夫妻沸片-台式麻辣火鍋 (已結業)

作為麻辣控，久唔久就想食下麻辣火鍋，今日就嚟到夫婦肺片試下！夫妻鍋入面好似台灣咁有埋豆腐同鴨血！omg, d鴨血好滑好好食！豆腐吸哂d湯，喜歡辣嘅朋友一定唔可以錯過！料方面我地叫咗牛小排同豚肉花！牛小排油花分佈好均勻！好淋好好食！豚肉花一朵有成十幾塊！好抵食！而且口感有少少脆口，好似食緊🐷頸肉咁，好正！餐廳職員服務態度一流！有詳細介紹每一個食物嘅最佳烹調方法，等我地可以食到最好味嘅台式火鍋！特別一提，飲品仲係茶木嘅，所以非常高質！

餐廳環境不錯，富有中國特色，非常別緻。店舖空間都幾大，但入口比較細，地點有小小難揾。一開始以為夫妻沸片是四川麻辣火鍋店，但原來是台灣人開辦。我們點了招牌夫妻鍋，麻辣味非常足夠，而酸菜白肉的湯底則非常開胃，喜歡酸菜的朋友一定會喜歡。重點是湯料非常多，其實不用叫太多料。價錢偏貴，但食物高質量，而且份量十足，如果多人同行會比較划算。特別推薦牛舌，鵝腸，手拍涼瓜木耳。牛舌惹味厚肉，肉質香濃，爽口。鵝腸帶有少量肥膏，油香味重。手拍涼瓜是一個非常好的開胃小吃。不太能吃辣的可叫小辣再加沙冰會更好，沙冰甜度剛好，不過火。如果下次湊齊多幾人，必定會再來光顧！

上月食過這間邊爐，湯底和食物質素都很好👍🏻，今日帶朋友過來encore!!以為午餐都是散叫，原來是有lunch set，$308包六款食物，另外還包甜品和飲品，好抵食呀🥳🥳🔸鴛鴦鍋 我們叫了麻辣鍋（中辣）和酸菜白肉鍋。上次已經試過，質素仍然保持到👌🏻 麻辣湯底入面有鴨血熬製，麻辣香味好濃郁，越煲當然越入味🤩而酸菜白肉鍋，好足料，好多酸菜同薄切的白肉，酸酸甜甜很開胃！🔸肥牛卷非常重牛味，輕輕一碌已經全熟💕🔸美國西冷片，長而薄切，而且不肥，牛味比肥牛再重一點🔸丸手工鮮蝦丸/梅菜豚肉丸呢度的丸類都是較特別的款式，例如手工鮮蝦丸，師傅人手打，特別彈牙😋 ！梅菜豚肉丸，口感較腍，梅菜配豚肉很match之餘，咸咸地好惹味！😆😆🔸菜肉蝦雲吞/鮮蝦菜肉餃兩款雲吞同餃的皮都好薄，蝦肉鮮甜！🔸黃金卷拼炸魚皮🔸雜錦菜盤菜盤集合了不同類型的蔬菜，例如生菜、粟米，萵筍等等，可以減肥膩！🔸一口牛🔸紅薯粉🔸黃金魚皮 $78每次來必叫❗️❗️這個是我飛佛呀😭😭😭魚皮炸到脆卜卜，而且充滿着濃濃嘅鹹蛋黃味，好邪惡但又好好食😍

打邊爐真係一年四季都可以做既事，尤其是台式邊爐，因為我好鍾意食台灣既麻辣鍋同酸菜白肉鍋，今次就同朋友去食呢間有33年歷史既台灣過江龍-夫妻沸片。餐廳係用平板電腦黎落單，又方便又環保，而且仲有圖片參考。湯底我地點左鴛鴦鍋--夫妻鍋+美人鍋夫妻鍋即係正港台式麻辣鍋，美人鍋即係養顏花膠雞鍋，麻辣鍋我地要小辣，小辣唔太辣，如果食得辣既我建議可以揀中辣或大辣。麻辣鍋用上牛骨湯，加上我勁鍾意食既台灣鴨血同豆腐，鴨血好滑。花膠雞鍋用多種藥材同份量好多既花膠而成，店員黎講解時建議我地先飲湯底，花膠雞鍋個湯底好似媽媽煲啲湯咁足料，好好味。手切牛小排(半份)色澤鮮紅，好新鮮，牛味濃，油脂比例分佈平均，而且份量都幾多，好好味。桂花蚌份量唔少，好新鮮，淥大約廿秒就食得，好爽口鮮甜，唔錯。野生竹笙打邊爐真係必叫竹笙，因為佢可以吸到湯汁，但又會食到佢好爽口，好正。團團丸丸有4款手工丸包括鮮蝦、鯪魚、墨魚同梅菜豚肉丸，每款各兩粒，粒粒都大大粒，我覺得最好食係墨魚丸，墨魚丸好彈牙，梅菜豚肉丸個味道好搞笑，好似食緊梅菜蒸肉餅咁，鯪魚丸同鮮蝦丸都好足料，唔會食到成口粉。老油條餐廳既最佳食法係將老油條放喺湯既最底部幾秒，期

午餐好奢侈地去了食火鍋，去咗雅蘭地庫到食夫妻沸片 (題外話，呢個位置之前有間叫宮崎日式燒肉店👎🏻👎🏻👎🏻)，間店裝修超用心～我哋叫了二人套餐 $308 揀了鴛鴦鍋 +$30：夫妻鍋 (台式麻辣鍋) & 兄弟鍋 (酸菜白肉鍋)，夫妻鍋唔算好辣，但夠哂麻，越食越過癮，兄弟鍋唔夠酸，但勝在超足料，超多豬肉😋😋二人套餐包嘅嘢食都多種類，份量十足，牛肉有兩款：西冷片同肥牛卷，西冷片較「鞋」，但肥牛卷就紋路都幾靚，肥瘦適中👍🏻丸類有豚肉丸、蝦丸，彈牙有咬口，蝦亦都夠鮮🤤餃類有菜肉蝦雲吞同鮮蝦菜肉餃，皮夠薄，餃夠大隻飽肚。響鈴同炸魚皮炸得脆口，響鈴放落湯煮一秒再食，半脆又有湯嘅精華👍🏻雜錦菜盤有超多款式，好滿足🥰跟餐可以揀烏冬或紅薯粉，我揀咗紅薯粉，更能汲取湯底嘅味道👍🏻叫二人餐仲會送一口牛2串，限量50份。凍御翠烏龍珍珠奶茶 +13轉配 茶底夠濃，但略嫌奶味不足。食到最後仲有糖水，係熱辣辣嘅蕃薯糖水，好有家嘅味道同溫暖💕需加一服務費，埋單2人約$400。如果你鍾意睇我嘅食評，不妨關注我，支持吓我，謝謝你☺️💕

今天約左朋友食火鍋，諗住火鍋都冇乜特別，冇乜特別期望，但一去到，就見到裝潢同格局好特別，而且位置也很寬闊舒適，坐下來後服務員好細心講解配料同食物，這裡還有提供平板電腦給我們點菜，真是非常方便，因我們唔係好食得辣，所以點了招牌夫妻鍋的麻辣小辣加酸菜白肉鍋，然後就加了六個配料，第一時間到的就是麻辣豆腐和麻辣嫩鴨血，這兩樣都和我們之前在台灣吃的口感味道也很相同，令人很懷念在台灣旅遊時的感覺，再來就是手切牛小排，我們雖然只點了小份但份量也不是，味道相當軟滑牛肉味也很重，再來是手打墨魚丸，這個丸我覺得如果再來是首選的，粒粒都大大粒而且味道很不錯，隨後來的是海鮮拼盤，我就覺得廣島蠔和飽魚最好味，其他的海鮮也很新鮮，最後來的是他們自家制的手工麵，煮好的麵配合麻辣湯底真是非常好味，六個配料加埋湯底內的配料，真是吃得我們兩個非常之飽和満足，埋單是服務員還提醒一下我們，讚他們的Facebook 專頁，還可以有湯底加醬料八折優惠，咁好味我們當然很落意讃一下攞埋優惠啦！最後服務員還為我們送上甜品番薯糖水。

今日行旺角做完嘢，突然之間好想食火鍋。同同事行吓行吓去到雅蘭中心附近見到有間夫妻沸片，有火鍋午餐食,當然唔會放過啦！入到去客人唔算多，聽職員講午餐只係做咗四日咋真係好好彩，睇過餐牌之後我哋決定叫一個二人set好抵食，平均每人都係佰多元，二佰都唔駛。個set好豐富，包一個鍋底已經物超所值啦！我哋叫咗個美人鍋同麻辣鍋小辣，美人鍋有花膠同半邊雞，職員哥哥同我地講雞湯絕無味精，係用新鮮靚雞煲8個鐘而成，確實係好鮮味既！至於麻辣煱，個味好特別，唔識形容，只可以用過隱來形容。

終於約到麻辣控同事，一齊放工去夫妻沸片食台式麻辣火鍋！入到店內裝修得古色古香，好有特色好有風味，坐得好寬躺！點餐前，服務員好耐心咁介紹佢唔同既湯底，呢款麻辣湯底係有33年歷史，可以當湯飲又得，加蔥花之後又可以做醬料。我地點左中辣，飲左一啖係辣但唔濁到喉嚨！湯底內有好多鴨血和豆腐，鴨血係勁滑又新鮮，咬入有少少煙韌既口感！豆腐就吸哂麻辣味，好野味！手切牛小排（小），食火鍋又點少得食牛，點了小份但原來份量係好多，牛肉勁淋，牛肉既鮮味唔會被麻辣味蓋住！服務員告知follow 左佢地IG 就可以半價$48點一份帆立貝，好鮮味！圑團丸丸有四款唔同既手工丸，款款都好新鮮！鯪魚球、蝦丸、墨魚丸好鮮味又彈牙。至特別係梅菜豚肉丸，好有住家味道，似食梅菜蒸肉餅既感覺！豚肉花😍😍靚到唔捨得食。係豬頸肉，咬落爽囗又有鮮肉味！韮菜餃（半份）好香韮菜味！服務員話比我地知佢地既台式飲品係黎自「茶木」百香果鮮桔綠茶（左）清香百香果再帶一點點甘桔味，加上清甜既綠茶，好解麻辣味！冬瓜鐵觀音（右）濃濃鐵觀音茶香味配上清甜冬瓜味，味道好夾，好好飲！一頓晚飯最完滿既就係食飯後甜品。椰子糯米糍，清甜椰子味，咬落似椰子綿綿冰既感覺！

今日同朋友去到旺角做啲嘢，去到都唔知食乜嘢好，又想靜靜地食打邊爐，就去左去旺角地鐵站出咗去一兩分鐘就到嘅夫妻沸片打邊爐了。佢地有不同既台式鍋底揀，以台式傳統湯底為主，再配以不同種類既火鍋配料，讚好!雙併鍋今次叫左麻辣鍋同埋酸菜白肉鍋雙併。估不到十分之足料，麻辣鍋配料十足仲附上好多塊鴨血，酸菜白肉仲十分之足料添，淨係湯底都令大家好飲好食又滿足，正!手切牛小排雖然要咗細份，但其實上到枱都有大大碟厚切。手切牛入口即溶同彈牙，香口有牛味，牛魔王首選。走地滑雞件（半隻）非常之新鮮有肉味，應該不是雪藏雞來的。亦是滿足食肉獸既之選。團團圓圓（四併丸）又一碟大碟抵食之選，每一款丸都有兩件，蝦丸隻隻𥚃便都有一些蝦肉，墨魚丸也不錯的，正！野生竹笙唔好睇少這個配菜，可以做到又爽脆又香口的竹笙是不易的，佢就係正正做到呢一樣了！扇貝（四隻）我們還叫了原隻上既扇貝，十分之鮮味。估唔到呢度啲海鮮都幾好食喎！鮮桔綠茶，茉莉綠茶最後叫了一杯每人一杯特色綠茶，其實除了綠茶之外這裏的珍珠奶茶也是很著名的，為這一餐畫上完美嘅句號。

太耐冇去台灣啦 好掛住台式火鍋添🍲 ，朋友今次就帶我黎呢間 台灣好岀名既過江龍火鍋店 連台灣明星都過嚟呢度食㗎 。入黎先選擇湯底先 ，之後慢慢揀 。😆餐牌設計得好靚好有心思 ， 必點菜式 畫起咗 ，不過落單系用 iPad 落 🤣🤣 。醬料區 自選鴛鴦鍋 : 美人鍋 $178 - 一開始煲滾 靚仔哥哥就會過黎幫手剪雞 ，先飲湯 食雞先 雞有半隻肉好嫩滑 湯好清甜 。 暖男鍋 $108 - 用上多種藥材煲架 仲有人參添 夠補身 ！！一口牛🐂🐂 平時燒烤食得多 ，打邊爐食都五錯喎 一口一粒 鎖住肉汁 。必點 手切牛小排 $338 勁正 牛肉味勁重 ，肉質好嫩 油脂分布平均 食落完全冇筋 。 必點 桂花蚌 $128 食落 爽口又脆 好快熟架 幾分鐘一縮左就熟啦 ！😋 蓮藕片 $38 打邊爐至愛 一定叫 夠哂爽脆又有口感 ，食唔停口呀 ！！ 老油條 $48 吸湯神器 ， 只要油條放入湯底部 幾秒鐘就可以吸晒湯嘅精華入去 ，食落一啲都五油 啖啖花膠雞味 ！！

今晚同男朋友去旺角朗豪坊睇戲，睇戲前喺附近搵嘢食，見到雅蘭地庫有間台式火鍋叫夫妻沸片，見個名都幾特別就上網搵下，原來台灣都有店架~ 會黎香港開證明都係唔錯啦！咁我地就決定去試！呢度點餐全部自己入機非常方便！湯底有幾個選擇夫妻鍋、美人鍋、暖男鍋、兄弟鍋！全部d名都好搞鬼！由於我地想試唔同既湯底，餐廳好貼心咁安排有半個鍋既價錢，可以一次試晒兩個湯底！最後揀左美人鍋同夫妻鍋，夫妻鍋即係港式麻辣鍋，美人鍋係滋養花膠雞鍋！店員同我地講先飲雞湯，之後會幫我地做剪雞儀式，雞湯真係好鮮味好甜，湯料仲有花膠，入口仲有黏黏既感覺，雞肉亦都好有雞味，只可惜半個鍋得半隻~ 另一個係麻辣鍋，有三個辣度揀，我地揀左小辣！鍋入面好多料，有豆腐同我至愛既鴨血，入口煙韌就係我最鍾意既質感，又整得好入味，而且數量都唔少既！到左火鍋配料方面，我地叫左皇帝菜同萵筍，呢兩樣係我近期食火鍋必點既，但唔係間間火鍋店都有！男朋友都想食d肉，所以叫左個一口牛，估唔到份量都幾多，而且好厚一粒，唔需要整得太熟，入口好有牛脂香味，不錯！減緊肥既我即刻叫個海鮮併盆代替肉會抵食好多，哈哈！有海蝦、青口、帶子、鮑魚、貴妃蚌、八爪魚同蠔，款款都好鮮

同朋友去旺角行街shopping, 肚仔餓就去揾野食，咁啱見到間叫「夫妻沸片」食麻辣火鍋既，就即管入去食餐飽，門面裝修很特別，好似係台灣妖怪，牆上還有很多明星的合照片。店内面積很大坐位寬鬆舒適，湯底點了藥膳雞煲，麻辣鴨血，小牛排，西冷牛肉片，手打墨魚丸和手打蝦丸。點完食物當然要去混一混醬，他們每處地方都有這隻貓妖怪。。這麻辣鴨血新鮮彈牙，唔會一夾就散，超好食。這個小牛排超級好食，雪花和牛肉比例剛好一半，放落鍋裡拖一拖就食得，牛肉味濃雪花入口即溶，值得再食。這個西冷牛肉片厚而不韌，大大塊啖啖肉有咬口，不要睇小這幾塊牛肉，吃了有飽肚感。最後食這手打肉丸，超彈牙新鮮，呢餐真滿足。

身邊總有一兩個朋友隔幾個月就話想去台灣一次，因為實在太掛住嗰邊嘅美食，我家姐就係其中一個，佢成日想喺香港食正宗麻辣火鍋，但好似都仲未搵到一間有台灣感覺嘅餐廳，早排見到廣告話呢間餐廳喺台灣已經有33年，今次我地一於約埋去試吓餐廳裝修得好有格調，最鍾意佢好似台灣火鍋店一樣會附送埋圍裙，我真係特別有feel我哋叫咗個鴛鴦鍋底，麻辣火鍋加酸菜白肉清湯，麻辣鍋入邊有好多豆腐同埋鴨血，麻辣鍋可以揀辣度，我哋雖然叫咗小辣，不過都好有刺激嘅感覺，酸菜白肉鍋入邊有好多半肥瘦嘅豬肉片，鹹鹹香香好惹味老油條同魚皮都係新鮮炸起先上枱，食嘅時候已經覺得好香脆，浸係湯底度大約10秒，老油條吸收晒湯嘅精華，外脆內軟嘅感覺真係非常好味叫咗一份例牌嘅走地雞，雞好滑而且好有雞味，正。魚皮鮫叫咗半份，兩個人食四粒份量啱啱好。最正一定係手切肥牛，好重牛味，咬口一d都唔硬，好鮮嫩的牛肉，我哋兩個都食到停唔到口，我同家姐都非常滿意今餐，2個人埋單$8xx真係飽到上喉嚨，不過真係覺得食到台灣嘅感覺，終於喺香港有一間正宗嘅麻辣火鍋，我哋第二日已經忍唔住約埋其他屋企人要再嚟食多一次啦yeah

今日係旺角買完鞋~大豐收完當然要食餐好㗎啦本來打算喺朗豪坊搵嘢食架~咁岩行過見到呢間俾佢個美人鍋湯底吸引住左係養顏花膠雞鍋啊滋補養顏花膠雞鍋超級足料!!真係有半隻雞喺度㗎仲有好多花膠~飲完個湯底再打邊爐~ yummy 暖男鍋- 呢個係人蔘藥膳湯底用料依然都係好足！但因該我唔太喜歡食薑嘅關係!我就冇乜試呢個湯底啦~ 但朋友仔好喜歡💕👅👅 廣島蠔🍴🍴而個一盤有六隻💕 粒粒都超級飽滿大粒 就算煮完都唔會縮水得好犀利依然係10分肥美鮮甜🐮🐮 手切牛小排 🍴🍴呢個有分半碟同全碟~牛魔王嘅我哋當然係揀全碟啦！！ 份量真係超級多~而且牛肉超滑👅👅油脂比例分布得啱啱好高級嘅牛肉就係湯底入邊滾幾滾就食得㗎啦🐮🐮 美國西冷片 🍴🍴如果有得比較嘅話~當然係要食手切牛小排啦 但價錢方面其實呢個都算唔錯~$168蚊 有勁多塊~ 呢個真係抵食之選啦🔥🔥 老油條 🍴🍴雖然我哋都覺得佢好似幾熱氣~但係因為呢個係餐廳推介必食🥢🥢當然要試一試啦食呢個真係要眼明手快~~浸一浸即刻食得 脆脆地又真係幾好食啵最後我哋食埋個榴槤糯米糍-榴槤味超級重yummy 真係超級滿足嘅一餐啊

又一間台式火鍋店落戶旺角，門面嘅貓貓好有趣餐廳佈置中式得來又有啲時尚感店員過嚟介紹完之後，就可以自己用平板電腦落單，但有啲當日優惠菜式，就要靠店員去人手加單有自助漿料區一般漿料呢度都有點左個招牌夫妻鍋同埋酸菜白肉鍋，辣嘅招牌夫妻喎因為有鴨血喺裏面所以特登點另外再配合一個唔辣嘅中和一下佢嘅手打丸子真係食得出用心機去打，材料新鮮大份量嘅牛小排，肥瘦均等肉味香濃，見到佢就知會好滿足當天優惠六隻帆立貝先至係$48，好抵食，呢個係要店員人手落單嘅食咁多肉梗係要去啲蔬菜瓜類平衡一下店內另一招牌就係油炸鬼，用佢嚟吸晒濃嘅湯汁，好味