夫妻沸片-台式麻辣火鍋 (已結業)

慶祝拍拖五週年！約左黎有特式的台式火鍋店😍夫妻火鍋，長長久久麻！貪佢環境靚坐得舒服！果然無令我失望！我地六點到步，服務好好，不停加水加湯！有wifi 好貼心！招牌夫妻鍋有人話個麻辣湯底好似似去咗台灣食火鍋咁，我覺得有過之而無不及！我哋揀咗小辣（平時譚仔食開10小辣）都唔會覺得好辣，湯底勁足料，有好多入曬味既鴨血同埋豆腐！飲左d湯都唔覺得口渴！手切牛小排份量好足，靚牛有牛味！兩個人差d食唔曬！虎蝦Size好巨型，食落鮮味彈牙！羊肉捲好有羊味，我地就係鍾意食果陣so味！總結：一分錢一分貨！兩個人食左大滿足的一餐！湯底好味！食物夠新鮮！坐得舒服！下次會約埋成班friend 子一齊嚟！可以試多d唔同野食！

夫妻沸片總店源自台灣，店名的確是沸片，不是「肺片」，沒有打錯字，沸片喻意沸騰。又多一間台灣過江龍登陸香港，係香港都可以食到正宗的台式火鍋🍲餐廳裝修走中國風，以木及黑色為主調顏色，部分座位設了壁廉，提高私隱度，可以同朋友暢所欲言。店員都好有禮貌，一坐低，就主動介紹特色小食同半價海鮮🦞 而且餐廳用ipad落單，每樣食物都有提供圖片，可以慢慢睇慢慢簡🔸招牌夫妻鍋 $188夫妻鍋即係有半個麻辣鍋+酸菜白肉。麻辣鍋可選辣度(大/中/小)，我地簡左中辣。麻辣鍋裡面有好多鴨血同豆腐，都係分別慢煮左24小時同48小時。台式麻辣火鍋同四川火鍋不同，四川火鍋重視的是辣度，而台式火鍋重鮮味，慢火熬製，主打湯底係可以飲，不是味精❗️❗️🔸帆立貝 $48 （6隻）留意返餐廳做緊半價優惠，只要讚好ig/fb，可以係龍蝦/鮑魚/帆立貝中簡一樣享受半價優惠🤩🤩🔸手切牛小排(小) $238份量好多，細的3個人食都夠～ 牛小排雪花紋好靚，入口即融，牛味十足😋😋🔸黃金魚皮 $78必食黃金炸魚皮❗️非常推介❗️餐廳即叫即炸，用左咸蛋黃醬炸，炸到金黃脆卜卜，勁香勁邪惡😋😋🔸豚肉花 $118賣相好靚，餐廳將豚肉堆疊成玫瑰花形狀🌹，店員說

一向都好鍾意麻辣火鍋， 朋友話旺角新開咗呢間台式麻辣火鍋店， 雖然有點小貴 ，但因為有明星效應都會想嚟試下我哋點咗鴛鴦湯底， 一邊辣一邊唔辣唔辣嗰邊， 會叫你當湯試下飲。。。。 但個湯好明顯同養心殿嘅差好遠， 個湯不飲都冇乜所謂我哋食嗰日只要follow佢嘅facebook 冇記錯加68蚊就可以要龍蝦， 佢個龍蝦好奇怪，個身只會一開二， 我哋三個人都唔知點分好🤣湯底老實講真係麻麻地， d配料都可以算係好新鮮， 但全部都係大路香港有嘅火鍋配料， 冇乜特別嘅驚喜如果台灣火鍋嚟講，我覺得最少都要有水蓮菜，a菜呢d 先算係正宗嘅台灣火鍋同埋佢嘅鴨血仲有豆腐都唔似得 有啲台式打邊爐係任食， 呢度只有好少量。。。所以呢間真係冇一個點係 好優勝嘅唯一可取嘅係 七點半前埋單會有六折， 但六折咗平均每個人都要差不多要三百蚊。。。。所以正價 我應該係絕對唔會再食

6 折 一開始聽落去幾抵，一於去試吓！坐低左，店員話湯底，飲野冇折。睇睇價錢當堂O晒嘴，單係湯底已經 $160-$210 左右。除非你好幾個人叫一個湯底，否則如果 2-3 個人去食，個正價湯底會佔全單好重比例。6 折優惠感覺係數字遊戲！個麻辣湯底味道唔錯，做到台灣麻辣味道 9 成，鴨血同豆腐份量都充足。(但煮耐左開始苦）食完後更發現口好乾，相信係味精副作用！至於美人湯，個湯似清雞湯多D ，有 D 失望！隻雞越煲越鞋，相反，養生殿首次食好有驚喜，美人湯用上烏雞，隻雞越煲越淋，湯底足料，味道鮮甜，完全比下去！失望！火鍋料方面，手切牛小排幾新鮮，以6 折優惠算抵食，叫左份細份，2 個人食好夠份量，值得推介！團團丸丸，4 種丸都好大粒，用足料！食落去好膠好彈牙，6 折左太約 $10 粒，C/P 值可以！兩人叫一碟岩岩好野生竹笙，份量適中, 夠晒爽口，索晒個湯底食一流！至於其中一個 IG 優惠，$58/ 4 隻鮮鮑，味道一般，不過不失！培火鐵觀音珍珠奶茶，味道唔錯！但未至於印象深刻！$28 收費合理，如果同樣有 6 折會更合理！

食物有點失望，叫左個A3日本和牛（原價$398，我地7:30pm前離座6折）另外一個老油條(普通油炸鬼），團團圓圓（ok)，什菜，咸旦黃炸魚片（超油，但滾一滾先食就冇左咸旦黃），招牌夫妻鍋（鴨血好味），一酌芭樂汁（好味）埋單約900蚊（係7:30pm前離座價錢）有加一有醬介服務都ok

期待嘅麻辣鍋朋友仔話帶我黎試新野，無辣不歡嘅我緊係say yes啦。新張期內，送鴨血一份，另外再有7折優惠，價錢都ok嘅環境靜靜地，中國風，牆上寫左唔同嘅語句戲肉黎喇🤣嗌個夫妻鍋拼美人鍋，唔算辣，安格斯牛肉Juicy, 不過價錢有少少貴😅😅水餃好味喔，最正嘅我覺得係唔起眼嘅油炸鬼同平時食開嘅好唔同，夾上黎有少少硬，但其實好脆，好好味喔。依家仲可以以優惠價揀海鮮優惠，我地揀左$68龍蝦仔，不過不失啦。好多時食麻煩鍋，去到最後都好咸，好彩今次無下次會再encore

今次到我生日嘅生日飯。見到朋友食完，搞到我心思思生日揀呢間食！一黎即叫珍珠奶茶-又幾好味喎！之後就叫左個麻辣火鍋+美顏湯底-有藥材湯料+花膠，其實本身我怕麻辣嘅，但原來食落佢一啲都冇話好麻入唔到口，好易接受！小小辣就係我至愛，太辣我頂唔順！當然有叫佢嘅限定至尊海鮮啦，價錢吸引+抵，質素都可接受。冇話價錢平就啲肉梅，尚算可以。之後叫左啲墨魚丸（咸左啲）、牛肉（唔錯）、魚皮（好味）、豬肉片（ok)、響令（ok)、窩筍（打邊爐第一次食，又幾入味）！最後仲送左啲湯水比我地食！總括黎講都幾好味吖，大家都覺得唔錯，係個好選擇！

4人飯局 7點半時段 | 首先環境新裝修給人感覺舒適不沉悶 訂枱被安排一格一圓桌位置招呼。| 麻辣湯底出色 有層次而不似四川麻辣湯底盤一味死辣 湯底內鴨血令人驚喜 台式凍豆腐雖則「鞋口」但異常夾這個湯底。| 人蔘藥膳 無人蔘味 無藥材味 白烚一樣 雞件都要點醬料及挾到麻辣湯底食。| 安格斯牛肉片$198出色 好重牛味且口感屬於中上。| 團團丸丸 $118 菜肉雲吞$49半份及香辣豬豚肉$39半份都屬於火鍋店中上貨色。| 海鮮拼盤$288 新鮮足夠 衰份量少。| 娃娃菜 $48份量亦太少了吧。| 百香果鮮桔綠茶及竹蔗矛根水屬 好足料 飲品幾有heart。整體火鍋料新鮮但份量偏少 質素不值Menu原本價格 若不是新張有7折 CP值屬中下 飲品亦不計落7折優惠 茶介收$20/位 全程茶都無杯 餐廳做生意收依個價唔係問題 要做番基本野 服務無咩特別 茶都無杯 屬中下7:30pm前交台或9:30pm後火鍋料半價 我先會考慮再來 感覺似因為要做依個offer而將正常時段火鍋料價錢定高 策略定得更好的話 評價會更高 坦白講 以上依兩個時間都唔岩我 我都唔會翻卓

最近對台式火鍋有少少狂熱，明明上星期先食完養心殿，見到哩間新開，又心思思想試😋 行過門口，7:30前埋單走，火鍋料有六折（後來發現湯底和茶芥是正價，是火鍋配料6折，并 不是全單6折哦），一於試下。六點啱入去，仲未有好多人，不過好快都滿。揀左鴛鴦鍋 （$216）夫妻鍋 （麻辣小辣）——小辣都幾惹味，其實唔使點醬汁，都完全够味。不過就唔係川菜果種好重香料既辣，同埋佢既辣係重過養心殿既中辣，唔食得咁辣既朋友要諗諗哩個湯。暖男鍋 （人蔘藥膳）——哩個湯個藥膳味唔太重，比較合我口味。另外佢d雞，上台既時候未熟透既，要煮下先可以食。見佢有翼又有脚，不過應該唔够半隻雞（？）估有1/4隻左右。淥菜就啱好，d菜淥完好清甜。哩兩個湯底本身都有餸係入面，所以一開始不建議點咁多，寧願加單再點會比較好。兩個人都係點左一份肥牛、一份丸、一份菜同一份元貝已經飽。哩碗鴨血同豆腐係附送既，麻辣湯底入面本來就有鴨血同豆腐（八舊左右）鐘意食鴨血既朋友都唔需要點。團團圓圓 （$118）4種丸各2粒，應該係手工丸：鮮蝦、墨魚、鯪魚丸、梅菜豚肉梅菜豚肉丸——味道比較特別，唔太識形容，不過唔差，可以試。質感唔係彈牙，有少少散既。安

行過雅蘭中心搵野食咁岩聽到呢間野門口個姐姐話有七折 新張優惠咁就試一試啦一埋位已經嚇親原來淨係個湯底計埋茶芥（每位廿蚊）都已經200 蚊跟住叫左個酸菜白肉鍋（$148)冇咩特別 聞落去好酸 但係食落沒咩味湯底有啲五花腩肉+旺菜浮浮下之後我地嗌左安格斯牛肉（$198), 薯仔（$38), 萵荀（$38) 同半份蝦丸（4粒，$59)牛肉唔係難食 大約係火鍋放題第一，二輪牛肉既質素咁上下 不過放題$200任食 佢有約十塊左右薯仔，萵荀切得太厚 , 有d 難煮熟，要好似煲湯咁慢慢煮淋手打蝦丸幾好食幾彈牙最令我無奈既係收人$20蚊一位茶芥竟然茶都冇主動比。。問職員佢都比左壺茶係稀過清水既其實叫得唔多野兩個女仔都唔係幾飽不過真係覺得好唔抵唔想再叫寧願出去再食好過總括黎講 佢唔係難食因為火鍋係冇可能難食！！但真係一啲都唔值囉！！建議大家想打邊爐可以揀過第間

新店開幕，趁火鍋材料做緊七折，行完花市就同家人過來一試。時值七點，可能新開人不多，所以不需等位便直接入座。一入內便看見一對貓咪為主角的壁畫，配上燈籠，很靚很用心。坐下後見到牆壁上也有一副對聯，意思大致是要試這夫妻鍋，要先找伴侶。爐面則印上花飄十里，椒朋聚友。食火鍋還是一班人最好。我們點了鴛鴦鍋，一邊麻辣鍋，一邊美人鍋，麻辣鍋同樣有豆腐同鴨血，還附送多一碗。點了小辣不太辣，適合老人家同小孩。美人鍋當歸味重，雞件多，雞肉嫩滑，不錯👍🏼安格斯肥牛片新鮮，厚度適中，但牛肉味並不濃厚，亦沒有入口融化的口感，貨式普通，$198只得不夠十片，唔抵食。繁花似錦即是雜菜拼盤，菜尚算新鮮，擺放得精緻，但份量少。手工鮮蝦丸/墨魚丸，半分有四粒，所以我們每種叫了半分一試，兩種丸都大大粒，幾爽口，尚算不錯。扇貝一客四隻，尚算新鮮。桂花蚌份量又是出奇地少，$128實在唔抵食。以質素來說，這店尚算不俗，但價格高份量少，不抵食，幸好新張期間食材有七折，勉強接受。

有邊個食炒飯會落辣醬？食四季豆又要落辣醬？食魚餅又要落辣醬？真係剩係得呢一班同事個個都係食辣獸，我諗一樽辣椒漿只可以維持佢嘅生命大約一星期，就快連食糖水都落辣醬。知道旺角開咗呢一間夫妻沸片，仲要係台灣老字號，主打麻辣火鍋，新張期間仲要有半價優惠，我哋梗係唔執輸啦！新張優惠做到1月尾，要去佢facebook like個post。7點半前埋單或9點半後入座都可享有配料全部半價（唔包茶芥$20、飲品、鍋底）火鍋湯底其實總共有六個選擇，包括1)夫妻鍋-麻辣鍋 2)美人鍋- 養顏花膠鍋 3)暖男鍋 -人蔘藥膳鍋 4)閨蜜鍋-鮮茄海鮮鍋 5)兄弟鍋-酸菜白肉鍋 6)鴛鴦鍋-任意配搭夫妻鍋-麻辣鍋$188一片紅色，唔洗驚，花椒油黎遮台灣式既麻辣火鍋其實唔會特別辣，食湯底既香湯底有d豆腐(蜂巢式，唔怕老而且更吸味)同鴨血(煲左48小時，食落好煙un咁，無怪羶味，正)美人鍋- 養顏花膠鍋$198成班女人梗係叫呢個啦，有花膠又有雞件，夠曬補身！清清甜甜，可平衡番個麻辣鍋;)用電子pad點菜落單，海鮮、不同肉類、菜、丸、小食、台式飲品、甜品等都有得叫，選擇都算okay啦！價錢中上，好彩半價後好抵！團團丸丸$

新開張9:30後火鍋配料半價去到31/1/2019環境好 有特色既裝潢 服務好 有人介紹有咩推介 食物質素好 雞件滑 班片好大塊賣相好 豬肉片整成花麻辣湯底配料多 有超多豆腐 鴨血足料 足味 唔係只有味精 性價比高 有茶飲 不限時 可以慢慢坐 慢慢食值得一試

呢間夫妻沸片真係好正~啱啱先開張! 佢係第一間喺台灣開過嚟香港嘅。。。 雖然價錢係有啲貴 ，但係如果喺5 :30入席7 :30 結帳/9:30後入席 都會有半價優惠喔！ 既然係台灣，咁裏面梗係有正宗台灣野食😋😋 先講佢嘅湯底 聽店員講佢哋嘅麻辣湯喺用咗唔同材料煲嘅 煲咗唔知24定48個鐘啦( 小編掛住食所以冇聽得咁仔細😂😂) 出嚟嘅麻辣湯真心好正 🤩唔食得辣嘅話都唔緊要 我係叫左個鴛鴦湯 所以我試埋佢哋嘅人參雞湯，d 雞好滑 仲有其他湯底 好多都係好補嘅😂 再嚟就係點少得嘅珍珠奶茶~佢嘅茶味好足 唔係而家成日出街飲嗰啲咁重奶味， 佢有分鐵觀音同埋烏龍茶味👍👍 我同媽咪飲完仲話下次經過要特登嚟買杯😂😂😂 不過唔知有冇外賣🙈 另外 ，佢嘅牛啦羊啦都好好食，唔韌😎 個牛仲要係半肥瘦🐄🐄d丸都唔差~ 尤其係芋泥丸，鍾意食芋頭嘅就要嚟試下啦😏😏 最後最後就係裏面嘅員工老闆都好nice~ 個個都面帶笑容， 仲有一兩個把聲好好聽，一開頭以為係做dj既， 所以我先寫「開心又一餐」😍

今日同一班打波隊友食打邊爐，行過見到新開火鍋店就入去試下啦。我係平日晚上大約6:30到入座，不用等位，直接入得。入到去裝修好有特色，天花吊著紅黃色的燈籠。每幅牆上，都有一些有意思的句子。餐廳位置在地底，所以電話係收得較差，但餐廳有WiFi 提供。講下大家最關心的食物喇。火鍋店主打夫妻肺片麻辣湯底，另外有酸菜魚湯底，美人湯底等等。我地就叫左夫妻肺片麻辣湯底（小辣）加美人湯底雙拼。麻辣湯入面有豆腐，鴨血等等。美人湯入面有花膠，雞件等等。配料選擇個人覺得不太多，但質素不錯。我最鐘意個芋泥丸👍🏻👍🏻真心正，丸中間包住好多芋泥，好滿足。另外就係黃金炸魚皮，原來係鹹蛋炸魚皮，新鮮炸，所以都香口。至於肥牛就覺得正常，無特別。由於呢間火鍋店係茶木旗下，所以飲品都有珍珠奶茶個d，而我地就叫左竹蔗茅根同芭樂汁（即番石榴汁）值得點名推介一定係呢個番石榴汁，好好味，唔係平時水加糖個d ，係好有誠意既果汁，好似新鮮搾出來的❤️當天是新開張期間like Facebook IG 可以以優惠價換購鮑魚，扇貝，龍蝦（其中兩款），亦有7折優惠。💡經理非常熱情介紹佢地既野食，其他侍應態度不錯，但當中亦有需要改善地方，個日我地