嘢食都係用呢部嘢點調味料區都擺得好靚靚俾大家睇吓佢個裝修其實係好中式復古味道說時遲那時快食物已經嚟到喇叫咗一個麻辣鍋一個係花膠雞個火鍋煲滾左之後先飲咗花膠湯先服務員仲會幫你將隻雞剪細件啲而家只要like佢哋嘅Facebook可以用優惠價錢HK$68換一隻龍蝦好扺食另外仲帶咗一份黑豚仲有海鮮拼盤仲有老油條佢啲手打丸全部都好好食食完之後仲有番薯糖水添

夫妻沸片的餐廳室內設計頗有特色，是新潮的中式裝修。而且餐廳很貼心地提供了一次性的圍裙（於圖中左下方），以免客人弄髒衣服。餐廳服務員亦耐心的講解食法及食材。招牌夫妻鍋的麻辣湯底、鴨血、豆腐都熬製了超過10小時😋而酸菜白肉湯底則愈吃愈入味（尤其是娃娃菜）。食物方面，份量豐富扎實。當中團團丸丸、肥牛及生蠔的表現較出色，食落感覺新鮮足料，水準品質不和一般任食邊爐而語。打完邊爐後，店家送了薑汁蕃薯芋圓糖水。除了擺盤可愛，讓人會心微笑外，蕃薯鬆軟也好味。

同女友人係旺角雅蘭中心發現左呢一間係咁播周杰倫歌既台灣火鍋店佢內部裝修好靚，走中國風好有詩情畫意. 我地叫左夫妻鍋拼酸菜白肉鍋， 配料有繁花似錦，團團丸丸，老油條，安格斯肥牛片，一口牛同埋麻辣嫩鴨血飲品就叫左杯御翠烏龍珍珠奶茶.. 我想講佢呢個鍋底真係好正個麻辣既夫妻喎好正佢d麻辣辣度適中， 個鍋付帶既鴨血真係一絕， 煲左成10 個鐘已肴成既鴨血好有口感！ 個酸菜鍋都好正岩晒女友人既口味， d白肉好入味爽口, 張個老油條浸落夫妻鍋度幾秒再擺落口。。 外脆內軟好正.. 個團團丸丸都好正，的的骰骰咁一次過試晒幾個味..個安格斯肥牛片切得厚厚的無論係滾夫妻鍋定酸菜鍋都好有牛味. 完全滿足到我呢個牛魔王既要求, 最後我地因為個鴨血實在太正所以encore左個。 食完火鍋仲有地瓜糖水送, 個盤有兩個牌寫住"夫妻沸片 . 和好如初", 好特別

某日經過行街旺角 發現呢間新店係食台式火鍋同行四人決定試一下環境算係闊落乾淨， 不過講真門口嘅接待員 講埋啲唔鹹唔淡嘅廣東話定普通話有少少趕客 不過招呼算係熱情同行四人我哋叫咗 龍蝦鮑魚 美國安格斯牛羊肉捲大家都係想食鴨血 已坐低試嘅咁我哋另外叫咗三份鴨血侍應 都算有禮貌招呼鴨血講真中規中矩 丸類49蚊半份得四粒老實講真係Cp值比較低我哋叫咗個鴛鴦鍋一邊係招牌麻辣另外一邊係酸菜白肉， 麻辣叫咗少辣但係一啲都唔辣食食下我哋都要加辣兒酸菜同行三位朋友都覺得 麻麻地其他火鍋配料例如牛肉羊肉都係普普通通叫咗幾支啤酒最後埋單每人375已經係六折咗如果正價未必會再嚟

火鍋迷的我知道左旺角新開左一台式養生火鍋，就立即孖埋老友去試下!一入到去就見到裝修好有誠意好有特色，而且地方都闊落坐得舒服~店員好有禮貌，推薦左幾款湯底同食物! 等開餐!我地叫的係暖男鍋，有人蔘同雞，湯底濃郁，正!再來就係肉類，有牛同豬~ 要讚一讚個豬 ! 食完之後個種油香簡直係口到揮之不散~~回味左好耐~跟住有一個鹵水鴨血豆腐~~好入味呀!! 好想encore !跟住雜錦丸，4款都好彈牙好味壓軸出場有一個擺得好靚的菜籃，驟眼一睇成個花籃咁，打卡精選!勢必encore !!

去雅蘭中心新開幕既「夫妻沸片-台式麻辣火鍋」，試一試台灣最地道的麻辣火鍋🍲。最近仲做緊優惠，火煱配料6折。如果大班人去就好抵！我哋揀咗牛小排，因為得兩個人，所以點咗份細，好鮮同麻辣一流！帶子同鮑魚，試咗兩種海鮮，都ok，新鮮不過不失。麻辣湯底內有鴨血同豆腐，好入味，全因分別慢煮了24小時及48小時。另一邊湯底清d，最夾海鮮。打邊爐又點可以唔叫可樂，都只係$12/罐。可惜今日人小，試唔到太多款，下次人多先可以多d。

屋企人話天氣凍左想打邊爐，今次揀左間新開嘅台式火鍋店。 餐廳喺雅蘭中心地庫，地點好方便。 門口有幅大大嘅壁畫，沿着樓梯行落地庫，就會見到好大好舒適嘅裝修。 場內播放住一啲歌曲，節奏輕柔明快，感覺舒心。 湯底叫左【美人鍋(養顏花膠雞窩)】，上枱發現原來係一大鍋雞湯，入面仲有原隻雞。 先品嚐一吓頭啖湯，好清甜，再食花膠同雞髀，雞肉好嫩滑。 店員再細心咁將隻雞剪開。台式火鍋當然最好叫返個台式飲品，店員推薦【培火鐵觀音珍珠奶茶】，叫咗少甜，不錯耶。【海蝦】一碟六隻又真係幾大隻，擺盤好有型。 蝦肉新鮮爽口，蝦頭部份亦有蝦膏。【黃金魚皮】係即食小食，新鮮炸起脆卜卜，仲有鹹蛋黃咸香味。 就咁食得，蘸湯又得。今日冇叫響鈴，叫咗個特色少少嘅【老油條】，同樣係蘸湯一流。【手工墨魚丸】 丸類可以叫半份，有四粒，幾彈牙。【手切牛小排（小）】火鍋必叫牛肉，油脂豐富，牛肉味香濃。為免改變雞湯味道，最後先落【麻辣嫩鴨血】。餐廳開業左個幾月，但今晚係全場滿座，果然好多捧場客，要食一定要訂位呀。 最後要一提，服務真係好好，細心又給力！